འབྲུག་ཡུལ་དུ་འཁྱགས་རོམ་གྱི་མཚོ་ཆུང་གས་དེ་གློ་བུར་ཆུ་ལོག་གི་ཁྲོད་མིའི་ཚེ་སྲོག་ཤོར་མེད་ཀྱང་ཆུ་ཟམ་འཁྱེར་བ་སོགས་བྱུང་པ།

ཀུ་རུཀ་ཤེ་ཏྲ་ས་ཚིགས་སུ་བདེན་པའི་རྒྱལ་ཁ་ཐོབ་པར་བོད་ལའང་དེ་བཞིན་འབྱུར་བར་དམིགས་ཏེ་རྡ་ས་ནས་ས་གནས་དེའི་བར་གོམ་བགྲོད།

དེ་རིང་ཕྱི་ལོ་ ༢༠༢༦ ཟླ་ ༡༠ ཚེས་ ༣༠ ཉིན་བཞུགས་སྒར་དུ་ཡོད་པའི་གཞུང་འབྲེལ་མ་ཡིན་པའི་ཚོགས་པ་ལྔ་སྟེ། དབུས་གཙང་ཆོལ་ཁ་དང་། མདོ་སྟོད་ཆོལ་ཁ། མདོ་སྨད་ཆོལ་ཁ། དེ་བཞིན་བོད་ཀྱི་བུད་མེད་ལྷན་ཚོགས་དང་། རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་བཅས་ནས་མཉམ་རུབ་ཀྱི་གོ་སྒྲིག་འོག །རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ལ་ངོ་རྒོལ་གྱིས་ཁྲིམས་ཡིག་དེ་འཕྲལ་དུ་ཕྱིར་བསྡུ་དགོས་པ་དང་། བོད་ནི་དུས་ནམ་ཡང་རྒྱ་ནག་གི་ཆ་ཤས་མིན་པ་མ་ཟད། དབུ་མའི་ལམ་གྱི་སྲིད་བྱུས་བརྒྱུད་རྒྱ་ནག་ནས་བོད་རྒྱའི་དཀའ་རྙོག་སེལ་ཐབས་དགོས་པ་སོགས་ཀྱི་དགོས་འདུན་ལྔ་ཆེད་འདོན་ཐོག །བཞུགས་སྒར་རྡ་རམ་ས་ལ་ནས་རྒྱལ་ས་ལྡི་ལིའི་ཉེ་འཁྲིས་ཧ་རི་ཡཱ་ནའི་མངའ་སྡེའི་ཀུ་རུ་ཀྵེ་ཏྲ་ས་གནས་བར་སྤྱི་ལེ་ ༣༣༠ ཙམ་གྱི་ཞི་བའི་གོམ་བགྲོད་ཀྱི་ལས་འགུལ་ཞིག་སྤེལ་གནང་སོང་།  འདི་ག་རླང་འཕྲིན་ཁང་གིས་སྐབས་དེར་ཐེངས་འདིའི་གོམ་བགྲོད་ཀྱི་ལས་འགུལ་གོ་སྒྲིག་གནང་མཁན་ཚོགས་པ་ལྔ་སོ་སོའི་སྐུ་ཚབ་ཁག་དང་ལྷན་དུ་བཅར་འདྲི་ཞུས་ཡོད། སྤྱིར་མི་གྲངས་ ༢༦ གི་དངོས་སུ་མཉམ་ཞུགས་གནང་བའི་གོམ་བགྲོད་ཀྱི་ལས་འགུལ་དེ་བཞིན་བཞུགས་སྒར་མེག་གྷན་ཁྲོམ་གཞུང་ནས་འགོ་འཛུགས་ཀྱིས་གངས་ཅན་སྐྱིད་གཤོངས་དུ་འབྱོར་སྐབས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུ་འབྱེད་དང་སྦྲགས།  འདུ་འཛོམས་ཐོག་རྡ་རམ་ས་ལ་གྲོང་ཁྱེར་སྤྱི་ཁྱབ་ Shamsher Nehria ཤཱམ་ཤེར་ནེཧ་རི་ཡཱ་ལགས་དང་། བཀའ་བློན་ཁག་གཅིག་ཆེད་ཕེབས་ཀྱིས།  ལས་འགུལ་གྱི་དགོས་འདུན་འཁོད་པའི་འཕྲེད་དར་ཐོག་རྒྱབ་སྐྱོར་མཚོན་སླད་མཚན་རྟགས་བཀོད་གནང་སོང་ལ།  སྐབས་དེར་སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་ནག་གི་མི་རིགས་མཐུན་སྒྲིལ་ཟེར་བའི་ཁྲིམས་ཡིག་ཀྱི་རྒྱབ་ལྗོངས་གནས་ཚུལ་དང་དེའི་ཉེན་ཁ་ངོ་སྤྲོད་ཐོག །ལས་འགུལ་བ་རྣམས་ལ་འགྲུལ་ལམ་ཁྲོད་འཕྲོད་བསྟེན་ལ་ཡིད་གཟབ་གནང་དགོས་པ་སོགས་གསུངས་སོང་།  རྩ་བའི་ད་རེས་ཀྱི་ལས་འགུལ་དེ་ཉིད་གོམ་བགྲོད་ཀྱི་ལས་འགུལ་ཞིག་ཡིན་པ་དེ་ལྟར་ཡང་། གནས་སྟངས་དང་རྒྱུ་མཚན་ཁག་གཅིག་གི་རྐྱེན་པས་ལམ་བར་དུ་སྐབས་འགར་གོམ་བགྲོད་པ་རྣམས་འགྲིམ་འགྲུལ་སྣུམ་འཁོར་བརྒྱུད་དེ་ལས་འགུལ་མཇུག་སྐྱོང་གནང་རྒྱུ་ཡིན་པ་རེད་འདུག་ལ།  ཐེངས་འདིའི་ལས་འགུལ་ནང་དམིགས་བསལ་གྱི་ལ་དྭགས་པ་གཞོན་སྐྱེས་ཤིག་ནས་ཀྱང་མཉམ་ཞུགས་གནང་འདུག་པར་ཁོང་གིས་འདི་གའི་གསར་འགོད་པར།  རྒྱ་ནག་གི་མི་རིགས་མཐུན་སྒྲིལ་གྱི་ཁྲིམས་ཡིག་ལ་ངོེ་ལེན་མེད་ཅེས་འགྲེལ་བརྗོད་ཀྱིས།  འདི་ལྟ་བུའི་ལས་འགུལ་ནང་བོད་མི་གཞོན་སྐྱེས་གཙོ་བོར་གྱུར་བའི་མང་ཚོགས་ཀུན་ནང་གང་མང་མཉམ་ཞུགས་གནང་དགོས་པའི་རེ་འདུན་བཏོན་གནང་སོང་།    The post བཞུགས་སྒར་རྡ་ས་ནས་ཀུ་རུ་ཀྵེ་ཏྲ་བར་རྒྱ་ནག་གི་མི་རིགས་མཐུན་སྒྲིལ་ཟེར་བའི་ཁྲིམས་ཡིག་ལ་ངོ་རྒོལ་ཆེད་དུ་ཞི་བའི་གོམ་བགྲོད་ཀྱི་ལས་འགུལ་སྤེལ་བ།...

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༣༠ ཉིན་བོད་མིའི་སྒྲིག་འཛུགས་ཀྱི་བཀའ་ཤག་ཚོགས་ཁང་དུ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྨན་པ་ཨེ་མོན་ཀོ་པེ་ར་ (Dr. Aimon Kopera) ལགས་ཀྱིས་སྣེ་ཁྲིད་པའི་མིན་ཌའི་བསྟི་གནས་ཁང་ (MINDAI) གི་སྐུ་ཚབ་ཚོགས་ཆུང་ཞིག་དང་མཇལ་འཕྲད་གནང་ཡོད། དེ་ཡང་མིན་ཌའི་བསྟི་གནས་ཁང་ནི་ཨ་རིར་རྟེན་གཞི་བྱས་པའི་ཁེ་མེད་ཚོགས་པ་ཞིག་ཡིན་པ་དང་། དེའི་ནང་དུ་གཏོང་ཕོད་ཅན་གྱི་སྦྱིན་བདག འཕྲུལ་རིག་གི་ཆེད་ལས་པ། མ་འཛུགས་གནང་མཁན། སྤྱི་ཚོགས་ཁེ་ལས་པ་བཅས་ཚུད་ཡོད་ཅིང་། ཁོང་རྣམ་པས་སྨོན་ལམ་བཅོས་མའི་རིག་རྩལ་དང་། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་ལ་རྒྱབ་སྐྱོར་གནང་བཞིན་ཡོད། སྐུ་ཚབ་ཚོགས་ཆུང་དེའི་ཁྲོད་དུ་བཅོས་མའི་རིག་རྩལ་ཆེད་ལས་པ་དང་མིན་ཌའི་ལས་འཆར་འགན་འཛིན་སིལ་ཀེ་མེག་སི་ནར་ (Silke H. Meixner) ལགས་དང་། འཕྲུག་རིག་ཆེད་ལས་དང་གཏོང་ཕོད་ཅན་གྱི་སྦྱིན་བདག་ཨའི་ཛེག་ཧོལ་ (Isaac Hall) ལགས།  BLCKSWN གསར་འཛུགས་གནང་མཁན་དང་འཕྲུལ་རིག་འགན་འཛིན་ཀེ་ཐི་རིན་ཧར་ལི་ (Kathryn Hurley) ལགས། སྤྱི་ཚོགས་ཆེད་ལས་པ་དང་བདེ་དོན་གསར་གཏོད་པ་ཀོ་ནོར་ཊུ་ཧིལ་ (Connor Toohill) ལགས།...

གཞུང་ཁོངས་མིན་པའི་ཚོགས་པ་ལྔས་དགོས་འདུན་དོན་ཚན་ལྔ་ཡི་ཐོག་ནས་རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཟེར་བའི་ཁྲིམས་ཡིག་ལ་ངོ་རྒོལ་གྱི་གོམ་བགྲོད་ལས་འགུལ་ཞིག་དྷ་ས་ནས་ཀུ་རིག་ཤེས་ཊི་ར་བར་སྤེལ་མགོ་བཙུགས་སོང་། དེ་རིང་ཕྱི་ཚེས་ ༣༠ ཉིན་སྲིད་སྐྱོང་སྤེན་པ་ཚེ་རིང་མཆོག་གིས་གཞུང་ཁོངས་མིན་པའི་ཚོགས་པ་ལྔས་གོ་སྒྲིག་གནང་བའི་དྷ་ས་ནས་ཀུ་རིག་ཤེས་ཊི་ར་ (Kurukshetra) བར་གྱི་གོམ་བགྲོད་ལས་འགུལ་དེ་དངོས་སུ་དབུ་འབྱེད་ཀྱིས་མགོ་བཙུགས་གནང་སོང་ལ། ལས་འགུལ་དེའི་ཁྲོད་བོད་མི་གྲངས་ ༢༣ དང་རྒྱ་གར་བ་ ༢ བཅས་ཁྱོན་ལས་འགུལ་བ་མི་གྲངས་ ༢༥ ཡིས་མཉམ་ཞུགས་གནང་འདུག  ལས་འགུལ་དབུ་འབྱེད་སྐབས་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས། ད་ལོ་རྒྱ་ནག་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་ཞིག་གཏན་འབེབས་བྱས་ནས། ཕྱི་ཟླ་ ༧ ཚེས་ ༡ ཉིན་དངོས་སུ་ལག་བསྟར་བྱེད་མགོ་བཙུགས་ཡོད་པ་ཚང་མས་མཁྱེན་མཁྱེན་པ་རེད། ཁྲིམས་ཡིག་དེ་ལ་གདོང་ལེན་གནང་རྒྱུའི་ཆེད་དུ། གཞུང་ཁོངས་མིན་པའི་སྒྲིག་འཛུགས་ལྔས་འདི་ནས་ཀུ་རིག་ཤེས་ཊི་ར་བར་དུ་གོམ་བགྲོད་དང་། ལམ་བར་ནས་ཁ་ཤས་ལ་རླངས་འཁོར་ནང་འགྲོ་བ་བཅས། རྒྱ་ནག་གི་མི་རིགས་མཐུན་སྒྲིལ་སྐུལ་འདེད་ཡར་རྒྱས་ཀྱི་ཁྲིམས་ཡིག་ཟེར་བའི་ཐོག་གོ་རྟོགས་སྤེལ་རྒྱུའི་ལས་འགུལ་སྤེལ་བར་བསྔགས་བརྗོད་ཞུ་རྒྱུ་ཡིན། རྒྱ་ནག་གིས་ཁྲིམས་ཀྱི་འབག་དེ་ཉེ་ལམ་གཡོགས་པ་རེད་མ་གཏོགས། འདས་པའི་མི་ལོ་བཅུ་ཡི་ནང་ལག་བསྟར་བྱེད་བཞིན་ཡོད་རེད། དེ་འདྲ་ཡིན་ཙང་། ང་ཚོས་རྒྱ་གར་ཙམ་དུ་མ་ཟད་རྒྱལ་སྤྱིའི་ཁྱོན་ཡོངས་ལ་ཁྲིམས་ཡིག་འདི་དང་འབྲེལ་བའི་གོ་རྟོགས་སྤེལ་རྒྱུ་དང་། ཁྲིམས་ཡིག་འདི་ལ་དགག་པའི་ངོ་བོའི་ཐོག་ནས་ལས་འགུལ་སྤེལ་དགོས་པ་དང་། དབུས་བོད་མིའི་སྒྲིག་འཛུགས་ཀྱི་ངོས་ནས་གཞུང་སོ་སོས་ཁྲིམས་ཡིག་དེའི་ཐོག་གྲོས་ཆོད་དང་ཁྲིམས་ཡིག་གཏན་འབེབས་བྱེད་ཀྱི་རེད་ལ། བོད་མིའི་སྒྲིག་འཛུགས་ཀྱིས་ད་ལོའི་ཕྱི་ཟླ་ ༩ ནང་བདུན་ཕྲག་གཅིག་རིང་ལ་མི་རིགས་ཀྱི་ངོ་བོ་སྲུང་སྐྱོབ་ཅེས་ཁྲིམས་ཡིག་འདི་ལ་གདོང་ལེན་བྱ་རྒྱུའི་ཆེད་ལས་འགུལ་སྤེལ་ཡོད། ལོ་རྗེས་མ་ནས་ང་ཚོས་འཆར་གཞི་དང་ལྡན་པའི་ཐོག་ནས་ལས་འགུལ་སྤེལ་རྒྱུའི་བང་ཞིག་སྒྲིག་གི་ཡོད་རེད་ལ། གཞུང་ཁོངས་མིན་པའི་ཚོགས་པ་ཁག་ཅིག་གི་ངོས་ནས་སོ་སོས་འགན་བཞེས་ནས་ལས་འགུལ་སྤེབ་བར་ཐུགས་རྗེ་ཆེ་ཞེས་ཞུ་རྒྱུ་ཡིན། ཞེས་གསུངས་སོང་།  གཞུང་ཁོངས་མིན་པའི་ཚོགས་པ་ལྔའི་གོམ་བགྲོད་དང་འབྲེལ་ནས་དབུས་གཙང་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་དང་བོད་མི་མང་སྤྱི་འཐུས་ཟླ་བ་ཚེ་རིང་ལགས་ཀྱིས་འདི་གའི་གསར་འགོད་པར།  དབུ་མའི་ལམ་ལ་མཐའ་གཅིག་ཏུ་ཡིད་ཆེས་དང་རྒྱབ་སྐྱོར་བྱེད་མཁན། བོད་རང་དབང་སླར་གསོའི་སླད་དབུ་མའི་ལམ་ལས་ལྷག་པ་མེད་པའི་ཡིད་ཆེས་བྱེད་མཁན་གྱི་གཞུང་ཁོངས་མིན་པའི་ཚོགས་པ་ལྔས་ལས་འགུལ་འདི་སྤེལ་གྱི་རེད། ལས་འགུལ་འདི་སྤེལ་དོན་གཙོ་བ་ནི་ཉེ་ཆར་རྒྱ་ནག་གཞུང་གིས་ལག་བསྟར་བྱས་པའི་མི་རིགས་མཐུན་སྒྲིལ་ཟེར་བའི་ཁྲིམས་ཡིག་ལ་ངོ་རྒོལ་དང་ཕྱིར་འཐེན་བྱ་དགོས་པའི་རེ་སྐུལ་ཞུ་ཡི་ཡོད། ཅེས་བརྗོད་སོང་། གཞུང་ཁོངས་མིན་པའི་ཚོགས་པ་ལྔས་དགོས་འདུན་དོན་ཚན་ལྔ་སྤེལ་བའི་ཁྲོད། ༡། ཞི་མོལ་དངོས་སུ་སླར་གསོ་དགོས། ཞི་བདེ་དང་ཡུན་གནས་ཀྱི་གྲོས་མཐུན་ཞིག་འབྱུང་ཐབས་སུ། རྒྱ་གཞུང་གིས་དབུ་མའི་ལམ་གྱི་ལྟ་གྲུབ་གཞིར་བཟུང་། ༧གོང་ས་རྒྱལ་བ་རིན་པོ་ཆེ་མཆོག་གི་སྐུ་ཚབ་དང་གོ་བསྡུར་སླར་གསོ་ཡོང་བར་སྐུལ་མ་ཞུ་དགོས། ༢། བོད་ཀྱི་ངོ་བོ་དང་ཐོབ་ཐང་སྲུང་སྐྱོབ་དགོས། བོད་ཀྱི་སྐད་ཡིག ཆོས་ལུགས། རིག་གཞུང་། ཤུལ་བཞག་གི་རིག་གནས། མི་རིགས་ཀྱི་ངོ་བོ། རྩ་བའི་མིའི་ཐོབ་ཐང་བཅས་ལ་ཉེན་ཁ་བཟོ་བའི་སྲིད་ཇུས་ཁག་ལ་ངོ་རྒོལ་དང་། ལྷག་པར་མི་རིགས་མཐུན་སྒྲིལ་དང་ཡར་རྒྱས་བཅའ་ཁྲིམས་ལ་ངོ་རྒོལ་ཡོད། ༣། ཆོས་ལུགས་རང་དབང་ལ་བརྩི་བཀུར་ཞུ་དགོས། ༧གོང་ས་རྒྱལ་བ་རིན་པོ་ཆེ་མཆོག་གི་ཡང་སྲིད་ངོས་འཛིན་ནི་ཆོས་ལུགས་ཀྱི་བྱ་གཞག་ཁོ་ན་ཡིན་པ་དང་། དེའི་ཐད་ཀྱི་དབང་ཆ་ནི་༧གོང་ས་རྒྱལ་བ་རིན་པོ་ཆེ་མཆོག་དང་དགའ་ལྡན་པོ་བྲང་ལ་ཡོད་པ་ངོས་འཛིན་དང་བརྩི་བཀུར་ཞུ་དགོས། ༤། བོད་དོན་ཐད་མཉམ་ལས་བྱ་དགོས། འཛམ་གླིང་གི་རྒྱལ་ཁབ་ཀྱི་མགོ་ཁྲིད་ཚོས་ཞི་བདེ། དྲང་བདེན། མིའི་གཟི་བརྗིད། རྒྱལ་སྤྱིའི་མཉམ་ལས་བཅས་ཀྱི་རིན་ཐང་ལ་བརྩི་བཀུར་ཞུས་ཏེ། བོད་མི་རིགས་ཀྱི་ཐོབ་ཐང་དང་རིག་གཞུང་གི་ཤུལ་བཞག་སྲུང་སྐྱོབ་བྱ་རྒྱུར་མཉམ་རུབ་ཀྱིས་འབད་བརྩོན་གནང་དགོས། ༥། བོད་མི་རང་ལུས་མེ་བསྲེགས་གནང་མཁན་ ༡༧༠ ལ་དྲང་བདེན་དང་ངོས་འཛིན་དགོས། ཕྱི་ལོ་ ༡༩༩༨ ལོ་ནས་བཟུང་། གནོན་ཤུགས་དང་བོད་ཀྱི་རིག་གཞུང་ཉམས་རྒུད་ལ་ངོ་རྒོལ་གྱི་སླད་དུ་རང་ལུས་མེ་བསྲེགས་གནང་མཁན་བོད་མི་ ༡༧༠ ལ་དྲང་བདེན་དང་ངོས་འཛིན་ཐོབ་དགོས། ཁོང་ཚོའི་སྡུག་བསྔལ་དང་སྐུ་སྲོག་བློས་གཏོང་དེ་དག་རྒྱལ་སྤྱིའི་སྤྱི་ཚོགས་ཀྱིས་བརྗེད་མི་རུང་། ཞེས་འཁོད་འདུག གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། ཆོས་རྒྱལ་སྐྱབས། The post གཞུང་ཁོངས་མིན་པའི་ཚོགས་པ་ལྔས་ཞི་བའི་གོམ་བགྲོད་ཀྱི་ལས་འགུལ་ཞིག་སྤེལ་མགོ་བཙུགས་སོང་།  appeared first on བོད་ཀྱི་དུས་བབ།.

རྒྱ་ནག་དམར་ཤོག་ཚོགས་པའི་ཚང་འཛོམས་གྲོས་ཚོགས་ཐེངས་ལྔ་པ་འཇུག་སྒྲིལ་བ་དང་མཉམ་དུ་ཚོགས་པའི་འགོ་ཁྲིད་༣༣ ཕྱིར་ཕུད་བྱས་ཡོད་པ་ནི་ལོ་རྒྱུས་ཐོག་གི་གྲངས་འབོར་མཐོ་ཤོས་ཆགས་ཤིང་། ཚོགས་ཁང་ནང་དུ་ཡང་ཞབས་སྟེགས་སྟོང་པ་མང་ཤོས་མཐོང་རྒྱུ་ཡོད་འདུག The post ཞི་ཅིན་ཕིང་གི་དབང་འཛིན་འོག་ཚང་འཛོམས་གྲོས་ཚོགས་ཀྱི་ཚོགས་ཞུགས་པ་ལོ་རྒྱུས་ཐོག་ཉུང་ཤོས་སུ་གྱུར་པ། appeared first on བོད་ཀྱི་བང་ཆེན།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༡༡ པའི་ཚེས་ ༥ དང་ ༦ ཉིན་རྒྱ་གར་དང་འབྲུག་གི་ས་མཚམས་ཇཡ་གཱཾཝ་ (Jaigaon) ས་གནས་སུ་རྟེན་གཞི་བྱས་པའི་དཔལ་ས་སྐྱ་ཐེག་ཆེན་ཕུན་ཚོགས་གླིང་གཙུག་ལག་ཁང་དུ། ༸སྐྱབས་མཆོག་མཁོན་གདུང་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་༸དཔལ་ས་སྐྱའི་༸གོང་མ་ཁྲི་རབས་ཞེ་བཞི་པའི་ལུགས་ཟུང་གསེར་གྱི་ཁྲི་འཕང་མཐོན་པོར་མངའ་གསོལ་བའི་ཁྲི་སྟོན་མཛད་སྒོའི་ཐོག དཔལ་ལྡན་བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་དང་། སྤྱི་འཐུས་བསྟན་པ་ཡར་འཕེལ་ལགས། སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས། སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་ལགས། སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན་ལགས་བཅས་གདན་ཞུས་ལྟར་གཞུང་འབྲེལ་ཆེད་ཕེབས་གནང་གཏན་འཁེལ་ཡོད། དེ་ཡང་དཔལ་ལྡན་ཚོགས་གཞོན་མཆོག་གིས་གཙོས་པའི་ཆོས་བརྒྱུད་སྤྱི་འཐུས་རྒྱུན་ལས་རྣམ་པ་ཕྱི་ཟླ་ ༡༡ པའི་ཚེས་ ༣ ཉིན་བཞུགས་སྒར་དྷ་རམ་ས་ལ་ནས་རྒྱ་གར་རྒྱལ་ས་ལྡི་ལིར་ཕེབས་ཐོན་གནང་རྒྱུ་དང་། ཕྱི་ཚེས་ ༤ ཉིན་སྔ་དྲོ་ལྡི་ལི་ནས་བྷག་ཊོ་ར་བརྒྱུད་ཇཡ་གཱཾཝ་ཕེབས་ཐོན་གནང་རྒྱུ། ཕྱི་ཚེས་ ༥ ནས་ ༦ བར་ས་གནས་སུ་མཛད་འཆར། ཕྱི་ཚེས་ ༨ ཉིན་ཇཡ་གཱཾཝ་ནས་བྷག་ཊོ་ར་བརྒྱུད་ལྡི་ལིར་ཕྱིར་ཕེབས་གནང་རྒྱུ་ཡིན་པ་བཅས། །

༄༅། །འདི་གར་འཕྲོད་བསྟེན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༨ ཉིན་དཔལ་ལྡན་འཕྲོད་བསྟེན་བཀའ་བློན་པདྨ་མཚོ་མཆོག་གིས་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་འཚམས་གཟིགས་ཀྱི་ཉིན་གཉིས་པར། འབྲས་སྤུངས་བློ་གསལ་གླིང་དང་སྒོ་མང་གྲྭ་ཚང་གི་སྨན་ཁང་། འགྲོ་ཕན་བོད་ཀྱི་སྨན་རྩིས་ཁང་གི་སྨན་ཁང་གཉིས། མོན་གྷོ་རྒས་གསོ་ཁང་བཅས་སུ་གཟིགས་སྐོར་དང་འབྲེལ། ལས་བྱེད་དང་སྨན་ཞབས་པ། བགྲེས་སོང་བཅས་ལ་མཇལ་འཕྲད་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ པར་དཔལ་ལྡན་འཕྲོད་བསྟེན་བཀའ་བློན་མཆོག་ཐོག་མར་འབྲས་སྤུངས་བློ་གསལ་གླིང་གྲྭ་ཚང་གི་སྨན་ཁང་དུ་ཕེབས་སྐབས། སྨན་ཁང་གི་འགན་འཛིན་ནས་ཕེབས་བསུ་ཞུས་ཤིང་། ལས་བྱེད་ཀྱི་གྲངས་འབོར་དང་ལས་བྱེད་ངོ་སྤྲོད། སྨན་ཁང་གི་སྡེ་ཚན་ཁག་དང་མཐུན་རྐྱེན་གཙོ་བོ། ལྷག་པར་དགོན་པའི་ནང་མཆིན་ནད་དུག་ཐབས་གྱི་ནད་པའི་གྲངས་འབོར་དང་སྨན་ཁང་གི་ད་ལྟའི་གནས་སྟངས་བཅས་ཞིབ་ཕྲ་སྙན་སེང་ཞུས་རྗེས་དཔལ་ལྡན་བཀའ་བློན་མཆོག་གིས་གྲྭ་ཚང་གི་སྨན་ཁང་ནས་དགེ་འདུན་འདུས་མང་རྣམས་ལ་རིན་མེད་སྨན་བཅོས་དང་། ཕྱི་མི་རྣམས་ལའང་སྨན་བཅོས་འགྲོ་གྲོན་ཐད་ཆག་ཡང་གི་མཐུན་རྐྱེན་སྦྱར་བཞིན་པར་བསྔགས་བརྗོད་གནང་། དེ་བཞིན་མ་འོངས་པར་ནད་པའི་ཐོ་འགོད་ Open MRS མ་ལག་བརྒྱུད་བྱེད་ཐུབ་ཚེ། ནད་པའི་གྲངས་ཐོ་དབུས་ལ་འབྱོར་ཐུབ་པ་མ་ཟད། གཞིས་མིའི་ཁྲོད་དུ་ནད་གཞི་གང་དང་གང་མང་བ་ཡོད་མེད་ཀྱི་གནས་ཚུལ་ཤེས་རྟོགས་ཐུབ་པས། མ་འོངས་པར་འཕྲོད་བསྟེན་ལས་འཆར་དང་གོ་རྟོགས་སྤེལ་བའི་ལས་གཞི་ཁག་འཆར་འགོད་བྱེད་པར་ཕན་ཐོགས་ཆེན་པོ་ཡོད་སྐོར་གསུངས།དེ་རྗེས་སྒོ་མང་གྲྭ་ཚང་གི་སྨན་ཁང་དུ་ཕེབས་སྐབས། སྨན་ཁང་གི་འགན་འཛིན་དང་ཕྱག་མཛོད་ནས་ཕེབས་བསུ་ཞུས། སྨན་ཁང་གི་འགན་འཛིན་ནས་སྨན་པ་དང་ལས་བྱེད་རྣམས་ངོ་སྤྲོད་ཞུས་པ་མ་ཟད། སྨན་ཁང་དེས་ནད་པའི་སྨན་བཅོས་འགྲོ་གྲོན་གྱི་བརྒྱ་ཆ་ ༧༥ དགོན་པ་ནས་མཐུན་འགྱུར་གནང་བཞིན་པ་དང་། རང་ལོ་ ༦༠ ཡན་གྱི་བགྲེས་སོང་རྣམས་ལ་རིན་མེད་ཐོག་སྨན་བཅོས་ཞུ་བཞིན་པ་སོགས་ཀྱི་གནས་ཚུལ་སྙན་སེང་ཞུས། སྐབས་དེར་དཔལ་ལྡན་འཕྲོད་བསྟེན་བཀའ་བློན་མཆོག་གིས་འཕྲོད་བསྟེན་ལས་ཁུངས་ཀྱི་སྨན་བཅོས་ལྟ་སྐྱོང་ལས་གཞི་དང་། རྒྱ་གར་དབུས་གཞུང་དང་མངའ་སྡེ་གཞུང་ནས་སྤེལ་བའི་འཕྲོད་བསྟེན་ཉེན་སྲུང་ལས་གཞི་ཁག་གི་སྐོར་ངོ་སྤྲོད་གནང་།...

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༣ ནས་ཕྱི་ཟླ་ ༡༡ ཚེས་ ༧ བར་དཔལ་ལྡན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་དཔལ་ས་སྐྱ་ཐེག་ཆེན་ཕུན་ཚོགས་གླིང་གི་དབུ་འབྱེད་མཛད་སྒོ་དང་། ༸སྐྱབས་རྗེ་གོང་མ་ཡབ་སྲས་རྣམ་པར་བརྟན་བཞུགས། ༸སྐྱབས་རྗེ་འཁོན་གདུང་ཨ་བི་ཀྲི་ཏ་བཛྲ་རིན་པོ་ཆེ་མཆོག་དཔལ་ས་སྐྱའི་༸གོང་མ་ཁྲི་རབས་ ༤༤ པའི་ཁྲི་འདོན་མཛད་སྒོ་བཅས་སུ་ཕེབས་ཞུགས་གནང་ཞོར་ཀ་རྡོར་སྒང་གསུམ་དུ་ཁྱབ་ཁོངས་དགོན་སྡེ་ཁག་གིས་གཙོས་སྡེ་ཚན་ཁག་ལ་འཚམས་མཇལ་དང་། མི་མང་ཐུག་འཕྲད་གནང་འགོ་བཙུགས་ཏེ་ར་ཝང་ལ་ཀུན་ཕན་གླིང་ས་གནས་སུ་འཚམས་གཟིགས་ལེགས་པར་གྲུབ་ཡོད། དེ་ཡང་ཕྱི་ཟླ་ ༡༠ ཚེས་ ༢༩ ཉིན་གྱི་སྔ་དྲོར་དཔལ་ལྡན་ཆོས་རིག་བཀའ་བློན་མཆོག་ཐོག་མར་གཞིས་དགོན་ཐུབ་བསྟན་དར་རྒྱས་གླིང་ལ་འཚམས་གཟིགས་ཕེབས་པ་དང་། དེ་ནས་སམ་བྷོ་ཊའི་ཉིན་མོའི་སློབ་གྲྭ། མཉམ་འབྲེལ་ཚོང་ཁང་། ས་གནས་འཐུས་ཚོགས་ཀྱི་ཚོགས་ཁང་བཅས་སུ་གཟིགས་ཞིབ་ཀྱིས་ས་གནས་འཐུས་ཚོགས་ལྷན་བཀའ་བསྔུར་ལྷུག་པོ་གནང་རྗེས་ས་གནས་རང་བདེན་ཚོགས་ཆུང་གི་ལས་ཁུངས་དང་། ས་གནས་འཕྲོད་བསྟེན་སྨན་ཁང་དུ་གཟིགས་སྐོར་གནང་། དེ་ནས་ངེས་དོན་དཔལ་གདན་ས་སླེ་ལུང་ཆོས་སྡེ་རུ་འཚམས་གཟིགས་དང་། བསམ་གྲུབ་རྩེར་མཆོད་མཇལ་དུ་ཕེབས་རྗེས་ཇཡ་གཱཾཝ་ (Jaigaon) ས་གནས་སུ་ཀ་སྦུག་ས་གནས་འགོ་འཛིན་ལྷན་བཅར་གྱིས་ཕེབས་ཐོན་གནང་བ་བཅས་ར་ཝང་ལ་ཀུན་ཕན་གླིང་ས་གནས་སུ་འཚམས་གཟིགས་ལེགས་པར་གྲུབ་ཡོད།།  

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༩ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དྷ་སྟེང་བོད་ཕྲུག་ཁྱིམ་སྡེའི་ཧར་མན་མའི་ནར་ (Hermann Gmeiner Hall) ཚོགས་ཁང་དུ་ཚོགས་བཞིན་པའི་དྷ་རམ་ས་ལ་རྒྱལ་སྤྱིའི་གློག་བརྙན་དུས་སྟོན་ཐེངས་ ༡༥ པའི་ཐོག་སྐུ་མགྲོན་དུ་ཆེད་ཕེབས་ཀྱིས་གསུང་བཤད་གནང་ཡོད། དེ་ཡང་གོང་ཚེས་ཉིན་གྱི་ཕྱི་དྲོ་ཆུ་ཚོད་ ༥།༣༠ ཐོག་དཔལ་ལྡན་སྲིད་སྐྱོང་མཆོག་ཕེབས་འབྱོར་སྐབས་དྷ་རམ་ས་ལ་རྒྱལ་སྤྱིའི་གློག་བརྙན་དུས་སྟོན་དབུ་འཛུགས་གནང་མཁན་བསྟན་འཛིན་བསོད་ནམས་ལགས་དང་། རི་ཏུ་ས་རིན་ལགས་གཙོས་པས་ཚོགས་མི་རྣམས་ནས་ཕེབས་བསུ་ཞུས་ཡོད། སྐབས་དེར་བོད་མིའི་སྒྲིག་འཛུགས་ཀྱི་དཔལ་ལྡན་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་དང་། དཔལ་ལྡན་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག ལས་བྱེད་འདེམས་བསྐོ་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག་བཅས་ཕེབས་ཞུགས་གནང་ཡོད།མཛད་སྒོའི་ཐོག་དཔལ་ལྡན་སྲིད་སྐྱོང་མཆོག་གིས་ཐོག་མར་འཚམས་འདྲི་དང་སྦྲགས། རྒྱ་ནག་གིས་བོད་ས་བཙན་བཟུང་བྱས་པ་ནས་བཟུང་བོད་མི་རྣམས་བཙན་བྱོལ་དུ་ཕེབས་སྐབས་དཀའ་ངལ་ཇི་འཕྲད་སྐོར་དང་། བཙན་བྱོལ་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དབུ་ཁྲིད་ལམ་སྟོན་འོག་སློབ་གྲྭ་གསར་འཛུགས་དང་མང་གཙོའི་ཆ་ལག་ལྡན་པའི་བོད་མིའི་སྒྲིག་འཛུགས་ཆེད་འཛུགས་གནང་ཚུལ་སྐོར་ངོ་སྤྲོད་མདོར་བསྡུས་གནང་། དེ་ནས་དཔལ་ལྡན་སྲིད་སྐྱོང་མཆོག་གིས་བོད་མཐོ་སྒང་གི་གལ་གནད་དང་འབྲེལ་བོད་ནི་འཛམ་གླིང་གི་ལྷོ་སྣེ་དང་བྱང་སྣེ་གཉིས་ཀྱི་རྗེས་སུ་འཁྱགས་རོམ་དང་འཁྱགས་སའི་ཁྱོན་འབོར་ཆེ་ཤོས་ཡིན་སྟབས། ཁོར་ཡུག་ཉམས་ཞིབ་པ་ཚོས་བོད་ལ་སྣེ་གསུམ་པ་ཞེས་འབོད་ཀྱི་ཡོད་པ་དང་། ཨེ་ཤི་ཡའི་རྒྱལ་ཁབ་མང་དག་གི་ཆུ་བོའི་འབྱུང་ཁུངས་ཡིན་སྐོར་འགྲེལ་བརྗོད་གནང་། དེ་རྗེས་ཁོང་གིས་བོད་མིའི་མང་གཙོའི་འཕེལ་རིམ་དང་འབྲེལ། བོད་མིའི་སྒྲིག་འཛུགས་ཀྱི་སྒྲོམ་གཞི་དང་ལས་དོན་བྱེད་ཕྱོགས། དེ་བཞིན་འཛམ་གླིང་ཁྱོན་ཡོངས་སུ་བོད་མིའི་མི་འབོར་སྐོར་ངོ་སྤྲོད་གནང་བ་མ་ཟད། མཛད་སྒོ་དེར་ཕེབས་པའི་མཉམ་ཞུགས་པ་ཡོངས་ལ་བོད་མིའི་སྒྲིག་འཛུགས་དང་། ལྷག་པར་བོད་ཀྱི་ལོ་རྒྱུས་དང་། རིག་གཞུང་། བོད་ནང་གི་ཛ་དྲག་གནས་སྟངས་སྐོར་གོ་རྟོགས་ཡོང་སླད་བོད་ཀྱི་འགྲེམས་སྟོན་ཁང་དུ་གཟིགས་སྐོར་དུ་ཕེབས་རྒྱུའི་མགྲོན་འབོད་གནང་ཡོད། དེ་རྗེས་བཀྲས་ཆུང་ལགས་དང་ཁོང་གི་རུ་ཁག་ནས་བོད་ཀྱི་རིག་གཞུང་གླུ་གཞས་ཁག་གཅིག་གཟིགས་འབུལ་ཞུས་གྲུབ་མཚམས་དྷ་རམ་ས་ལ་རྒྱལ་སྤྱིའི་གློག་བརྙན་དུས་སྟོན་དབུ་འཛུགས་གནང་མཁན་བསྟན་འཛིན་བསོད་ནམས་ལགས་དང་། རི་ཏུ་ས་རིན་ལགས་རྣམ་གཉིས་ཀྱིས་གློག་བརྙན་དུས་སྟོན་འདི་ཉིད་ཐོག་མར་འགོ་བཙུགས་ཚུལ་དང་། ད་བར་ལོ་ངོ་ ༡༥ ཕྱིན་པའི་བརྒྱུད་རིམ་སྐོར་གསུང་བཤད་གནང་ཡོད་པ་བཅས།།

བོད་མིའི་ཆོས་དད་རང་དབང་སྲུང་སྐྱོབ་ཆེད་ཨ་རིས་རྒྱབ་སྐྱོར་གནང་གི་ཡོད་ཅེས་ཕྱི་སྲིད་ལས་ཁུངས་ཀྱི་མགྲིན་ཚབ་པས་བརྗོད་བྱུང་།

རྒྱ་ནག་གི་སློབ་ཆེན་ ༡༤ ཡིས་རྒྱ་ནག་གི་མགོ་ཁྲིད་མཐོ་ཤོས་ཀྱི་ལས་ཡུན་ཐད་རྩ་ཁྲིམས་བཅོས་བསྒྱུར་དགོས་པའི་ཞུ་ཡིག་ཅིག་དྲ་ལམ་དུ་ཁྱབ་འདུག The post  རྒྱ་ནག་གི་སློབ་ཆེན་ ༡༤ ཡི་ཞུ་ཡིག་དེ་བདེན་པ་རེད་དམ། appeared first on བོད་ཀྱི་དུས་བབ།.

བོད་པའི་གློག་བརྙན་ཁག་རྒྱལ་སྤྱིའི་སྡིངས་ཆའི་སྟེང་འཚུད་ཐབས་ལ། གློག་བརྙན་བཟོ་སྐྲུན་གྱི་སྤུས་ཚད་མཐོ་རུ་གཏང་རྒྱུ་གལ་ཆེན་པོ་ཡིན་པ་གསུང་གི་འདུག དེ་རིང་ཟླ་བ་ ༡༠ ཚེས་ ༢༩ ཉིན་བཞུགས་སྒར་རྡ་རམ་ས་ལའི་བོད་ཕྲུག་ཁྱིམ་སྡེ་རུ་རྡ་རམ་ས་ལ་རྒྱལ་སྤྱིའི་གློག་བརྙན་དུས་སྟོན་ཐེངས་བཅོ་ལྔ་པ་དེ་འགོ་བཙུགས་ཀྱིས། ཟླ་བ་ ༡༡ ཚེས་ ༡ བར་ཉིན་གྲངས་བཞིའི་རིང་འཚོག་གི་འདུག ཐེངས་འདིའི་གློག་བརྙན་དུས་སྟོན་ལ་ཁྱོན་གློག་བརྙན་གྲངས་ ༨༠༠ ལྷག་འབུལ་སྤྲོད་བྱེད་མཁན་བྱུང་བའི་ནང་ནས། དངོས་སུ་འདེམས་སྒྲུག་བྱུང་བའི་གློག་བརྙན་ ༥༠ ཙམ་དང་། གོ་སྒྲིག་ཚོགས་ཆུང་ནས་ཆོག་མཆན་ཞུས་པའི་སྙན་གྲགས་ཆེ་བའི་གློག་བརྙན་ ༤༠ ལྷག་བཅས་ཁྱོན་གློག་བརྙན་ ༩༤ གཟིགས་འབུལ་ཞུ་གི་འདུག་ལ། དེའི་ཁྲོད་དུ་ད་ལོ་བོད་པའི་གློག་བརྙན་གཅིག་འདེམས་སྒྲུག་བྱུང་འདུག རྡ་རམ་ས་ལ་རྒྱལ་སྤྱིའི་གློག་བརྙན་དུས་སྟོན་དབུ་འཛུགས་གནང་མཁན་གྲས་བསྟན་འཛིན་བསོད་ནམས་ལགས་ཀྱིས། ཐོག་མའི་དམིགས་ཡུལ་ནང་གློག་བརྙན་དུས་སྟོན་དེ་རྡ་རམ་ས་ལར་དམིགས་ཏེ་གསར་འཛུགས་ཞུས་པ་ཞིག་ཡིན་ནའང་། ད་ཆ་རྒྱལ་སྤྱིའི་རང་བཞིན་ལྡན་པའི་གློག་བརྙན་དུས་སྟོན་ཚད་ལྡན་ཞིག་ཏུ་གྱུར་བར་དགའ་སྤོབས་ཆེན་པོ་ཡོད་ཅེས་གསུང་གི་འདུག དེ་བཞིན་ཁོང་གིས་དེང་སང་བོད་མིའི་སྤྱི་ཚོགས་ཁྲོད་གློག་བརྙན་བཟོ་སྐྲུན་ལ་དང་འདོད་བྱེད་མཁན་མང་དུ་འགྲོ་བཞིན་ཡོད་ནའང་། མ་འོངས་པར་གློག་བརྙན་བཟོ་སྐྲུན་གྱི་སྤུས་ཚད་མཐོ་རུ་བཏང་ནས། རྒྱལ་སྤྱིའི་གནས་ཚད་ལྡན་པའི་གློག་བརྙན་བཟོ་རྒྱུར་ངང་རྒྱུན་བསྟེན་རྒྱུ་གལ་ཆེན་པོ་ཡིན་པ་དང་། དམིགས་བསལ་བོད་དོན་དྲིལ་བསྒྲགས་ཡོང་བར་ཆབ་སྲིད་ཀྱི་ཞུ་གཏུག་ཙམ་མ་ཡིན་པར། གློག་བརྙན་སོགས་སྒྱུ་རྩལ་གྱི་ལམ་ནས་དྲིལ་བསྒྲགས་བྱ་རྒྱུར་ཤུགས་སྣོན་རྒྱག་རྒྱུ་གལ་ཆེན་པོ་ཡིན་པ་གསུང་གི་འདུག ཐེངས་འདིའི་གློག་བརྙན་དུས་སྟོན་ཐོག་འདེམས་སྒྲུག་བྱུུང་བའི་བོད་པའི་གློག་བརྙན། མཚན་གུང་གི་མོག་མོག ཅེས་པའི་པར་ལེན་བཀོད་སྒྲིག་པ་བསྟན་འཛིན་འགྱུར་མེད་ལགས་ཀྱིས་གློག་བརྙན་གྱི་སྒྱུ་རྩལ་ནི། བོད་དོན་གོ་རྟོགས་དང་། མི་རབས་གཞོན་པ་རྣམས་ལ་མིག་དཔེ་བསྟན་རྒྱུར་ཕན་ཐོགས་ཆེན་པོ་ཡོད་པ་འགྲེལ་བརྗོད་གནང་གི་འདུག གཞི་རྩའི་རྡ་རམ་ས་ལ་རྒྱལ་སྤྱིའི་གློག་བརྙན་དུས་སྟོན་དེ་བཞིན་ཕྱི་ལོ་ ༢༠༡༢...

དབྱིན་ཡུལ་གྲོས་ཚོགས་འཐུས་མི་སྐུ་ཞབས་ Chris Law ལགས་དབྱིན་ཡུལ་བོད་དོན་རྒྱབ་སྐྱོར་ཚོགས་པའི་ཚོགས་གཙོར་བསྐྱར་དུ་འོས་འདེམས་ཀྱིས་བོད་དོན་ཐོག་མུ་མཐུད་རྒྱབ་སྐྱོར་གནང་རྒྱུ་ཡིན་པ་ནན་བརྗོད་གནང་འདུག དེ་ཡང་ཁ་སང་ཕྱི་ཚེས་ ༢༩ ཉིན་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། ཟླ་འདིའི་ཚེས་ ༢༧ ཉིན་དབྱིན་ཡུལ་གྱི་རྒྱལ་ས་ལོན་ཌོན་དུ་རྟེན་གཞི་བྱས་པའི་ Portcullis House ཚོགས་ཁང་ནང་དབྱིན་ཡུལ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ལོ་འཁོར་ཚོགས་འདུ་འཚོགས་ཡོད་པ་དང་། སྐབས་དེར་ཚོགས་འདུའི་ཐོག་གྲོས་ཚོགས་འཐུས་མི་སྐུ་ཞབས་ Gill Furniss ལགས་ཀྱིས་གཙོ་སྐྱོང་གནང་ཞིང་། དངོས་གཞི་འོས་བསྡུའི་ལས་རིམ་དབུ་འཛུགས་གནང་སྟེ་གྲོས་ཚོགས་འཐུས་མི་སྐུ་ཞབས་ Chris Law ལགས་བསྐྱར་དུ་དབྱིན་ཡུལ་བོད་དོན་རྒྱབ་སྐྱོར་ཚོགས་པའི་ཚོགས་གཙོར་འོས་འདེམས་བྱུང་བ་དང་ལྷན། གྲོས་ཚོགས་འཐུས་མི་ Lord Alton ལགས་དང་གྲོས་ཚོགས་འཐུས་མི་ Luke Akehurst ལགས། དེ་བཞིན་གྲོས་ཚོགས་འཐུས་མི་ Lord Melnness ལགས་བཅས་ཚོགས་གཙོ་གཞོན་པར་འོས་འདེམས་དང་། གྲོས་ཚོགས་འཐུས་མི་ Kerry McCarthy ལགས་ཚོགས་པའི་ཚོགས་མི་གསར་པར་འོས་འདེམས་བྱུང་འདུག ཚོགས་འདུའི་ཐོག་ཚོགས་གཙོ་གསར་པ་ Chris Law...

འབྲུག་རྒྱལ་པོ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་གིས་དགོངས་པ་བཞིན་དགེ་ལེགས་ཕུག་ས་ཚིགས་དེ་ཉིད་ཆོས་དང་རིག་གཞུང་། ཡུལ་སྐོར་སྤྲོ་འཆམ། དཔལ་འབྱོར་གྱི་ལྟེ་གནས་ཤིག་ཏུ་འཛུགས་སྐྲུན་བྱ་ཆེད། བྱང་ཆུབ་མཆོད་རྟེན་ ༡༠༨ ཉིན་གཅིག་གི་ནང་བཞེངས་རྒྱུའི་མཛད་འཆར་དང་བསྟུན། བོད་ཀྱི་ཆོས་བརྒྱུད་རིས་སུ་མ་མཆིས་པའི་བསྟན་བདག་བླ་ཆེན་རྣམ་པ་ཕེབས་འགོ་བཙུགས་པའི་ཁྲོད་འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༥ པ་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་འབྲུག་ཡུལ་དུ་ཞབས་སོར་བདེ་བར་འཁོད་འདུག དེ་ཡང་དེ་རིང་ཕྱི་ཟླ་ ༡༠ ཚེས་ ༢༨ ཉིན། འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་རྒྱ་གར་རྒྱལ་ས་དི་ལླཱི་གནམ་ཐང་ནས་མཁའ་ལམ་བརྒྱུད་འབྲུག་ཡུལ་གྱི་སྤ་གྲོ་གནམ་ཐང་དུ་ཞབས་སོར་བདེ་བར་འཁོད་ཡོད་པ་དང་། སྐབས་དེར་འབྲུག་ཡུལ་གྱི་བློན་ཆེན་དང་དཔོན་རིགས་སོགས་ནས་ཕེབས་བསུ་སྣེ་ལེན་ཞུས་རྗེས། འབྲུག་ཐིམ་ཕུག་མགྲོན་ཁང་དུ་སྐུ་བཞུགས་མཛད་བཞིན་པ་རེད་འདུག དགའ་ལྡན་ཁྲི་རིན་པོ་ཆེ་མཆོག་དང་ལྷན་དུ་དགའ་ལྡན་ཤར་བྱང་གཉིས་ཀྱི་མཁན་རིན་པོ་ཆེ་དང་སྤྲུལ་སྐུ་བསྟན་འཛིན་ཆོས་ཀྱི་རྒྱ་མཚོ་མཆོག་ཀྱང་ལྷན་བཅར་ཞུས་འདུག དེ་བཞིན་མཛད་འཆར་ལྟར་ན་རིང་མིན་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་རིན་པོ་ཆེ་མཆོག་ཕེབས་ཀྱི་ཡོད་པ་དང་། འདི་ཚེས་ ༣༡ ཉིན་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་མཆོག་ཞབས་སོར་འཁོད་ཀྱི་ཡོད་པ་རེད། དེ་བཞིན་༸སྐྱབས་རྗེ་གླིང་མཆོག་སྤྲུལ་རིན་པོ་ཆེ་མཆོག་དང་༸སྐྱབས་རྗེ་ཞེ་ཆེན་རབ་འབྱམས་རིན་པོ་ཆེ་མཆོག །༸སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག །༸སྐྱབས་རྗེ་ཛི་སྒར་ཀོང་སྤྲུལ་འཇིགས་མེད་རྣམ་རྒྱལ་རིན་པོ་ཆེ་མཆོག །འཁོན་གདུང་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་དང་ཨ་སངྒ་བཛྲ་རིན་པོ་ཆེ་མཆོག །༸སྐྱབས་རྗེ་འཇིགས་མེད་དགེ་སྤྲུལ་རིན་པོ་ཆེ་མཆོག །༸སྐྱབས་རྗེ་རྫོང་སར་མཁྱེན་བརྩེ་རིན་པོ་ཆེ་མཆོག་སོགས་འབྲུག་ཡུལ་གྱི་ཕྱི་ཕྱོགས་ནས་བོད་བརྒྱུད་ནང་བསྟན་གྱི་རིས་སུ་མ་མཆིས་པའི་བསྟན་བདག་བླ་ཆེན་རྣམ་པ་ ༦༠ ལྷག་ཕེབས་ཀྱི་ཡོད་པ་རེད། རྩ་བའི་དགེ་ལེགས་ཕུག་ཁྲོམ་ཁ་དང་བྱང་ཆུབ་མཆོད་རྟེན་གསར་བཞེངས་ཀྱི་མཛད་འཆར་དེ་ཉིད་ཕྱི་ཟླ་ ༡༡ ཚེས་ ༡ ནས་འགོ་འཛུགས་ཀྱིས་ཚེས་ ༤ བར་ལས་རིམ་ཡོད་པ་དང་། ལས་གཞི་དེ་ནི་འབྲུག་རྒྱལ་ཐོག་ལྔ་པའི་མཛད་རྗེས་ཞིག་ཡིན་པ་དང་། ས་ཚིགས་དེའང་འབྲུག་གཞུང་གི་དམིགས་བསལ་འཛིན་སྐྱོང་ས་ཁུལ་ཞིག་ཆགས་ཀྱི་ཡོད་ཅིང་།...

༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༨ ཉིན་རྒྱབ་ཤེས་རིག་ལས་ཁུངས་ཀྱི་དེབ་སྐྱེལ་ཚོགས་པ་བོད་ཕྲུག་གི་ཤེས་ཡོན་དང་བདེ་དོན་མ་དངུལ་ཚོགས་པའི་ཚོགས་གཙོ་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དབུ་བཞུགས་ཐོག་བོད་ཕྲུག་གི་ཤེས་ཡོན་དང་བདེ་དོན་མ་དངུལ་ཚོགས་པའི་འགན་འཛིན་ལྷན་ཚོགས་ཐེངས་ ༥༨ པ་ཤེས་རིག་ལས་ཁུངས་ཀྱི་ཚོགས་ཁང་གསར་པའི་ནང་བསྐོང་ཚོགས་གནང་ཡོད། ཚོགས་འདུའི་ནང་ཚོགས་པའི་དྲུང་ཆེ་ཤེས་རིག་དྲུང་ཆེ་ཀརྨ་ཆོས་དབྱིངས་ལགས་དང་། ཚོགས་མི་འཕྲོད་བསྟེན་ལས་ཁུངས་ཀྱི་དྲུང་ཆེ་བྱམས་པ་ཕུན་ཚོགས་ལགས། ཚོགས་མི་དཔལ་འབྱོར་ལས་ཁུངས་ཀྱི་དྲུང་ཆེ་ཐུབ་བསྟན་ཚེ་རིང་ལགས། ཚོགས་མི་དབུས་འོས་བསྡུ་ལས་ཁང་གི་དྲུང་ཆེ་ཀུན་དགའ་རྒྱལ་མཚན་ལགས། ཚོགས་མི་སཾ་བྷོ་ཊའི་སྤྱི་ཁྱབ་འགན་འཛིན་ཚེ་རིང་དོན་གྲུབ་ལགས། ཚོགས་མི་ཤེས་རིག་ལས་ཁུངས་ཀྱི་རྩིས་དཔོན་ཟླ་བ་ལགས་བཅས་ཚོགས་ཞུགས་གནང་ཡོད། ཚོགས་འདུའི་ཐོག་དེ་སྔོན་ཚོགས་འདུ་ ༥༧ པའི་གྲོས་ཆོད་གཏན་འབེབས་དང་ལག་བསྟར་ཇི་ཞུས། རྩིས་ལོ་ ༢༠༢༥༌༌༢༠༢༦ ལོའི་ཚོགས་པའི་ལས་བསྡོམས་དང་ཆེས་མཐོའི་རྩིས་ཞིབ་པས་ (Chartered Accountant) རྩིས་ཞིབ་ཟིན་བའི་རྩིས་ཁྲ་སྤྱན་བསྟར། རྩིས་ལོ་ ༢༠༢༦༌༌༌༢༠༢༧ ལོའི་ཚོགས་པའི་འབབ་ཁྲལ་དང་རྩིས་ཞིབ་པ་བསྐོ་གཞག རྩིས་ལོ་ ༢༠༢༦ ཟླ་ ༩ ཚེས་ ༣༠ བར་ཚོགས་པའི་རྩིས་ཁུངས་ནས་བར་བརྒལ་བཀའ་འཁྲོལ་ཇི་ཞུས་བཅས་སྙན་གསན་དང་བཀའ་འཁྲོལ་གཏན་འབེབས་བཅས་གནང་ཡོད། །      

༧གོང་ས་མཆོག་གིས་སྐུ་ཚེ་གང་བོར་འཛམ་གླིང་ཞི་བདེ་དང་ཡར་རྒྱས། འགྲོ་བ་མིའི་རིགས་ཀྱི་བདེ་སྡུག་ལ་ལྷག་བསམ་རྣམ་དག་གི་སྒོ་ནས་ཞབས་འདེགས་ཞུས་པར་ཆེ་བསྟོད་དུ་མེ་ཊོ་པོ་ལི་ཊན་ཁུ་རེ་སོ་སི་ཊོ་མོ་སི་གཟེངས་རྟགས་ཕུལ་འདུག The post ༸གོང་ས་མཆོག་ལ་ཨ་རིའི་ཆེ་བསྟོད་གཟེངས་རྟགས་ཤིག་ཕུལ། appeared first on བོད་ཀྱི་དུས་བབ།.

བཟང་སྤྱོད་དང་། བྱམས་བརྩེ། འགྲོ་བ་མི་གཅིག་འགྱུར་གྱི་འདུ་ཤེས་གོ་སྤེལ་གྱི་མཛད་འཕྲིན་ལས་ཆེ་བསྟོད་ཞུས་པ།

༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༣ ནས་ཕྱི་ཟླ་ ༡༡ ཚེས་ ༧ བར་དཔལ་ལྡན་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག་དཔལ་ས་སྐྱ་ཐེག་ཆེན་ཕུན་ཚོགས་གླིང་གི་དབུ་འབྱེད་མཛད་སྒོ་དང་། ༸སྐྱབས་རྗེ་གོང་མ་ཡབ་སྲས་རྣམ་པར་བརྟན་བཞུགས་དང་། ༸སྐྱབས་རྗེ་འཁོན་གདུང་ཨ་བི་ཀྲི་ཏ་བཛྲ་རིན་པོ་ཆེ་མཆོག་དཔལ་ས་སྐྱའི་༸གོང་མ་ཁྲི་རབས་ ༤༤ པའི་ཁྲི་འདོན་མཛད་སྒོ་བཅས་སུ་ཕེབས་ཞུགས་གནང་ཞོར་ཀ་རྡོར་སྒང་གསུམ་དུ་ཁྱབ་ཁོངས་དགོན་སྡེ་ཁག་གིས་གཙོས་སྡེ་ཚན་ཁག་ལ་འཚམས་མཇལ་དང་། མི་མང་ཐུག་འཕྲད་གནང་འགོ་བཙུགས་ཏེ་ར་ཝང་ལ་ཀུན་ཕན་གླིང་ས་གནས་སུ་ཉིན་དང་པོའི་འཚམས་གཟིགས་ལེགས་པར་གྲུབ་ཡོད།དེ་ཡང་སྔ་དྲོ་ཆུ་ཚོད་ ༡༠།༠༠ ཐོག་བཞུགས་གནས་མགྲོན་ཁང་མདུན་དུ་ས་གནས་འཐུས་ཚོགས་ཀྱི་ཚོགས་གཙོ་དང་། རང་བདེན་ཚོགས་ཆུང་གིས་ཚོགས་གཙོ། ས་གནས་མཉམ་འབྲེལ། དེ་བཞིན་གཞུང་ཁོངས་མིན་པའི་ཚོགས་སྡེ་དང་དགོན་སྡེ་ཁག་གི་སྐུ་ཚབ་བཅས་ནས་ཕེབས་བསུ་ཞུས་རྗེས་གཡུང་དྲུང་ཀུན་གྲགས་གླིང་དུ་མཆོད་མཇལ་དང་། དེ་ནས་གདན་ས་དཔལ་ཆེན་ཆོས་གླིང་དགོན་དུ་མཆོད་མཇལ་དུ་ཕེབས། ཉིན་གུང་གསོལ་ཚིགས་གྲུབ་རྗེས་དཔལ་ལྡན་ཆོས་རིག་བཀའ་བློན་མཆོག་ཏ་ཐཱ་གཏ་ཚལ་དུ་གནས་གཟིགས་སུ་ཕེབས་རྗེས་ར་ཝང་ལ་ཀུན་ཕན་གླིང་གི་རྒྱལ་ཡུམ་ཆེན་མོ་ཚོགས་ཁང་ནང་མི་མང་ཐུག་འཕྲད་ཀྱིས་གསུང་བཤད་གནང་སྟེ་མི་མང་གི་དྲི་བ་ཁག་ལ་ལན་འདེབས་གསལ་བཤད་གནང་ཡོད།དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད་གནང་དོན། ས་གནས་སུ་ཕེབས་དོན་གཙོ་བོ་ནི་བོད་མིའི་སྒྲིག་འཛུགས་ཀྱི་འཛིན་སྐྱོང་བཀའ་ཤག་དང་ས་གནས་མི་མང་དབར་འབྲེལ་བ་སྔར་ལྷག་གོང་འཕེལ་དང་། དཔལ་ས་སྐྱ་ཐེག་ཆེན་ཕུན་ཚོགས་གླིང་གི་དབུ་འབྱེད་མཛད་སྒོར་ཕེབས་ཞོར་ཉེ་འགྲམ་ཀ་རྡོར་སྒང་གསུམ་དུ་འཚམས་གཟིགས་སུ་ཕེབས་སྐོར་དང་། བཀའ་ཤག་སྐབས་ ༡༧ པའི་བཀའ་བློན་གྱི་གྲུབ་ཆ་ངོ་སྤྲོད་གནང་། དེ་ནས་བཀའ་ཤག་སྐབས་ ༡༧ བཀའ་ཤག་གི་ཕྱག་ལས་གནང་ཕྱོགས་ངོ་སྤྲོད་གནང་བ་ལ། ད་ལྟའི་བཀའ་ཤག་ངོས་ནས་འཛིན་སྐྱོང་ལས་དོན་རྣམས་གཙོ་བོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེས་གཞིར་བཟུང་གཉེར་རྒྱུ་དམ་བཅའ་བརྟན་པོ་ཡོད་པ་དང་། ཁྲིམས་དང་སྒྲིག་གཞི་གཙོ་བཟུང་གིས་༸སྐུ་མདུན་ཐུགས་བསུན་བཟོ་མི་དགོས་པ་གཙོ་འདོན་དང་། གཞིས་ལུས་བོད་མི་རྣམས་ནས་ང་ཚོར་ཇི་ལྟར་ཐུགས་རེ་དང་ཡིད་ཆེས་གནང་བ་བཞིན་ཐུགས་ཕམ་གྱི་གཞིར་མི་འགྲོ་བ་འབད་བརྩོན་གནང་རྒྱུ། བོད་མིའི་སྒྲིག་འཛུགས་དང་མི་མང་དབར་སྔར་ལྷག་འབྲེལ་བ་དམ་ཟབ་ཡོང་ཐབས་སུ་སྤྱི་སྙོམས་དྲང་བདེན། ནུས་པ་མཉམ་སྤུངས། གོམ་པ་མདུན་སྤོ་བཅས་ཀྱི་ཐོག་ནས་ཕྱག་ལས་གནང་རྒྱུ།བཀའ་ཤག་སྐབས་...

མགོན་པོ་སྐྱིད་ཀྱིས་ལྷ་སའི་མཐོ་རིམ་མི་དམངས་ཁྲིམས་ཁང་མདུན་གཅུང་པོ་རྡོ་རྗེ་བཀྲ་ཤིས་ཀྱི་ཆེད་དྲང་བདེན་གྱི་རེ་འབོད།

“བོད་འདི་རང་དབང་གི་རྒྱལ་ཁབ་ཁག་ཁག་ཡིན་པའི་གནས་སྐབས་ནས་བཟུང་དུས་ད་ལྟ་བར་ས་མཚམས་སུ་བཅད་ཐིག་ཞིག་བཀོད་མ་ཐུབ་པར་ལྷག་ཡོད།”

རྒྱ་ནག་གཞུང་གིས་བོད་མདོ་ཁམས་དཀར་མཛེས་ཁུལ་རྫ་སེར་ཤུལ་རྫོང་དུ་རྟེན་གཞིས་བྱས་པའི་རྫ་སེར་ཤུལ་དགོན་ཐེག་ཆེན་དར་རྒྱས་གླིང་གི་གྲྭ་ཤག་༢༠༠ ལྷག་གཏོར་བཤིག་གཏོང་བའི་ལས་འགུལ་ཤུགས་ཆེན་འགོ་འཛུགས་ཟིན་པའམ་ལག་བསྟར་བྱེད་རྒྱུའི་འཆར་གཞི་འདིང་བཞིན་ཡོད་འདུག The post རྒྱ་ནག་གཞུང་གིས་མདོ་ཁམས་རྫ་སེར་ཤུལ་དགོན་པར་གཏོར་བཤིག་གི་ལས་འགུལ་སྤེལ་བཞིན་པ། appeared first on བོད་ཀྱི་བང་ཆེན།.

དཔལ་ས་སྐྱའི་གདན་ས་ཐེག་ཆེན་ཕུན་ཚོགས་གླིང་ནས་༸གོང་མ་ཁྲི་འཛིན་ ༤༤ པའི་ཁྲི་འདོན་མཛད་སྒོ་དང་འབྲེལ་ནས་སྔ་ཕྱི་མཛད་འཆར་ཁྲོད་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དབུ་བཞུགས་ཐོག་དཔལ་ས་སྐྱའི་གདན་ས་ཐེག་ཆེན་ཕུན་ཚོགས་གླིང་རྟེན་དང་བརྟེན་པ་གསར་བཞེངས་ལེགས་གྲུབ་ཀྱིས་དབུ་འབྱེད་དང་རབ་གནས་བཀའ་དྲིན་མཛད་ཅིང་། དབུ་འབྱེད་མཛད་སྒོའི་ཐོག་ཁྲི་ཆེན་རྡོ་རྗེ་འཆང་མཆོག་གིས་སངས་རྒྱས་ཀྱི་བསྟན་པ་ནི་ལུང་དང་རྟོགས་པའི་བསྟན་པ་གཉིས་ལ་ཐུག་ཡོད་པ་དང་། ལྷག་པར་བྱང་ཆུབ་ཀྱི་སེམས་རིན་པོ་ཆེར་ཉམས་བཞེས་ལ་ཐུགས་འཁུར་བཞེས་དགོས་པའི་ལམ་སྟོན་བཀའ་དྲིན་ཆེན་བ་མཛད་འདུག དེ་ཡང་ཕྱི་ཟླ་ ༡༠ ཚེས་ ༢༥ ས་མཆོད་ཆེན་མོ་དང་དུས་ཆེན་ལྔ་འཛོམས་ཉིན་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་མཆོག་དང་། ༸སྐྱབས་མགོན༸གོང་མ་ཁྲི་འཛིན་རྣམ་གཉིས། སྒྲོལ་མ་ཕོ་བྲང་གི་འཁོན་གདུང་ཨ་བི་ཀྲྀ་ཏ་བཛྲ་རིན་པོ་ཆེ་མཆོག་གིས་དབུས་པའི་ས་ངོར་ཚར་གསུམ་གྱི་བསྟན་བདག་བླ་ཆེན་རྣམ་པ་དབུ་བཞུགས་ཐོག །རྒྱ་གར་དང་འབྲུག་གི་ས་མཚམས་ས་ཁུལ་ Jaigaon འཇའ་འོད་སྒང་དུ་རྟེན་གཞིས་བྱས་པའི་དཔལ་ས་སྐྱའི་གདན་ས་ཐེག་ཆེན་ཕུན་ཚོགས་གླིང་རྟེན་དང་བརྟེན་པ་གསར་བཞེངས་ལེགས་པར་གྲུབ་པའི་དབུ་འབྱེད་གནང་ཡོད་པ་དང་། སྐབས་དེར་མཁན་བླ་འདུས་མང་དགེ་འདུན་འདུས་པ་རྒྱ་མཚོ་དང་ནུབ་བྷང་གྷལ་མངའ་སྡེའི་ནང་སྲིད་དང་རི་ཁུལ་བློན་ཆེན་ Bishal Lama བི་ཤཱལ་བླ་མ་མཆོག །དབུས་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་ཆུ་སྐྱ་སྒྲ་གཉིས་ཚེ་རྒྱལ་མཆོག །དེ་བཞིན་སྐུ་མགྲོན་དང་སྦྱིན་བདག་རྣམ་པ། དད་ལྡན་མང་ཚོགས་བཅས་ལྷན་ཞུགས་གནང་ཡོད་པ་མ་ཟད། ཚེས་ ༢༧ ཉིན་གཙུག་ལག་ཁང་ལ་རབ་གནས་བཀའ་དྲིན་མཛད་ཡོད་པ་རེད། དབུ་འབྱེད་མཛད་སྒོའི་ཐོག་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་གིས། དཔལ་ས་སྐྱ་པའི་བསྟན་པའི་སྲོལ་འབྱེད་འཁོད་གདུང་དཀོན་མཆོག་རྒྱལ་པོ་མཆོག་དང་དཔལ་བརྩེ་ཆེན་ཀུན་དགའ་སྙིང་པོའི་དུས་ཆེན་སོགས་དུས་ཆེན་མང་པོ་འཛོམས་པའི་སྐལ་བཟང་གི་གོ་སྐབས་དང་འབྲེལ། དཔལ་ས་སྐྱའི་གདན་ས་ཐེག་ཆེན་ཕུན་ཚོགས་གླིང་རྟེན་དང་བརྟེན་པ་གསར་བཞེངས་ལེགས་གྲུབ་ཀྱིས་དབུ་འབྱེད་དགའ་སྟོན་ལ་འཚམས་འདྲི་སྩལ་ཞིང་། ༸གོང་ས་༸སྐྱབས་མགོན་ཆེན་པོའི་ཐུགས་སྐྱེད་དང་རྒྱ་གར་གཞུང་མང་གཉིས་ཀྱི་བཀའ་དྲིན་ལ་བརྟེན་ནས། རྒྱ་གར་གཙོ་བོར་གྱུར་བའི་བོད་ཀྱི་ཕྱི་ཕྱོགས་སུ་སངས་རྒྱས་ཀྱི་བསྟན་པ་དང་རིས་སུ་མ་མཆིས་པའི་ཆོས་སྡེ་ཁག །རིག་གཞུང་གི་བསྟི་གནས་ཁག །སློབ་གྲྭ་ཁག །གཞིས་ཆགས་གསར་འཛུགས་གནང་བའི་ཁྲོད། ༸སྐྱབས་རྗེ་བདེ་བར་གཤེགས་པ་འཁོན་གདུང་བདག་ཆེན་འཇིགས་བྲལ་རྡོ་རྗེ་འཆང་མཆོག་གི་དགོངས་བཞེད་ལྟར། རིན་པོ་རྣམ་པ་དང་གཙོ་བོ་འཁོན་གདུང་ཨ་བྀ་ཀྲི་ཏ་བཛྲ་རིན་པོ་ཆེས་ཐུགས་འཁུར་བཞེས་ཏེ་ས་གནས་འདིར་གཙུག་ལག་ཁང་གསར་བཞེངས་ཐུབ་པ་དེ་ནི་ངོ་འཚར་ཅན་ཞིག་ཡིན་པ་དང་། བསྟན་པ་སྤྱི་དང་བྱེ་བྲག་ལ་མིག་རྒྱན་དུ་གྱུར་ཐུབ་པ་བྱུང་བར་ཐུགས་དགྱེས་ཚོར་ཆེན་པོ་བྱུང་ཞེས་བཀའ་སྩལ་འདུག ལྷག་པར་གལ་ཆེ་ཤོས་ནི་སངས་རྒྱས་ཀྱི་བསྟན་པ་ནི་ལུང་དང་རྟོགས་པའི་བསྟན་པ་གཉིས་ལ་ཐུག་ཡོད་པར་དེ་ནི་དགེ་འདུན་གྱི་སྡེ་ལ་རག་ལུས་ཡོད་སྟབས། ལུང་རྟོགས་ཀྱི་བསྟན་པ་རྒྱས་པར་ཐུགས་འཁུར་མུ་མཐུད་བཞེས་དགོས་གལ་དང་། འབྲེལ་ཡོད་སྔ་ཕྱི་བར་གསུམ་དུ་ལས་དོན་གནང་མཁན་ཡོངས་ལ་ཐུགས་རྗེ་ཆེ་ཞེས་བཀའ་སྩལ་ཐོག...

རྐང་སྤོལ་བ་གྲགས་ཅན་ཀི་ལི་ཡན་མེམ་བྷ་པེ་ཡིས་རྒྱ་ནག་གི་མགོ་ཁྲིད་མའོ་ཙེ་ཏུང་ལ་སྒེར་གཅོད་པ་ཞེས་བཤད་ནས་གད་མོ་བགད་རྐྱེན་རྒྱ་ནག་གཞུང་དམངས་གཉིས་ཀྱིས་སྐྱོན་བརྗོད་ཤུགས་ཆེན་བྱས། ཉེ་ལམ་ཧྥ་རན་སིའི་བཅར་འདྲིའི་ལེ་ཚན་ཞིག་ཏུ་ཀི་ལི་ཡན་མེམ་བྷ་པེ་(Kylian Mbappé) ཡིས། ང་དང་གྲོགས་པོ་ཚོས་དྲ་ཐོག་ནས་རོལ་རྩེད་སྐབས་ང་དང་རྒྱ་ནག་གི་དབང་ཆ་སྒེར་གཅོད་བྱེད་མཁན་གྱི་མགོ་ཁྲིད་ཀྱི་པར་དེ་བེད་སྤྱོད་གཏོང་གི་འདུག་ཅེས་གད་མོ་ཤུགས་ཆེན་བགད་པའི་དབང་གིས། རྒྱ་ནག་གཞུང་གིས་རྒྱ་ནག་རྒྱལ་ཁབ་དང་མི་དམངས་ལ་ཕོག་ཐུག་ཤུགས་ཆེན་བཏང་ཡོད་ལུགས་བཤད་ནས་སྐྱོན་བརྗོད་དང་། རྒྱ་ནག་གི་ཚོང་ལས་ཁང་གྲགས་ཅན་ Dongpeng དང་ Mengniu གཉིས་ཀྱིས་ཁོང་དང་ཁྱབ་བསྒྲགས་གན་རྒྱ་མཚམས་འཇོག་བྱས་ཡོད་པ་མ་ཟད། རྒྱ་ནག་རྒྱལ་ཡོངས་སུ་སི་པེན་རྒྱལ་ཁབ་ཀྱི་རྒྱལ་ཡོངས་རྐང་སྤོལ་འགྲན་ཚོགས་ལ་ལི་གྷ་ (Laliga ) ཐད་སྲིང་བྱ་རྒྱུ་བཀག་སྡོམ་བྱས་ཡོད་འདུག  གནད་དོན་དེ་དང་འབྲེལ་ནས་ཁ་སང་ཕྱི་ཚེས་ ༢༧ ཉིན་ཧྥ་རན་སི་རྒྱལ་ཡོངས་སྐྱེས་པའི་རྐང་སྤོལ་རུ་ཁག་གི་རུ་དཔོན་ཀི་ལི་ཡན་མེམ་བྷ་པེ་ཡིས་དགོངས་སེལ་ཡིག་ཆ་ཞིག་སྤེལ་བའི་ནང་། ཉེ་ཆར་གྱི་བཅར་འདྲི་ཞིག་གི་སྐབས་སུ། ངས་རང་ཉིད་ཀྱི་པར་ཞིག་མཐོང་སྐབས་བསམ་ཚུལ་ཞིག་བཤད་པ་ཡིན། ངས་བཤད་པའི་ཚིག་དེ་འོས་འཚམ་མ་བྱུང་བ་དང་། ད་ལྟ་ངས་རྒྱ་ནག་གི་མི་མང་པོ་དང་། འཛམ་གླིང་གི་ས་གནས་གང་སར་ཡོད་པའི་རྒྱ་རིགས་རྣམས་ལ་ཕོག་ཐུག་བཟོས་པ་ཤེས་རྟོགས་བྱུང་ཡོད། ངའི་སྐད་ཆ་དེས་སེམས་ལ་ཕོག་ཐུག་བཟོས་པའི་མི་ཚང་མར་དགོངས་སེལ་ཞུ་བཞིན་ཡོད། དེ་ནི་ངའི་རྩ་བའི་དམིགས་ཡུལ་གཏན་ནས་མིན། ངས་རྒྱ་ནག་མི་དམངས་དང་ཁོང་ཚོའི་ལོ་རྒྱུས་ལ་གུས་བརྩི་ཟབ་མོ་ཞུ་ཡི་ཡོད། ངས་སྙིང་ཐག་པ་ནས་དགོངས་སེལ་ཞུ། ཞེས་བཤད་འདུག  ཟླ་འདིའི་ཕྱི་ཚེས་ ༢༧ ཉིན་རྒྱ་ནག་གཞུང་གི་མགྲིན་ཚབ་པ་ལྟ་བུར་གྱུར་བའི་ཀྲུང་དབྱང་བརྙན་འཕྲིན་ཁང་གིས། ཀི་ལི་ཡན་མེམ་བྷ་པེ་དང་འབྲེལ་བ་ཡོད་པའི་བྱ་འགུལ་ཡོད་ཚད་རྒྱ་ནག་རྒྱལ་ཡོངས་སུ་བཀག་སྡོམ་བྱ་རྒྱུ་ཡིན། ཞེས་ཡོངས་ཁྱབ་གསལ་བསྒྲགས་སྤེལ་རྗེས། རྒྱ་ནག་རྒྱལ་ཡོངས་ཀྱི་བཟོ་ཚོང་ཁང་མང་པོས་ཁོ་དང་འབྲེལ་བ་བཅད་ཡོད་པ་རེད། དེ་བཞིན་རྒྱ་ནག་གི་སྤྱི་ཚོགས་དྲ་ལམ་ཁག་ཏུའང་། མི་འདི་འདྲ་ཞིག་ལ་དགའ་ནས་ག་རེ་བྱ་དགོས། དེ་ལས་རྒྱ་ནག་གི་དམག་མི་ལ་དགའ་མོས་བྱོས། ཁོང་ཚོ་ནི་འུ་ཅག་གི་སྐར་ཆེན་ཡིན།  ཅེས་དང་། ང་ནི་ཀི་ལི་ཡན་མེམ་བྷ་པེ་ལ་དགའ་པོ་ཡོད་མོད། དེ་ལས་རང་ཉིད་ཀྱི་རྒྱལ་ཁབ་ལ་དགའ་པོ་ཡོད། ཅེས།  ཀི་ལི་ཡན་མེམ་བྷ་པེ་ཁྱོད་རང་ཁེངས་དྲེགས་ཆེ་བ་ལའང་། ཁྱོ་འཇིག་རྟེན་འདིའི་སྟེང་ཤོང་གི་མེད་པ་རེད་དམ། ཞེས་སོགས་དྲ་ལམ་དུ་ཁོར་སྐྱོན་བརྗོད་དང་ཟུར་ཟ་བྱེད་མཁན་གྱིས་ཁེངས་འདུག  ད་ལྟ་འཛམ་གླིང་རྐང་སྤོལ་རྩེད་འགྲན་ཁྲོད་སྐད་གྲགས་འགྲོ་མུས་ཡིན་པའི་ཀི་ལི་ཡན་མེམ་བྷ་པེ་(Kylian Mbappé) ནི་ཧྥ་རན་སིའི་རྐང་སྤོལ་རྩེད་འགྲན་ཁྲོད་ཀྱི་སྐར་ཆེན་ཞིག་དང་། ལྷག་པར་ཁོང་གི་ཁྱད་འཕགས་ཀྱི་མྱུར་ཚད་དང་། སྤོ་ལོ་སྒོར་རར་བླུགས་ཏེ་མཇུག་སྒྲིལ་གྱི་ནུས་པ་དེ་འཛམ་གླིང་རྐང་སྤོལ་རྩེད་འགྲན་གྱི་གར་སྟེགས་སུ་གོ་གནས་ངེས་ཅན་ཞིག་བཟུང་ཡོད། ཁོར་རྒྱལ་སྤྱིའི་ནང་གི་གཟེངས་རྟགས་མང་པོ་ཐོབ་ཡོད་པ་མ་ཟད། ཕྱི་ལོ་ ༢༠༡༨ དང་ ༢༠༢༢། ༢༠༢༦ བཅས་སུ་ཧྥ་རན་སིའི་རྒྱལ་སྤྱིའི་རྐང་སྤོལ་འགྲན་ཚོགས་ཁྲོད། ཁོང་གི་འཇོན་ཐང་དང་། བློ་སྟོབས། རླབས་ཆེན་གྱི་དམིགས་ཡུལ་བཅས་ཀྱིས་དགའ་མོས་བྱེད་མཁན་ས་ཡ་མང་པོར་སྐུལ་མ་ཐེབས།  ཁོང་ནི་རྒྱལ་སྤྱིའི་རྐང་སྤོལ་གར་སྟེགས་སྟེང་ཧྥ་རན་སིའི་རྐང་རྩེད་སྤོ་ལོའི་མཚོན་རྟགས་ཤིག་སྟེ། མྱུར་ཚད་དང་། གཟབ་ནན་བཅས་ཀྱིས་རྩེད་འགྲན་གྱི་བརྒྱུད་རིམ་ལ་ཁ་ལོ་སྒྱུར་བཞིན་ཡོད་ལ། ཁོའི་སྒྱུ་འཕྲུལ་ལྟ་བུའི་རྐང་རྩལ་སོགས་འགྲན་ཡ་ལས་རྣམ་པར་རྒྱལ་འདོད་པའི་བློ་སྟོབས་ཀྱིས་རྩེད་འགྲན་གྱི་ཁོར་ཡུག་ཡངས་པོར་ཟིལ་གྱིས་མནན་ཐུབ། ཁོང་ནི་འཛམ་གླིང་གི་རྐང་རྩེད་སྤོ་ལོའི་རྩེད་འགྲན་ཁྲོད་ཀྱི་སྐར་ཆེན་ཏེ། རྨི་ལམ་འཚོལ་བཞིན།  ཟིན་ཐོ་གཏོར་བཞིན། འཛམ་གླིང་གི་རྐང་སྤོལ་རྩེད་འགྲན་གྱི་དབུ་འཕང་དགུང་ལ་འདེགས་མཁན་ཞིག་ཏུ་ངོས་འཛིན་བྱེད་ཀྱིན་ཡོད་ལ། ཕྱི་ལོ་ ༢༠༢༦ ལོའི་འཛམ་གླིང་རྐང་སྤོལ་འགྲན་ཚོགས་སྟེང་སྤོ་ལོ་བླུག་མཁན་མང་ཤོས་ཀྱི་རྩེད་འགྲན་པ་ཞིག་ཏུ་གྱུར། སྤྱིར་རྒྱལ་སྤྱིའི་བཟོ་སྐྲུན་ཁང་དང་སྤྱི་གཉེར་ཁང་། མི་སྒེར་གང་རུང་ཞིག་གིས་རྒྱ་ནག་ལ་སྐྱོན་བརྗོད་ཀྱི་ཚིག་བརྗོད་དང་རྣམ་འགྱུར་བསྟན་ཚེ། དེར་རྒྱ་ནག་གཞུང་གིས་མངོན་གསལ་དོད་པོའི་ཐོག་ནས་ངོ་རྒོལ་བྱས་པ་དང་། རྒྱ་རིགས་མང་ཚོགས་ཀྱིས་དྲ་ལམ་དུ་ཁ་རྡུང་དང་ཟུར་ཟ། སྐབས་རེར་སྤྱི་གཉེར་ཁང་དེའི་ཐོན་རྫས་བཀོལ་སྤྱོད་མི་བྱ་རྒྱུའི་ལས་འགུལ་སྤེལ་བ་མ་ཟད། ལྷག་པར་དུ་རྒྱ་ནག་གཞུང་གི་ཟུར་ལྔའི་དྲ་དམག་གིས་རྒྱ་ནག་ཕྱི་ནང་གཉིས་སུ་རྒྱ་ནག་གཞུང་གི་དྲིལ་བསྒྲགས་ཁྱབ་སྤེལ་བྱེད་པ་ནི་རྒྱུན་གཏན་ལྟ་བུ་ཡིན་པ་རེད།  ཕྱི་ལོ་ ༢༠༡༩ ལོར་ཐའེ་ཝན་ནས་བཟོ་སྐྲུན་བྱས་པའི་བརྙན་རྩེད་ཅིག་གི་ནང་། རྒྱ་ནག་གི་སྲིད་འཛིན་ཞི་ཅིན་ཕིན་ནི་འགུལ་བརྙན་ནང་གི་ Winnie the Pooh ཞེས་པའི་དོམ་སེར་དེ་ཡིན་སྐོར་འཁོད་པར་བརྟེན། རྒྱ་ནག་ནང་གི་རྩེད་མོ་བ་རྣམས་ཀྱིས་སྐྱོན་བརྗོད་དང་ངོ་རྒོལ་ཤུགས་ཆེན་པོ་བྱས་ཏེ་རྒྱ་ནག་རྒྱལ་ཡོངས་སུ་བཀག་སྡོམ་བྱས་ཡོད། གཞན་ཡང་ཕྱི་ལོ་ ༢༠༢༠  ཟླ་ ༤ ནང་ཧོང་ཀོང་གི་དམངས་གཙོའི་ལས་འགུལ་བ་རྣམས་ཀྱིས་རྒྱལ་སྤྱིའི་བརྙན་རྩེད་བཟོ་སྐྲུན་ཁང་ཆེ་གྲས་ནིན་ཊན་ཌོ་ (Nintendo) ཡིས་བཟོ་སྐྲུན་བྱས་པའི་བརྙན་རྩེད་ Animal Crossing ཞེས་པ་དེ་ཉིད་བརྒྱུད་ཧོང་ཀོང་གི་དམངས་གཙོ་དྲིལ་བསྒྲགས་ཀྱི་ཆེད་དུ་བཀོལ་སྤྱོད་བྱས་པར་བརྟེན། བརྙན་རྩེད་དེ་ཉིད་རྒྱ་ནག་གི་ཁྲོམ་རའི་ནང་བཀག་སྡོམ་བྱས་ཡོད་པ་རེད། གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། ཆོས་རྒྱལ་སྐྱབས།  The post རྒྱ་ནག་གིས་ཀི་ལི་ཡན་མེམ་བྷ་པེ་ལ་སྐྱོན་བརྗོད་དང་ཚོང་དོན་གན་རྒྱ་མཚམས་འཇོག་བྱས།  appeared first on བོད་ཀྱི་དུས་བབ།.

  ༄༅། །འདི་གར་འཕྲོད་བསྟེན་ལས་ཁུངས་ནས་བཏང་གནས་ནང་འཁོད་དོན། བོད་མིའི་སྒྲིག་འཛུགས་ཀྱི་དཔལ་ལྡན་འཕྲོད་བསྟེན་བཀའ་བློན་པདྨ་མཚོ་མཆོག་ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༦ ནས་ཕྱི་ཟླ་ ༡༡ ཚེས་ ༡༦ བར་རྒྱ་གར་ལྷོ་ཕྱོགས་བོད་མིའི་གཞིས་ཆགས་ཁག་དང་། དགོན་སྡེ་གྲྭ་ཚང་ཁག་གི་སྨན་ཁང་། ཁྱབ་ཁོངས་སྨན་ཁང་ཁག ཡན་ལོག་སྨན་རྩིས་ཁང་། རྒས་གསོ་ཁང་། སློབ་གྲྭ། ཉམ་ཐག་ཨང་ཐོབ་ཅན་དང་དམིགས་བསལ་དཀའ་ངལ་ཅན་ལ་གཟིགས་སྐོར་དང་རྟོག་ཞིབ་གནང་རྒྱུའི་ལས་རིམ་འགོ་བཙུགས་ཡོད། དེ་ཡང་ཕྱི་ཚེས་ ༢༧ ཉིན་གྱི་ཞོགས་པ་ཆུ་ཚོད་ ༡༠།༣༠ ཙམ་ལ་་ཕེབས་འབྱོར་སྐབས་ས་གནས་འགོ་འཛིན་རིན་ཆེན་དབང་མོ་ལགས་དང་། སྨན་ཁང་འགན་འཛིན། ས་གནས་གྲོས་ཚོགས་ཀྱི་ཚོགས་གཙོ། ས་གནས་ཚོགས་པ་ཁག ༢༦ གི་སྐུ་ཚབ་རྣམ་པས་ཕེབས་བསུ་སྣེ་ལེན་གཟབ་རྒྱས་ཞུས་ཡོད། ཉིན་རྒྱབ་ས་གནས་འཕྲོད་བསྟེན་སྨན་ཁང་དུ་གཟིགས་སྐོར་དུ་ཕེབས་ཏེ་སྨན་ཁང་གི་སྡེ་ཚན་ཡོངས་རྫོགས་ནང་གཟིགས་ཞིབ་གནང་བ་དང་སྦྲགས། ལས་བྱེད་རྣམས་ལ་བླང་དོར་ལམ་སྟོན་གནང་ཡོད།ཁོང་གིས་ལས་འགན་གཙོ་བོ་སྟེ་འཕྲོད་བསྟེན་ཁྱབ་ཁོངས་སྨན་ཁང་དང་ལས་བྱེད་ཀྱི་གནས་སྟངས། ཕྱག་ལས་གནང་ཕྱོགས། མ་འོངས་པར་དབུས་དང་ས་གནས་མཉམ་རུབ་ཀྱི་ཐོག་ནས་ལས་གཞི་ལས་འཆར་ཁག་ཡར་རྒྱས་ཚགས་ཚུད་གཏོང་དགོས་ཇི་ཡོད་སོགས་ཀྱི་ཐོག་གཟིགས་ཞིབ་རྒྱུས་ལོན་གནང་ཆེད་ས་གནས་སུ་ཕེབས་ཡོད་སྐོར་དང་། མ་འོངས་ལོ་ལྔའི་ནང་དམིགས་བསལ་གྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་དབུས་ས་གཉིས་མཉམ་རུབ་ཀྱི་ཐོག་ནས་བགྲེས་སོང་མགོན་མེད་དང་ལོ་གཞོན་ནད་མནར་སོགས་ཉམ་ཐག་རྣམས་ལ་གཟིགས་རྟོག་གནང་རྒྱུར་སྔར་ལས་ཤུགས་སྣོན་དགོས་སྐོར་དང་། སྤྱི་ཡོངས་ནས་ནད་རིགས་སྔོན་འགོག་དང་དུས་ཐོག་སྨན་བཅོས་ལག་བསྟར་ཡོང་ཆེད་སྤྱི་ཚོགས་ནང་འཕྲོད་བསྟེན་གོ་རྟོགས་གང་ལེགས་སྤེལ་ཐབས་གནང་གལ་ཆེ་བ། དེ་བཞིན་ས་གནས་འཕྲོད་བསྟེན་སྨན་ཁང་དུ་ལས་བྱེད་རྒན་པ་ཞབས་ལོ་སུམ་ཅུ་ལྷག་འགྲོ་བཞིན་པ་དང་གཞོན་པ་གསར་ཞུགས་གང་ལེགས་ཡོད་པར་བརྟེན། རྒན་པའི་ཉམས་མྱོང་ཕུན་སུམ་ཚོགས་པ་དང་། གཞོན་པའི་སེམས་ཤུགས་ཀྱི་ཁྲག་ཚ་བོ་མཉམ་འདུས་ཀྱི་ཐོག་ནས་སྤྱི་ཚོགས་ཞབས་ཕྱི་ཞུ་གལ་ཆེ་བ་དང་།...