༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་སྔ་དྲོ་ཆུ་ཚོད་ ༩ ཐོག་བོད་མིའི་སྒྲིག་འཛུགས་ཀྱི་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་དྲུང་ཆེ་ཀརྨ་ཆོས་དབྱིངས་ལགས་རྣམ་གཉིས་བོད་ཁྱིམ་སེ་ལ་ཀུའི་སློབ་གྲྭར་ཕེབས་འབྱོར་སྐབས་ཧར་པ་སྤུར་ས་གནས་འགོ་འཛིན་སྒྲོལ་མ་ཚེ་རིང་ལགས་དང་། སློབ་གྲྭའི་སློབ་སྤྱི། དགེ་ཆེ། དགེ་ལས་སློབ་ཕྲུག་བཅས་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད། སློབ་གྲྭའི་སློབ་སྤྱི་ནས་སློབ་གྲྭའི་ལོ་འཁོར་ལས་བསྡོམས་སྙིང་བསྡུས་སྙན་སྒྲོན་ཞུས་གྲུབ་མཚམས་དཔལ་ལྡན་ཤེས་རིག་བཀའ་བློན་མཆོག་གིས་གསུང་བཤད་གནང་ཡོད་ཅིང་། སྐབས་དེར་སློབ་མ་རྣམས་ཀྱི་དོགས་འདྲི་ཁག་ལ་ལན་འདེབས་གསལ་བཤད་གནང་སྟེ། དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་སློབ་གྲྭའི་འཛིན་ཁང་དང་ལས་ཁུངས་ཁག་ཏུ་གཟིགས་ཞིབ་གནང་ཡོད། ཉིན་གུང་ཆུ་ཚོད་ ༡༢ ཙམ་ལ་སེ་ལ་ཀུའི་བོད་ཁྱིམ་བཟོ་རིག་སྒྱུ་རྩལ་སློབ་གཉེར་བསྟི་གནས་ཁང་དུ་ཕེབས་འབྱོར་སྐབས་བཟོ་རིག་སྒྱུ་རྩལ་བསྟི་གནས་ཁང་གི་ངེས་སྟོན་པ་དང་ལས་རོགས་རྣམས་ནས་ཕེབས་བསུ་ཞུས་པ་དང་སྦྲགས། དཔལ་ལྡན་བཀའ་བློན་མཆོག་ནས་སློབ་གཉེར་བསྟི་གནས་ཁང་གི་ཁོར་ཡུག་ལ་གཟིགས་ཞིབ་གནང་ཞིང་། འཛིན་སྐྱོང་ལས་བྱེད་དང་སློབ་ཕྲུག་རྣམས་དང་གྲོས་བསྡུར་གནང་ཡོད། སྐབས་དེར་སློབ་གཉེར་ཁང་གི་ཟས་རིགས་སྡེ་ཚན་ནས་ཉིན་གུང་གསོལ་ཚིགས་གྲ་སྒྲིག་གིས་སྐུ་མགྲོན་རྣམས་ལ་འདེགས་འབུལ་ཞུས་ཡོད།དེ་རྗེས་དཔལ་ལྡན་བཀའ་བློན་མཆོག་ཧར་པ་སྤུར་སཾ་བྷོ་ཊའི་སློབ་གྲྭར་ཆེད་ཕེབས་སྐབས་སློབ་གྲྭའི་འགན་འཛིན་དང་སློབ་ཕྲུག་རྣམས་ནས་བཀྲ་ཤིས་ཞོལ་པ་གཟིགས་འབུལ་དང་བཅས་ཕེབས་བསུའི་སྣེ་ལེན་གཟབ་རྒྱས་ཞུས་གྲུབ་མཚམས། དཔལ་ལྡན་བཀའ་བློན་མཆོག་གིས་སློབ་གྲྭའི་འཛིན་ཁང་དང་ལས་ཁུངས་ཁག་ལ་རྟོག་ཞིབ་གནང་ཡོད། དེ་ནས་དགེ་ལས་དང་ལྷན་ཐུག་འཕྲད་ཀྱིས་དགེ་ལས་རྣམས་ནས་ལྷག་བསམ་རྣམ་དག་གིས་ཕྱག་ལས་གནང་བར་བསྔགས་བརྗོད་གནང་སྟེ་མུ་མཐུད་དེ་ལྟར་གནང་དགོས་པའི་སྐུལ་འདེད་གནང་ཡོད། གོང་ཚེས་ཉིན་གྱི་ཕྱི་དྲོར་དཔལ་ལྡན་ཤེས་རིག་བཀའ་བློན་མཆོག་པུ་རུ་ཝ་ལ་སཾ་བྷོ་ཊའི་སློབ་གྲྭར་ཕེབས་འབྱོར་སྐབས་སྤུར་ཝ་ལའི་ས་གནས་འགོ་འཛིན་དང་སློབ་གྲྭའི་དགེ་ལས། དེ་བཞིན་ས་གནས་ཀྱི་ཚོགས་སྡེ་ཁག་གི་སྐུ་ཚབ་བཅས་ནས་ཕེབས་བསུའི་སྣེ་ལེན་ཞུས་གྲུབ་བསྟུན། དཔལ་ལྡན་བཀའ་བློན་མཆོག་གིས་སློབ་གྲྭའི་འཛིན་ཁང་ལ་རྟོག་ཞིབ་དང་སློབ་གྲྭའི་འགན་འཛིན་རྣམས་དང་ཐུག་འཕྲད་གནང་ཡོད། དེ་ནས་དཔལ་ལྡན་བཀའ་བློན་མཆོག་སྤོན་ཊ་ཆོས་གསུམ་བོད་མིའི་གཞིས་ཆགས་སུ་ཕེབས་འབྱོར་སྐབས་སྤོན་ཊ་ས་གནས་འགོ་འཛིན་གཙོས་པས་ས་གནས་འཐུས་ཚོགས་དང་ས་གནས་ཀྱི་ཚོགས་སྡེ་ཁག་གི་སྐུ་ཚབ་བཅས་ནས་ཕེབས་བསུའི་སྣེ་ལེན་ཞུས་ཡོད།ཕྱི་ཚེས་ ༢༣ ཉིན་གྱི་སྔ་དྲོ་ཆུ་ཚོད་ ༨ ཐོག་དཔལ་ལྡན་བཀའ་བློན་མཆོག་གིས་ཡན་ལག་སྨན་རྩིས་ཁང་དང་ས་གནས་ཀྱི་དགོན་སྡེ་ཁག དེ་བཞིན་ས་གནས་ཀྱི་ལས་ཁུངས་བཅས་སུ་གཟིགས་སྐོར་གནང་ཞིང་། སྐབས་དེར་ས་གནས་འགོ་འཛིན་ལྷན་བཅར་ཞུས་ཡོད། དེ་ནས་སཾ་བྷོ་ཊ་སྔོན་འགྲོ་སློབ་གྲྭ་དང་གཞི་རིམ་འོག་མའི་སློབ་གྲྭར་ཆེད་ཕེབས་ཀྱིས་དགེ་སློབ་རྣམས་དང་ཐུག་འཕྲད་གནང་ཞིང་། སློབ་གྲྭའི་འཛུགས་སྐྲུན་གྱི་དངོས་པོ་དང་མཐུན་རྐྱེན་ཁག་ལ་ཡར་རྒྱས་ཇི་ཞིག་གཏོང་དགོས་མིན་ཐོག་གཟིགས་ཞིབ་གནང་ཡོད། ཆུ་ཚོད་ ༡༠།༣༠ ཙམ་ལ་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་ས་གནས་ཀྱི་མི་མང་རྣམས་དང་ཐུག་འཕྲད་གནང་སྟེ་བཀའ་ཤག་གི་ཕུགས་དམིགས་ཡིག་ཆ་དང་།...

མགོ་ལོག་ཏུ་རྒྱ་ནག་གཞུང་གིས་སློབ་གྲྭ་གསུམ་སྒོ་བརྒྱབ་ནས་སློབ་མ་དང་དགེ་ལས་ཀྱི་གནས་སྟངས་ཁ་གསལ་མེད་པ།

“མི་གྲངས་ ༢༠ ཉུང་མཐར་རྐྱེན་འདས་ཕྱིན་འདུག”

ཐེ་ཝན་དུ་བོད་ཀྱི་ཟློས་གར་ཚོགས་པ་གདན་ཞུ་བྱས་པ་ནི་བོད་ཀྱི་རིག་གཞུང་རྒྱུན་འཛིན་དང་མི་རབས་གསར་པར་བློ་སྐྱེད་སྤེལ་ཆེད་ཡིན

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་དགོང་མོ་བོད་ནང་གི་ཆུ་ཚོད་ ༡༠ ཡས་མས་ལ་བོད་མདོ་ཁམས་ནག་ཆུ་སྦྲ་ཆེན་རྫོང་དུ་ཚད་རིམ་ ༧ ཅན་གྱི་ས་ཡོམ་བརྒྱབ་སྟེ། ད་ལྟའི་ཆར་མི་གྲངས་ ༡༦ འདས་གྲོངས་དང་། མི་གྲངས་ ༥༤ ལྷག་ལ་རྨས་སྐྱོན་ཕོག་ཡོད་པར་བརྟེན། གོད་ཆག་ཕོག་མཁན་དང་དེའི་ནང་མི་ལྟོས་བཅས་ལ་གདུང་སེམས་མཉམ་སྐྱེད་དང་། མྱ་ངན་མཚོན་ཆེད། བོད་མིའི་སྒྲིག་འཛུགས་བཀའ་ཤག་གི་བཀའ་འབྲེལ་འོག་ཕྱི་ཚེས་ ༢༣ ཉིན་རྒྱབ་ཆུ་ཚོད་ ༢ ཐོག་ཆོས་རིག་ལས་ཁུངས་ནས་གོ་སྒྲིག་ཞུས་ཐོག་དྷ་ས་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔའི་དྲུང་དུ་མཆོད་སྤྲིན་སྣ་ལྔ་འབུལ་གཤོམ་དང་འབྲེལ། མཆོད་འབུལ་སྨོན་ལམ་གྱི་ཚོགས་མགོན་དུ་རྣམ་གྲྭ་མཁན་པོ་བློ་བཟང་བསམ་གཏན་མཆོག་དབུ་བཞུགས་ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་།  ལྷན་ཁང་ཁག་གི་དྲུང་ཆེ་ཆུང་རྣམ་པ། སྲི་ཞུའི་ལས་བྱེད་རྣམ་པ། བཞུགས་སྒར་ཁུལ་གནས་སྡོད་རིས་མེད་ཆོས་སྡེ་ཁག་གི་དགེ་བཙུན་སྔགས་གསུམ།  གཞན་ཡང་གཉུག་མར་གནས་པ་དང་གློ་བུར་དུ་ལྷགས་པའི་དགེ་བཙུན་སྔགས་གསུམ། དེ་བཞིན་དྷ་ས་ཁུལ་གྱི་མི་མང་སོགས་ཁྱོན་མི་གྲངས་བརྒྱ་ཕྲག་བརྒལ་བ་འདུ་འཛོམས་ཀྱིས་སྨོན་ལམ་གསུང་འདོན་གནང་མུར་རྣམ་རྒྱལ་གྲྭ་ཚང་གི་སློབ་དཔོན་བློ་བཟང་དར་རྒྱས་ལགས་ནས་ཆོས་རིག་ལས་ཁུངས་ཀྱི་སྐྱབས་ཐོ་སྒྲོགས་སྦྱང་གནང་།དེ་ནས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་གསུང་བཤད་གནང་དོན། ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་དགོང་མོ་བོད་ནང་གི་ཆུ་ཚོད་ ༡༠།༣༣ སྟེང༌། བོད་མདོ་ཁམས་ནག་ཆུ་སྦྲ་ཆེན་རྫོང་ཁོངས་སུ་ཚད་རིམ་ ༧ ཅན་གྱི་ས་ཡོམ་བྱུང་སྟེ།...

བོད་ཕྲུག་ཁྱིམ་སྡེ་ཡིས་རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་བཅའ་ཁྲིམས་ཟེར་བར་ངོ་རྒོལ་ཡོད་པ་དང་སྦྲགས། བོད་མི་ཡོངས་ནས་བོད་ཀྱི་སྐད་ཡིག་རྒྱུན་འཛིན་དར་སྤེལ་དགོས་པའི་སྐུལ་འདེད་གནང་སོང་། དེ་རིང་སྔ་དྲོའི་ཆུ་ཚོད་ ༡༠ ཙམ་གྱི་སྟེང་དྷ་སྟེང་བོད་ཁྱིམ་དུ་བོད་ཕྲུག་ཁྱིམ་སྡེ་དབུ་བརྙེས་ནས་ལོ་ངོ་ ༦༦ འཁོར་བའི་དུས་དྲན་སྲུང་གཙིའི་མཛད་སྒོ་འཚོགས་སོང་བ་དང་། མཛད་སྒོའི་ཐོག་སྐུ་མགྲོན་གཙོ་བོ་སྐྱབས་རྗེ་གླང་རིན་པོ་ཆེ་མཆོག་དང་། ཆེ་བསྟོད་སྐུ་མགྲོན་དུ་བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཆེ་ཡེ་ཤེས་དབང་མོ་མཆོག་དང་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག སྲིད་སྐྱོང་སྤེན་པ་ཚེ་རིང་མཆོག་བཅས་ཀྱི་དབུས་པའི་རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ་དང་ལྷན་ཁང་ཁག་གི་དྲུང་ཆེ་རྣམ་པ། དེ་བཞིན། བོད་ཕྲུག་ཁྱིམ་སྡེའི་སྤྱི་ཁྱབ་དབུ་འཛིན་ལགས་གཙོས་དྷ་སྟེང་བོད་ཁྱིམ་གྱི་འགན་འཛིན་ཚུལ་ཁྲིམས་རྡོ་རྗེ་ལགས་དང་ལས་ཐོག་དགེ་རྒན་རྣམ་པ། སློབ་ཕྲུག་དང་སློབ་ཟུར་རྣམ་པ། བཞུགས་སྒར་ཁུལ་གྱི་སེར་སྐྱ་མི་མང་དང་གསར་འགོད་པ་བཅས་འཛོམས་འདུག  སྐབས་དེར་སྐུ་མགྲོན་གཙོ་བོ་སྐྱབས་རྗེ་ཡོངས་འཛིན་གླང་རིན་པོ་ཆེ་མཆོག་གིས་བོད་ཕྲུག་ཁྱིམ་སྡེའི་ཞབས་ལོ་ ༢༠ འཁོར་བའི་ལས་བྱེད་ ༢༡ ལ་གཟེངས་རྟགས་དང་ཕྱག་འཁྱེར་སྩལ་བ་དང་། སྲིད་སྐྱོང་སྤེན་པ་ཚེ་རིང་མཆོག་གིས་འཛིན་རིམ་བཅུ་གཉིས་པའི་ཡིག་རྒྱུག་ཁྲོད་གྲུབ་འབྲས་རྩེ་སོན་གྱི་སློབ་མ་ ༥ ལེགས་སྐྱེས་གཟེངས་རྟགས་ཕུལ། སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་སློབ་གྲུབ་རྩེ་ཕུད་གཉིས་ལ་ཤེས་རིག་ལས་ཁུངས་ཀྱི་བུམ་སྐྱོན་གསུམ་བྲལ་གྱི་ཕྱག་འཁྱེར་བཅས་བསྩལ་སོང་།  བོད་ཕྲུག་ཁྱིམ་སྡེའི་སྤྱི་ཁྱབ་དབུ་འཛིན་བསོད་ནམས་སྲི་ཆོས་ལགས་ཀྱིས་བོད་ཕྲུག་ཁྱིམ་སྡེའི་ལས་བསྡོམས་སྙིང་བསྡུས་ཤིག་ངོ་སྤྲོད་གནང་སྐབས།  བོད་ཕྲུག་ཁྱིམ་སྡེ་དེ་ཕྱི་ལོ་ ༡༩༦༠ ལོར་༧སྐུའི་གཅུང་མོ་དམ་པ་ཚེ་རིང་སྒྲོལ་མ་མཆོག་གིས་ཐོག་མར་ཇ་མུ་ཁུལ་དུ་ལམ་བཟོ་རྒྱུག་མཁན་གྱི་ཕྲུག་གུ་ ༥༡ ནས་བུ་བཅོལ་ཁང་གི་ངོ་བོར་དབུ་འཛུགས་གནང་ཞིང་། ད་ལྟའི་ཆར་བོད་ཕྲུག་ཁྱིམ་སྡེར་སློབ་གྲྭ་ལྔ་དང་གཏན་ཉིན་སློབ་གྲྭ་དྲུག བོད་ཁྱིམ་གྱི་གཞི་རིམ་སློབ་གྲྭ་ཁག་ཏུ་བོད་པའི་སློབ་མ་ ༣༡༥༧ དང་། ཧི་མ་ལ་ཡ་ ༡༧༤ དང་ ཕྱི་རྒྱལ་བ་ ༢༩། རྒྱ་གར་བ་...

བོད་ནག་ཆུ་སྦྲ་ཆེན་རྫོང་ཁུལ་དུ་ས་ཡོམ་ཚབས་ཆེན་བྱུང་བའི་སྐོར། ༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་དགོང་མོ་ཆུ་ཚོད་ ༡༠།༣༣ ཙམ་ལ་བོད་མདོ་ཁམས་ནག་ཆུ་ས་ཁུལ་གྱི་སྦྲ་ཆེན་རྫོང་དང་ཉེ་འཁོར་ས་ཁུལ་ཁག་ཏུ་ས་ཡོམ་གྱི་ཚད་རིམ་ ༧ བརྒྱབ་ཏེ་མི་རྒྱུ་གཉིས་ལ་གནོད་སྐྱོན་ཚབས་ཆེ་ཕོག་པར་བོད་མིའི་སྒྲིག་འཛུགས་ཀྱིས་ཐུགས་ཕམ་དང་སྦྲགས། གོད་ཆག་ཁྲོད་ཚེ་སྲོག་ཤོར་མཁན་རྣམས་ལ་མྱ་ངན་དང་བཤུལ་ལུས་ནང་མི་ཉེ་འབྲེལ་ཡོངས་ལ་གདུང་སེམས་མཉམ་སྐྱེད་ཞུ་རྒྱུ་ཡིན། བོད་མིའི་སྒྲིག་འཛུགས་དང་བཙན་བྱོལ་བོད་མི་རྣམས་ནས་ས་ཡོམ་གྱི་གོད་ཆག་ཁྲོད་རྐྱེན་ལམ་དུ་སོང་བ་རྣམས་ལ་མཆོད་འབུལ་སྨོན་ལམ་དང་རྨས་སྐྱོན་ཕོག་པ་རྣམས་མྱུར་དུ་དྲག་སྐྱེད་ཡོང་སླད་ཐུགས་སྨོན་ཞུ་རྒྱུ་ཡིན། རྒྱ་ནག་གཞུང་ནས་གནས་ཚུལ་ཕྱིར་བསྒྲགས་བྱས་པའི་གྲངས་ཐོ་ལྟར་ན། ས་ཡོམ་གྱི་གོད་ཆག་ཁྲོད་ད་བར་མི་གྲངས་ཉུང་མཐར་ ༡༦ ཚེ་སྲོག་ཤོར་བ་དང་། མི་གྲངས་ ༧༦ ལ་རྨས་སྐྱོན་ཕོག་པ། དེ་བཞིན་སྡོད་ཁང་དང་འཛུགས་སྐྲུན་དངོས་པོ་སོགས་ལ་གཏོར་སྐྱོན་ཚབས་ཆེན་བྱུང་ཡོད་སྐོར་གསལ་ཡོད་ཀྱང་། གནས་ཚུལ་ཤེས་རྟོགས་བྱུང་བ་ལྟར་ན་ཚེ་སྲོག་ཤོར་བ་དང་གནོད་སྐྱོན་ཕོག་པའི་གྲངས་འབོར་དེ་ལས་མང་བ་བྱུང་ཡོད་ཚོད་འདུག ཕྱི་ཟླ་ ༡༠ ཚེས་ ༢༢ ཉིན་གྱི་མཚན་མོར་འབྲེལ་ཡོད་ནས་ཁུངས་ལྡན་གནས་ཚུལ་འབྱོར་གསལ་ལྟར་ན། སྦྲ་ཆེན་རྫོང་ཁོངས་ཀྱི་རྫ་སྲིབ་དང་། དམར་རུ། གངས་ཅན་བཅས་ས་ཁུལ་དུ་གནོད་སྐྱོན་ཚབས་ཆེན་བྱུང་ཡོད་པ་དང་། མི་གྲངས་ཉུང་མཐར་ ༢༠ ཚེ་སྲོག་ཤོར་ཡོད་པའི་གནས་ཚུལ་འབྱོར་ཡོད། དེ་བཞིན་རྒྱ་ནག་གཞུང་གི་འབྲེལ་ཡོད་དབང་འཛིན་པས་བོད་མི་དང་བླངས་རོགས་སྐྱོར་བ་རྣམས་གནོད་སྐྱོན་ཕོག་པའི་ས་ཁུལ་ཁག་ཏུ་འགྲོ་སྐྱོད་ལ་དམ་དྲག་བྱེད་བཞིན་པའི་གནས་ཚུལ་ཡང་འབྱོར་ཡོད། ཐོག་མར་ས་ཡོམ་དེའི་རྐྱེན་པས་ཉེ་འཁོར་ལ་ཆུ་རགས་ཤིག་ཡོད་པ་དེར་ཉེན་ཁ་ཡོང་སྲིད་པ་བཤད་འདུག་ཀྱང་། རྗེས་སུ་ཉེན་ཁ་ཅུང་ཆུང་དུ་ཕྱིན་པའི་གནས་ཚུལ་བྱུང་འདུག ཞིབ་ཕྲའི་གནས་ཚུལ་ལ་བརྟག་ཞིབ་གཏིང་ཟབ་བྱེད་དགོས་གལ་དང་།...

ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་དུས་སྟོན་ཐེངས་གཉིས་པ་དབུ་འཛུགས་དང་འབྲེལ། སྐུ་མགྲོན་གཙོ་བོ་མཆོག་གིས་ད་ལྟའི་ནོར་གླིང་གི་ཐོན་སྐྱེད་ལ་བསྔགས་བརྗོད་དང་འབྲེལ། རིག་གཞུང་མི་ཉམས་རྒྱུན་འཛིན་ནི་ལུས་ཀྱི་སྦྱོང་བརྡར་དང་མཉམ་དུ་རིག་པའི་གཞུང་ལུགས་རྩ་འཛིན་བྱས་དགོས་རྒྱུ་གལ་ཆེན་པོ་ཡིན་པ་གསུངས་སོང་། དེ་ཡང་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་དུས་སྟོན་ཐེངས་གཉིས་པའི་དེ་བཞིན་སང་ཚེས་ ༢༤ བར་ཉིན་གྲངས་གཉིས་རིང་གནང་གི་ཡོད་པ་དང་། དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་བཀའ་བློན་ཁྲི་ཟུར་༸སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་མཆོག་གིས་དབུས་པའི་བོད་མིའི་སྒྲིག་འཛུགས་ཀྱི་ཆོས་རིག་དྲུང་ཆེ་འཇིགས་མེད་རྣམ་རྒྱལ་ལགས་དང་། སྐུ་བཅར་རྣམ་རྒྱལ་གྲྭ་ཚང་གི་མཁན་རིན་པོ་ཆེ་བློ་བཟང་བསམ་གཏན་མཆོག །བོད་ཀྱི་དཔེ་མཛོད་ཁང་གི་ངེས་སྟོན་པ་དགེ་བཤེས་ལྷག་རྡོར་ལགས། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ངེས་སྟོན་པ་བཀའ་ཟུར་བློ་བཟང་སྙན་གྲགས་ལགས། སྤྱི་ཁྱབ་འགན་འཛིན་ཚེ་རིང་ཕུན་ཚོགས། གཞན་ཡང་རྒྱ་གར་གྱི་སྐུ་མགྲོན་སོགས་སྐུ་མགྲོན་གཞན་ཁག་གཅིག་དང་མང་ཚོགས་བཅས་ལྷན་ཞུགས་གནང་སོང་། ཐེངས་འདིའི་དུས་སྟོན་གྱི་བརྗོད་གཞི་གཙོ་བོ་དེ་བྱམས་སྙིང་རྗེ་ཡི་རིག་གནས་དང་། སྲོལ་རྒྱུན་སྒོམ་གཤིས་ཀྱི་འཚོ་གནས་ཞེས་པ་དེ་ཡིན་པ་དང་། མཛད་སྒོའི་ཐོག་སྐུ་མགྲོན་གཙོ་བོ་མཆོག་གིས་གསུང་བཤད་ཁྲོད། བོད་པའི་སྤྱི་ཚོགས་ནང་སྒྲིག་འཛུགས་མང་པོ་ཡོད་པའི་ནང་ནས་རང་ཁ་རང་གསོ་ཐུབ་མཁན་ཉུང་ཤས་ནང་ནས་གཅིག་དེ་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དེ་ཡིན་ཞིང་། ཐོན་སྐྱེད་རྣམས་དངོས་དོན་བོད་ཀྱི་ནང་དོན་རིག་པའི་གཞི་རྩ་ལ་བརྟན་པ་ཞིག་ཆགས་ཀྱི་ཡོད་སྟབས་རྗེས་སུ་ཡི་རངས་དང་བསྔགས་བརྗོད་ཡོད་ཅེས་གསུངས་སོང་། དེ་བཞིན་བོད་ཀྱི་རིག་རྩལ་འགའ་ཤས་ཚོང་ལས་རང་གི་ཐོག་ནས་བསམ་ན་ཁེ་ཕན་ཆེན་པོ་མེད་ཀྱང་། སྤྱིར་རིག་གནས་རྒྱབ་ལྗོངས་ཀྱི་ཐོག་ནས་བསམ་བློ་བཏང་ཚེ་ཧ་ཅང་གནད་འགག་ཆེ་བ་མང་པོ་ཡོད་པ་དང་། དེ་དག་ད་བར་མི་ཉམས་རྒྱུན་འཛིན་གནང་ཡོད་པ་དང་མ་འོངས་པ་ལའང་གནང་དགོས་ཤིང་། མི་ཉམས་རྒྱུན་འཛིན་གནང་སྟངས་དེའང་ལུས་ཀྱི་སྦྱོང་བརྡར་དང་མཉམ་དུ་རིག་པའི་གཞུང་ལུགས་རྩ་འཛིན་བྱ་དགོས་རྒྱུ་གལ་ཆེན་པོ་ཡིན་པའི་ལམ་སྟོན་གནང་སོང་། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ངེས་སྟོན་པ་བཀའ་ཟུར་བློ་བཟང་སྙན་གྲགས་ལགས་ཀྱིས་གསུང་བཤད་གནང་བའི་ཁྲོད། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གསར་འཛུགས་གནང་བའི་བརྒྱུད་རིམ་འགྲེལ་བརྗོད་དང་སྦྲགས། ད་ལྟའི་ཆར་སྒྲིག་འཛུགས་དེའི་འཛིན་སྐྱོང་གི་སྒྲིག་གཞི་གཙོ་བོར་གྱུར་བའི་ལས་བྱེད་ཀྱི་བླངས་དོར་དང་ཐོབ་ཐང་སྒྲིག་གཞི་ཆ་ཚང་གཏན་ལ་ཕབ་ལ་ཉེ་བའི་དུས་སྐབས་སུ་སླེབས་ཡོད་པ་དང་། ནོར་གླིང་དེ་བཞིན་གང་ཟག་གི་དབང་སྒྱུར་མིན་པར་ཁྲིམས་དང་སྒྲིག་གཞིས་དབང་སྒྱུར་ཐོག་འགྲོ་ཐུབ་པའི་འབད་བརྩོན་ཞུ་བཞིན་ཡོད་ཅིང་། འཚོ་བ་རང་སྐྱོང་གི་སྡེ་ཚན་ཞིག་ཡིན་སྟབས། དཔལ་འབྱོར་འདུ་འགོད་ནི་མེད་དུ་མི་རུང་བ་ཞིག་ཆགས་ཀྱི་ཡོད་པར་ཚོང་གི་ལམ་ནས་དཔལ་འབྱོར་འདུ་འགོད་ཀྱི་ལས་གཞིར་འབད་བརྩོན་ཞུ་བཞིན་ཡོད་པ་གསུངས་སོང་། ལྷག་པར་ཐོན་སྐྱེད་ཙམ་མིན་པར་བོད་ཀྱི་རིག་གཞུང་དང་འབྲེལ་བའི་སྒྱུ་རྩལ་ཐོག་འབད་རྩོན་དང་། འཛིན་སྐྱོང་ཚག་ཚུད། ཕྱི་གསལ་ནང་གསལ། ཚང་མས་མོས་པ་ཡོང་ཐུབ་པ་ཞིག་བཟོ་རྒྱུའི་འབད་བརྩོན་ཞུ་རྒྱུ་ཡིན་པ་གསུངས་སོང་། རྩ་བའི་དུས་སྟོན་འདིའི་ཐོག་བོད་ཀྱི་སྲོལ་རྒྱུན་རྩེད་མོ་དང་ན་ཆུང་རི་མོའི་འགྲན་བསྡུར། བོད་ཀྱི་ཟས་རིགས། རིག་གཞུང་འཁྲབ་སྟོན། བཟོ་རིག་སྒྱུ་རྩལ། བརྩམས་ཆོས་འགྲེམས་སྟོན་སོགས་གནང་གི་ཡོད་པ་རེད། འདི་ག་རླུང་འཕྲིན་ཁང་ནས་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་སྤྱི་ཁྱབ་འགན་འཛིན་ཚེ་རིང་ཕུན་ཚོགས་ལགས་སུ་ཐེངས་འདིའི་དུས་སྟོན་དང་འབྲེལ་ནས་བཀའ་འདྲི་ཞུས་སྐབས། ཁོང་གིས་སྔ་ལོ་དུས་སྟོན་ཐེངས་དང་པོ་གོ་སྒྲིག་ཞུས་པའི་སྐབས་མང་ཚོགས་དང་ཡུལ་སྐོར་སྤྲོ་འཆམ་པ། དེ་བཞིན་རྡ་ས་ཁུལ་གྱི་རྒྱ་གར་དཔོན་རིགས་ཚོས་དགའ་ཚོར་ཆེན་པོ་གནང་གི་ཡོད་པ་དང་།...

བོད་ནག་ཆུ་ཁུལ་གྱི་དམར་རུ་ཡུལ་ཚོ་དང་གངས་ཆེན་ཡུལ་ཚོ་རུ་ཚད་རིམ་ ༧.༠ ཅན་གྱི་ས་ཡོམ་བྱུང་ཡོད་འདུག The post བོད་ནག་ཆུ་ཁུལ་དུ་ཚད་རིམ་ ༧.༠ ཅན་གྱི་ས་ཡོམ་བྱུང་འདུག appeared first on བོད་ཀྱི་དུས་བབ།.

རྒྱ་ནག་གི་མི་རིགས་མཐུན་སྒྲིལ་ཟེར་བའི་ཁྲིམས་ཡིག་ལ་ངོ་རྒོལ་དང་སྦྲགས། བཙན་བྱོལ་བོད་མི་ཚོས་བོད་ཀྱི་སྐད་ཡིག་བཀོལ་སྤྱོད་རྒྱུན་འཛིན་དགོས་པའི་གཞེན་སྐུལ་དང་མཉམ་དུ། རྡ་སྟེང་བོད་ཕྲུག་ཁྱིམ་སྡེ་དབུ་བརྙེས་ནས་ལོ་ངོ་ ༦༦ འཁོར་བའི་དུས་དྲན་སྲུང་བརྩི་ཞུས་སོང་། དེ་ཡང་དེ་རིང་ཟླ་བ་ ༡༠ ཚེས་ ༢༣ ཉིན་བཞུགས་སྒར་རྡ་རམ་ས་ལར་སྐུ་མགྲོན་གཙོ་བོ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་དང་། ཆེ་བསྟོད་སྐུ་མགྲོན་དུ་བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག། བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག། སྲིད་སྐྱོང་སྤེན་པ་ཚེ་རིང་མཆོག་གཙོས་པའི་མཛད་གཙོ་རྣམ་པ་དབུ་བཞུགས་ཐོག རྡ་སྟེང་བོད་ཕྲུག་ཁྱིམ་སྡེ་དབུ་བརྙེས་ནས་ལོ་ངོ་ ༦༦ ཧྲིལ་པོ་འཁོར་བའི་དུས་དྲན་སྲུང་བརྩི་ཞུས་སོང་། མཛད་སྒོའི་ཐོག་མར་རྡ་སྟེང་བོད་ཕྲུག་ཁྱིམ་སྡེའི་སྤྱི་ཁྱབ་གཙོ་འཛིན་བསོད་ནམས་སྲི་གཅོད་ལགས་ཀྱིས་བོད་ཁྱིམ་སློབ་གྲྭ་ཁག་གི་སྤྱི་ཡོངས་ལས་བསྡོམས་སྙན་སྒྲོན་དང་སྦྲགས། རྒྱ་ནག་གཞུང་གིས་བོད་མི་རིགས་རྩ་མེད་གཏོང་བར་དམིགས་པའི་མི་རིགས་མཐུན་སྒྲིལ་ཟེར་བའི་ཁྲིམས་ཡིག་དེ་ལ་བོད་མི་ཚོས་བོད་ཀྱི་ཆོས་དང་རིག་གཞུང་རྒྱུན་འཛིན་དང་། ལྷག་པར་བོད་ཕྲུག་ན་གཞོན་རྣམས་ལ་བོད་ཀྱི་སྐད་ཡིག་སློབ་སྤེལ་བྱས་པའི་ལམ་ནས་གདོང་ལེན་བྱེད་དགོས་པའི་སྐུལ་མ་གནང་སོང་། དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས། རྒྱ་ནག་གཞུང་གིས་ཁྲིམས་ཀྱི་འབག་གཡོག་ནས་བོད་ཀྱི་ངོ་བོ་ནག་བསུབ་གཏོང་ཐབས་བྱེད་ཀྱི་ཡོད་ནའང་། གཞིས་བཞུགས་བོད་མི་ཚོས་དཀའ་སྡུག་དྲག་གནོན་འཛེམས་མེད་ཐོག་ནས། བོད་ཀྱི་རིག་གཞུང་རྒྱུན་འཛིན་ལས་དོན་ལ་འབད་འབུངས་ལྷོད་མེད་གནང་གི་ཡོད་པར་བསྔགས་བརྗོད་དང་སྦྲགས། འབྱུང་འགྱུར་མུ་མཐུད་བོད་མིའི་ངོ་བོ་སྲུང་སྐྱོབ་ཀྱི་ལས་ལ་འབད་དགོས་པའི་གཞེན་སྐུལ་གནང་སོང་། དེ་ལྟར་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་ཀྱང་། བོད་མི་རྣམས་ཀྱིས་གནས་སྐབས་ཀྱི་དགོས་མཁོ་དང་སྟབས་བདེར་བལྟས་ནས་བོད་ཀྱི་སྐད་ཡིག་བེད་སྤྱོད་བྱ་རྒྱུར་སྣང་མེད་གཏང་ན། མ་འོངས་པར་ནམ་ཞིག་བོད་ཀྱི་ངོ་བོ་མཚོན་པའི་སྐད་ཡིག་རིག་གཞུང་རྩ་མེད་དུ་འགྲོ་རྒྱུའི་ཉེན་ཁ་ཆེན་པོ་ཡོད་པས། ད་ལྟའི་དུས་ནས་བཟུང་བོད་མི་རྒན་གཞོན་ཚང་མས་བོད་ཀྱི་སྐད་ཡིག་གཙོས་པའི་རིག་གཞུང་གི་ངོ་བོ་རྒྱུན་འཛིན་དགོས་པ་དང་། ལྷག་པར་དུ་བོད་མི་ནང་ཁུལ་བཀའ་མོལ་གནང་སྐབས། སྲེ་ལྷད་མེད་པའི་བོད་སྐད་གཙང་མ་སྐྱོན་རྒྱུར་འབད་རྩོལ་དགོས་པའི་སྐུལ་མ་གནང་སོང་། ཕྱོགས་མཚུངས་སྐུ་མགྲོན་གཙོ་བོ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་ནས་ཀྱང་། བོད་མི་རིགས་ཀྱི་ངོ་བོ་མཚོན་པའི་རྩ་བ་ལྟ་བུ་དེ། སྐད་ཡིག་ཡིན་པ་ཤེས་པའི་ཐོག་ནས་བོད་ཀྱི་སྐད་ཡིག་བཀོལ་སྤྱོད་བྱེད་པར་དང་འདོད་དགོས་པ་མ་ཟད། བོད་མི་ཕན་ཚུན་ཁ་བརྡ་བྱེད་པའི་སྐབས་སུ་བོད་སྐད་གཙང་མ་སྐྱོན་ཐབས་ལ་འབད་དགོས་པ་གསུངས་སོང་། དེ་མ་ཟད་རིན་པོ་ཆེ་མཆོག་གིས་སློབ་ཕྲུག་ན་གཞོན་རྣམས་ཀྱི་རྒྱུད་ལ་ཤེས་ཡོན་སློབ་གསོ་དང་མཉམ་དུ། བོད་མིའི་ཆོས་རིག་དང་འབྲེལ་བའི་ཡ་རབས་བཟང་པོའི་སྤྱོད་ཚུལ་རྣམས་འཇགས་ཐབས་སུ། གཞོན་དུས་ནས་བཟང་སྤྱོད་ཀྱི་བསླབ་བྱ་རྣམས་སློབ་དགོས་རྒྱུ་གལ་ཆེན་པོ་ཡིན་པ་དང། དེ་འབྲེལ་ཕ་མ་དང་དགེ་རྒན་རྣམས་ཀྱིས་ཐུགས་ཁུར་བཞེས་དགོས་པའི་ལམ་སྟོན་གནང་སོང་། གཞན་ཡང་མཛད་སྒོའི་ཐོག་བོད་ཕྲུག་ཁྱིམ་སྡེའི་ཞབས་ལོ་...

མདོ་ཁམས་ནག་ནག་ཆུ་སྦྲ་ཆེན་རྫོང་དུ་ས་ཡོམ་རིམ་པ་༧.༠ ཅན་ཞིག་བརྒྱབ་ནས་མི་རྒྱུ་ཟོག་གསུམ་ལ་དཀའ་ངལ་ཆེན་པོ་འཕྲད་བཞིན་པའི་སྐབས། བོད་ཀྱི་ས་གནས་གང་སར་ནས་ཚོང་པ་དང་དྲ་གྲགས་སོགས་ཀྱིས་རོགས་རམ་ཆེད། ཡུལ་དངོས་ལ་བསྐྱོད་རྒྱུ་ལ་རྒྱ་གཞུང་གིས་བཀག་འགོག་བྱས་འདུག The post བོད་ཁམས་ནག་ཆུ་སྦྲ་ཆེན་རྫོང་དུ་ས་ཡོམ་གོད་ཆག་ཚབས་ཆེན་ཕོག་ཀྱང་རོགས་རམ་བཀག་འགོག་བྱས། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༠ ཉིན་གྱི་སྔ་དྲོ་ཆུ་ཚོད་ ༩ ཐོག་དཔལ་ལྡན་ཤེས་རིག་བཀའ་བློན་མཆོག་དང་། ཤེས་རིག་དྲུང་ཆེ་ཀརྨ་ཆོས་དབྱིངས་ལགས་རྣམ་གཉིས་བདེ་སྐྱིད་གླིང་བོད་ཕྲུག་ཁྱིམ་སྡེར་ཕེབས་འབྱོར་སྐབས་སློབ་གྲྭའི་དགེ་ཆེ་དང་དགེ་རྒན། སློབ་ཕྲུག་བཅས་ནས་ཕེབས་བསུ་ཞུས་རྗེས་སློབ་གྲྭའི་དགེ་ཆེ་ནས་ལས་བསྡོམས་སྙན་སྒྲོན་ཞུས་གྲུབ་བསྟུན་དཔལ་ལྡན་ཤེས་རིག་བཀའ་བློན་མཆོག་གིས་འཛིན་ཁང་དང་ལས་ཁུངས་ཁག་ཏུ་གཟིགས་ཞིབ་དང་། དེ་ནས་གཞི་རིམ་འོག་མའི་སློབ་གྲྭར་གཟིགས་སྐོར་དང་འབྲེལ་དགེ་རྒན་དང་ལྷན་སློབ་གྲྭའི་མཐུན་རྐྱེན་དང་འབྲེལ་བའི་སྐོར་བཀའ་མོལ་གནང་ཡོད།དེ་ནས་ཆུ་ཚོད་ ༡༠།༡༥ ཙམ་ལ་བདེ་སྐྱིད་གླིང་བོད་མིའི་གཞིས་ཆགས་ཀྱི་ཚོགས་ཁང་དུ་མང་ཚོགས་ལ་གསུང་བཤད་གནང་སྐབས་དཔལ་ལྡན་ཤེས་རིག་བཀའ་བློན་མཆོག་གིས་བོད་མིའི་སྒྲིག་འཛུགས་བཀའ་ཤག་སྐབས་ ༡༧ པའི་ཕུགས་དམིགས་ཡིག་ཆ་དང་། རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཟེར་བའི་ཁྲིམས་ཡིག བོད་ཀྱི་སྐད་ཡིག་དང་རིག་གཞུང་སྲུང་སྐྱོབ་ཀྱི་གལ་གནད་བཅས་ཀྱི་སྐོར་ངོ་སྤྲོད་གནང་བ་དང་ཆབས་ཅིག བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་ཀྱི་དམིགས་བཞིའི་གལ་གནད་དང་། ཕྲུ་གུའི་མ་འོངས་མདུན་ལམ་སྲུང་སྐྱོབ་ཐད་ཕ་མའི་ལས་འགན་བཅས་ཀྱི་སྐོར་གསུང་བཤད་གནང་།ཉིན་རྒྱབ་ཆུ་ཚོས་ ༢ ཐོག་དཔལ་ལྡན་ཤེས་རིག་བཀའ་བློན་མཆོག་རཱཇ་པུར་བོད་ཕྲུག་ཁྱིམ་སྡེར་ཕེབས་འབྱོར་སྐབས་དགེ་ལས་སློབ་ཕྲུག་རྣམས་ནས་ཕེབས་བསུ་ཞུས་གྲུབ་རྗེས་ཁོང་གིས་སློབ་མ་རྣམས་ལ་བོད་དོན་ཐབས་རྩོད་ཐོག་མ་འོངས་པའི་འགན་ཁུར་དང་། ཤེས་ཡོན་གྱི་གལ་གནད་སྐོར་ལམ་སྟོན་གནང་བ་མ་ཟད། སློབ་སྦྱོང་གནང་བའི་སྐབས་བཀའ་འདྲི་ཞུ་དགོས་གལ་དང་། རྒྱུ་མཚན་ལྡན་པའི་ཐོག་ནས་སྦྱང་བརྩོན་གནང་དགོས་པའི་སྐུལ་མ་གནང་ཡོད། ཕྱི་དྲོར་བདེ་སྐྱིད་གླིང་དང་རཱཇ་པུར་བོད་ཕྲུག་ཁྱིམ་སྡེའི་དགེ་རྒན་དང་ལས་བྱེད་ལྷན་ཚོགས་འདུ་ཞིག་ཚོགས་པའི་སྐབས་ཕྲུ་གུའི་མ་འོངས་ཆེད་འགན་ཁུར་དང་ལྷག་བསམ་དགོས་གལ་སྐོར་ནན་བརྗོད་གནང་བ་དང་སྦྲགས། མ་འོངས་པའི་མི་རབས་ཆེད་དུ་ཚང་མས་ཧུར་བརྩོན་གནང་དགོས་པའི་སྐུལ་མ་གནང་ཡོད། དེ་རྗེས་བོད་ཕྲུག་ཁྱིམ་སྡེའི་བགྲེས་ཤག་ཏུ་ཕེབས་ཏེ་བོད་ཕྲུག་ཁྱིམ་སྡེའི་རྒས་ཡོལ་ལས་བྱེད་ཁག་གཅིག་དང་མཇལ་འཕྲད་དང་། བགྲེས་ཤག་གི་མཐུན་རྐྱེན་ཁག་ལ་གཟིགས་ཞིབ་གནང་ཡོད།ཕྱི་ཚེས་ ༢༡ ཉིན་དཔལ་ལྡན་ཤེས་རིག་བཀའ་བློན་མཆོག་གོ་རི་མ་ཕི་བོད་ཕྲུག་ཁྱིམ་སྡེ་དང་། དོན་གྲུབ་གླིང་ནེཧ་རུ་དྲན་རྟེན་སློབ་གྲྭར་ཕེབས་ཏེ་འཛིན་ཁང་དང་ཁོར་ཡུག་ལ་གཟིགས་སྐོར་དང་། སློབ་ཕྲུག་དང་སློབ་གྲྭའི་འགན་འཛིན་ལྷན་ཚོགས་ཀྱི་ཚོགས་མི་ལྷན་བཀའ་བསྡུར་གནང་ཡོད། དེ་རྗེས་དཔལ་ལྡན་ཤེས་རིག་བཀའ་བློན་མཆོག་སེ་ལ་ཁུའི་དང་། ཧར་པ་སྤུར། སྤུར་ཝ་ལ། སྤོན་ཊ། དྷ་ས་རམ་ས་ལ་བཅས་སུ་གཞུང་འབྲེལ་འཚམས་གཟིགས་མུ་མཐུད་གནང་རྒྱུ་ཡིན་པ་བཅས།།

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༡༦ ཉིན་གྱི་སྔ་དྲོར་བོད་མིའི་སྒྲིག་འཛུགས་ཀྱི་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་། ཤེས་རིག་དྲུང་ཆེ་ཀརྨ་ཆོས་དབྱིངས་ལགས་རྣམ་གཉིས་མ་སུ་རི་བོད་ཕྲུག་ཁྱིམ་སྡེའི་འགན་འཛིན་ལྷན་ཚོགས་ཐེངས་ ༥༤ ཐོག་ཕེབས་ཞུགས་གནང་ཡོད། ཕྱི་ཚེས་ ༡༦ ཉིན་རྒྱབ་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་། ཤེས་རིག་དྲུང་ཆེ་ཀརྨ་ཆོས་དབྱིངས་ལགས། དེང་དུས་ཤེས་ཡོན་སྡེ་ཚན་གྱི་འགན་འཛིན་འཇམ་དབྱངས་དབང་རྒྱལ་ལགས་བཅས་མ་སུ་རི་སཾ་བྷོ་ཊ་སློབ་གྲྭར་ཕེབས་འབྱོར་སྐབས་སློབ་གྲྭའི་སློབ་སྤྱི་དང་། རེག་ཊར། དེ་བཞིན་དགེ་རྒན་ལས་བྱེད་བཅས་ནས་ཕེབས་བསུ་ཞུས་གྲུབ་བསྟུན་འཛིན་ཁང་དང་སྡེ་ཚན་ཁག་ཏུ་གཟིགས་ཞིབ་དང་། སློབ་ཕྲུག་ལྷན་བཀའ་མོལ་གནང་ཡོད། དེ་རྗེས་སློབ་གྲྭའི་དགེ་རྒན་དང་ལས་བྱེད་ལྷན་ཚོགས་འདུ་ཞིག་ཚོགས་ཡོད།ཕྱི་ཚེས་ ༡༧ ཉིན་དཔལ་ལྡན་ཤེས་རིག་བཀའ་བློན་མཆོག་མ་སུ་རི་བོད་ཁྱིམ་སློབ་གྲྭའི་ལོ་འཁོར་རྒྱུག་མཆོང་འཕེན་གསུམ་གྱི་རྩེད་འགྲན་ཐོག་ཆེད་ཕེབས་གནང་ཡོད། སྐབས་དེར་མ་སུ་རི་བོད་ཕྲུག་ཁྱིམ་སྡེའི་སྤྱི་ཁྱབ་དྲུང་ཆེ་མིག་དམར་ཚེ་རིང་ལགས་དང་། སློབ་གྲྭའི་སློབ་སྤྱི་ཆོས་སྒྲོན་ལགས་གཙོས་དགེ་ལས་སློབ་ཕྲུག་ཡོངས་ནས་ཕེབས་བསུ་ཞུས་ཡོད། དཔལ་ལྡན་ཤེས་རིག་བཀའ་བློན་མཆོག་གིས་སློབ་ཕྲུག་ཚོར་རྩེད་འགྲན་ནང་རྒྱལ་ཁ་ཐོབ་རྒྱུ་ལས་མཉམ་ཞུགས་བྱ་རྒྱུ་གལ་འགངས་ཆེ་བ་ཡིན་ཚུལ་དང་། རྩེད་འགྲན་དེའི་ནང་མཉམ་ཞུགས་གནང་མཁན་ཡོངས་ལ་འཚམས་འདྲི་དང་ཆབས་ཅིག རྩེད་རིགས་རྣམས་རྩེད་འགྲན་ཉིན་མོ་ཙམ་ཡིན་པར་ཉིན་རེའི་འཚོ་བའི་ནས་ལུས་སེམས་བདེ་ཐང་ཆེད་རྩེད་དགོས་པའི་སྐུལ་མ་གནང་།ཕྱི་ཚེས་ ༡༨ ཉིན་མ་སུ་རི་སཾ་བྷོ་ཊ་སློབ་གྲྭའི་རྩེད་འགྲན་ཉིན་མོའི་དབུ་འབྱེད་དང་མཇུག་བསྡོམས་མཛད་སྒོར་ཆེད་ཕེབས་གནང་བ་དང་། མ་སུ་རི་བོད་ཁྱིམ་གྱི་ཁར་དབང་དང་སཾ་བྷོ་ཊ་སློབ་གྲྭའི་སློབ་གླིང་བཅས་ལ་གཟིགས་སྐོར་གནང་ཡོད། ཕྱི་ཚེས་ ༡༩ ཉིན་དཔལ་ལྡན་ཤེས་རིག་བཀའ་བློན་མཆོག་གིས་མ་སུ་རི་བོད་ཁྱིམ་སློབ་གྲྭར་འཚམས་གཟིགས་གནང་སྐབས་སློབ་གྲྭའི་སློབ་སྤྱི་དང་། དགེ་ཆེ། ཤེས་ཡོན་འགན་འཛིན་བཅས་ནས་ཕེབས་བསུ་ཞུས་ཡོད། དེ་རྗེས་བཀའ་བློན་མཆོག་གིས་གསུང་བཤད་གནང་ཡོད་ཅིང་། ཁོང་གིས་སློབ་ཕྲུག་ཚོར་བོད་དོན་ཐབས་རྩོད་ཐོག་ལས་འགན་དང་། བོད་ཀྱི་སྐད་ཡིག་དང་རིག་གཞུང་སྲ་བརྟན་གཏོང་རྒྱུར་འབད་བརྩོན་གནང་དགོས་པའི་ནན་སྐུལ་གནང་གྲུབ་མཐར་འཛིན་ཁང་དང་སྡེ་ཚན་ཁག་ཏུ་གཟིགས་ཞིབ་གནང་ཡོད།དེ་ནས་སློབ་གྲྭའི་དགེ་ལས་དང་ལྷན་ཚོགས་འདུ་ཞིག་བསྐོང་ཚོགས་གནང་ཞིང་། སྐབས་དེར་བཀའ་བློན་མཆོག་གིས་དགེ་ལས་ཚོས་སློབ་གྲྭའི་ཁོར་ཡུག་དང་སློབ་ཕྲུག་བཅས་ལ་བདག་སྐྱོང་གནང་བར་ཐུགས་རྗེ་ཆེ་ཞུས་གནང་བ་དང་ཆབས་ཅིག...

ས་ཡོམ་གྱི་གནོད་འཚེ་ཕོག་ཡུལ་དུ་ད་ལྟ་མི་ཤི་རྨས་ཀྱི་གནས་ཚུལ་ཁ་གསལ་མེད་པ་དང་། ཁང་པ་ལོག་དང་སེར་ཁ་གས་པ་སོགས་བྱུང་འདུག

མི་རིགས་མཐུན་སྒྲིལ་གྱི་ཁྲིམས་ལག་བསྟར་བྱས་ཏེ་མི་རིགས་རྩ་བརླག་གཏོང་བའི་བྱ་ཐབས་ཡིན་པ་བརྗོད་ཀྱི་འདུག

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༡ ཉིན་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་པདྨ་མཚོ་མཆོག་གིས་ཅོན་ཊ་ར་དང་སྦིར་བོད་ཚོགས། སྦིར་སྡེ་དགེ་བཅས་སུ་གཞུང་འབྲེལ་འཚམས་གཟིགས་གནང་ཡོད། འཚམས་གཟིགས་རིང་བཀའ་བློན་མཆོག་གིས་ས་གནས་འགོ་འཛིན་གཙོས་པོས་ས་གནས་འཐུས་ཚོགས་དང་། ས་གནས་འཕྲོད་བསྟེན་སྨན་ཁང་གི་ལས་བྱེད། ས་གནས་སུ་གནས་སྡོད་གཞིས་མི་བཅས་དང་ཐུག་འཕྲད་གནང་ཡོད་ཅིང་། ས་གནས་ཀྱི་འཕྲོད་བསྟེན་མཐུན་རྐྱེན་དང་། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་མཐུན་འགྱུར་འོག་འགྲོ་མུས་ཡིན་པའི་འཕྲོད་བསྟེན་དང་འབྲེལ་བའི་ལས་གཞི་ཁག་ལ་གཟིགས་ཞིབ་གནང་ཡོད། དེ་བཞིན་བཀའ་བློན་མཆོག་གིས་ཅོན་ཊ་ར་དོན་ལྡན་རྒན་གསོ་ཁང་དང་། ཅོན་ཊ་ར་དང་སྦིར་དུ་རྟེན་གཞི་བྱས་པའི་སྨན་རྩིས་ཁང་ཡན་ལག་བཅས་སུ་གཟིགས་སྐོར་གནང་ཡོད། དེ་རྗེས་བཀའ་བློན་པདྨ་མཚོ་མཆོག་གིས་ལི་ལི་གྲོང་སྡེ་གཞི་མི་རྣམས་དང་ཐུག་འཕྲད་ཀྱིས་བོད་མིིའི་སྐད་དང་རིག་གཞུང་སྲུང་སྐྱོབ་བྱ་རྒྱུ་དང་། ཕྲུ་གུ་རྣམས་ལ་ཤེས་ཡོན་ཚད་ལྡན་མཁོ་སྤྲོད་བྱ་རྒྱུ། སྤྱི་ཚོགས་ནང་ཕན་ཚུན་འཆམ་མཐུན་གནས་དགོས་པ། དེ་བཞིན་གཙང་སྦྲ་འཕྲོད་བསྟེན་ལ་དོ་སྣང་བྱེད་དགོས་པ་བཅས་ཀྱི་གལ་གནད་ཐོག་ནན་བརྗོད་གནང་ཞིང་། གཞོན་སྐྱེས་རྣམས་ནས་བོད་ཀྱི་གསོ་བ་རིག་པའི་ཐོག་སློབ་གཉེར་གནང་དགོས་པའི་སྐུལ་འདེད་གནང་ཡོད། གཞན་ཡང་བཀའ་བློན་མཆོག་གིས་བཀའ་ཤག་སྐབས་ ༡༧ པའི་གཞུང་མང་དབར་འབྲེལ་ལམ་དམ་ཟབ་དང་། ས་གནས་ཀྱི་དཀའ་ངལ་ཁག་ལ་བསམ་གཞིག འཕྲོད་བསྟེན་ལྟ་སྐྱོང་མཐུན་རྐྱེན་ཡར་རྒྱས། འཁོས་ཞན་ལ་ལྟ་སྐྱོང་དང་རྒྱབ་སྐྱོར་བྱ་རྒྱུའི་ཆོད་སེམས་གསལ་སྟོན་གནང་ཞིང་། འཕྲོད་བསྟེན་ལྟ་སྐྱོང་ལས་བྱེད་རྣམས་ཀྱི་ལྷག་བསམ་ལ་བསྔགས་བརྗོད་དང་སྦྲགས། འཕྲོད་བསྟེན་ལྟ་སྐྱོང་ཞབས་ཞུ་ཡར་རྒྱས་ཡོང་བར་ནད་པའི་སྙན་ཐོ་རྣམས་ཁ་གསལ་ཉར་དགོས་པའི་གལ་གནད་ཐོག་ནན་བརྗོད་གནང་ཡོད། དེ་ནས་འཕྲོད་བསྟེན་བཀའ་བློན་མཆོག་གིས་བཀྲ་ཤིས་ལྗོངས་བོད་མིའི་གཞིས་ཆགས་སུ་གཟིགས་སྐོར་གནང་སྟེ་ས་གནས་ཀྱི་སྐུ་ཚབ་དང་ས་གནས་འཕྲོད་བསྟེན་སྨན་ཁང་གི་ལས་བྱེད་བཅས་དང་ཐུག་འཕྲད་ཀྱིས་སྤྱི་ཚོགས་ཀྱི་འཕྲོད་བསྟེན་ཞབས་ཞུའི་ཐོག་བཀའ་བསྡུར་གནང་ཡོད། མཐར་སྦིར་ས་གནས་འཐུས་ཚོགས་ཁག་གསུམ་ནས་བཀའ་བློན་མཆོག་ལ་དྲན་རྟེན་ཕྱག་རྟགས་ཕུལ་ཡོད་པ་བཅས། །

ཕྱི་ཟླ་ ༡༠ ཚེས་ ༧ ནས་ ༢༣ བར་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་གིས་བོད་མིའི་ལྷོ་བྱང་གི་གཞིས་ཆགས་དང་སློབ་གྲྭ་ཁག་ཅིག་ཏུ་འཚམས་གཟིགས་གནང་ཡོད་འདུག The post ཤེས་རིག་བཀའ་བློན་མཆོག་གིས་ལྷོ་བྱང་གི་བོད་མིའི་གཞིས་ཆགས་དང་སློབ་གྲྭ་ཁག་ཅིག་ཏུ་འཚམས་གཟིགས་གནང་། appeared first on བོད་ཀྱི་དུས་བབ།.

སུད་སིར་གནས་སྡོད་བོད་པའི་གཞོན་སྐྱེས་རྣམས་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་སུ་ཁྲིད་ནས་རྒྱལ་ཚོགས་ཀྱི་འགྲོ་ལུགས་དང་ལས་དོན་བྱེད་ཕྱོགས་བཅས་ཀྱི་ཐོག་གོ་རྟོགས་སྤེལ་འདུག དེ་ཡང་ཟླ་བ་འདིའི་ཚེས་ ༡༩ ཉིན་སུད་སིའི་བོད་ཀྱི་སྐུ་ཚབ་དོན་ཁང་དང་ཇི་ནི་ཝ་བོད་རིགས་མཐུན་ཚོགས་ཟུང་སྦྲེལ་ཐོག་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་སུ་ཤེས་ཡོན་སྐོར་སྐྱོད་ཀྱི་ལས་རིམ་ཞིག་གོ་སྒྲིག་གནང་ཡོད་ཅིང་། ལས་རིམ་དེའི་ནང་ལོ་ན་ ༦ ནས་ ༡༥ བར་གྱི་བོད་པའི་གཞོན་སྐྱེས་གྲངས་ ༡༥ དང་དགེ་རྒན་གཅིག་བཅས་ཁྱོན་མི་གྲངས་ ༡༦ མཉམ་ཞུགས་གནང་བ་མ་ཟད།  སྐབས་དེར་སུད་སིའི་བོད་ཀྱི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་དང་དོན་ཁང་གི་རྒྱལ་ཚོགས་འབྲེལ་མཐུད་པ་ཕུན་ཚོགས་སྟོབས་རྒྱལ་ལགས་ཀྱང་ལྷན་བཅར་ཞུས་འདུག ད་རེས་སུད་སིར་གནས་སྡོད་བོད་པའི་གཞོན་སྐྱེས་རྣམས་ནས་མཉམ་འབྲེལ་རྒྱལ་ཚོགས་སུ་ཤེས་ཡོན་སྐོར་སྐྱོད་ཀྱི་ལས་རིམ་འདིའི་ཐོག་མཉམ་ཞུགས་གནང་བ་ནི་ཐེངས་དང་པོ་ཆགས་ཀྱི་ཡོད་པ་དང་། སྐོར་སྐྱོད་ཀྱི་ལས་རིམ་འདི་ནི་བོད་ཕྲུག་རྣམས་ལ་ཤེས་ཡོན་གྱི་གོ་རྟོགས་ཙམ་མ་ཡིན་པར་ཁོང་རྣམས་ཀྱི་མཐོང་རྒྱ་ཇེ་ཆེར་གཏོང་རྒྱུ་དང་། མ་འོངས་པའི་གོ་སྐབས་ལ་བསམ་གཞིག་བྱེད་པར་སྐུལ་འདེད་གཏོང་རྒྱུ་དེ་ཡིན་པར་མ་ཟད། བོད་ཕྲུག་རྣམས་ལ་མཉམ་འབྲེལ་རྒྱལ་ཚོགས་ཀྱི་སྐོར་ཤེས་རྟོགས་བརྒྱུད། རྒྱལ་སྤྱིའི་མཉམ་ལས་དང་། ཕྱི་འབྲེལ། རྒྱལ་སྤྱིའི་དཀལ་ངལ་སེལ་བར་ཕན་ཐོགས་མཁན་གྱི་སྒྲིག་འཛུགས་བཅས་ཀྱི་སྐོར་གོ་རྟོགས་ཐོབ་ཆེད་དུ་དམིགས་པ་ཞིག་རེད་འདུག འདི་ག་རླུང་འཕྲིན་ཁང་ནས་ཐེངས་འདིའི་ཤེས་ཡོན་ལྟ་སྐོར་དང་འབྲེལ་སུད་སིའི་བོད་ཀྱི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་སུ་བཀའ་འདྲི་ཞུས་པར། ཁོང་གིས་རྒྱལ་སྤྱིའི་ཚོགས་སྡེ་ཁག་གི་སྐོར་དང་ལས་དོན་བྱེད་ཕྱོགས་ཐད་བོད་པའི་གཞོན་སྐྱེས་རྣམས་ལ་རྒྱུས་ལོན་བྱེད་པའི་གོ་སྐབས་བསྐྲུན་རྒྱུ་ནི་གལ་ཆེན་ཡིན་སྐོར་དང་།  ལྷག་པར་དུ་མཉམ་འབྲེལ་རྒྱལ་ཚོགས་ཀྱི་སྐོར་རྒྱུས་ལོན་བྱེད་པའི་བརྒྱུད་གཞོན་སྐྱེས་རྣམས་ལ་མ་འོངས་མཐོ་རིམ་གྱི་ཤེས་ཡོན་སློབ་གཉེར་དང་། ཆེད་ལས་ཀྱི་ལས་རིགས། དེ་བཞིན་རྒྱལ་སྤྱིའི་ཚོགས་པ་ཁག་གི་ནང་ལས་ཀའི་གོ་སྐབས་བཅས་ཀྱི་སྐོར་ངོ་སྤྲོད་ཡོང་བར་ཕན་ཐོགས་ཡོང་སྲིད་པ་ཡིན་སྟབས། འདི་ལྟ་བུའི་ཤེས་ཡོན་སྐོར་སྐྱོད་ཀྱི་ལས་རིམ་བརྒྱུད་མི་རབས་གཞོན་པའི་ཁྲོད་རྒྱལ་སྤྱིའི་སྒྲིག་འཛུགས་ཁག་གི་སྐོར་ཤེས་འདོད་ཀྱི་བློ་སྐུལ་འདེད་གཏོང་རྒྱུར་དམིགས་པ་ཞིག་དང་། མཉམ་འབྲེལ་རྒྱལ་ཚོགས་ནང་དངོས་སུ་སྐོར་སྐྱོད་དང་ལམ་སྟོན་པས་འགྲེལ་བརྗོད་གནང་བའི་བརྒྱུད་མཉམ་ཞུགས་པ་རྣམས་ལ་སྔོན་ཆད་བློ་ལ་མ་འཁོར་བའི་མ་འོངས་ཀྱི་གོ་སྐབས་མང་པོ་ཞིག་སེམས་ལ་འཆར་ཐུབ་པ་བྱུང་ཡོད་ཅེས་གསུངས་སོང་། ཤེས་ཡོན་སྐོར་སྐྱོད་ཁྲོད་གཞུང་འབྲེལ་ཕ་རན་སི་སྐད་ཡིག་ཐོག་ལམ་སྟོན་གནང་མཁན་ནས་མཉམ་འབྲེལ་རྒྱལ་ཚོགས་ཀྱི་ལོ་རྒྱུས་དང་། སྒྲོམ་གཞི། ལས་དོན་བྱེད་ཕྱོགས་སྐོར་ངོ་སྤྲོད་དང་འབྲེལ་ནས་།  རྒྱལ་ཚོགས་ཀྱི་སྒྲིག་འཛུགས་མི་འདྲ་བ་དང་དེ་དག་གིས་རྒྱལ་སྤྱིའི་གནད་དོན་ཁག་ལ་གདོང་ལེན་ཇི་ལྟར་བྱེད་ཕྱོགས་སོགས་ཞིབ་རྒྱས་ངོ་སྤྲོད་གནང་སྐབས། བོད་ཕྲུག་རྣམས་ནས་དོ་སྣང་ཆེན་པོས་ཉན་ཡོད་པ་མ་ཟད། མཉམ་འབྲེལ་རྒྱལ་ཚོགས་ཀྱི་ལས་དོན་བྱེད་ཕྱོགས་དང་འབྲེལ་ནས་དྲི་བ་མང་དག་ཅིག་ཀྱང་དྲིས་ཡོད། སུད་སིའི་བོད་ཀྱི་སྐུ་ཚབ་དོན་ཁང་ནས་ལས་རིམ་འདིའི་བརྒྱུད་མཉམ་ཞུགས་པ་རྣམས་ལ་མཉམ་འབྲེལ་རྒྱལ་ཚོགས་དང་རྒྱལ་སྤྱིའི་སྒྲིག་འཛུགས་གཞན་ཁག་གི་སྐོར་རྒྱུན་མཐུད་སློབ་སྦྱོང་བྱེད་པར་སྐུལ་འདེད་ཡོང་བའི་རེ་བ་དང་། དེ་བཞིན་གཞོན་སྐྱེས་རྣམས་ཤེས་ཡོན་ཅན་དང་། གདེང་སྤོབས་ལྡན་པ། རྒྱལ་སྤྱིའི་མཉམ་ལས་གྱི་གལ་གནད་རང་བཞིན་ཐོག་གོ་རྟོགས་ཡོད་མཁན་ཞིག་གསོ་སྐྱོང་གིས་རྒྱལ་སྤྱིའི་སྤྱི་ཚོགས་ཐོག་ལེགས་སྐྱེས་ཕུལ་ཐུབ་མཁན་ཞིག་ཆགས་པའི་རེ་བ་གནང་གི་ཡོད་པ་གསུངས་སོང་། ཕྱོགས་མཚུངས་ཉེ་ཆར་ལོན་ཌོན་སྐུ་ཚབ་དོན་ཁང་ནས་ཝེ་སི་མིན་སི་ཊར་...

༄༅། །ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་བཅུ་དགུ་པའི་ནང་གསེས་ ༡ དགོངས་དོན། ཕྱི་རྒྱལ་ཁག་ཏུ་སྐུ་ཚབ་དོན་གཅོད་རྣམས་སྲིད་སྐྱོང་དང་བཀའ་བློན་ཚང་འཛོམས་ཞིབ་གྲོས་དྲག་འདེམས་ཀྱིས་བཀའ་ཤག་ནས་བསྐོ་འཛུགས་གནང་བར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུར། ཞེས་གསལ་བ་ལྟར་དཔལ་ལྡན་དགའ་ལྡན་ཕོ་བྲང་གི་དྲུང་ཆེ་ཆོས་སྐྱབས་པ་འཆི་མེད་རིག་འཛིན་ལགས་ཨོ་སི་ཊོ་ལི་ཡའི་སྐུ་ཚབ་དོན་གཅོད་དུ་ལོ་གསུམ་རིང་བསྐོ་གཞག་བསྩལ་དོན་ལྟར་ཕྱི་ལོ་ ༢༠༢༧ ཟླ་ ༣ ཚེས་ ༢༡ ཉིན་ལས་ཁུར་འགོ་འཛུགས་གནང་རྒྱུ་གནང་སོང་བའི་གསལ་བསྒྲགས་སུ། བཀའ་དྲུང་ཡིག་ཚང་ནས་ ༢༠༢༦ ཟླ་ ༡༠ ཚེས་ ༢༡ ལ། །

༄༅། །ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་བཅུ་དགུ་པའི་ནང་གསེས་ ༡ དགོངས་དོན། ཕྱི་རྒྱལ་ཁག་ཏུ་སྐུ་ཚབ་དོན་གཅོད་རྣམས་སྲིད་སྐྱོང་དང་བཀའ་བློན་ཚང་འཛོམས་ཞིབ་གྲོས་དྲག་འདེམས་ཀྱིས་བཀའ་ཤག་ནས་བསྐོ་འཛུགས་གནང་བར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུར། ཞེས་གསལ་བ་ལྟར་བོད་དང་ཐའེ་ཝན་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་སྤྱི་ཁྱབ་དྲུང་ཆེ་བཀྲ་ཤིས་ཚེ་རིང་ལགས་ཐའེ་ཝན་སྐུ་ཚབ་དོན་གཅོད་དུ་ལོ་བཞིའི་རིང་བསྐོ་གཞག་བསྩལ་དོན་ལྟར་ཕྱི་ལོ་ ༢༠༢༧ ཟླ་ ༣ ཚེས་ ༢༢ ཉིན་ལས་ཁུར་འགོ་འཛུགས་གནང་རྒྱུ་གནང་སོང་བའི་གསལ་བསྒྲགས་སུ། བཀའ་དྲུང་ཡིག་ཚང་ནས་ ༢༠༢༦ ཟླ་ ༡༠ ཚེས་ ༢༡ ལ།

རྒྱ་ནག་གཞུང་གིས་འདས་པའི་ལོ་ཤས་ནང་བོད་ཀྱི་སྒེར་བཙུགས་སློབ་གྲྭ་མང་པོ་ཞིག་བཙན་གྱིས་སྒོ་བརྒྱབ་ཡོད་པ་དང་། སློབ་གྲྭ་དེ་དག་ནང་བོད་ཀྱི་ཆོས་དང་རིག་གཞུང་། སྐད་ཡིག་སོགས་སློབ་ཁྲིད་བྱེད་ཀྱིན་ཡོད་པའི་དབང་གི་སྒོ་བརྒྱབ་ཀྱི་ཡོད་པ་རེེད་འདུག The post     རྒྱ་ནག་གཞུང་གིས་བོད་ནང་གི་སྒེར་གཉེར་སློབ་གྲྭ་གསུམ་སྒོ་བརྒྱབ་པ། appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༡ ཉིན་གྱི་ཕྱི་དྲོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་གྲོས་ཚོགས་འོག་མའི་ཁྲལ་བསྡུ་དང་ཐབས་བྱུས་ཚོགས་ཚོང་ (Ways and Means Committee) གི་ཚོགས་གཙོ་སྤྱི་མཐུན་ཚོགས་པའི་གྲོས་ཚོགས་འཐུས་མི་ཇེ་སན་སི་མི་དཱ་ (Jason Smith) ལགས་ཀྱིས་འགོ་ཁྲིད་པའི་ཨ་རིའི་ཆབ་སྲིད་ཚོགས་པ་གཉིས་ཀྱི་སྐུ་ཚབ་ཚོགས་ཆུང་མི་གྲངས་ ༡༧ ལ་མཇལ་ཁ་སྩལ་ཡོད།   དེ་ཡང་ཕོ་བྲང་གི་མཇལ་འཕྲད་ཁང་དུ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཨ་རིའི་གྲོས་ཚོགས་ཀྱི་ཚོགས་མི་རྣམས་མགོན་པོ་མཆོག་ལ་ངོ་སྤྲོད་དང་འབྲེལ་མཇལ་ཁ་ཞུས་རྗེས་ཨ་རིའི་གྲོས་ཚོགས་འོག་མའི་ཁྲལ་བསྡུ་དང་ཐབས་བྱུས་ཚོགས་ཚོང་ (Ways and Means Committee) གི་ཚོགས་གཙོ་སྤྱི་མཐུན་ཚོགས་པའི་གྲོས་ཚོགས་འཐུས་མི་ཇེ་སན་ སི་མིད་ (Jason Smith) ལགས་ཀྱིས། དེ་རིང་ཁོ་ཚོ་བཅར་ཡོད། ༸རྒྱལ་བ་རིིན་པོ་ཆེ་མཆོག་ལ་མཇལ་ཐུབ་པ་ནི་ཧ་ཅང་བསྐལ་པ་བཟང་པོ་བྱུང་། ཐུགས་རྗེ་ཆེ་ཞེས་ཞུས། སྐབས་དེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། ང་ཚོ་ཚང་མ་འགྲོ་བ་མི་གཅིག་མཚུངས་རེད། ང་ཚོ་ཚང་མ་འཛམ་གླིང་འདིར་མཉམ་དུ་འཚོ་གནས་བྱེད་བཞིན་ཡོད། ང་ཚོར་ལྟ་ཚུལ་མི་འདྲ་བ་དང་། སྲོལ་རྒྱུན་གྱི་གོམས་སྲོལ་མི་འདྲ་བ་སོགས་ཡོད་ཀྱང་། དེ་དག་གིས་ཕན་ཚུན་ལ་རོགས་རམ་བྱེད་པ། ཕན་ཚུན་ལ་ཞབས་ཞུ་སྒྲུབ་པར་བེད་སྤྱོད་བྱ་དགོས། ནུབ་ཕྱོགས་པའི་རྒྱབ་སྐྱོར་དང་ལྷག་པར་ཨ་མི་རི་ཀའི་རྒྱབ་སྐྱོར་ཤུགས་ཆེན་གནང་ཡོད་པར་ཧ་ཅང་དགའ་ཚོར་ཡོད།...

ཨ་རིའི་གྲོས་ཚོགས་འོག་མའི་ཁྲལ་བསྡུ་དང་ཐབས་བྱུས་ཚོགས་ཆུང་གི་ཚོགས་གཙོས་སྣེ་ཁྲིད་པའི་འཐུས་མི་ལྔ་རྡ་སར་བཅར་འདུག

འབྲས་ལྗོངས་སྤྱི་ཁྱབ་བློན་ཆེན་མཆོག་དང་མཇལ་འཕྲད་གནང་ཡོད་པ།

“བོད་ཀྱི་རིག་གཞུང་ཐོག་ལས་དོན་བསྒྲུབ་རྒྱུ་ཡིན་" ཞེས་གསུང་གི་འདུག