བློ་དགའ་རང་བཙན་ལགས་ཀྱིས་རང་ལུས་མེར་བསྲེགས་ཀྱི་ལས་འགུལ་སྤེལ་བའི་རྗེས། འཛམ་གླིང་ས་ཕྱོཊ་གང་སར་བོད་མི་འདུ་སྡོད་ས་ཁུལ་ཁག་ཏུ་འདུ་འཛོམས་ཀྱིས་རྔམ་སྟོན་སྐད་འབོད་བྱེད་བཞིན་པ་དང་། ཨ་རིའི་ནིའུ་ཡོག་གི་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་ལས་ཁུངས་མདུན་དུ་བློ་དགའ་རང་བཙན་ལགས་ཀྱིས་རང་ལུས་མེར་བསྲེགས་གནང་སའི་ས་ཚིགས་སུ་བོད་མི་ཚོ་རྒྱུན་མི་ཆད་པར་འདུ་འཛོམས་ཀྱིས་རྔམ་སྟོན་སྐད་འབོད་དང་། སྨོན་ལམ་གསུང་འདོན། མར་མེའི་མཆོད་འབུལ་གནང་བཞིན་ཡོད་ཅིང་། བོད་མི་ཙམ་མ་ཟད། རྒྱ་མི་རིགས་ཁག་ཅིག་ཀྱང་འདུ་འཛོམས་ཀྱིས་བློ་དགའ་ལགས་ཀྱིས་རང་ལུས་མེར་བསྲེགས་ཀྱི་བློས་གཏོང་ལས་འགུལ་སྤེལ་བར་རྒྱབ་སྐྱོར་གྱི་རྣམ་པ་བསྟན་མཁན་བྱུང་བཞིན་འདུག མཉམ་འབྲེལ་རྒྱལ་ཚོགས་ཀྱི་མདུན་དུ་བོད་མིའི་རང་ལུས་མེར་བསྲེགས་ཀྱི་བྱུང་བ། ཟླ་ ༧ ཚེས་ ༢ ཉིན་ཨ་རིའི་ནིའུ་ཡོག་གྲོང་ཁྱེར་དུ་རྟེན་གཞི་བྱས་པའི་འཛམ་གླིང་མཉམ་འ...

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་འདི་ལོ་ཕྱི་ལུགས་ལྟར་དགུང་གྲངས་ ༩༡ ལ་ཕེབས་པའི་༧སྐུའི་འཁྲུངས་སྐར་འདི་བཞིན་ལ་དྭགས་སུ་གཞུང་འབྲེལ་གྱི་མཛད་སྒོ་སྲུང་བརྩི་ཞུ་གི་ཡོད་ཅིང་། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དབུ་བཞུགས་ཐོག་ལ་བྱམས་བརྩེའི་ལོའི་མཇུག་བསྡོམས་ཀྱི་མཛད་སྒོ་གོ་སྒྲིག་ཞུས་ཡོད་པ་རེད། སྲིད་སྐྱོང་མཆོག་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་བརྒྱུད་བོད་གཞིས་བྱེས་གཉིས་ཀྱི་མི་མང་གི་ཚབ་ཞུས་ཏེ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་འཚམས་འདྲི་ཞུས་ཤིང་། སྐུ་ཚེ་ཞབས་པད་བརྟན་པའི་སྨོན་འདུན་ཞུས་ཡོད་པ་རེད། ༧གོང་ས་༧སྐྱབས་མགོན་ཆེན་པོ་མཆོག་༧སྐུ་ཚེ་ཞབས་པད་བརྟན་པའི་སྨོན་ལམ་ཞུས་པ། བོད་མི་...

བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་སྐད་ཡིག་དང་རིག་གཞུང་གནས་ན་མི་རིགས་གསོན་པོར་གནས་ཐུབ་པས་བོད་ཀྱིི་སྐད་ཡིག་དང་རིག་གཞུང་མི་ཉམས་རྒྱུན་འཛིན་བྱ་རྒྱུ་གལ་ཆེན་ཡིན་སྐོར་གསུངས་སོང་། The post རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་བཞི་པ་མཇུག་སྒྲིལ་སོང་། appeared first on བོད་ཀྱི་དུས་བབ།.

༢༠༢༦/༠༧/༠༢ རེས་གཟའ་ལྷག་པ།བྷེལ་ཇམ་ནང་ཚ་བ་ཆེ་བའི་སྐབས་ཤིག་ཡིན་པས། ཞོགས་པ་མལ་ལས་ལངས་པ་དང་སྐར་ཁུང་ཕྱེ། ཞོགས་པའི་བསིལ་ཞིང་འཇམ་པའི་རླུང་བུ་དང་། དྭངས་གཙང་གི་མཁའ་དབུགས་ལ་རོལ། རིམ་པས་ཁྲུས་ལ་ཞུགས་རྗེས་ཉིན་རེའི་གསོལ་འདེབས་སྨོན་ལམ་གྱི་ཁ་འདོན་རྣམས་བགྱིས། སྨན་ཡང་བཏུང་། ལས་གར་འགྲོ་བར་ལྟ་གོན་རྣམས་ཀྱང་བསྒྲུབས།ལས་ཀར་མ་སོང་པའི་སྔོན་ལ་ཁ་པར་ལ་གཅིག་བལྟས་པས། ངོ་དེབ་ཐོག་ནས་རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་བོད་རྒྱལ་ཁབ་དང་མི་རིགས་ཀྱི་ཆེད་དུ་རང་ལུས་མེ་སྲེག་བཏང་འདུག་ཅེས། The post བོད་རང་བཙན་རྒྱལ་ལོ། appeared first on བོད་ཀྱི་བང་ཆེན།.

བོད་དོན་ཁྲིམས་ཡིག་འདོན་མཁན་དང་རྒྱ་ནག་ཐད་ཀྱི་ལས་དོན་ཚོགས་ཆུང་ཁག་ནང་རྒྱུན་རིང་ཕྱག་ལས་གནང་མྱོང་མཁན་གྱི་འཐུས་མི་ཡིན་པ/

བཙན་བཀག་གི་གླུ་གཞས་དགོང་ཚོགས་འཚོགས་ཏེ་བོད་ནང་གི་སྒྱུ་རྩལ་བ་རྣམས་ལ་བཙན་བྱོལ་ནང་ནས་གདུང་སེམས་མཉམ་སྐྱེད་དང་རྗེས་དྲན་ཞུས་སོང་། དགོང་ཚོགས་འདིས་རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ལ་རྒོལ་ལེན་གྱི་དགོང་ཚོགས་ཤིག་ཀྱང་ཡིན་ཞེས་གསུངས་བྱུང་། བོད་རང་བཙན་སློབ་ཕྲུག་ཚོགས་པས་བཙན་བཀག་གི་གླུ་གཞས་དགོང་ཚོགས་ཞེས་རྒྱ་ནག་གཞུང་གི་བཙན་གནོན་འོག་ཏུ་༧གོང་ས་༧སྐྱབས་མགོན་ཆེན་པོ་མཆོག་ལ་བསྟོད་གླུ་དང་། རྒྱ་ནག་གཞུང་གི་བཙན་འོག་ཏུ་བོད་ནང་གི་དངོས་ཡོད་གནས་སྟངས། དེ་བཞིན་བོད་ཀྱི་ཁོར་ཡུག་སོགས་དང་འབྲེལ་བའི་གླུ་གཞས་བླངས་མྱོང་མཁན་བོད་ཀྱི་གླུ་བ་གྲགས་ཅན་རྣམས་རྗེས་དྲན་ཞུས་སོང་། མ་ཟད་བཙན་བཀག་ཞེས་པའི་དགོང་ཚོགས་འདིས་ཉེ་ལམ་རྒྱ་ནག་གཞུང་གིས་ལག་བསྟར་འགོ་འཛུགས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ལ་རྒོལ་ལེན་གྱི་དགོང་ཚོགས་ཤིག་ཀྱང་ཡིན་ཞ...

རྩོམ་ཁུངས། བོད་ཀྱི་དུས་བབ། རྩོམ་པ་པོ། ཕན་ཐོགས། བོད་ཀྱི་སྲིད་བྱུས་ཉམས་ཞིབ་ཁང་།  ཕྱི་ལོ་ ༢༠༢༦ ཟླ་ ༧ ཚེས་ ༣ ཉིན། བཙན་བྱོལ་བོད་མི་བློ་དགའ་རང་བཙན་ལགས་ཀྱིས་ནེའུ་ཡོག་མཉམ་འབྲེལ་རྒྱལ་ཚོགས་ཀྱི་ཚོགས་ཁང་ཆེན་མོའི་མདུན་དུ་སྐུ་ལུས་མེར་བསྲེགས་བཏང་ཡོད། བློ་དགའ་རང་བཙན་ལགས་ཀྱིས་སྐུ་ལུས་མེར་བསྲེགས་གཏང་བའི་དུས་ཚོད་ནི། རྒྱ་ནག་གིས་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་བཅའ་ཁྲིམས་》ཟེར་བའི་ཁྲིམས་དེ་དངོས་སུ་ལག་བསྟར་བྱས་པའི་ཉིན་གཉིས་པ་དེ་ཡིན་ཞིང་། ཁོང་གིས་ “བོད་རང་བཙན་” དང་ “རྒྱ་མི་བོད་ནས་ཕྱིར་འབུད་གཏོང་དགོས་” ཞེས་སྐད་འབོད་བྱས་ཏེ། རྒྱ་ནག་གཞུང་གིས་བོད་ནང་འཛིན་པའི་དྲག་གནོན་དབང་སྒྱུར་ལ་ངོ་རྒོལ་གནང་ཡོད།  ཕྱི་ལོ་ ༢༠༢༦ ཟླ་ ༧ ཚེས་ ༣ ཉིན། ཨ་རིའི་ཚེས་ ༢ ཀྱི་ཕྱི་དྲོ་ཆུ་ཚོད་ ༦ ཙམ་ལ། ས་གནས་དེའི་ནང་གནས་སྡོད་བཙན་བྱོལ་བོད་མི་བློ་དགའ་རང་བཙན་ (Lobga Rangzan) ལགས་ཀྱིས་ནེའུ་ཡོག་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་ལས་ཁུངས་ཀྱི་མདུན་དུ་སྐུ་ལུས་མེར་བསྲེགས་བཏང་རྗེས། ས་གནས་ཉེན་རྟོག་པས་ཁོང་སྨན་ཁང་དུ་སྐྱེལ་ཏེ་མྱུར་སྐྱོབ་བྱས་ཀྱང་། མ་ཕན་པར་འདས་གྲོངས་སུ་ཕྱིན་པའི་གནས་ཚུལ་བྱུང་ཡོད།...

ཨོ་གླིང་གི་གྲོས་ཚོགས་འཐུས་མི་ལྔ་ཡིས་རྒྱ་ནག་གཞུང་གིས་བོད་ནང་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་བཅའ་ཁྲིམས་ཟེར་བ་ཞིག་ལག་བསྟར་གྱིས་བོད་མིའི་ངོ་བ་རྩ་མེད་གཏོང་ཐབས་བྱེད་ཀྱིན་ཡོད་པར་སྐྱོན་བརྗོད་གནང་།  The post ཨོ་གླིང་གྲོས་ཚོགས་འཐུས་རྣམས་ཀྱིས་རྒྱ་ནག་གི་ཁྲིམས་གསར་པར་སྐྱོན་བརྗོད་གནང་།  appeared first on བོད་ཀྱི་དུས་བབ།.

ཉེ་ཆར་བོད་རང་འཐབ་རྩོད་པ་རང་བཙན་བློ་དགས་འཛམ་གླིང་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་བོད་མི་རིགས་དང་རྒྱལ་ཁབ་ཀྱི་ཆེད་དུ་སྐུ་ལུས་མེར་སྲེག་བཏང་ཡོད་པ་བརྟེན། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས་རང་བཙན་བློ་དགས་སྐུ་ལུས་མེར་སྲེག་བཏང་བ་དང་འབྲེལ་ནས་གཞུང་འབྲེལ་བསྒྲགས་གཏམ་ཞིག་སྤེལ་འདུག The post སྲིད་སྐྱོང་སྤེན་པ་ཚེ་རིང་གིས་རང་ལུས་མེར་སྲེག་གནང་བའི་ཐད་གཞུང་འབྲེལ་བསྒྲགས་གཏམ་སྤེལ་བ། appeared first on བོད་ཀྱི་བང་ཆེན།.

རྩོམ་ཁུངས། བོད་ཀྱི་དུས་བབ། རྩོམ་པ་པོ། ལྷོ་གོ་ཆ། རྣམ་གྲོལ་གླིང་། ཡོད་ཚད་གང་ཞིག་གི་རླུང་ཁར་ཟད་བཞིན་པའི་དེ་རིང་། འཆར་གཞི་དང་གྲ་སྒྲིག་ལྡན་པའི་གོ་རིམ་ཁྲོད། ཆེས་མཐའ་མའི་དབུགས་ལྷག་མ་དེ་ཡང་། སུ་ཞིག་ཆེད་ཏུ་བཏང་བ་ང་ཚོའི་བརྗེད་མི་སྲིད་ལ། ལོ་རྒྱུས་ཀྱིས་དེ་ལས་ཀྱང་བརྗེད་ག་ལ་སྲིད། ཁ་ཆེམས་དང་དམིགས་ཡུལ། ཚེ་སྲོག་དང་རེ་བ། རིགས་ཞེན་དང་བློས་བཏང་། དྲག་ཏུ་འབར་བའི་མེ་ལྕེ་དེས། འཛམ་གླིང་ཧྲིལ་བོ་དལ་ཅིག་ཏུ་བསྒུལ་བ་ནི། ཁྱེད་ཀྱི་ཞིམ་པ་མེད་པའི་དཔའ་ངར་དང་། རིགས་ཀྱི་སོན་རྩ་དག་ལ་སད་སྐུལ་གྱི་མིག་དཔེ་ཡིན། BBC,CNN,New York Times, WION ཡོད་ཚད་འདས་དོན་ལ་ཕྱོགས་ཟིན་པའི་དེ་རིང་། གཉའ་གནོན་དང་བརྙས་བཅོས་ལ་མགོ་བོ་མི་སྒུལ་བའི། ཕ་མེས་དབོན་བཙན་པོའི་རང་གཤིས་དེ། འཛམ་གླིང་གི་ནུབ་མཐའ་ནས་ལོ་རྒྱུས་ལ་བདེན་དཔང་བྱས། ཁྱེད་དང་ཁྱེད་ལྟ་བུའི་དཔའ་བོ་དག་བཞུད་ཤུལ་ན། རིགས་ཞེན་གྱི་མེ་ལྕེ་ཡོད་ལ། རིགས་གཞུང་གི་རྒྱལ་མཚན་ཡང་ཡོད། ད་དུང་། ཁྱེད་བཞུད་ཤུལ་ན་ང་ཚོའི་བསྔོ་སྨོན་ཡོད་ལ། ཁྱེད་བཞུད་ཤུལ་དུ་ཁྱེད་ཀྱི་ཁ་ཆེམས་ལྷག་ཡོད། ཁྱེད་བཞུད་ཤུལ་ན་ང་ཚོའི་ཆིག་སྒྲིལ་ཡོད་ལ། ཁྱེད་བཞུད་ཤུལ་ཁྱེད་ཀྱི་དཔའ་རྟུལ་ལུས་ཡོད། ཁྱེད་བཞུད་ཤུལ་ན་ང་ཚོའི་ངར་ཤུགས་ཡོད་ལ། ཁྱེད་བཞུད་ཤུལ་ན་ཁྱེད་ཀྱི་རེ་བ་ལྷག་ཡོད། ཁྱེད་བཞུད་ཤུལ་ན་ང་ཚོའི་སྐྱེལ་མ་ཡོད་ལ། ཁྱེད་བཞུད་ཤུལ་ན་ཁྱེད་ཀྱི་རྣམ་ཤེས་ལུས་ཡོད། ཁྱེད་བཞུད་ཤུལ་ན་ང་ཚོའི་ང་རྒྱལ་ཡོད་ལ། ཁྱེད་བཞུད་ཤུལ་ན་ཁྱེད་ཀྱི་སྒལ་ཚིགས་ལྷག་ཡོད།...

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༢ ཉིན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༦༢ ཐོག་ཨིན་ཡུལ་དང་། ཁེ་ན་ཌ། ཨོ་གླིང་། ཅེཀ་སྤྱི་མཐུན་རྒྱལ་ཁབ་བཅས་ནས་བོད་དང་། ཤར་ཏུར་ཀིསྟན། ཧོང་ཀོང་བཅས་ཀྱི་འགྲོ་བ་མིའི་ཐོབ་ཐང་གི་གནས་སྟངས་ཐོག་ཐུགས་འཚབ་བསྟན་ཡོད་པ་དང་། མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་གསར་དེས་བཙན་ཤེད་ཀྱི་མི་རིགས་མཉམ་འདྲེས་གཏོང་རྒྱུའི་ལག་ཆ་ཞིག་ཏུ་འགྱུར་སྲིད་པ་དང་། གྲངས་ཉུང་མི་རིགས་ཀྱི་ཐོབ་ཐང་ལ་དམ་བསྒྲགས་བྱེད་ཤུགས་ཆེ་རུ་གཏོང་རྒྱུ་ཡིན་པའི་ཉེན་བརྡ་བཏང་ཡོད། ཨིན་ཡུལ། ཨིན་ཡུལ་ནས་མཉམ་འབྲེལ་རྒྱལ་ཚོགས་ཀྱི་་འགྲོ་བ་མིའི་ཐོབ་ཐང་ལྷན་ཚོགས་ཀྱིས་ཤར་ཏུར་ཀིསྟན་ཐོག་དཔྱད་ཞིབ་ཀྱིས་གནས་ཚུལ་འདོན་སྤེལ་གནང་ནས་ལོ་བཞི་འཁོར་ཡོད་ནའང་། རྒྱ་ནག་གཞུང་གིས་ད་ལྟའང་ལམ་སྟོན་དེ་དག་ལག་བསྟར་བྱེད་མེད་པ་དང་། བོད་དང་ཤར་ཏུར་ཀིསྟན་ནང་མུ་མཐུད་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པ་དང་། མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་དེས་གྲངས་ཉུང་མི་རིགས་ཀྱི་ཐོབ་ཐང་ཐོག་བསྐྲུན་བཞིན་པའི་ཤུགས་རྐྱེན་ཐད་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱིས་དཔྱད་ཞིབ་གནང་རྒྱུའི་འབད་བརྩོན་ལ་རྒྱབ་སྐྱོར་ཡོད་པ་བརྗོད་ཡོད། ཁེ་ན་ཌ། ཁེ་ན་ཌ་ནས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བར་ཐུགས་འཚབ་བསྟན་པ་དང་སྦྲགས། གྲངས་ཉུང་མི་རིགས་ཀྱི་གཞི་རྩའི་འགྲོ་བ་མིའི་ཐོབ་ཐང་ལ་བརྩི་མཐོང་བྱེད་དགོས་པའི་འབོད་སྐུལ་ཞུས་ཡོད། ཨོ་སྟྲེ་ལི་ཡཱ། ཨོ་གླིང་ནས་བོད་དང་ཤར་ཏུར་ཀིསྟན། དེ་བཞིན་ཧོང་ཀོང་ནང་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པ་དག་ལ་ཐུགས་འཚབ་ཡོད་པ་བསྐྱར་ནན་གནང་བ་དང་། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་བརྒྱུད་འགྲོ་བ་མིའི་ཐོབ་ཐང་ལ་ཐེབས་སྲིད་པའི་ཤུགས་རྐྱེན་ཁག་གསལ་སྟོན་དང་། ཕྱི་ལོ་ ༢༠༢༥ ནང་གོ་ལ་ཁྱོན་ཡོངས་སུ་སྲོག་ཐོག་གཏོང་བའི་གྲངས་འབོར་བརྒྱ་ཆ་ ༧༨ འཕར་ཡོད་པའི་སྙན་ཐོ་ལུང་འདྲེན་གྱིས། རྒྱལ་ཁབ་ཁག་ནས་སྲོག་ཐོག་གི་ཉེས་ཆད་མེད་པ་བཟོ་དགོས་པའི་འབོད་སྐུལ་ཞུས་ཡོད། ཅེཀ་སྤྱི་མཐུན་རྒྱལ་ཁབ། ཅེཀ་སྤྱི་མཐུན་རྒྱལ་ཁབ་ཀྱིས་བོད་དང་ཤར་ཏུར་ཀིསྟན། ཧོང་ཀོང་བཅས་ཀྱི་ནང་འགྲོ་བ་མའི་ཐོང་ཐང་གི་གནས་སྟངས་ཐད་ཐུགས་འཚབ་བསྟན་པ་དང་སྦྲགས། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་དེས་སྔར་ལྷག་རྒྱ་ནག་ནང་གི་གྲངས་ཉུང་མི་རིགས་རྣམས་བཙན་གྱིས་རྒྱ་སྒྱུར་བྱེད་པར་མཐུན་རྐྱེན་སྦྱོར་སྲིད་པས་ཐུགས་འཚབ་སྐྱེ་གཞི་ཞིག་ཆགས་ཡོད་པ་འགྲེལ་བརྗོད་གནང་ཡོད།...

༄༅། །ཨོ་གླིང་གྲོས་ཚོགས་འཐུས་མི་ཁག་གཅིག་གི་ཐེངས་ ༤༨ གྲོས་ཚོགས་སུ་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཟེར་བའི་ཁྲིམས་གསར་དང་། རྒྱ་ནག་གཞུང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ངོས་འཛིན་བྱེད་ཕྱོགས་ལ་ཐེ་བྱུས་བྱེད་བཞིན་པར་སྐྱོན་བརྗོད་ཤུགས་ཆེ་གནང་ཡོད། དེ་ཡང་ཨོ་གླིང་གྲོས་ཚོགས་འཐུས་མི་ཨན་ཌི་རེའོ་ཝིལ་ཀི་ (Andrew Wilkie) ལགས་ཀྱིས་ཁྲིམས་ཡིག་འདིའི་དམིགས་ཡུལ་ནི་བོད་མི་དང་མི་རིགས་གཞན་རྣམས་རྒྱལ་ཁབ་གཅིག་གི་ངོ་བོར་སིམ་སྒྱུར་བྱེད་ཤུགས་ཆེ་རུ་གཏོང་རྒྱུ་དེ་ཡིིན་པ་དང་། བྱ་ཐབས་འདི་ནི་རིག་གཞུང་རྩ་བརླག་ཏུ་གཏོང་བ་དང་། དེ་བཞིན་རྒྱལ་ཁབ་ཕྱི་རོལ་དུ་དབང་ཤུགས་དང་རྒྱལ་མཚམས་ལས་བརྒལ་བའི་དྲག་གནོན་བཅས་ཡིན་པ་འགྲེལ་བརྗོད་གནང་ཡོད། ཁོང་གིས་ཨོ་གླིང་གཞུང་ནས་རྒྱ་ནག་དང་ཡོད་པའི་འབྲེལ་བ་དེ་བོད་མིའི་གཞི་རྩའི་འགྲོ་བ་མིའི་ཐོབ་ཐང་དང་རིག་གཞུང་སྲུང་སྐྱོབ་བྱ་རྒྱུ་ལས་གཙིགས་ཆེ་བར་མི་བརྩི་བའི་རེ་སྐུལ་གནང་ཡོད། གྲོས་ཚོགས་འཐུས་མི་ཨན་ཌི་རེའོ་ཝ་ལེ་སི་ (Andrew Wallace) ལགས་ཀྱིས་ད་ལྟ་བོད་ནང་མཐོང་བཞིན་པ་ནི་ངོ་ཚ་དགོས་པ་ཞིག་ཡིན་པ་དང་། ང་ཚོས་བྱིས་པ་རྣམས་བཙན་གྱིས་སོ་སོའི་ཁྱིམ་ཚང་དང་ཁ་བྲལ་དུ་གཏོང་བཞིན་པ་མཐོང་གི་ཡོད་ལ། ཁོང་ཚོའི་རིག་གཞུང་གི་ངོ་བོ་བརླག་བཞིན་ཡོད། གཞི་རྩའི་ཆ་ནས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བྱིས་པ་དེ་དག་ལ་བསྐྱར་དུ་སློབ་གསོ་སྤྲོད་ཐབས་བྱེད་བཞིན་ཡོད་པ་དང་། དོན་དངོས་ཐོག་བྱིས་པ་རྣམས་སོ་སོའི་ནང་མི་དང་ཁ་བྲལ་དུ་བཏང་སྟེ་རང་གི་ཐུན་མོང་མ་ཡིན་པའི་སྐད་དང་རིག་གཞུང་བརླག་ཏུ་འཇུག་བཞིན་ཡོད་པ་མ་ཟད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་འདོད་མོས་དང་མཐུན་པའི་ལམ་ནས་བསྐྱར་དུ་སློབ་གསོ་སྤྲོད་བཞིན་ཡོད་ཅེས་གསུངས། ཨོ་གླིང་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཟུང་སྦྲེལ་ཚོགས་གཙོ་སུ་སན་ཊེམ་པལ་མན་ (Susan Templeman) ལགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགའ་ལྡན་ཕོ་བྲང་རྒྱུན་མཐུད་གནས་ངེས་ཡིན་པ་དང་། མགོན་པོ་གང་ཉིད་མཆོག་གི་ཡང་སྲིད་ངོས་འཛིན་གྱི་བྱེད་སྒོའི་འགན་ཁུར་གཙོ་བོ་ཏཱ་ལའི་བླ་མའི་བླ་བྲང་དགའ་ལྡན་ཕོ་བྲང་ཡིད་ཆེས་དགེ་རྩའི་དབང་ལྡན་འགན་འཛིན་རྣམས་ལ་ཡོད་པ་ལས། གཞན་སུས་ཀྱང་ཐེ་བྱུས་མི་ཆོག་པའི་སྐོར་གསལ་བསྒྲགས་བསྐྱངས་ཡོད་སྐོར་གསུངས་པ་དང་། ཨོ་གླིང་གཞུང་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ངོས་འཛིན་ཚུད་པའི་ཆོས་ཕྱོགས་ཀྱི་དབུ་ཁྲིད་འདེམས་སྒྲུག་ཐད་སྲིད་གཞུང་གཞན་ནས་ཐེ་བྱུས་བྱེད་དབང་མེད་པའི་ལངས་ཕྱོགས་བསྐྱར་ནན་གནང་ཡོད། གྲོས་ཚོགས་འཐུས་མི་ཌེ་ཝིཌ་སི་མིཊ་ (MP David Smith) ལགས་ཀྱིས་འདི་ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༡ བཞེས་ཀྱི་ཡོད་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ཀྱི་བདག་དབང་ཡོངས་རྫོགས་ཏཱ་ལའི་བླ་མའི་བླ་བྲང་དགའ་ལྡན་ཕོ་བྲང་ཡིད་ཆེས་དགེ་རྩའི་དབང་ལྡན་འགན་འཛིན་རྣམས་ལ་ཡོད་པ་དང་། གནད་དོན་དེའི་ཐོག་སྲིད་གཞུང་ངམ་སྒྲིག་འཛུགས་གང་འདྲ་ཞིག་ནས་ཐེ་བྱུས་བྱེད་པའི་དབང་ཚད་མེད་པ་ངོས་འཛིན་བྱ་རྒྱུ་ནི་གལ་གནད་ཆེན་པོ་ཡིན་པ་གསུངས་ཡོད།  གྲོས་ཚོགས་གོང་མའི་འཐུས་མི་བར་བ་ར་པོ་ཀོག་ (Barbara...

བློ་དགའ་རང་བཙན་ལཊ་ཀྱིས་རང་ལུས་མེར་བསྲེགས་མ་གནང་གོང་ལ་དྲ་རྒྱའི་སྟེང་ཐད་གཏོང་གིས་ཁ་ཆེམས་ཀྱི་ཚུལ་དུ་བཀའ་མོལ་གནང་པའི་བཙན་བྱོལ་བོད་མི་ཚོར་ཆིག་སྒྲིལ་བྱེད་དེ་བོད་རང་བཙན་གྱི་ཆེད་དུ་ལས་འགུལ་གནང་དགོས་པའི་འབོད་སྐུལ་དག་ལག་བསྟར་བྱེད་པར་འབད་རྒྱུ་ཡིན་པ་བོད་མི་ཚོས་གསུངས་པ། བཞུགས་སྒར་དང་ལ་དྭགས་སོགས་བོད་མི་གནས་ཡུལ་གང་སར་རྒྱ་ཆེའི་མར་མེ་ཁྲོམ་སྐོར་དང་རྔམ་སྟོན་འདུ་འཛོམས་ཀྱི་ལས་འགུལ་སྤེལ་བ། ཨ་རིའི་གྲོང་ཁྱེར་ནིའུ་ཡོག་ཏུ་ཡོད་པའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་དུ་བློ་དགའ་རང་བཙན་ལགས་ཀྱིས་རང་སྲེག་ངོ་རྒོལ་གནང་སྟེ་སྐུ་གཤེགས་པར་བཞུགས་སྒར་རྡ་རམ་ས་ལར་གཞུང་འབྲེལ་མ་ཡིན་པའི་ཚོགས་པ་ཁག་ཐུན་མོང་གིས་མར་མེ་ཁྲོམ་སྐོར་གོ་སྒྲིག་གནང་ཡོད་པ་རེད་ལ། མར་མེ་ཁྲོམ་སྐོར་འདིའི་ཐོག་གི་མཉམ་ཞུགས་པ་རྣམས་ཀྱིས་དམ་པ་ཁོང་གིས་ཁ་ཆེམས་ཀྱི་ཚུལ་དུ་ངོ་དེབ་ཐོག་བཀའ་མོལ་གནང་པའི་ནང...

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༢ ཉིན་ཨ་རིའི་གྲོང་ཁྱེར་ནེའུ་ཡོག་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་མདུན་དུ། བོད་མི་བློ་བཟང་དཔལ་ལྡན་ནམ་ཡོངས་གྲགས་སུ་རང་བཙན་བློ་དགའ་ཞེས་འབོད་པ་ཁོང་གིས་རང་ལུས་མེར་སྲེག་བཏང་སྟེ་སྐུ་སྲོག་ཤོར་བའི་ཡིད་སྐྱོའི་གནས་ཚུལ་ཐོས་པར་བློ་ཕམ་ཤིན་ཏུ་ཆེན་པོ་བྱུང་། དམ་པ་ ཁོང་གིས་རང་ལུས་མེར་སྲེག་མ་གནང་བའི་ཆུ་ཚོད་འགའི་གོང་དུ་བརྙན་ལམ་ནས་ཁ་ཆེམས་བཞག་འདུག་པའི་ནང་། རང་སྲོག་བློས་བཏང་གི་ལས་འགུལ་འདིའི་དམིགས་ཡུལ་མཐར་ཐུག་ནི་བོད་རྩ་དོན་ཆེད་དུ་ཡིན་པ་གསལ་སྟོན་གནང་འདུག ང་ཚོས་དམ་པ་དེ་ཉིད་ཀྱི་ཆོད་སེམས་ལ་ཆེ་བསྟོད་ཞུ་བཞིན་ཡོད་ནའང་། མིའི་ལུས་རྟེན་ནི་རིན་ཐང་ཅན་ཞིག་ཡིན་པས་བོད་མིའི་ཡུན་རིང་གི་འཐབ་རྩོད་ཆེད་གཅེས་སྲུང་བྱེད་དགོས་པ་དང་། བོད་མིའི་སྒྲིག་འཛུགས་ཀྱི་ཚབ་ཞུས་ཏེ་བོད་མི་རྣམས་ནས་སོ་སོའི་ཚེ་སྲོག་ལ་གཙིགས་ཚེར་འཛིན་དགོས་པའི་འབོད་སྐུལ་ཞུ་རྒྱུ་ཡིན། དེ་བཞིན་རང་བཙན་བློ་དགའ་ལགས་ཀྱིས་དེ་ལྟ་བུའི་ཐག་གཅོད་གནང་དགོས་པའི་དམིགས་ཡུལ་ནི། བོད་ནང་མི་རིགས་རྩ་མེད་གཏོང་བཞིན་པ་དང་། ཕྱི་ཟླ་ ༧ ཚེས་ ༡ ཉིན་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་ལག་བསྟར་བྱེད་རྒྱུའི་རྐྱེན་པས་ཡིན་པ་དང་། དེ་བཞིན་དམ་པ་ཁོང་ནི་རྒྱ་ནག་གི་དབང་བསྒྱུར་འོག་བོད་ནང་མི་རིགས་རྩ་མེད་གཏོང་བའི་སྲིད་བྱུས་ལག་བསྟར་བྱེད་བཞིན་པ་དག་རྒྱལ་སྤྱིའི་སྤྱི་ཚོགས་ནང་གོ་རྟོགས་སྤེལ་ཐབས་སླད་ད་བར་བོད་ནང་གི་བོད་མི་ ༡༥༧ ལྷག་ཙམ་ནས་བོད་བསྟན་སྲིད་མི་རིགས་ཀྱི་ཆེད་དུ་རང་ལུས་མེར་སྲེག་བཏང་མཁན་རྣམས་ཀྱི་གྲས་སུ་གྱུར་ཡོད། དཔལ་ལྡན་སྲིད་སྐྱོང་མཆོག་གིས་རང་བཙན་བློ་དགའ་ལགས་ཀྱི་ནང་མི་ཉེ་འབྲེལ་དང་བོད་མི་ཡོངས་ལ་ཐུགས་གསོ་གནང་བ་དང་སྦྲགས། བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ནས། རང་ལུས་མེར་སྲེག་བཏང་མཁན་རྣམས་ཀྱི་བློས་གཏོང་རྣམས་སེམས་ལ་བཞག་པའི་ཐོག ཆུད་ཟོས་སུ་མ་འགྲོ་ཆེད་ངལ་པ་ཁྱད་བསད་ཀྱིས་འབད་བརྩོན་ལྟོད་མེད་བྱེད་རྒྱུ་ཡིིན་པའི་དམ་བཅའ་བརྟན་པོ་བཞག་ཡོད།  མཐར་སྲིད་སྐྱོང་མཆོག་གིས་བཙན་བྱོལ་བོད་མི་དང་། རྒྱལ་སྤྱིའི་སྲིད་གཞུང་དང་འགྲོ་བ་མིའི་ཐོབ་ཐང་གི་ལས་ཁུངས་ཁག་ནས་བོད་ནང་གི་ཛ་དྲག་གི་གནས་སྟངས་ངོས་འཛིན་གྱིས་གཉན་འཕྲང་ཅན་གྱི་དུས་མཚམས་འདིར་བདེན་པའི་རྒྱབ་སྐྱོར་གནང་སྐྱོང་ཡོང་བའི་ཛ་དྲག་གི་འབོད་སྐུལ་ཞུས་ཡོད། །  

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་ཀྱིས། ནིའུ་ཡོག་ཏུ་བཅའ་བཞུགས་བློ་དགའ་རང་བཙན་(བློ་བཟང་དཔལ་ལྡན་)ལགས་ཀྱིསཨ་རིའི་གྲོང་ཁྱེར་ནིའུ་ཡོག་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་དུ་རྒྱ་ནག་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་གནང་བ་དང་འབྲེལ། བོད་ཕྱི་ནང་གཉིས་སུ་བོད་རྒྱལ་ཁབ་ཆེད་དུ་རང་སྲོག་བློས་གཏོང་གནང་བ་ལ་བརྟེན་ནས་ལམ་སེང་གྲུབ་འབྲས་ཐོན་མི་སྲིད་ཀྱང་། གཏན་གཏན་བློས་གཏོང་གནང་བའི་ནུས་པ་རྣམས་མུ་མཐུད་ལྷག་ངེས་དང་གྲུབ་འབྲས་ཐོན་ངེས་པའི་ཡིད་ཆེས་ཡོད་ཅིང་། བོད་ནང་དུ་ཁོང་གི་ཤུལ་ལུས་ནང་མི་ཡོད་པ་ཚོརཐུགས་གསོ་ཞུ་རྒྱུ་ཡིན་ཞེས་གསུངས་པ་དང་སྦྲགས། བོད་མིའི་སྒྲིག་འཛུགས་ཀྱི་ལངས་ཕྱོགས་ནི། བོད་མི་སུ་འདྲ་ཞིག་ཡིན་རུང་བོད་དོན་ལ་སེམས་འཁུར་ཡོད་མཁན་ཞིག་ཡིན་ན་ཚེ་རིང་ཙམ་བཞུགས་ཏེ་མུ་མཐུད་བོད་དོན་ཐད་ནུས་པ་སྤུངས་ཐུབ་རྒྱུའི་འབད་བརྩོན་གནང་དགོས་ལ། བོད་སྤྱི་པའ...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ཟླ་ ༧ ཚེས་ ༦ ཉིན་ལ་དྭགས་ཞི་བའི་ཚལ་གསུང་ཆོས་རྭ་བར་༸རྒྱལ་བའི་སྐུའི་འཁྲུངས་སྐར་གྱི་མཛད་སྒོའི་ཚོགས་མགོན་དུ་ཆིབས་བསྒྱུར་མཛད་གཏན་ཁེལ་འདུག རྩ་བའི་ཕྱི་ཟླ་ ༦ ཚེས་ ༨ ཉིན་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ཨེ་པོ་ལོ་སྨན་ཁང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཞབས་པུས་གཡོན་པ་དེ་གཤག་བཅོས་གནང་ཡོད་པ་དང་། དེའི་རྗེས་ཕྱི་ཚེས་ ༡༢ ཉིན་སྨན་ཁང་ནས་ཆིབས་ཐོན་མཛད་དེ་ལྡི་ལིའི་བོད་ཁྱིམ་དུ་༸སྐུའི་ཞབས་པུས་དྲག་སྐྱེད་སླད་དུ་སྐུ་བཞུགས་མཛད་ཡོད་ཅིང་། ཕྱི་ཚེས་ ༢༨ ཉིན་མཛད་འཆར་ལྟར་རྒྱལ་ས་ལྡི་ལི་ནས་ཆིབས་ཐོན་མཛད་དེ་ལ་དྭགས་ཞི་བའི་ཚལ་༸རྒྱལ་བའི་ཕོ་བྲང་དུ་ཞབས་སོར་བདེ་བར་འཁོད་དེ་སྐུ་ལྷོད་བཞུགས་མཛད་མུས་ཡིན་པ་རེད། ད་ལྟའི་ཆར་༸རྒྱལ་བའི་མཛད་འཆར་ཐུགས་གཏན་ཁེལ་བ་ནི་འདི་ཚེས་ ༦ ཉིན་ལ་དྭགས་ཞི་བའི་ཚལ་གསུང་ཆོས་རྭ་བར་ལ་དྭགས་ནང་ཚོགས་དང་དགོན་ཚོགས། དབུས་བོད་མིའི་སྒྲིག་འཛུགས་བཅས་ནས་གོ་སྒྲིག་ཞུ་རྒྱུའི་༸སྐུའི་འཁྲུངས་སྐར་དུས་ཆེན་གྱི་མཛད་སྒོའི་ཚོགས་མགོན་དུ་ཆིབས་བསྒྱུར་མཛད་རྒྱུ་ཡིན་པ་ལས་མཛད་འཆར་གཞན་མེད་པ་རེད་འདུག མ་ཟད་༸སྐུའི་འཁྲུངས་སྐར་དུས་ཆེན་གྱི་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག སྲིད་སྐྱོང་སྤེན་པ་ཚེ་རིང་མཆོག་སོགས་མང་གཙོ་ཀ་བ་གསུམ་གྱི་མཛད་གཙོ་རྣམ་པ་མཉམ་ཞུགས་གནང་གི་ཡོད་པ་རེད། The post ༸གོང་ས་མཆོག་༸སྐུའི་འཁྲུངས་སྐར་གྱི་མཛད་སྒོར་ཆིབས་བསྒྱུར་མཛད་གཏན་ཁེལ་བ། appeared first on vot.

རྒྱ་ནག་གིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཟེར་བ་དངོས་སུ་ལག་བསྟར་དང་འབྲེལ་རྒྱལ་སྤྱིའི་ས་ཕྱོགས་གང་སར་བོད་མི་དང་བོད་དོན་རྒྱབ་སྐྱོར་བས་རྣམ་པ་འདྲ་མིན་སྒོ་ནས་ལས་འགུལ་ཤུགས་ཆེ་སྤེལ་དང་སྤེལ་མུས་ཁྲོད། ཨ་རིའི་ནིའུ་ཡོག་གྲོང་ཁྱེར་དུ་གནས་བཞུགས་བོད་རང་བཙན་འཐབ་རྩོད་པ་བློ་དགའ་རང་བཙན་ལགས་ཀྱིས་ལུས་ལ་བོད་ཆས་སྤྲས་པ་དང་ཕྱག་ཏུ་བོད་ཀྱི་རྒྱལ་དར་བསྣམས་ཏེ་མཉམ་འབྲེལ་རྒྱལ་ཚོགས་ཀྱི་མདུན་དུ་རང་ལུས་མེར་བསྲེགས་བཏང་འདུག དེའང་ཡོང་གྲགས་སུ་བློ་དགའ་རང་བཙན་དང་དངོས་མིང་བློ་བཟང་དཔལ་ལྡན་ལགས་ཀྱིས་ངོ་དེབ་ཐོག་ཚོར་ཤུགས་ཆེན་པོའི་སྒོ་ནས་རྒྱ་ནག་གིས་བོད་ཐོག་འཛིན་པའི་དྲག་གནོན་གྱི་སྲིད་བྱུས་ལ་སྐྱོན་བརྗོད་ཤུགས་ཆེ་དང་།  བཙན་བྱོལ་བོད་མི་ཚོར་ཆོལ་གསུམ་ཆིག་སྒྲིལ་དང་། བོད་རང་བཙན་འཐབ་རྩོད་སླད་མཉམ་ལས་དགོས་པའི་སྐུལ་མ་འཁོད་པའི་བརྙན་ཐུང་ཞིག་འདོན་སྤེལ་གནང་བ་མ་ཟད། རྒྱ་གར་ནང་གི་དེ་རིང་སྔ་དྲོ་ཐོ་རེངས་དང་ཨ་རིའི་ནང་ཕྱི་ཚེས་ ༢ ཉིན་གྱི་ཕྱི་དྲོ་ཆུ་ཚོད་ ༥:༤༩ ཙམ་ལ་རྒྱལ་ཚོགས་ཀྱི་ལས་ཁུངས་མདུན་དུ་བོད་ཀྱི་རྒྱལ་དར་སྒྲེངས་འཛུགས་བྱས་པའི་ཐོག་རང་ཉིད་ཀྱི་སྐུ་ལུས་མེར་བསྲེགས་ཀྱིས་སྐར་ཆ་ ༤༠ ཙམ་གཡོ་འགུལ་མེད་པར་འགྲེང་ངེར་བཞེངས་བསྡད་རྗེས་ས་ལ་འགྱེལ་མ་ཐག་ཉེན་རྟོག་པས་མེ་གསོད་པ་ཐད་གཏོང་བརྒྱུད་མཇལ་རྒྱུ་འདུག་ཅིང་། ཉེན་རྟོག་པས་ཁོང་ Bellevue སྨན་ཁང་ལ་འཁྲིད་ཀྱང་ཆུ་ཚོད་ ༧ ཡོལ་ཙམ་ལ་དགོངས་པ་རྫོགས་འདུག ཨ་རིའི་ Philadelphia ནས་ཡིན་པའི་སྐུ་ཞབས་ཐུབ་བསྟན་ཆོས་ཉིད་ལགས་ནི་རྒྱུན་དུ་དམ་པ་དེ་ཉིད་དང་འབྲེལ་བ་ཟབ་མོ་ཡོད་མཁན་ཞིག་ཡིན་པ་དང་རང་ལུས་མེར་མཆོད་མ་ཕུལ་བའི་སྐར་མ་ལྔ་བཅུ་ཙམ་གྱི་གོང་དུ་དམ་པ་ཁོང་དང་ལྷན་དྲྭ་ལམ་བརྒྱུད་བཀའ་མོལ་གནང་འདུག འདི་ག་རླུང་འཕྲིན་ཁང་ནས་ཁོང་ལ་འབྲེལ་བ་ཞུ་སྐབས། ཁོང་གཙོས་པའི་ཕྱག་རོགས་དྲུག་སྐུ་ལུས་མེ་མཆོད་ཕུལ་ས་རྒྱལ་ཚོགས་མདུན་གྱི་ས་ཚིགས་དེ་རང་ཐོག་བཞུགས་ཏེ་མྱ་ངན་ཞུ་བཞིན་པ་རེད་འདུག བློ་དགའ་རང་བཙན་ལགས་ནི་བོད་ཁམས་དཀར་མཛེས་ཁུལ་གྱི་གྲོང་ཚོ་ཆུང་ཆུང་ཞིག་ནས་ཡིན་པ་དང་། ཆུང་དུ་རབ་ཏུ་བྱུང་རྗེས་ ༡༩༩༠ གོ་གྲངས་ནས་རྒྱ་གར་དུ་བཙན་བྱོལ་ལ་ཕེབས་ཏེ་ལྷོ་ཕྱོགས་དགའ་ལྡན་དགོན་པའི་ནང་ཆོས་བཞུགས་ཀྱིས། ཕྱི་ལོ་ ༢༠༠༦། ༢༠༠༧ ཙམ་ལ་ཨ་རིར་གནས་སྤོས་ཀྱིས་རྒྱུན་ལྡན་བོད་རང་བཙན་སླད་ལས་དོན་རིམ་པ་གཉེར་མཁན་ཞིག་ཡིན་པ་མ་ཟད། དགོངས་པ་མ་རྫོགས་གོང་དུ་བོད་རྒྱལ་ཡོངས་རང་བཙན་ལྷན་ཚོགས་ཀྱི་ཚོགས་གཙོའི་ཐུགས་འགན་བཞེས་བཞིན་པ་རེད་འདུག སྤྱིར་བློ་དགའ་རང་བཙན་ལགས་དམ་པ་དེ་ཉིད་ཀྱིས་སྐུ་ལུས་མེར་མཆོད་མ་ཕུལ་གོང་བརྙན་ཐུང་བརྒྱུད་ཞལ་འཆེམས་བཞག་པའི་ནང་བོད་ནང་གི་བོད་མི་ཚོར་གང་ཡང་ཞུ་རྒྱུ་མེད་པར་གཙོ་བོ་བཙན་བྱོལ་བོད་མི་རྣམས་ལ་ཆོལ་གསུམ་ཆིག་སྒྲིལ་སྒོ་ནས་བོད་རང་བཙན་སླད་མཉམ་ལས་དགོས་པའི་སྐུལ་མ་དང་། ལྷག་པར་རྒྱ་ནག་གཞུང་གིས་བོད་མི་རིགས་ཡོངས་སུ་རྫོགས་པར་ཆོལ་གསུམ་དབྱེར་མེད་ཀྱིས་དྲག་གནོན་བྱས་པ་དང་། ད་ལྟའི་ཆར་བོད་ནང་དཀའ་ངལ་མང་དག་ཅིག་འཕྲད་བཞིན་པ་ཆ་ཚང་བོད་རང་བཙན་ཤོར་བའི་རྒྱུ་མཚན་རྐྱེན་གྱིས་ཡིན་པ་ནན་སྐུལ་གནང་འདུག རྒྱལ་གཅེས་པ་དམ་པ་དེ་ཉིད་ཀྱིས་ད་དུང་རང་ལུས་མེར་བསྲེགས་ཀྱི་ལས་འགུལ་སྤེལ་བ་དེ་ཁོང་ལ་ཟ་རྒྱུ་འཐུང་རྒྱུ་མེད་པར་མ་ཡིན་པར་བོད་རྒྱལ་ཁབ་དོན་དུ་སྤེལ་གྱི་ཡོད་སྟབས། བོད་མི་རྣམས་ཀྱིས་ཁོང་གི་ལས་འགུལ་དེའི་རྐྱེན་པས་སླེབས་ལ་ཉེ་བའི་༸རྒྱལ་བའི་འཁྲུངས་སྐར་གྱི་དགའ་བསུ་དང་སྒོར་གཞས་སོགས་མཚམས་འཇོག་མ་བྱེད་པར་གཙོ་བོ་ཁོང་གི་བོད་རྒྱལ་ཁབ་དོན་དུ་བཅངས་བའི་རེ་སྐུལ་དེ་གྲུབ་སླད་མཉམ་ལས་དགོས་པའི་ཞུ་སྐུལ་གནང་འདུག སྤྱིར་ཕྱི་ལོ་ ༡༩༩༨ ལོར་རྒྱ་གར་གྱི་རྒྱལ་ས་ལྡི་ལིར་རྒྱལ་གཅེས་དཔའ་བོ་ཐུབ་བསྟན་དངོས་གྲུབ་ལགས་ཀྱིས་གཞོན་ནུའི་ཟས་བཅད་ངོ་རྒོལ་གྱི་ལས་འགུལ་ཁྲོད་རང་ལུས་མེར་བསྲེགས་ཀྱི་ལས་འགུལ་སྤེལ་རྗེས།...

༄༅། །ཨ་རིར་གནས་བཞུགས་རྒྱལ་གཅེས་པ་བློ་བཟང་དཔལ་ལྡན་ནམ་རང་བཙན་བློ་དགའ་ལགས་ཀྱིས་ཕྱི་ལོ་ ༢༠༢༦ ཟླ་བ་ ༧ ཚེས་ ༢ ཉིན་རྒྱ་ནག་གཞུང་གིས་བོད་མི་རིགས་རྩ་གཏོར་གྱི་སྲིད་བྱུས་དེར་མཐའ་གཅིག་ཏུ་ངོ་རྒོལ་མཚོན་ཆེད་ཨ་རིའི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་དུ་རང་ལུས་མེར་མཆོད་ཕུལ་ཏེ་སྐུ་སྲོག་ཤོར་བའི་ཡིད་སྐྱོའི་གནས་ཚུལ་ཐོན་པར་བོད་མིའི་སྒྲིག་འཛུགས་བཀའ་ཤག་ནས་ཆེས་བློ་ཕམ་ཐོག་མྱ་ངན་གུས་འདུད་ཞུ་རྒྱུ་དང་སྦྲགས། དམ་པ་དེ་ཉིད་ཀྱིས་ཚེ་རབས་ཕྲེང་བར་བྱས་བསགས་སྡིག་སྒྲིབ་རྣམས་བྱང་ཞིང་དག་ནས་མངོན་མཐོ་ངེས་ལེགས་ཀྱི་གོ་འཕང་མགྱོགས་ནས་མྱུར་དུ་ཐོབ་པའི་སྨོན་ལམ་གསོལ་འདེབས་ཞུ་སླད། ཕྱི་ལོ་ ༢༠༢༦ ཟླ་བ་ ༧ ཚེས་ ༣ ཉིན་གྱི་ཕྱི་དྲོ་ཆུ་ཚོད་ ༤ ཐོག་དྷ་ས་གངས་སྐྱིད་སྲིད་སྐྱོང་ཚོགས་ཁང་དུ་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་དབུས་ལྷན་ཁང་ཁག་གི་དྲུང་ཆེ་ཆུང་རྣམ་པ། དེ་བཞིན་སྲི་ཞུའི་ལས་བྱེད་བཅས་ཚང་འཛོམས་ཐོག་དཔལ་ལྡན་སྲིད་ཚབ་ཆོས་རིག་བཀའ་བློན་ཆུ་སྐྱ་སྒྲ་གཉིས་ཚེ་རྒྱལ་མཆོག་གིས་དམ་པ་ཁོང་གི་ལོ་རྒྱུས་སྒྲོགས་སྦྱང་གནང་རྗེས་བསྔོ་སྨོན་གསུང་འདོན་གནང་ཡོད།དམ་པ་ཁོང་ནི། ཕྱི་ལོ་ ༡༩༧༤ ལོར་ཁམས་དཀར་མཛེས་ཛ་སྨད་གཡུ་རུ་གྲོང་དུ་ཕ་བསོད་དགའ་དང་མ་རྡོ་རྗེ་ལྷ་མོ་གཉིས་སུ་སྐྱེས་ཤིང་། ཆུང་དུས་དཀར་མཛེས་ཁུལ་གྱི་དགོན་པ་ཞིག་ཏུ་ཆོས་ཞུགས་གནང་། དེ་ནས་ཕྱི་ལོ་ ༡༩༩༢ ལོར་བཙན་བྱོལ་དུ་ཕེབས་ནས་དགའ་ལྡན་བྱང་རྩེ་གྲྭ་ཚང་གི་ཏྲེ་ཧོར་ཁང་ཚན་ལ་སྒྲིག་ཞུགས་ཀྱིས་སློབ་གཉེར་གནང་། ཕྱི་ལོ་ ༢༠༠༦ ཙམ་ལ་ཨ་རིར་ཕེབས། ནིའུ་ཡོག་གཙོ་བོར་གྱུར་པའི་ས་གནས་ཁག་མང་པོའི་ནང་བོད་དོན་ལས་འགུལ་མང་པོའི་ནང་མཉམ་ཞུགས་གནང་འདུག   ཕྱི་ལོ་ ༢༠༢༦ ཟླ་བ་ ༧ ཚེས་ ༢ ཉིན་ཨ་རིའི་ཕྱི་དྲོ་ཆུ་ཚོད་ ༦།༣༠...

འདི་ལོར་རྒྱལ་ཁབ་ ༡༣ ནས་ཚོགས་བཅར་བ་ ༩༨ ཀྱིས་རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་བཞི་པར་མཉམ་ཞུགས་ཀྱིས་བོད་དོན་དང་། བོད་དོན་ཞུ་གཏུག་གི་ལས་འགུལ། བོད་ནང་གི་གནས་སྟངས་ཛ་དྲག་གི་གནས་སྟངས་སོགས་ཀྱི་ཐད་ལ་གོ་བསྡུར་གནང་གི་ཡོད་འདུག The post རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་བཞི་པ་དབུ་འཛུགས་གནང་། appeared first on བོད་ཀྱི་དུས་བབ།.

རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་བཞི་པ་འགོ་འཛུགས་གནང་སོང་བ་དང་། ཚོགས་ཆེན་དབུ་འབྱེད་ཀྱི་མཛད་སྒོའི་ཐོག་༸རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱིས་རང་ལུས་མེར་བསྲེགས་གནང་བར་མྱ་ངན་གུས་འདུད་དང་འབྲེལ། བོད་པའི་གཞོན་སྐྱེས་རྣམས་ཀྱིས་བོད་སྤྱི་པའི་རྩ་དོན་ཐོག་འབད་སྤུངས་གནང་དགོས་ཤིང་། སོ་སོའི་མི་རིགས་ཀྱི་སྐད་དང་རིག་གཞུང་རྒྱུན་འཛིན་ཐོག་ཡུལ་ལུང་སོ་སོའི་ནང་གི་ཆབ་སྲིད་དང་སྤྱི་ཚོགས་ཀྱི་ལས་དོན་ནང་མཉམ་ཞུགས་གནང་དགོས་རྒྱུའི་གལ་ཆེན་པོ་ཡིན་པ་ནན་བརྗོད་གནང་སོང་། དེ་ཡང་ཚོགས་ཆེན་འདི་བཞིན་དེ་རིང་ཕྱི་ཟླ་ ༧ ཚེས་ ༣ ནས་ ༥ བར་ཉིན་གྲངས་གསུམ་རིང་བཞུགས་སྒར་དུ་རྟེན་གཞི་བྱས་པའི་རྡ་ས་འཛིན་སྐྱོང་སྦྱོང་བརྡར་ཁང་དུ་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་གོ་སྒྲིག་འོག་འཚོག་བཞིན་ཡོད་ཅིང་། དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་འཇར་མ་ནཱི་གྲོས་ཚོགས་འཐུས་མི་ལས་ཁུངས་ཀྱི་འཇར་མ་ནཱི་དང་པཱོ་ལེནྜ་འབྲེལ་ལམ་གྱི་མཁས་པ་ Jonas Kolecki ཇོ་ནཱས་ཀོ་ལེག་ཀི་མཆོག་གིས་དབུས་པའི་སྲིད་སྐྱོང་དང་ཕྱི་དྲིལ་བཀའ་བློན་གཅིག་ལྕོགས་སྤེན་པ་ཚེ་རིང་མཆོག ཕྱི་དྲིལ་དྲུང་ཆེ་ཀརྨ་རིན་ཆེན་ལགས། དེ་བཞིན་གསུང་བཤད་པ་དང་ཟབ་ཁྲིད་པ། ཕྱི་དྲིལ་ལས་ཁུངས་ཀྱི་འབྲེལ་ཡོད་ལས་བྱེད། རྒྱལ་ཁབ་ཁག་ ༡༣ ནས་བོད་ཀྱི་གཞོན་སྐྱེས་ཚོགས་བཅར་བ་ ༩༨ མཉམ་ཞུགས་གནང་སོང་། དབུ་འབྱེད་མཛད་སྒོའི་ཐོག་ཁ་སང་ཨ་རིའི་ནིའུ་ཡོག་ནང་དུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་ཀྱི་མདུན་དུ་རྒྱལ་གཅེས་དཔའ་བོ་དམ་པ་བློ་དགའ་ལགས་ཀྱི་རང་ལུས་མེར་བསྲེགས་གནང་སྟེ། སྐུ་ཚེ་མ་ཟིན་པའི་གནས་ཚུལ་ཐོན་པར་སྐུ་མགྲོན་གཙོས་པའི་ཚོགས་བཅར་བ་ཡོངས་ནས་མྱ་ངན་གུས་འདུད་ཞུས་སོང་། སྐབས་དེར་སྲིད་སྐྱོང་མཆོག་གིས་དམ་པ་ཁོང་ལ་མྱ་ངན་གུས་འདུད་དང་འབྲེལ། ཚོགས་བཅར་བ་བོད་པའི་གཞོན་སྐྱེས་རྣམས་ལ་མ་འོངས་བོད་ཀྱི་འཐབ་རྩོད་མུ་མཐུད་གནས་ཐུབ་དང་མི་ཐུབ་ཅེས་པ་དེ་བོད་པའི་གཞོན་སྐྱེས་རྣམས་ལ་རག་ལུས་ཡོད་པ་ལས་གཞན་སུ་ལའང་རག་ལུས་ཀྱི་མེད་པ་དང་། བོད་མིའི་སྒྲིག་འཛུགས་བཀའ་ཤག་སྐབས་སོ་སོའི་བོད་པའི་གཞོན་སྐྱེས་རྣམས་ལ་དམིགས་ནས་ལས་དོན་རིམ་པ་གནང་བའི་ཁྲོད། བཀའ་ཤག་སྐབས་ ༡༦ སྔོན་ལ་ལྔ་དང་ལྔ་བཅུ་ཚོགས་ཆེན་གོ་སྒྲིག་གནང་ཡོད་པར་ཕན་ཐོགས་བྱུང་ཡོད་པ་གསུངས་སོང་། དེ་བཞིན་འགོ་ཁྲིད་ཆགས་པ་ལ་གནས་ཚུལ་ཤེས་རྟོགས་དགོས་རྒྱུ་གལ་ཆེན་པོ་ཡིན་ཞིང་། དེའི་ཁྲོད་ནས་སོ་སོ་རང་ཉིད་ཀྱི་གནས་སྟངས་དང་རྒྱབ་ལྗོངས་ཤེས་དགོས་པ་མ་ཟད། ཚོགས་ཆེན་འདི་གྲུབ་རྗེས་སོ་སོའི་ས་གནས་སུ་ཡོད་པའི་གྲོས་ཚོགས་འཐུས་མི་དང་གསར་འགོད་པ་སོགས་དང་འབྲེལ་བ་བཟོས་ནས་ནུས་པ་མཉམ་སྤུངས་ཐོག་བོད་དོན་ཞུ་གཏུག་གནང་རྒྱུའི་དམིགས་ཚད་བཟུང་དགོས་པའི་ལམ་སྟོན་གནང་སོང་།  དེ་བཞིན་སྐུ་མགྲོན་གཙོ་བོ་འཇར་མ་ནཱི་གྲོས་ཚོགས་འཐུས་མི་ལས་ཁུངས་ཀྱི་འཇར་མ་ནཱི་དང་པཱོ་ལེནྜ་འབྲེལ་ལམ་གྱི་མཁས་པ་ Jonas Kolecki ཇོ་ནཱས་ཀོ་ལེག་ཀི་མཆོག་གིས་གསུང་བཤད་གནང་བའི་ཁྲོད། བོད་པའི་གཞོན་སྐྱེས་རྣམས་ནས་ཡུལ་ལུང་སོ་སོའི་ཆབ་སྲིད་ཚོགས་པ་དང་སྒྲིག་འཛུགས་ཁག་ལ་ཞུ་གཏུགས་ཀྱིས་ལས་འགན་འཁུར་དགོས་པའི་འབོད་སྐུལ་དང་འབྲེལ།...

དེ་རིང་བློ་བཟང་དཔལ་ལྡན་ནམ་རང་བཙན་བློ་དགའ་ལགས་ཀྱིས་ཨ་རིའི་ནེའུ་ཡོག་གི་རྒྱལ་ཚོགས་ཀྱི་མདུན་ཐང་དུ་རང་ལུས་མེར་བསྲེགས་ནས་རྒྱ་ནག་གཞུང་གི་དྲག་གནོན་གྱི་སྲིད་ཇུས་ལ་ངོ་རྒོལ་གནང་། The post རང་བཙན་བློ་དགའ་ཡིས་རྒྱལ་ཚོགས་ཀྱི་མདུན་ཐང་དུ་རང་ལུས་མེ་བསྲེགས་གནང་།  appeared first on བོད་ཀྱི་དུས་བབ།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༧ ཚེས་ ༢ རེས་གཟའ་ཕུར་བུ་ཉིན་གྱི་ཕྱི་དྲོ་ཆུ་ཚོད་ལྔ་པ་ཙམ་ལ་ཨ་རིའི་གྲོང་ཁྱེར་ནིའུ་ཡོག་ཏུ་ཡོད་པའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་ཐང་དུ་རྒྱལ་གཅེས་དཔའ་བོ་བློ་བཟང་དཔལ་ལྡན་ནམ་རང་བཙན་བློ་དགའ་ལགས་ནས་བོད་ཀྱི་རྒྱལ་དར་འཁྱེར་ནས་ལམ་མདོར་རྒྱལ་དར་སྒྲེང་འཛུགས་གནང་སྟེ། རྒྱ་གཞུང་གིས་བོད་རྩ་མེད་བཟོ་རྒྱུའི་སྲིད་བྱུས་སྣ་ཚོགས་སྤེལ་བཞིན་ཡོད་པར་ངོ་རྒོལ་གྱིས་རང་ལུས་མེར་བསྲེགས་བཏང་འདུག མེ་འབར་ཤུགས་ཆེ་དྲགས་ནས་ཅུང་མ་འགོར་བ་ས་ལ་འགྱེལ་ཏེ་གང་ཙམ་རྗེས་ཛ་དྲག་མྱུར་སྐྱོབ་རུ་ཁག་སླེབས་འདུག་ཅིང་། དེ་རྗེས་ནིའུ་ཡོག་གི་བྷེ་ལུ་ཝུའེ་(Bellevue) སྨན་ཁང་དུ་བསྐྱལ་ཡོད་ཀྱང་སྐུ་གཟུགས་ལ་མེར་བསྲེགས་ཧ་ཅང་ཤུགས་ཆེར་བྱུང་བའི་རྐྱེན་གྱིས་དགོང་དྲོའི་ཆུ་ཚོད་བདུན་པ་ཡོལ་ཙམ་ལ་སྐུ་ཚེ་མ་ཟིན་པ་བྱུང་འདུག ཨ་རིའི་གྲོང་ཁྱེར་ནིའུ་ཡོག་ཏུ་གནས་སྡོད་དམ་པ་ཁོང་ནི་ཕྱི་ལོ་ ༡༩༧༤ ཟླ་ ༦ ཚེས་ ༡ ཉིན་ཡབ་བསོད་ནམས་དར་རྒྱས་ (བསོད་དགའ་) དང་། ཡུམ་རྡོ་རྗེ་ལྷ་མོ་གཉིས་ཀྱི་སྲས་སུ་བོད་མདོ་ཁམས་དཀར་མཛེས་སུ་སྐུ་འཁྲུངས། ཆུང་དུས་ནས་རང་ཡུལ་དགོན་པར་རབ་ཏུ་བྱུང་ཞིང་། ལོ་རབས་དགུ་བཅུའི་ནང་བཙན་བྱོལ་དུ་ཕེབས་ནས་རྒྱ་གར་ལྷོ་ཕྱོགས་དགའ་ལྡན་བྱང་རྩེ་གྲྭ་ཚང་དུ་ཆོས་ཞུགས་གནང་། དེ་རྗེས་ཨ་རིར་ཕེབས་ཤིང་བོད་རང་དབང་རང་བཙན་ཐོག་རྒྱུན་དུ་ལས་འགུལ་ཤུགས་ཆེར་སྤེལ་མཁན་ཞིག་ཡིན། རྒྱ་གཞུང་གིས་བོད་བཙན་བཟུང་བྱས་པ་ནས་ད་བར་བོད་ཀྱི་སྣོད་བཅུད་གཉིས་ཀ་རྡོག་རོལ་གཏོང་རྐྱང་དང་། ལྷག་པར་དུ་བོད་ཀྱི་ཆོས་དང་། རིག་གཞུང་། སྐད་ཡིག་སོགས་རྩ་མེད་དུ་གཏོང་རྒྱུའི་སྲིད་བྱུས་མཁྲེགས་འཛིན་གྱིས། ཕྱི་ལོ་ ༢༠༢༦ ཟླ་ ༧ ཚེས་ ༡ ཉིན་རྒྱ་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཟེར་བ་དངོས་སུ་ལག་བསྟར་བྱས་པའི་ཉིན་གཉིས་པར་དམ་པ་ཁོང་གིས་རང་ལུས་མེར་བསྲེགས་ཀྱིས་ཞི་རྒོལ་བྱས་ཡོད། རང་ལུས་མེར་བསྲེགས་མ་གནང་བའི་སྔོན་ལ་མཐའ་མའི་ཞལ་ཆེམས་ཀྱི་བརྙན་ཐུང་ནང་། “རྒྱ་ནག་གུང་ཁྲན་གྱིས་བོད་ལ་འཛིན་པའི་སྲིད་བྱུས་དང་།...

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༡ ཉིན་ཇར་མ་ནིའི་གྲོས་ཚོགས་འཐུས་མི་སྐུ་ཞབས་མ་ཧི་ཀལ་བྷི་རེནྜ་ (Michael Brand)  ལགས་ཀྱིས་བརྙན་ཐུང་བརྒྱུད་རྒྱ་ནག་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བར་སྐྱོན་བརྗོད་ཀྱི་བསྒྲགས་གཏམ་ཞིག་སྤེལ་ཡོད་ཅིང། དེའི་ནང་ཁོང་གིས་རྒྱལ་སྤྱིའི་མི་ཚོགས་ནས་ཁྲིམས་ཡིག་དེར་ངོ་རྒོལ་གནང་དགོས་པའི་འབོད་སྐུལ་དང་སྦྲགས་རྒྱ་ནག་གཞུང་ལ་མི་རིགས་རྩ་མེད་གཏོང་བའི་ཁྲིམས་ཡིག་དེ་ཕྱིར་འཐེན་དགོས་པའི་ནན་སྐུལ་གནང་ཡོད། བརྙན་ཐུང་ནང་གྲོས་ཚོགས་འཐུས་མི་མ་ཧི་ཀལ་བྷི་རེནྜ་ལགས་ཀྱིས་རྒྱ་ནག་གི་ཁྲིམས་གསར་དེས་མི་རིགས་དབྱེ་འབྱེད་ཀྱི་ཚད་རིམ་གསར་པ་དང་དྲག་གནོན་ཇེ་ཆེར་བཏང་བ་མངོན་གསལ་ཆགས་ཡོད་ཅིང་། ལྷག་པར་ཁྲིམས་ཡིག་དེས་རྒྱ་ནག་གི་མི་སེར་ཁོ་ན་མ་ཡིན་པར་ས་ཁུལ་གཞན་དང་འཛམ་གླིང་ཁྱོན་ཡོངས་ལ་ཉེན་ཁ་བཟོ་ཡི་ཡོད་པའི་གནད་དོན་སོགས་ཐེར་འདོན་གནང་། བསྒྲགས་གཏམ་ནང་རྒྱ་ནག་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བར་སྐྱོན་བརྗོད་ཤུགས་ཆེ་གནང་བ་དང་། ཁྲིམས་ཡིག་འདི་ནི་མི་རིགས་འཐེན་འཁྱེར་དང་རྒྱ་ནག་ཀྲུང་ཧ་མི་རིགས་ཁྱབ་གདལ་ལ་གཞི་བཞག་པ་ཞིག་ཡིིན་པ་དང་། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བ་དེ་ནི་འཛམ་གླིང་དམག་ཆེན་གཉིས་པ་མཇུག་བསྒྲིལ་རྗེས་གཏན་འབེབས་བྱས་པའི་མི་རིགས་དབྱེ་འབྱེད་ཀྱི་ཁྲིམས་ཡིག་ཚབས་ཆེ་ཤོས་ཤིག་ཡིན་པ་མ་ཟད། ཁྲིགས་གསར་འདིའི་བརྒྱུད་བོད་མི་དང་ཡུ་གུར། དེ་བཞིན་གྲངས་ཉུང་མི་རིགས་གཞན་ཁག་གི་ངོ་བོ་དང་། རིག་གཞུང་། ཐོབ་ཐང་བཅས་ལ་ཉེན་ཁ་སྤྲོད་བཞིན་པ་འགྲེལ་བརྗོད་དང་། གལ་ཏེ་ཁྲིམས་གསར་དེ་རྒྱ་ནག་གིས་ལག་བསྟར་བྱེད་ཐུབ་པ་བྱུང་ཚེ། མི་རིགས་འཐེན་འཁྱེར་གྱི་བསམ་བློ་དེ་རྒྱལ་ཁབ་གཞན་ལ་དཔེ་མཚོན་ཞིག་ཏུ་འགྱུར་སྲིད་པ་དང་། འདིའི་རྐྱེན་པས་མི་འབོར་ས་ཡ་མང་པོ་དང་མི་རིགས་དེ་དག་གི་རིག་གཞུང་རྩ་མེད་དུ་འགྲོ་རྒྱུའི་ཉེན་ཁ་འཕྲད་སྲིད་པའི་ཉེན་བརྡ་བཏང་ཡོད།དེ་བཞིན་ཁྲིམས་གསར་དེར་ཕྱི་ཟླ་ ༤ ནང་ཡུ་རོབ་གྲོས་ཚོགས་དང་། ཕྱི་ཟླ་ ༣ ནང་ཅེཀ་གྲོས་ཚོགས་བཅས་ནས་སྐྱོན་བརྗོད་གནང་བ་ལ་མོས་མཐུན་ཡོད་པ་མ་ཟད། ཉེ་ཆར་ཕྱི་ལོ་ ༢༠༢༦ ཟླ་བ་ ༦ ནང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་ཕྱེར་འཐེན་དགོས་པའི་འབོད་སྐུལ་ཞུས་ཡོད། དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་འཛམ་གླིང་རྒྱལ་ཁབ་ཁག་དང་། གྲོས་ཚོགས་འཐུས་མི་རྣམ་པ། བསམ་མཛོད་བསྟི་གནས་ཁང་། དེ་བཞིན་གཞུང་འབྲེལ་མིན་པའི་རྒྱལ་སྤྱིའི་ཚོགས་པ་མང་དག་ཅིག་ལ་ཡིག་ཐོག་དང་དྲ་ལམ་བརྒྱུད། རྒྱ་ནག་གཞུང་གིས་ལག་བསྟར་བྱེད་མགོ་བཙུགས་པའི་ཁྲིམས་ཡིག་དེས་བོད་མིའི་ངོ་བོ་དང་། ཆོས་རིག...

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༣ རེས་གཟའ་པ་སངས་ཉིན་ཕྱི་དྲིལ་བོད་དོན་ཞུ་གཏུག་ཚན་པའི་གོ་སྒྲིག་འོག་བཞུགས་སྒར་ཉེ་འདབས་སུ་ཆགས་པའི་དྷ་ས་འཛིན་སྐྱོང་སྦྱོང་བརྡར་བསྟི་གནས་ཁང་དུ་བོད་པའི་གཞོན་སྐྱེས་བརྒྱ་སྐོར་ཞིག་མཉམ་ཞུགས་ཐོག་རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་བཞི་པ་དབུ་འཛུགས་གནང་ཡོད་ཅིང་། སྐབས་དེར་འཛམ་གླིང་རྒྱལ་ཁབ་ཁག་ ༡༣ ནས་བོད་པའི་གཞོན་སྐྱེས་ ༩༨ མཉམ་ཞུགས་གནང་ཡོད།དེ་ཡང་ཉིན་གསུམ་རིང་གི་རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་གྱི་དབུ་འབྱེད་མཛད་སྒོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། ཇར་མན་གྲོས་ཚོགས་འཐུས་མིའི་ལས་ཁུངས་ཀྱི་ཇར་མན་དང་པོ་ལེནྜ་འབྲེལ་ལམ་ཐོག་མཁས་པ་སྐུ་ཞབས་ཇོ་ནཱསི་ ཀོ་ལེ་ཀི་ (Jonas Kolecki) ལགས། ཕྱི་དྲིལ་དྲུང་ཆེ་ཀརྨ་རིན་ཆེན་ལགས། ཕྱི་དྲིལ་བོད་དོན་ཞུ་གཏུག་ཚན་པའི་འགན་འཛིན་ཟུང་དྲུང་འབྲུག་བསྟན་སྐྱིད་ལགས། དེ་བཞིན་ཉིན་གྲངས་གསུམ་རིང་གི་ཚོགས་ཆེན་ཐོག་གསུང་བཤད་གནང་མཁན་བཅས་ཕེབས་ཞུགས་གནང་ཡོད།དབུ་འབྱེད་མཛད་སྒོའི་ཐོར་མར་དཔལ་ལྡན་སྲིད་སྐྱོང་མཆོག་གིས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེའི་མདུན་དུ་སྣང་གསལ་མར་མེ་ཞལ་ཕྱེ་གནང་གྲུབ་བསྟུན། དེ་རིང་ཨ་རིའི་ནིའུ་ཡོག་ཏུ་བཅའ་བཞུགས་རྒྱལ་གཅེས་པ་བློ་བཟང་དཔལ་ལྡན་ནམ་ཡོངས་གྲགས་སུ་རང་བཙན་བློ་དགའ་ལགས་ཀྱིས་བོད་བསྟན་སྲིད་མི་རིགས་ཀྱི་དོན་དུ་རང་ལུས་མེར་སྲེག་བཏང་བར་གདུང་སེམས་མཉམ་སྐྱེད་སླད་སྐར་མ་གཅིག་རིང་མྱ་ངན་གུས་འདུད་ཞུས། དེ་རྗེས་ཕྱི་དྲིལ་དྲུང་ཆེ་ཀརྨ་རིན་ཆེན་ལགས་ཀྱིས་ཚོགས་བཅར་བ་ཡོངས་ལ་འཚམས་འདྲི་ཞུས་པ་དང་སྦྲགས། ཚོགས་ཆེན་གྱི་དམིགས་དོན་གཙོ་བོ་གསུམ་ནི་ཚོགས་བཅར་བ་རྣམས་ལ་བདོ་དོན་གོ་རྟོགས་གོང་མཐོར་གཏོང་རྒྱུ་དང་། བོད་དོན་འཐབ་རྩོད་དང་འབྲེལ་བའི་བསམ་ཚུལ་བརྗེ་ལེན་གྱི་སྡིངས་ཆ་བསྐྲུན་རྒྱུ། དེ་བཞིན་བོད་ནང་གི་ད་ལྟའི་གནས་སྟངས་ལ་རྒྱུས་ལོན་གཏིང་ཟབ་ཀྱི་ཐོག་ནས་བོད་དོན་ཞུ་གཏུག་གི་ལས་འགུལ་རྣམས་ནུས་པ་ལྡན་པའི་ཐོག་སྤེལ་ཐུབ་རྒྱུ་བཅས་ཡིན་པ་འགྲེལ་བརྗོད་དང་། དེ་བཞིན་ཚོགས་བཅར་བ་རྣམས་ཚོགས་ཆེན་ཐོག་གོ་སྐབས་དམ་འཛིན་གྱིས་མཉམ་ཞུགས་ཧུར་ཐག་གནང་དགོས་པ་མ་ཟད། ཚོགས་ཆེན་ཐོག་ཡོང་གོ་ཆོད་པ་ཞིག་གནང་རྒྱུ་གལ་ཆེན་པོ་ཡིན་པ་གསུངས་ཡོད།མཛད་སྒོའི་ཐོག་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཚོགས་ཆེན་འདི་ཉིད་དབུ་འབྱེད་ཀྱི་གསུང་བཤད་སྐབས། བོད་སྤྱི་པའི་རྩ་དོན་ཐོག་ཐུགས་ཁུར་ཆེ་བཞེས་གནང་མཁན་ཨ་རིའི་ནིའུ་ཡོག་ཏུ་བཅའ་བཞུགས་རང་བཙན་བློ་དགའ་ལགས་ཀྱིས་རང་ལུས་མེར་སྲེག་གནང་སྟེ་འདས་གྲོངས་སུ་གྱུར་བར་མྱ་ངན་ཞུས་པ་དང་སྦྲགས། རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་གཙོས་པའི་ད་བར་བོད་བསྟན་སྲིད་མི་རིགས་ཀྱི་ཆེད་དུ་གཅེས་པའི་ལུས་སྲོག་ལོངས་སྤྱོད་དང་བཅས་པ་བློས་བཏང་གིས་རང་ལུས་མེར་སྲེག་གནང་མཁན་ཡོངས་ལ་རྗེས་དྲན་ཞུས་ཡོད།དེ་བཞིན་དཔལ་ལྡན་སྲིད་སྐྱོང་མཆོག་གིས་བོད་དོན་འཐབ་རྩོད་རྒྱུན་གནས་ཡོང་བར་རང་རེའི་གཞོན་སྐྱེས་རྣམས་ཀྱིས་འཁུར་མཉམ་ལེན་དགོས་པའི་གནད་འགག་སྐོར་གསུངས་ཤིང་། མ་འོངས་འགོ་ཁྲིད་གཞོན་སྐྱེས་རྣམ་པས་རང་མི་རིགས་ཀྱི་ཕྱོགས་ཡོངས་ཀྱི་ལོ་རྒྱུས་ཤེས་རྟོགས་དགོས་ལ་ཐབས་བྱུས་ལྡན་པའི་ཐོག་ནས་བོད་དོན་ཞུ་གཏུག་གི་ལས་འགུལ་སྤེལ་དགོས་པའི་ལམ་སྟོན་དང་། ཚོགས་འདུའི་རིང་ཚོགས་བཅར་བ་རྣམས་ནས་དུས་ཚོད་ཆུད་ཟོས་སུ་མ་བཏང་བར་བློ་རྩེ་གཅིག་སྒྲིམ་གྱི་ཐོག་ནས་གནས་ཚུལ་གང་མང་ཤེས་རྟོགས་གནང་དགོས་པའི་སློབ་གསོ་གནང་ཡོད།ཚོགས་ཆེན་འདིའི་ཐོག་ཆེད་དུ་ཕེབས་པའི་ཇར་མན་གྲོས་ཚོགས་འཐུས་མིའི་ལས་ཁུངས་ཀྱི་ཇར་མན་དང་པོ་ལེནྜ་འབྲེལ་ལམ་ཐོག་མཁས་པ་སྐུ་ཞབས་ཇོ་ནཱསི་ ཀོ་ལེ་ཀི་ལགས་ཀྱིས་འཛམ་གླིང་གར་སར་འགྲམ་ནས་ཡོད་པའི་བོད་པའི་གཞོན་སྐྱེས་རྣམས་ལ་སོ་སོའི་མི་རིགས་ཀྱི་རིག་གཞུང་དང་སྐད་ཡིག་སྲུང་སྐྱོབ་དགོས་པའི་འོས་འགན་ཡོད་ལ། རང་རང་གི་གནས་ཡུལ་རྒྱལ་ཁབ་ཁག་གི་དབུས་སའི་གཞུང་དང་ཚོགས་སྡེ་ཁག་གི་འཛིན་སྐྱོང་གི་སྒྲོམ་གཞི་ནང་ཞུགས་ཏེ་འབྲེལ་ལམ་གོང་མཐོར་གཏོང་བ་བརྒྱུད་བོད་དོན་ཞུ་གཏུག་དགོས་པའི་ལམ་སྟོན་གནང་གྲུབ་རྗེས། ཕྱི་དྲིལ་བོད་དོན་ཞུ་གཏུག་ཚན་པའི་འགན་འཛིན་ཟུང་དྲུང་འབྲུག་བསྟན་སྐྱིད་ལགས་ཀྱིས་ཐུགས་རྗེ་ཆེ་ཞུའི་གསུང་བཤད་གནང་སྟེ་དབུ་འབྱེད་མཛད་སྒོ་མཇུག་སྒྲིལ་ཡོད། ཚོགས་ཆེན་དེ་བཞིན་ཕྱི་ཚེས་ ༣ ནས་ ༥ བར་ཉིན་གྲངས་གསུམ་གྱི་རིང་ཚོགས་རྒྱུ་ཡིན་པ་དང་།...

ཨ་རིའི་ནིའུ་ཡོག་ཏུ་རྟེན་གཞི་བྱས་པའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་མདུན་དུ་བོད་རང་བཙན་འཐབ་རྩོད་པ་རྒྱལ་གཅེས་དཔའ་བོ་རང་བཙན་བློ་དགས་ཕྱི་ཟླ་༧ ཚེས་༢ ཉིན་སྐུ་ལུས་མེར་སྲེག་བཏང་ནས་འདས་གྲོངས་སུ་གྱུར་འདུག ཁོང་གིས་སྐུ་ལུས་མེར་སྲེག་མ་བཏང་བའི་གོང་བཙན་བྱོལ་ནང་ཡོད་པའི་བོད་པ་ཚོར་ཁ་ཆེམས་ཀྱི་བརྙན་ཞིག་བཟོས་འདུག་པ་དང་། བརྙན་དེའི་ནང་བོད་ཆོལ་ཁ་གསུམ་པོ་མཐུན་སྒྲིལ་རྡོག་རྩ་གཅིག་སྒྲིལ་བྱས་ནས་བོད་རང་བཙན་འཐབ་རྩོད་བྱེད་དགོས་ཞེས་གསུངས་འདུག The post བོད་རང་བཙན་འཐབ་རྩོད་པ་རང་བཙན་བློ་དགས་སྐུ་ལུས་མེར་སྲེག་དང་ཁོང་གི་ཁ་ཆེམས། appeared first on བོད་ཀྱི་བང་ཆེན།.