རྒྱ་ནག་གཞུང་གིས་བོད་ནང་ཐབས་བྱུས་སྣ་མང་བརྒྱུད་སྤེལ་ཏེ་ “རྒྱ་ནག་གི་བོད་” ཅེས་པ་དྲིལ་བསྒྲགས་བྱེད་བཞིན་ཡོད་པ་གནད་དོན་དབྱེ་ཞིབ་པས་འགྲེལ་བརྗོད་གནང་གི་འདུག China pays influencer prize money to promote “China’s Tibet”, as analyst says it is a campaign to advance Chinese narratives on Tibet ཉེ་ལམ་རྒྱ་རིགས་ཤིག་གིས་སྤྱི་ཚོགས་དྲྭ་ལམ་ཐོག་བོད་ཀྱི་མཛེས་སྡུག་དང་འབྲེལ་བའི་བརྙན་ཐུང་ཞིག་བཟོས་པ་དེར་དྲྭ་ལམ་ཐོག་དགའ་རྟགས་བསྐྱོན་མཁན་ས་ཡ་༢༡བྱུང་བར། བྱ་དགའ་ཨ་སྒོར་ ༧༣༥༠༠ ཐོབ་འདུག་པ་དེ་ནི། བོད་ཀྱི་སྟབས་བདེའི་ཡུལ་སྐོར་གྱི་དྲིལ་བསྒྲགས་ཙམ་མིན་པར། དེ་ནི་རྒྱ་ནག་གཞུང་གི་ཐབས་བྱུས་ལྡན་པའི་སྲིད་བྱུས་འོག་ “རྒྱ་ནག་གི་བོད་” ཅེས་པ་དྲིལ་བསྒྲགས་ཆེད་དུ་ཡིན་ཞེས། ཧྥ་རན་སིའི་བོད་རིག་པ་བ་གྲགས་ཅན་ (Claude Arpi) ལགས་ཀྱིས་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་།

ཨ་ཧྥི་རི་ཁའི་རྒྱལ་ཁབ་དགུས་བསྡུས་པའི་དམག་འཁྲུག་དང་སི་རི་ཡའི་དམག་འཁྲུག དེ་བཞིན་འདས་པའི་མི་ལོ་བཞི་ལྷག་རིང་གོ་ལ་ཧྲིལ་པོར་བརྡབ་གསིག་གཏོང་བའི་ཨུ་ཡུ་གཉིས་ཀྱི་དམག་འཁྲུག་བཅས་ཀྱི་ཁྲོད་ཉུང་མཐར་མི་གྲངས་ས་ཡ་ ༤།༠༢  ལྷག་རྐྱེན་འདས་སུ་གྱུར་འདུག The post དུས་རབས་ཉེར་གཅིག་པའི་མི་གྲངས་མང་ཤོས་རྐྱེན་འདས་སུ་གྱུར་བའི་དམག་འཁྲུག་ཆེན་པོ་གསུམ། appeared first on བོད་ཀྱི་དུས་བབ།.

རྒྱ་ནག་གི་ཡུ་གུར་ས་ཁུལ་གྱི་དམར་ཤོག་འགོ་གཙོ་ཟུར་པ་དང་རྒྱ་ནག་ཆབ་སྲིད་ལྷན་ཚོགས་ཀྱི་ཚོགས་མི་མཱ་ཞིང་རུའེ་ (Ma Xingrui) ཟེར་བའི་འགོ་ཁྲིད་དེ་རྒྱ་ནག་དམར་ཤོག་ཚོགས་པ་དང་གཞུང་གི་ལས་གནས་ནས་ཕྱིར་འབུད་བཏང་བ་དང་། ལྐོག་ཟ་རུལ་སུངས་དང་ཚུལ་མིན་གྱི་བུད་མེད་ལ་འཁྲིག་སྤྱོད་བྱས་པའི་ཉེས་མིང་འོག་ད་ལྟ་ཞིབ་བཤེར་བྱེད་བཞིན་ཡོད་པ་བརྗོད་འདུག The post ལྐོག་ཟ་རུལ་སུངས་དང་ཚུལ་མིན་འཁྲིག་སྤྱོད་བྱས་པའི་ཉེས་མིང་འོག་དམར་ཤོག་འགོ་གཙོ་ཟུར་པ་ཕྱིར་ཕུད། appeared first on བོད་ཀྱི་བང་ཆེན།.

རྒྱ་ནག་གི་ “མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཁྲིམས་ཡིག” གསར་པ་འདི་ནི། འཆམ་མཐུན་གྱི་ཆེད་དུ་བཟོས་པའི་གནོད་མེད་ཀྱི་སྒྲོམ་གཞི་ཞིག་མ་ཡིན་པར། མི་རིགས་བསྲེས་ལྷད་ (Assimilation) ཀྱི་སྲིད་ཇུས་ཁྲིམས་ལུགས་སུ་གཏན་འབེབས་བྱས་པ་ཞིག་ཡིན། འདིས་རིག་གཞུང་གི་ཐུན་མོང་མ་ཡིན་པའི་ཁྱད་ཆོས་རྣམས་ནག་ཉེས་སུ་བགྲང་བ་དང་། བོད་ལ་དོན་དམ་གྱི་རང་སྐྱོང་ཐོབ་པའི་ལམ་ཁ་བཀག་པ་བརྒྱུད། The post མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཁྲིམས་ཡིག་གིས་དབུ་མའི་ལམ་ལ་འཆི་བརྡ་བཏང་བ། appeared first on བོད་ཀྱི་བང་ཆེན།.

དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་སྐབས་གཉིས་པའི་སྲིད་སྐྱོང་གི་ལས་འཁུར་དམ་འབུལ་ཞུས་རྗེས་རྒྱ་གར་བྱང་ཕྱོགས་ལ་དྭགས་དང་། མ་ན་ལི། ཀུ་ལི། སྦིར་སོགས་སུ་གཞུང་འབྲེལ་ཕྱོགས་ཕེབས་ཐོག་མ་དེ་གནང་མུས་ཡིན་འདུག The post སྲིད་སྐྱོང་སྤེན་པ་ཚེ་རིང་མཆོག་གིས་རྒྱ་གར་བྱང་ཕྱོགས་ཁུལ་དུ་གཞུང་འབྲེལ་གཟིགས་སྐོར་གནང་བཞིན་པ། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༡༣ དང་ ༡༤ བཅས་ཉིན་གྲངས་གཉིས་རིང་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཀུལླུ་མ་ནཱ་ལཱིར་གཞུང་འབྲེལ་འཚམས་གཟིགས་གནང་ཡོད། དེ་ཡང་དཔལ་ལྡན་སྲིད་སྐྱོང་མཆོག་གིས་མ་ནཱ་ལཱི་བདེ་སྐྱིད་གླིང་ཁུལ་དུ་ཆུ་རུད་དང་ཆུ་ལོག་རྐྱེན་པས་ས་རུད་ཐེབས་པའི་ས་གནས་ཀྱི་གནས་སྟངས་ལ་གཟིགས་ཞིབ་གནང་བ་དང་། དེ་བཞིན་ས་གནས་ཀྱི་དགོན་སྡེ་ཁག་དང་། ཤེས་ཡོན་ལྟེ་གནང་ཁང་། ཡན་ལག་སྨན་རྩིས་ཁང་། ས་གནས་འཐུས་ཚོགས་དང་རང་བདེན་ཚོགས་ཆུང་གི་ལས་ཁུངས། ཀུལླུ་དང་མ་ནཱ་ལིའི་ཁུལ་གྱི་བོད་མི་འདུ་སྡོད་ཁག་ལ་གཟིགས་སྐོར་གནང་ཞིང་། སྐབས་དེར་དགོན་པའི་མཁན་པོ་དང་། སློབ་གྲྭའི་འགན་འཛིན། གཞིས་ཆགས་ཀྱི་སྐུ་ཚབ། མི་མང་བཅས་དང་ཐུག་འཕྲད་ཀྱིས་ས་གནས་ཀྱི་གནས་སྟངས་སྐོར་རྒྱུད་ལོན་དང་ས་གནས་བོད་མིའི་གཞིས་ཆགས་ཁག་གི་བདེ་དོན་དང་ཡར་རྒྱས་དང་འབྲེལ་བའི་ཐོག་གྲོས་བསྡུར་གནང་ཡོད།ཐུག་འཕྲད་རིང་དཔལ་ལྡན་སྲིད་སྐྱོང་མཆོག་གིས་གསུང་བཤད་གནང་སྐབས་གཙོ་བོ་བོད་མིའི་ཚོགས་པ་ཁག་གི་ཕྱི་དངུལ་ལེན་བེད་ཁྲིམས་སྒྲིག་གཞིར་བཟུང་ལག་བསྟར་གནང་དགོས་པའི་གལ་གནད་དང་། སྒྲིག་འཛུགས་ཤིག་ནུས་པ་ལྡན་པ་དང་། འགན་འཁུར། དེ་བཞིན་ཡག་པོ་ཞིག་ཡོང་བར་སྒྲིག་འཛུགས་ཀྱི་ཡིག་ཚགས་དང་འཛིན་སྐྱོང་གི་ལམ་ལུགས་རྣམས་གྲངས་འཛིན་དུ་འགྱུར་དགོས་པའི་གལ་གནད་ཐོག་ནན་བརྗོད་གནང་ཡོད།ཕྱོགས་མཚུངས་སྲིད་སྐྱོང་མཆོག་གིས་རྡོ་སྦི་དཔལ་རབ་གླིང་དུ་མང་ཚོགས་ལ་གསུང་བཤད་གནང་ཡོད་ཅིང་། སྲིད་སྐྱོང་མཆོག་གིས་བོད་དོན་དང་འབྲེལ་རྒྱ་ནག་གི་དབང་བསྒྱུར་འོག་ད་ལྟའི་བོད་ནང་གི་གནས་སྟངས་དང་། བོད་ཀྱི་ཁོར་ཡུག་སྲུང་སྐྱོབ་བྱེད་དགོས་པའི་གལ་གནད། དེ་བཞིན་བོད་པའི་ཆོས་དང་རིག་གཞུང་། སྐད་ཡིག་བཅས་པ་མ་འོངས་པའི་མི་རབས་ཚོའི་ཆེད་དུ་མི་ཉམས་རྒྱུན་འཛིན་དང་ཉམས་པ་སླར་གསོ་བྱེད་དགོས་པའི་ལམ་སྟོན་གནང་ཡོད།ལྷག་པར་དཔལ་ལྡན་སྲིད་སྐྱོང་མཆོག་གིས་རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བ་དེ་བོད་མིའི་ཆོས་དང་རིག་གཞུང་། སྐད་ཡིག་བཅས་མི་རིགས་ཀྱི་ངོ་བོ་རྩ་མེད་བཟོ་རྒྱུའི་ཉེན་ཚབས་ཆེ་ཤོས་ཀྱི་སྲིད་བྱུས་ཤིག་ཡིན་སྐོར་ཐེར་འདོན་གནང་ཞིང་། རྒྱ་ནག་གཞུང་གི་བོད་རིགས་ཀྱི་ངོ་བོ་རྩ་མེད་བཟོ་བའི་སྲིད་བྱུས་ལ་ངོ་རྒོལ་དུ། ཉེ་ལམ་ཨ་རིའི་ནིའུ་ཡོག་ཏུ་ཡོད་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་དུ། བོད་དང་བོད་མི་རིགས་ཀྱི་དོན་དུ་རང་གི་རྩ་ཆེ་བའི་ལུས་སྲོག་བློས་བཏང་གནང་མཁན་རྒྱལ་གཅེས་པ་རང་བཙན་བློ་དགའ་ལགས་ལ་གུས་འདུད་དང་སྦྲགས། བོད་མི་ཡོངས་ནས་སོ་སོའི་ལྟ་གྲུབ་དང་ཆབ་སྲིད་ཀྱི་ལངས་ཕྱོགས་དབུ་མ་དང་རང་བཙན་གང་ཡིན་མིན་ལ་མ་ལྟོས་པར་བོད་སྤྱི་པའི་རྩ་དོན་ཆེད་ནང་ཁུལ་ཆིག་སྒྲིལ་དགོས་པའི་གནད་འགག་སྐོར་གསུངས།སྲིད་སྐྱོང་མཆོག་གིས་ཀུ་ལུ་མ་ན་ལིའི་ས་གནས་སུ་གཟིགས་ཞིབ་གནང་བའི་མྱོང་ཚོར་དང་འབྲེལ་ནས། ཀུ་ལུ་མ་ན་ལིའི་བོད་མིའི་གཞིས་ཆགས་ཁག་ཏུ་གནས་སྡོད་མི་མང་རྣམས་ནས་དཀའ་ངལ་མ་ལྟོས་པར་སོར་ཆུད་ཀྱི་ནུས་པ་དང་ཆོད་སེམས་ལ་ཡི་རངས་བསྔགས་བརྗོད་ཞུས་པ་དང་ཆབས་ཅིག མི་མང་རྣམས་ནས་མཐུན་ལམ་དང་སྤྱི་བའི་འགན་འཁུར་སྲ་བརྟན་གཏོང་དགོས་པ་མ་ཟད། ས་གནས་ཀྱི་ལས་ཁུངས་ཁག་གི་ལས་དོན་ལ་རྒྱབ་སྐྱོར་གནང་དགོས་པའི་འབོད་སྐུལ་གནང་ཡོད། དེ་བཞིན་འཛིན་སྐྱོང་དང་། ཤེས་ཡོན། ཆོས་ཕྱོགས་བཅས་ཀྱི་སྒྲིག་འཛུགས་ཁག་ནས་ཕྱི་གསལ་ནང་གསལ་དང་ནུས་པ་ལྡན་པའི་ཐོག་ནས་མུ་མཐུད་སྤྱི་ཚོགས་ལ་ཞབས་འདེགས་ཞུ་དགོས་པའི་ནན་བརྗོད་གནང་ཡོད།མཐར་དཔལ་ལྡན་སྲིད་སྐྱོང་མཆོག་གིས་བོད་ཀྱི་ཆོས་དང་རིག་གཞུང་། སྐད་ཡིག་བཅས་པ་སྲུང་སྐྱོབ་བྱེད་རྒྱུ་ནི་བོད་མི་ཚང་མའི་ལས་འགན་ཡིན་པ་དང་།...

ལ་དྭགས་བྱང་ཐང་ཁུལ་དུ་“དཔའ་བོ་བློ་དགའ་རང་བཙན་རྗེས་དྲན་གྱི་རྟ་རྒྱུག་”ཅེས་པ་གོ་སྒྲིག་ཞུས་འདུག་ཅིང་། “བོད་རང་བཙན་མ་ཐོབ་ཀྱི་བར་རྩེད་འགྲན་འདི་གནང་རྒྱུ་ཡིན་”ཞེས་གསུངས་པ། ལ་དྭགས་བྱང་ཐང་སུམ་མདོ་དང་ཉེ་འཁོར་གྱི་བོད་པ་དང་ལ་དྭགས་ཡུལ་མི་མཉམ་འཛོམས་ཐོག་ལོ་ལྟར་རྒྱ་གར་གཉིས་མཚོ་འགྲམ་དུ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཁྲུངས་སྐར་སྲུང་བརྩིའི་ཆེད་ལ་དྭགས་བསོད་ནམས་གླིང་གཞིས་ཁོངས་ཀྱི་བོད་པའི་གཞོན་སྐྱེས་བཞིས་”དཔའ་བོ་བློ་དགའ་རང་བཙན་རྗེས་དྲན་གྱི་རྟ་རྒྱུག་”ཅེས་གོ་སྒྲིག་ཞུས་འདུག དེ་ཡང་གཞོན་སྐྱེས་བཞིའི་སྐུ་ཚབ་ཀརྨ་བསྟན་འཛིན་ལགས་ཀྱིས་གསུངས་དོན་དུ། གྲོགས་པོ་བཞི་ནང་ཁུལ་དུ་དངུལ་བསྡུ་རུབ་བྱེད་ནས་རྟ་རྒྱུག་ནང་ཨང་རིམ་སོན་པ་ཚོར་བྱ་དགའ་འབུལ་རྒྱུ་དང་ཉེ་འཁོར་དུ་བློ་དགའ་རང་བཙན་ལགས་ཀྱི་འདྲ་པར་འདོན་སྤེལ་བྱེད་པ། ཡང་མ་འོངས་པ...

རྒྱ་གར་བྱང་ཤར་ནུབ་སྦང་གྷལ་མངའ་སྡེའི་རྒྱལ་ས་ཀོལ་ཀ་ཏར་ཡོད་པའི་རྒྱ་ནག་གཞུང་ཚབ་ཡན་ལག་མདུན་བོད་མིས་རྔམ་སྟོན་ལས་འགུལ་སྤེལ་ཏེ་བློ་དགའ་རང་བཙན་ལགས་ཀྱི་དགོས་འདུན་ལ་ཉན་འཇོག་དགོས་པའི་སྐད་འབོད་གནང་འདུག དེ་ཡང་ཕྱི་ཟླ་ ༧ ཚེས་ ༡༣ ཉིན་རྒྱ་གར་བྱང་ཤར་ཁུལ་དུ་ཡོད་པའི་བོད་པའི་གཞུང་འབྲེལ་མིན་པའི་ཚོགས་པ་ཁག་ཅིག་མཉམ་སྦྲེལ་ཐོག་ཀོལ་ཀ་ཏར་ཡོད་པའི་རྒྱ་ནག་གཞུང་ཚབ་ཡན་ལག་ཁང་གི་མདུན་དུ་ངོ་རྒོལ་སྐད་འབོད་གནང་སྟེ་བློ་དགའ་རང་བཙན་ལགས་ཀྱི་དགོས་འདུན་ཁག་ལ་དོ་སྣང་དགོས་པའི་དགོས་འདུན་བཏོན་འདུག་ཅིང་། ལས་འགུལ་ནང་རྒྱ་གར་བྱང་ཤར་ཁུལ་གྱི་ས་གནས་ཁག་དྲུག་ཙམ་ནས་བོད་མི་ལས་འགུལ་བ་མི་གྲངས་ ༤༢ དང་ས་གནས་ཀྱི་རྒྱ་གར་བོད་དོན་རྒྱབ་སྐྱོར་བ་ཁག་ཅིག་གིས་མཉམ་ཞུགས་གནང་འདུག འདི་ནི་ཕྱི་ཟླ་ ༧ ཚེས་ ༢ ཉིན་ཨ་རི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཀྱི་མདུན་དུ་བོད་མི་བློ་དགའ...

ཆབ་མདོ་ངག་དབང་ཕུན་ཚོགས། དེ་རིང་ཞོགས་པ་ཡར་ལངས་ནས་ཞོགས་ཟས་བཟས་རྗེས་ངོ་དེབ་ལ་བལྟས་པ་ན། ཨ་རིའི་གྲོང་ཁྱེར་ནིའུ་ཡོག་ཏུ་ཡོད་པའི་མཉམ་སྦྲེལ་རྒྱལ་ཚོགས་ཀྱི་ལས་ཁུངས་མདུན་ཐང་དུ་སྐུ་ལུས་མེ་ལྕེ་ལྷབ་ལྷུབ་ཏུ་འབར་བཞིན་པའི་རང་ལུས་མེར་སྲེག་གི་གནས་ཚུལ་མཐོང་བ་དང་། རང་དབང་མེད་པར་མིག་ཆུ་ལྷུང་ལྷུང་དུ་བབས། དེ་ནས་རིམ་གྱིས་གསར་འགྱུར་བརྒྱུད་ལམ་ཁག་ལས་རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་སྐུ་ལུས་མཆོད་མེར་སྒྲོན་པ་ཤེས་རྗེས། ཧང་སངས་ཏེ་ཅི་བྱ་གཏོལ་མེད་དུ་གྱུར། དེའི་གོང་ལ་ཁོང་གི་ངོ་དེབ་ཐོག་ཏུ་བརྙན་ཐུང་ཞིག་འདུག་པ་དེང་སང་དྲ་ཐོག་ཏུ་ཐོན་ནས་སྐད་ཆ་འདྲ་མིན་སྣ་ཚོགས་བཤད་མཁན་ཡོད་པར་བརྟེན། སྤྱིར་བཏང་གི་སྐད་ཆ་ཞིག་ཡིན་རྒྱུ་རེད་སྙམ་ནས་ཉན་རྒྱུ་མ་བྱུང་། འོན་ཀྱང་དེ་ནི་དཔའ་བོ་ཁོང་གིས་བོད་མི་རིགས་ལ་བཞག་པའི་ཞལ་ཆེམས་ཤིག་ཡིན་པ་དང་། The post བོད་ཀྱི་དཔའ་རྒོད་བློ་དགའ་རང་བཙན་ལས་འཕྲོས་པའི་རྗེས་དྲན། appeared first on བོད་ཀྱི་བང་ཆེན།.

རྩོམ་ཁུངས། བོད་ཀྱི་དུས་བབ། རྩོམ་པ་པོ། བློ་བཟང་ཐབས་མཁས། བོད་ཀྱི་སྲིད་བྱུས་ཉམས་ཞིབ་ཁང་། རྒྱ་ནག་དམར་ཤོག་ཚོགས་པས་བོད་ལ་བཙན་འཛུལ་བྱས་པ་ནས་བཟུང་བོད་མི་རིགས་ཀྱི་ཆོས་དང་རིག་གཞུང་། ཡུལ་སྲོལ་གོམས་གཤིས་སོགས་མེད་བརླག་ཏུ་གཏོང་བའི་སྲིད་བྱུས་འདྲ་མིན་སྤེལ་མུས་ཡིན་ཞིང་། དེ་ཡང་བོད་ཡར་རྒྱས་ལ་ཁ་གཡར་ནས་གཡོ་ཐབས་དང་ངན་བྱུས། བཙན་ཤེད་འདྲ་མིན་བེད་སྤྱོད་བྱས་ནས་མི་ལོ་བདུན་ཅུ་མ་ཟིན་ཙམ་འགྲོ་བཞིན་ཡོད། མི་ལོ་དེ་དག་གི་རིང་བོད་ཀྱི་སྣོད་བཅུད་གཉིས་ཐད་ནས་བཙན་ཤེད་ཧམ་འཕྲོག་བསད་བཟུང་གཏོར་བཅོམ་སོགས་ངན་དགུ་མ་བྱས་པ་གཅིག་ཀྱང་མེད། ལོ་མང་རིང་རྒྱ་ནག་དམར་ཤོག་གིས་བོད་མི་རིགས་རྒྱ་སྒྱུར་སྲིད་བྱུས་གཏིང་ནག་པོ་དེ་ལག་བསྟར་བྱས་པ་ནས་ད་བར་དུ་བོད་མི་ཚོར་རང་གི་ཆོས་དང་རིག་གཞུང་། ཤུལ་བཞག་རིག་དངོས་བཅས་ལ་དད་མོས་དང་སྦྱོང་སྤྱོད་དར་སྤེལ་སྲུང་སྐྱོབ་བྱེད་དབང་མེད་ཁར། བཙན་འཕྲོག་དང་བཀག་འགོག གཏོར་བཤིག་བཏང་བ་སོགས་བགྲང་གིས་མི་ལང་། ཕྱི་ལོ་༢༠༢༦ ཟླ་ ༠༧ ཚེས་༡༣ ཉིན་རྒྱ་གཞུང་གིས་བོད་མི་རིགས་ཀྱི་གནའ་བོའི་རིག་དངོས་ཤུལ་བཞག་རྩ་ཆེན་རྒྱལ་མོ་ཚ་བ་རོང་གི་རྡོ་བཟོའི་སྒྱུ་རྩལ་རྒྱལ་རོང་གི་རྡོ་མཁར་ཞིག་གཏོར་ཞིག་བཏང་ཡོད། རྡོ་མཁར་བཙམ་རྫོང་དེ་དག་ནི་ཤར་རྒྱལ་མོ་ཚ་བ་རོང་དུ་གེར་གྱིས་བཞེངས་ཡོད་ཅིང་། བོད་མི་རིགས་ཀྱི་བྱུང་རབས་ལོ་རྒྱུས་ནང་གལ་ཆེའི་ལོ་རྒུས་ཀྱི་གནས་བབ་བཟུང་ཡོད། རྒྱལ་མོ་ཚ་བ་རོང་ནི་བོད་ཀྱི་ཤར་མཐར་ཆགས་ཤིང་ལོ་རྒྱུས་ཡིག་ཆ་ལས་བོད་ཀྱི་རོང་ཆེན་བཞིའི་ཡ་གྱལ་གཅིག་ཡིན། རྒྱལ་རོང་ཞེས་པའང་ལུང་པ་ཕུ་རིང་ལ་འགག་དོག་པའི་རོང་ཆེན་པོ་ཞིག་ཡིན། ས་ཆ་དེའི་འགག་དོག་མོ་རེ་རེ་ན་སྲ་ཞིང་འཐས་པའི་རྡོ་མཁར་རམ་བཙན་རྫོང་རེ་རེ་ཀྲོང་ངེར་འགྱངས་ཡོད་ཅིང་། བཙན་རྫོང་རེ་རེའི་བྱུང་བ་ལོ་རྒྱུས་སུ་དུས་རབས་༦ ནས་༡༩ བར་ཡིན་པ་དང་། སྔ་ཤོས་དག་ནི་བོད་བཙན་པོའི་སྐབས་སུ་བཞེངས་པ་དང་།  ཕྱིས་སུ་ནི་ཆིང་རྒྱལ་རབས་དང་མན་ཇུའི་བཙན་འཛུལ་སྐབས་སུ་བཞེངས་པར་བཤད། དེས་ན་རྡོ་མཁར་བཙན་རྫོང་རྙིས་ཤོས་དག་ལ་ལོ་ངོ་༡༢༠༠ ཙམ་གྱི་ལོ་རྒྱུས་ལྡན་ཞིང་། གསར་ཤོས་ལ་མི་ལོ་ཉིས་བརྒྱ་ལྷག་གི་ལོ་རྒྱུས་ཡོད།   རྡོ་མཁར་བཙན་རྫོང་ཡོད་ས་ནི་བཙན་ལྷ་དང་རོང་བྲག ཆུ་ཆེན་དང་འབར་ཁམས་སོགས་སུ་བཙན་རྫོང་ཆེ་ཆུང་དང་མཐོ་དམའ་བརྒྱ་ཕྲག་ལོང་བ་ཡོད་ཅིང་། ལ་ལ་མཐོ་ཚད་རྨི་༤༠ ནས་༥༠ ལྷག་དང་། ཟུར་བཞི་ནས་བཅུ་གཉིས་ཅན་བར་ཡོད།...

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༡༤ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་ཤེལ་གྱི་ཕོ་བྲང་དགེ་འཕེལ་གླིང་དུ་ལ་དྭགས་ཤེས་རིག་ལས་ཁུངས་ཀྱི་ལས་བྱེད་དང་མཐོ་སློབ་འགྲིམས་བཞིན་པའི་སློབ་ཕྲུག་སོགས་མི་གྲངས་སུམ་བརྒྱ་ལྔ་བཅུ་བརྒལ་བར་མཇལ་ཁ་བཀའ་དྲིན་སྩལ་ཡོད་པ་རེད། དེ་ཡང་ཐོག་མར་རྒྱ་གར་གྱི་གྲོས་ཚོགས་འོག་མའི་འཐུས་མི་ཨར་ཀེ་ཅཽདྷརཱི་ (R.K. Chaudhary) ལགས་སོགས་རྒྱ་གར་བ་དང་། ཇར་མན། ནོར་ཝེ། སུད་སི། ཨོསྟྲེ་ལི་ཡ། ཉི་འོང་། ཐའེ་ཝན་སོགས་ནས་ཕེབས་པའི་མཇལ་བཅར་བ་རྣམས་ལ་མཇལ་ཁ་རིམ་པར་སྩལ་རྗེས་ལ་དྭགས་དབུས་འཛིན་མངའ་ཁུལ་ཤེས་རིག་ལས་ཁུངས་ཀྱི་ལས་བྱེད་དང་། མཐོ་སློབ་འགྲིམས་བཞིན་པའི་སློབ་ཕྲུག་སོགས་མི་གྲངས་ ༡༤༣ ལ་མཇལ་ཁ་བཀའ་དྲིན་སྩལ་བ་དང་། སྐབས་དེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་ཧིན་དིའི་ཐོག་བརྩམས་པའི་ཕྱག་དཔེའི་པར་ཕུད་སྤྱན་འབུལ་དང་། མཇལ་ཞུ་བས་མགོན་པོ་གང་ཉིད་མཆོག་ལ་དོགས་འདྲི་སྣ་ཚོགས་ཞུས་པར་བཀའ་ལན་བརྩེ་གཟིགས་གནང་ཡོད་པ་རེད།དེ་ཡང་ལ་དྭགས་ཤེས་རིག་ལས་ཁུངས་ཀྱི་འབྲེལ་ཡོད་ནས་མགོན་པོ་གང་ཉིད་མཆོག་གི་ལམ་སྟོན་ལྟར་ལ་དྭགས་སློབ་གྲྭ་ཁག་ཏུ་ཆོས་ལུགས་དང་མ་འབྲེལ་བའི་སྤྱོད་བཟང་གི་སི་སློབ་གསོ་ཞེས་པ་སློབ་བཞིན་ཡོད་པ་༸སྙན་སེང་ཞུས་པར། ༸གོང་ས་མཆོག་གིས། སྤྱི་ཚོགས་ནང་ཡ་རབས་ཀྱི་སྤྱོད་པ་ཉམས་ན་ཞི་བདེ་ཡོང་གི་མ་རེད། ཡ་རབས་ཀྱི་སྤྱོད་པ་ཞེས་པ་ནི་ཆོས་ཀྱི་སྐད་ཆ་མ་རེད། ཕྱོགས་གཅིག་ནས་མིའི་སྤྱི་ཚོགས་དངོས་གནས་ལྷིང་འཇགས་དང་། བདེ་སྐྱིད་ལྡན་པ་ཞིག་ཡོང་བར་སེམས་པ་བཟང་པོ་བྱུང་ན་དེ་གལ་ཆེན་པོ་འདུག ཅེས་དང་།མཇལ་བཅར་བ་ཞིག་གིས་ཞེད་སྣང་སླེབས་ནས་དཀའ་ངལ་འཕྲད་ཀྱི་འདུག་པས་དེ་བཟློག་ཐབས་སུ་ལམ་སྟོན་ཞུས་པར། མགོན་པོ་གང་ཉིད་མཆོག་གིས། མི་ཚེའི་ནང་དཀའ་ངལ་མེད་པ་ཞིག་མེད། སོ་སོས་ལྷག་བསམ་བསྐྱེད་ཅིང་སེམས་ཤུགས་སྒྲིལ་ནས་སྡོད་དགོས། ཞེས་བཀའ་སྩལ་བ་དང་། མཇལ་བཅར་བ་ཞིག་གིས་ཨ་མ་འདས་གྲོངས་སུ་ཕྱིན་ནས་ལོ་བཅུ་གྲངས་འགོར་ཡང་ད་དུང་རྨི་ལམ་དུ་རྨིས་བཞིན་འདུག་པ་ཅི་ཡིན་བཀའ་འདྲི་ཞུས་པར། དེ་ནི་ཨ་མ་དང་ལས་འབྲེལ་ཤུགས་ཆེན་པོ་ཡོད་པའི་རྟགས་རེད། ཡག་པོ་རེད། ཅེས་བཀའ་ཕེབས་ཡོད། གཞན་ཡང་། མཇལ་ཁ་ཞུ་མཁན་གྱི་ཁྲོད་ནས་མཐོ་སློབ་འགྲིམས་བཞིན་པའི་བུ་མོ་རང་ལོ་...

 ད་ལྟ་འཛམ་གླིང་གི་རྩེད་རིགས་ཆེད་མཁས་པ་སོགས་ཀྱིས། ད་ལྟའི་རུ་ཁག་བཞི་པོའི་རྩེད་འགྲན་སྐར་ཆེན་རྣམས་ཀྱིས་རྩེད་འགྲན་ལ་བཟུང་བའི་གདེང་སྤོབས་དང་འགྲན་སེམས། དེ་བཞིན་ཕྱོགས་ཡོངས་ཀྱི་རུ་ཁག་རྣམས་ཀྱི་མཉམ་འདུས་ཀྱི་ནུས་པ་དང་གྲུབ་འབྲས་བཅས་ལ་གཞིགས་ན་རྩེད་འགྲན་གྱི་རྒྱལ་ཕམ་ཚོད་དཔག་བྱ་རྒྱུ་དཀའ་མོ་ཡིན་སྐོར་ཤོད་ཀྱིན་འདུག The post འདི་ལོའི་རྐང་སྤོལ་རྩེད་འགྲན་གྱི་གསེར་བུམ་བདག་པོ་དེ་སུ་ཡིན་ནམ། appeared first on བོད་ཀྱི་དུས་བབ།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༧ ཚེས་ ༡༣ ཉིན་སྔ་དྲོ་ ༡༡ཿ༣༠ ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་སྤྲུལ་སྐུ་བསྟན་འཛིན་བདེ་ལེགས་ཐུབ་བསྟན་ཆོས་ཀྱི་ཉི་མ་དཔལ་བཟང་པོ་མཆོག་རྒྱ་ནག་གཞུང་གིས་སྐུ་བཀྲོངས་ནས་ལོ་ངོ་བཅུ་གཅིག་འཁོར་བའི་རྗེས་དྲན་དང་། ཁོང་གི་ཚ་མོ་ཉི་མ་ལྷ་མོ་ལགས་ཀྱི་མི་ཚེ་དང་འབྲེལ་བའི་དཔེ་དེབ་ཅིག་དྷ་ས་ནོར་བུ་གསོལ་མགྲོན་ཁང་དུ་དབུ་འབྱེད་གནང་བའི་མཛད་སྒོར་སྐུ་མགྲོན་གཙོ་བོར་གདན་ཞུས་ལྟར་ཆེད་ཕེབས་ཀྱི་དཔེ་དེབ་དབུ་འབྱེད་དང་གསུང་བཤད་གནང་སོང་། དཔེ་དེབ་དེ་ཡང་པར་སྐྲུན་གནང་མཁན་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ཡིན་འདུག་པ་དང་། ཨིན་ཇིའི་ནང་འདོན་སྤེལ་གནང་བའི་དཔེ་དེབ་དེའི་མིང་དུ་ <> ཞེས་པ་དང་། དཔེ་དེབ་དེ་བསྒྱུར་པ་པོ་ནི་བོད་སྨྱུག་དཔེ་སྐྲུན་ཁང་གི་རྩོམ་སྒྲིག་པ་ལྡུམ་ར་བུ་ཆུང་བསོད་ནམས་ལགས་ཡིན་འདུགཐོག་མར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཟླ་བ་ལགས་ནས་དཔེ་དེབ་པར་སྐྲུན་བྱེད་པའི་དགོས་པ་དང་གལ་གནད་སྐོར་ལ་གསུངས་རྗེས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་ཚོགས་པའི་ཚོགས་གཙོ་དང་ཆབ་སྲིད་བཙོན་ཟུར་དགེ་བཤེས་ཚེ་རིང་རྡོ་རྗེ་ལགས་ནས་སྤྲུལ་སྐུ་བསྟན་འཛིན་བདེ་ལེགས་མཆོག་གི་སྐོར་གཏམ་བཤད་གནང་། དགེ་རྒན་དང་ཧི་མྰ་ལ་ཡའི་ཆོས་རིག་ཉམས་ཞིབ་པ་རྒན་རྡོ་རྗེ་རིན་ཆེན་ལགས་ཀྱིས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྐོར་ལ་སྤེལ་བའི་དེབ་སོགས་ཀྱི་གནད་དོན་དང་འབྲེལ་བའི་ཐོག་གཏམ་བཤད་གནང་སོང་། སྐབས་དེར་སྐུ་མགྲོན་གཙོ་བོ་དཔལ་ལྡན་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་ནས་ཐོག་མར་འཚམས་འདྲི་དང་སྦྲགས་གཙོ་བོ་གསུང་དོན། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྐུ་ཚེ་དང་མཛད་རྗེས་ནི་བོད་མི་རིགས་ཀྱིས་བོད་ནང་མྱངས་པའི་མནར་གཅོད་དང་། ཆོས་དང་རིག་གཞུང་སྲུང་སྐྱོབ་ཆེད་བློས་གཏོང་གནང་བའི་མཚོན་རྟགས་ཆེན་པོ་ཞིག་ཡིན་པས། ཁོང་ཉིད་བོད་མི་རིགས་ཀྱི་སྙིང་སྟོབས་ཀྱི་དཔའ་བོ་ཞིག་ཏུ་རྗེས་དྲན་ཞུ་འོས་པ་ཡིན་གསུངས།དེ་བཞིན། ཁོང་གིས་ཉེན་ཁ་ལ་མ་འཛེམས་པར་བོད་ཀྱི་ཆོས་དང་རིག་གཞུང་གི་གནས་སྟངས་དངོས་ཡོད་ཡིག་ཐོག་འགོད་པ། ཤེས་ཡོན་དང་མི་རྣམས་ཀྱི་རྣམ་གཞག་གོང་འཕེལ་ཆེད་སློབ་གྲྭ་འཛུགས་པ་སོགས་ཀྱི་མཛད་རྗེས་རྣམས་ལས། རྒྱལ་ཞེན་དང་འགན་འཁུར་གྱི་སྙིང་སྟོབས་ང་ཚོས་སློབ་དགོས་པ་ནན་བཤད་གནང་། ཚོགས་གཙོ་མཆོག་གིས་མུ་མཐུད་དུ། ཁོང་ཕྱི་ལོ་...

ཕྱི་ལོ་༢༠༢༦ ཟླ་༧ ཚེས་༡༨ ཉིན། སུད་སིར་གནས་སྡོད་བྱེད་མཁན་བོད་མི་གཞས་མ་བདེ་ཆེན་ཤཀ་ཟེར་བས་རྒྱ་ནག་གི་སོའུ་ཀྲོའུ་གྲོང་ཁྱེར་ནང་”འཆམ་མཐུན་གྱི་ལམ་བུ་”ཞེས་པའི་གླུ་གཞས་དགོང་ཚོགས་ཤིག་འཚོག་འཆར་ཡོད་པར་བརྟེན། བཙན་བྱོལ་བོད་མིའི་སྤྱི་ཚོགས་ནང་ངོ་རྒོལ་དང་སྐྱོན་བརྗོད་ཤུགས་ཆེན་བྱེད་བཞིན་འདུག ད་ལྟའི་ཆར་རྒྱ་གཞུང་གིས་མི་རིགས་མཐུན་སྒྲིལ་ཡར་སྐུལ་ཁྲིམས་ཡིག་ཟེར་བ་ལག་བསྟར་བྱས་ནས་བོད་ཀྱི་སྐད་ཡིག་དང་རིག་གཞུང་། ཆོས་ལུགས་དང་བཅས་པ་ཡོད་ཚད་རྒྱ་ནག་དང་ཀྲུང་གོ་ཅན་དུ་བསྒྱུར་བཞིན་པའི་ཛ་དྲག་གི་གནས་སྟངས་འོག་ཡོད་པ་དང་། ལྷག་པར་དུ་ཉེ་ཆར་རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་བོད་རྒྱལ་ཁབ་དང་མི་རིགས། The post སུད་སི་གནས་སྡོད་བོད་མི་བདེ་ཆེན་ཤཀ་ལ་བོད་མི་ཚོས་ངོ་རྒོལ་སྐྱོན་བརྗོད། appeared first on བོད་ཀྱི་བང་ཆེན།.

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་གནས་སྟངས་དེས་རྒྱ་ནག་གཞུང་གི་བཙན་འོག་ཡོད་པའི་བོད་ནང་གི་བོད་མི་ཡོངས་ཀྱི་གནས་སྟངས་མཚོན་ཐུབ་ཅེས་གསལ་སྟོན་གནང་སོང་། བོད་ཀྱི་ཆབ་སྲིད་བཙོན་ཟུར་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་ནག་གི་བཙོན་ཁང་དུ་དགོངས་པ་རྫོགས་ནས་ལོ་ངོ་ ༡༡ འཁོར་བའི་དུས་སྐབས་དང་བསྟུན། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས། རིན་པོ་ཆེ་མཆོག་གི་ཚ་མོ་ཉི་མ་ལྷ་མོ་ལགས་ཀྱིས་བརྩམས་པའི་རིན་པོ་ཆེ་མཆོག་གི་ལོ་རྒྱུས་སྤྱི་དང་། ཁྱད་པར་རྒྱ་ནག་གཞུང་གིས་རིན་པོ་ཆེ་ལ་གཞི་མེད་ཀྱི་ཉེས་འཛུགས་དང་། བཙོན་ཁང་དུ་བཟུང་ནས་མཐར་རིན་པོ་ཆེ་མཆོག་རྒྱ་ནག་གི་གདུག་རྩུབ་འོག་བཙོན་དུ་དགོངས་པ་རྫོགས་པའི་གནས་ཚུལ་ཞིབ་ཕྲ་བཅས་འཁོད་པ། ཉི་མ་ལྷ་མོ་ལགས་ཀྱིས་བདེན་དོན་གླེང་བའི་གཏམ་ཞེས་པའི་བོད་ཡིག་ཕྱག་དེབ་དབྱིན་སྒྱུར་ཞུས་པ་ (No Tongue in Their Mou...

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དགའ་ལྡན་ཁྲི་ཟུར་༧སྐྱབས་རྗེ་རི་རྫོང་རིན་པོ་ཆེའི་ཡང་སྲིད་མཆོག་སྤྲུལ་མཆོག་གི་དབུ་སྐྲ་གཙུག་ཕུད་བཞེས་པ། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ཟླ་ ༧ ཚེས་ ༡༣ ཉིན་དགའ་ལྡན་ཁྲི་ཐོག་ ༡༠༢ པ་༧སྐྱབས་རྗེ་རི་རྫོང་སྲས་སྤྲུལ་རིན་པོ་ཆེ་མཆོག་གི་ཡང་སྲིད་མཆོག་སྤྲུལ་རིན་པོ་ཆེའི་དབུ་སྐྲ་གཙུག་ཕུད་བཞེས་གནང་པ་དང་ཡང་སྲིད་མཆོག་སྤྲུལ་རིན་པོ་ཆེ་མཚན་བསྩལ་འདུག སྐབས་དེར་ཡང་སྤྲུལ་བསྟན་འཛིན་ལེགས་སྨོན་རིན་པོ་ཆེའི་ཡབ་ཡུམ་སྟོན་འཁོར་བཅས་ལ་རིན་པོ་ཆེའི་བསླབ་པ་སློབ་གཉེར་ཇི་ལྟར་གནང་རྒྱུ་ཡིན་མིན་ཐད་བཀའ་འདྲི་ཞུས་པར་༧གོང་ས་༧སྐྱབས་མགོན་ཆེན་པོ་མཆོག་གིས་གདན་ས་རང་དུ་ཆོས་ཞུགས་སློབ་གཉེར་གནང་ན་ལེགས་པ་ཡོད་པ་བཀའ་བསྩལ་འདུག དེ་ཡང་མཇལ་ཁ་གྲུབ་རྗེས་ནུབ་ར་བསམ་གཏན་གླིང་དགོན་ནས་ཡིན་པ་སྔགས་རམ་པ་ཐུབ་བསྟན་ཆོས་བཟང་ལ...

ཨ་རིའི་གྲོས་ཚོཊ་གོང་མའི་འཐུས་མི་ལིནཌི་སེ་གྷརམ་དགུང་གྲངས་ ༧༡ ཐོག་དགོངས་པ་རྫོགས་པར་བོད་མི་ཚོས་ཁོང་ནི་བོད་དོན་ལ་རྒྱབ་སྐྱོར་བ་རྣལ་མ་ཞིག་ཡིན་པར་རྗེས་དྲན་ཞུ་བཞིན་འདུག ཨ་རིའི་གྲོས་ཚོགས་གོང་མའི་འཐུས་མི་ལིནཌི་སེ་གྷརམ་ལགས་ཀྱིས་འགྱུར་མེད་ཀྱིས་བོད་དོན་ལ་རྒྱབ་སྐྱོར་གནང་བར་བཙན་བྱོལ་བོད་མི་རྣམས་ཀྱིས་བཀའ་དྲིན་རྗེས་དྲན་ཞུ་བཞིན་འདུག བོད་དོན་ལ་ཡུན་རིང་རྒྱབ་སྐྱོར་གནང་མཁན་ཨ་རིའི་གྲོས་ཚོགས་གོང་མའི་འཐུས་མི་ (Lindsey Graham) ལིནཌི་སེ་གྷརམ་ལགས་སྐུ་ཚེ་མ་ཟིན་པའི་གནས་ཚུལ་ཐོན་པར་བཙན་བྱོལ་བོད་མིའི་སྤྱི་ཚོགས་ནས་མྱ་ངན་ཞུས་ཤིང་། ཁོང་ལྟ་བུ་བོད་དོན་ལ་རྒྱབ་སྐྱོར་གནང་མཁན་གྲོས་ཚོགས་འཐུས་མི་གང་མང་ཡོང་པའི་རེ་སྐུལ་ཞུ་ཡི་འདུག དེ་ཡང་བོད་ཀྱི་བུད་མེད་ལྷན་ཚོགས་ཀྱི་ཚོགས་གཞོན་སྐལ་བཟང་སྒྲོལ་མ་ལགས་དང་གཞོན་ནུ་ལྷན་ཚོགས་ཀྱི་དྲུང་ཆེ་བློ་བཟང་ལགས་ཀྱིས། དམ་པ་ཁོང་འདས་གྲོངས་སུ་...

དེ་རིང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཚ་མོ་ཉི་མ་ལྷ་མོའི་མི་ཚེ་དང་འབྲེལ་བའི་དབྱིན་ཡིག་དཔེ་དེབ་ཅིག་དབུ་འབྱེད་གནང་སྟེ། རིན་པོ་ཆེ་མཆོག་རྒྱ་གཞུང་གིས་སྐུ་བཀྲོངས་ནས་མི་ལོ་བཅུ་གཅིག་འཁོར་བའི་དུས་དྲན་སྲུང་གཙི་ཞུས།  The post སྤྱི་འཐུས་ཚོགས་གཙོ་མཆོག་གིས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་བོད་མི་སྙིང་སྟོབས་མཚོན་ཞེས་གསུངས།  appeared first on བོད་ཀྱི་དུས་བབ།.

བོད་དོན་ལ་ཡུན་རིང་ནས་རྒྱབ་སྐྱོར་དང་རོགས་རམ་གནང་མཁན་ཨ་རིའི་གྲོས་ཚོགས་གོང་མའི་འཐུས་མི་(Lindsey Graham)ཉེ་ཆར་གློ་བུར་དུ་དགུང་གྲངས་༧༡ ཐོག་ཏུ་སྐུ་ གཤེགས་ཡོད་འདུག་ཅིང་། ཁོང་ནི་ཨ་རིའི་སྤྱི་མཐུན་ཚོགས་པའི་ཚོགས་མི་ཡིན་འདུག The post བོད་དོན་རྒྱབ་སྐྱོར་བ་ཨ་རིའི་གྲོས་ཚོགས་འཐུས་མི་(Lindsey Graham)གློ་བུར་དུ་སྐུ་གཤེགས་འདུག appeared first on བོད་ཀྱི་བང་ཆེན།.

ཕྱི་ལོ་༢༠༢༦ ཟླ་༧ ཚེས་༡༣ ཉིན། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཞབས་ཞུ་ཚོགས་པ་དང་། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གཉིས་ཀྱི་གོ་སྒྲིག་འོག སྐུ་མགྲོན་གཙོ་བོ་སྤྱི་འཐུས་ཚོགས་གཙོ་སྒྲོལ་མ་ཚེ་རིང་དབུ་བཞུགས་ཐོག དྷ་ས་ནོར་བུ་གསོལ་མགྲོན་ཁང་དུ་རིན་པོ་ཆེ་རྒྱ་གཞུང་གི་བཙོན་འོག་ཏུ་སྐུ་གྲོངས་ནས་ལོ་ངོ་བཅུ་གཅིག་འཁོར་བའི་རྗེས་དྲན་ཞུས་པ་དང་སྦྲགས། ཉི་མ་ལྷ་མོའི་བདེན་དོན་གླེང་བའི་གཏམ་ཞེས་པའི་བོད་ཡིག་དཔེ་དེབ་དབྱིན་སྒྱུར་བྱས་པ་དེ་དབུ་འབྱེད་གནང་སོང་། The post སྤྲུལ་སྐུ་བསྟན་འཛིན་བདེ་ལེགས་རྒྱ་གཞུང་གི་བཙོན་འོག་ཏུ་སྐུ་གྲོངས་པའི་ཉིན་མོ་རྗེས་དྲན། appeared first on བོད་ཀྱི་བང་ཆེན།.

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཨ་རིའི་གྲོས་ཚོགས་གོང་མའི་འཐུས་མི་ལིན་སེ་གིརཱ་ཧམ་ (Lindsey Graham) ལགས་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་པར་དམ་པ་ཁོང་གི་སྐུ་ཟླ་དར་ལིན་གིརཱ་ཧམ་ནོར་ཌོན་ (Darline Graham Nordone) ལགས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་ཕུལ་ཡོད། དེ་ཡང་དཔལ་ལྡན་སྲིད་སྐྱོང་མཆོག་གིས་ཉེ་ལམ་དམ་པ་ཁོང་དང་མཇལ་འཕྲད་བྱུང་ཡོད་པ་དང་། སྐབས་དེར་དམ་པ་ཁོང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཀྱིས་ཁོང་རང་ཉིད་ལ་ཤུགས་རྐྱེན་ཇི་ལྟར་ཐེབས་ཡོད་ཚུལ་གསུངས་བའི་སྐོར་ཐུགས་དྲན་གསོ་གནང་བ་དང་།  དེ་བཞིན་དཔལ་ལྡན་སྲིད་སྐྱོང་མཆོག་གིས་ཨ་རིའི་གྲོས་ཚོགས་གོང་མའི་འཐུས་མི་ལིན་སེ་གིརཱ་ཧམ་ལགས་ཀྱིས་ཨ་རིའི་གྲོས་ཚོགས་ནང་བོད་དོན་དང་འབྲེལ་བའི་ལས་དོན་ཐོག་རྒྱབ་སྐྱོར་ཤུགས་ཆེ་གནང་བ་མ་ཟད། བཙན་བྱོལ་བོད་མིའི་སྤྱི་ཚོགས་ལ་མཐུན་འགྱུར་རོགས་རམ་གནང་བའི་ལས་གཞིའི་ཐོག་ལོ་ལྟར་མ་དངུལ་རྒྱུན་མཐུད་ཐོབ་ཐབས་སླད་དམ་པ་ཁོང་གི་ལས་ཁུངས་ནས་སློབ་སྟོན་གནང་བར་ཐུགས་རྗེ་ཆེ་ཞུས་ཡོད། ཕྱོགས་མཚུངས་དཔལ་ལྡན་སྲིད་སྐྱོང་མཆོག་གིས་ཨ་རིའི་གྲོས་ཚོགས་གོང་མའི་འཐུས་མི་ལིན་སེ་གིརཱ་ཧམ་ལགས་ནས་གཡོ་མེད་ཀྱི་རྒྱབ་སྐྱོར་ལ་ཐུགས་རྗེ་ཆེ་ཞུས་པ་དང་སྦྲགས། དམ་པ་ཉིད་ལ་དུས་རྟག་ཏུ་གུས་བརྩི་དང་བཀའ་དྲིན་རྗེས་དྲན་ཞུ་རྒྱུ་ཡིན། ཞེས་དང་། མཐར་དཔལ་ལྡན་སྲིད་སྐྱོང་མཆོག་གིས་ཐུགས་གསོ་དང་སྨོན་འདུན་ཞུས་ཡོད་པ་བཅས། །

༄༅། །ཕྱི་ལོ་ ༢༠༢༦ ཟླ་བ་ ༠༧ ཚེས་ ༡༡ ཉིན་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ལ་དྭགས་ཆུ་མུར་དང་། སུམ་མདོ། ས་སྨད། སུམ་མདོ་བོད་ཁྱིམ་ཡན་ལག་སློབ་གྲྭ་བཅས་སུ་འཚམས་གཟིགས་དང་། མི་མང་ཐུག་འཕྲད། ས་གནས་ཀྱི་གནས་སྟངས་གཟིགས་ཞིབ་གནང་ཡོད། དེ་ཡང་དཔལ་ལྡན་སྲིད་སྐྱོང་མཆོག་གིས་ས་གནས་སོ་སོར་གསུང་བཤད་གནང་སྐབས་བོད་པའི་སྤྱི་ཚོགས་ནང་གི་གནད་དོན་དང་། བོད་དོན་འཐབ་རྩོད་བཅས་ཀྱི་ཐོག་གསུང་བཤད་དང་། མང་ཚོགས་ཀྱི་དྲི་བར་ལན་འདེབས་གསལ་བཤད་གནང་ཡོད།དཔལ་ལྡན་སྲིད་སྐྱོང་མཆོག་གིས་བྱང་ཐང་བོད་མིའི་གཞིས་ཆགས་ཁག་ཏུ་འཕྲད་བཞིན་པའི་ས་ཆའི་དཀའ་ངལ་དང་འབྲེལ་བའི་སྐོར་གསུང་བཤད་གནང་སྐབས་ས་མཚམས་ཀྱི་དབྱེ་བ་གསལ་པོ་འབྱེད་དགོས་པ་དང་། ས་ཞིང་བདག་དབང་ཡོད་པ་ཆ་ཚང་གི་ཁྲིམས་མཐུན་ཡིག་ཆ་ཚང་དགོས་པའི་ཐོག་ནན་བརྗོད་གནང་ཡོད་པ་མ་ཟད། འཛུགས་བསྐྲུན་གྱི་ལས་གཞི་དང་། སྒེར་གྱི་ལས་གཞི། དེ་བཞིན་སྦྱིན་བདག་སོགས་ཀྱི་མཐུན་འགྱུར་འོག་གི་ལས་གཞི་གང་འདྲ་ཞིག་ལག་བསྟར་བྱེད་སྐབས་ཕུགས་རྒྱང་རིང་པོའི་འཆར་གཞི་འདིང་དགོས་གལ་ཡིན་པ་དང་། འདས་པའི་ལོ་ཤས་ནང་གཞིས་ཆགས་ཁག་ཏུ་འགྱུར་འགྲོས་གང་འཚམ་ཞིག་ཕྱིན་ཡོད་སྐབས། བྱང་ཐང་ཁུལ་དུ་འཕྲད་བཞིན་པའི་དཀའ་ངལ་ལ་འཛིན་སྐྱོང་བྱེད་དུས་གནད་དོན་དེ་དག་ལ་གཟིགས་དགོས་གལ་ཡིན། ཞེས་གསུངས།དེ་ནས་དཔལ་ལྡན་སྲིད་སྐྱོང་མཆོག་གིས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་སྐོར་ངོ་སྤྲོད་གནང་ཞིང་། ཁྲིམས་ཡིག་འདིས་བོད་ཀྱི་ངོ་བོ་དང་། སྐད་ཡིག རིག་གཞུང་རྩ་མེད་གཏོང་རྒྱུར་དམིགས་ཡོད་པ་དང་། རིམ་པས་བོད་རིགས་མ་ཡིན་པའི་སྤྱི་ཚོགས་གཞན་ལའང་དེའི་ཤུགས་རྐྱེན་སྤྲོད་ངེས་ཡིན་པའི་ཉེན་བརྡ་བཏང་གནང་ཡོད། བཙན་བྱོལ་བོད་མི་རྣམས་བོད་ནང་གི་བོད་མི་དང་མི་འདྲ་བར་སོ་སོའི་ངོ་བོ་སྲུང་སྐྱོབ་དང་གོང་སྤེལ་གཏོང་རྒྱུའི་རང་དབང་ཡོད་པས་འགན་འཁྲི་འཕར་མ་ཞིག་ཆགས་ཀྱི་ཡོད་པ་དང་ཆབས་ཅིག བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་རྒྱ་ནག་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ལ་དོ་སྣང་ཡོང་སླད་རྒྱལ་སྤྱིའི་ཛ་དྲག་གི་འབོད་སྐུལ་ཞིག་སྤེལ་རྒྱུ་ཡིན་སྐོར་གསུངས། དེ་བཞིན་དཔལ་ལྡན་སྲིད་སྐྱོང་མཆོག་གིས་དབུ་མའི་ལམ་གྱི་སྲིད་བྱུས་ཀྱི་ཕན་ཡོན་དང་། བོད་མིའི་སྒྲིག་འཛུགས་ངོས་ནས་ཞི་བའི་གྲོས་མོལ་ཐོག་ནས་བོད་རྒྱའི་དཀའ་རྙོག་སེལ་ཐབས་ཀྱི་ཆོད་སེམས་བསྐྱར་ནན་གནང་ཡོད། ཁོང་གིས་དབུ་མའི་ལམ་གྱི་སྲིད་བྱུས་ལ་རྒྱལ་སྤྱིའི་རྒྱབ་སྐྱོར་ཇེ་ཆེར་འགྲོ་བཞིན་ཡོད་པ་ནི་གཙོ་བོ་གྲོས་མོལ་དང་། འཚེ་མེད་ཞི་བ། གཉིས་སྨན་བཅས་ལ་དམིགས་ཡོད་པར་བརྟེན་ནས་ཡིན་པ་འགྲེལ་བརྗོད་གནང་།དེ་རྗེས་བོད་མིའི་སྒྲིག་འཛུགས་ཀྱི་གྲངས་འཛིན་དཔེ་མཛོད་ཀྱི་ལས་གཞི་སྐོར་ངོ་སྤྲོད་གནང་ཞིང་། དེའི་ཁོངས་སུ་བོད་བརྒྱུད་ནང་བསྟན་གྱི་གསུང་རབ་གལ་ཆེན་ཏེ་བཀའ་འགྱུར་དང་བསྟན་འགྱུར་ལ་སོགས་དེང་རབས་ཀྱི་འཕྲུལ་ཆས་དང་མཐུན་པའི་སྒོ་ནས་བདག་གཉེར་བྱ་རྒྱུའི་ལས་གཞི་སྐོར་གསུངས། གྲངས་འཛིན་དཔེ་མཛོད་དེས་གསུང་རབ་རྣམས་མི་རབས་རྗེས་མ་བར་ཉར་ཚགས་བྱེད་ཐུབ་པ་མ་ཟད། ཁོང་ཚོས་ལས་སླ་བོའི་ངང་བེད་སྤྱོད་དང་། འཚོལ་ཞིབ་བྱེད་ཐུབ་ཀྱི་ཡོད་ཅེས་གསུངས། དཔལ་ལྡན་སྲིད་སྐྱོང་མཆོག་གིས་སུམ་མདོ་དང་།...

༄༅། །ང་ཚོ་བོད་མིའི་ཁྲོད་དུ་སོ་སོའི་རྒྱལ་ཁབ་དང་མི་རིགས་ལ་བརྩེ་བ་དང་ཤ་ཞེན་མེད་མཁན་ཧ་ལམ་དཀོན་པོ་རེད། དེའི་དཔང་རྟགས་ནི་བོད་ཕྱི་ནང་དུ་བོད་བསྟན་པ་ཆབ་སྲིད་དང་འབྲེལ་བའི་བརྗེད་མི་སྲིད་པའི་མིག་མཐོང་ལག་ཟིན་གྱི་གནས་ཚུལ་མང་དག་བྱུང་དང་འབྱུང་བཞིན་ཡོད། ལྷག་པར་དུ་བོད་ནང་དུ་བོད་མི་ཡོད་དོ་ཅོག་གིས་སོ་སོའི་རྒྱལ་ཁབ་དང་མི་རིགས་ཀྱི་ཆེད་དུ་ཆོད་སེམས་བརྟན་པོས་དཀའ་ལས་རྒྱག་བཞིན་ཡོད་པ་དང་། བཙན་བྱོལ་དུ་བོད་མི་མང་དག་གིས་སོ་སོའི་འཇོན་ནུས་ལ་དཔག་པའི་གང་ཡོང་ཅི་ཡོང་བྱེད་བཞིན་ཡོད། འོན་ཀྱང་ཉེ་བའི་ཆར་ནས་ང་ཚོ་རང་དབང་ལུང་པའི་ནང་ཡོད་མཁན་འགའ་ཤས་ཀྱིས་ངའི་འདོད་པ་དང་དགའ་མོས། མདུན་ལམ་དང་དུས་ཚོད། མི་ཚེ་དང་ནང་མི། སྟབས་བདེ་དང་དུས་ཁོམ། ཐོབ་ཐང་དང་ཁེ་ཕན་ལ་སོགས་གལ་ཆེ་ཡིན་པའི་སློབ་གསོ་དང་མིག་དཔེ་མཐོང་རྒྱུ་ཡོད་སྟབས། རྒྱལ་ཁབ་དང་མི་རིགས་ཀྱི་རྩ་དོན་ཐོག་བསམ་བློ་ཡོད་པ་བཞིན་ཁ་ནས་ལབ་མཁན་མང་དག་ཡོད་ཀྱང་། དེ་དག་ལག་བསྟར་བྱེད་དུས་ང་དང་ངའི་གནད་དོན་གཙོ་བཟུང་གིས་རྒྱལ་ཁབ་དང་མི་རིགས་ཀྱི་གནད་དོན་རང་བཞིན་གྱིས་རྗེས་ལ་འཇོག་གི་ཡོད། གལ་ཏེ་རྒྱལ་ཁབ་དང་མི་རིགས་ཀྱི་གནད་དོན་འདི་དག་ཡང་ནས་ཡང་དུ་ང་དང་ངའི་གནད་དོན་གྱི་རྗེས་ལ་བཞག་ཚེ། རིམ་པས་ངན་པ་ལངས་ཤོར་དུ་ཕྱིན་ནས་ཉིན་མཚན་དུས་དྲུག་རྫོགས་རྒྱུ་མེད་པའི་ང་དང་ངའི་གནད་དོན་ཐོག་ཉིན་ཞག་ནས་བདུན་ཕྲག་དང་། བདུན་ཕྲག་ནས་ཟླ་བ། ཟླ་བ་ནས་ལོ། ལོ་ནས་ལོ་བྱས་ནས་མཐར་མི་ཚེ་གང་པོ་ང་དང་ངའི་གནད་དོན་ཐོག་བསྐྱལ་ནས། མི་ཚེ་རྫོགས་མཚམས་སུ་སླེབས་དུས་ཕྱིར་བལྟས་གཅིག་སློག་དུས་འགྱོད་པས་མིག་གཉིས་མཆི་མས་ཁེངས་ནས་ལུས་པ་མ་གཏོགས་བྱེད་ཐབས་གང་ཡང་མེད། དེ་དུས་ཕྱིས་དྲགས་ཚར་བ་རེད། ང་ཚོ་ཚང་མ་འཆི་རྒྱུ་ཡིན་པ་ངེས་པ་རེད། ག་དུས་འཆི་ངེས་པ་མེད། སང་གནངས་ཀྱང་འཆི་སྲིད་པ་རེད། དེ་འདྲ་སོང་ཙང་ང་དང་ངའི་གནད་དོན་འདི་ཚོའི་ཆེད་དུ་མི་ཚེ་གང་པོ་བཏང་ན་ཧ་ཅང་ཕངས་པོ་དང་ཐབས་སྐྱོ་པོ་རེད། མི་ཚེ་རིང་ཐུང་ག་ཚོད་ཡོད་ཀྱང་བོད་རྒྱལ་ཁབ་དང་མི་རིགས་ཀྱི་ཆེད་དུ་བསམ་བློ་བཏང་ནས་དེ་དག་གི་ཐོག་མི་ཚེ་སྐྱེལ་ཐུབ་ན་འདི་ལས་ལྷག་པའི་མི་ཚེ་དོན་དང་ལྡན་པ་མེད། དེ་ཡིན་ཅིག་སེམས་ལ་ཞོག་ཨང་། དེ་འདྲ་སོང་ཙང་ཚེ་མཇུག་འགྱོད་པ་མེད་པ་ཡོང་སླད་ཨ་མས་སྔོན་ལ་བཤད་པའི་སྙིང་གཏམ་ནང་བདེ་སྐྱིད་ཀྱི་ལྡེ་མིག་ཟེར་བ་དེ། ཚེ་འདིའི་བདེ་སྐྱིད་ཀྱི་ལྡེ་མིག་ཙམ་མ་ཟད། ཚེ་མཇུག་འགྱོད་པ་མེད་པའི་ཐོག་ནས་ཚེ་ཕྱི་མར་འགྲོ་ཐུབ་པའི་ལྡེ་མིག་ཀྱང་ཡིན་པས། རང་མི་རིགས་ཀྱི་སྐད་དང་ཡི་གེ་མཐིལ་ཕྱིན་ཤེས་པར་བྱེད་རྒྱུ་དུས་རྒྱུན་དུ་ཁ་ན་ན་ཤོད་ཀྱི་ཡོད་པ་བཞིན་དེ་རིང་སླར་ཡང་འདིར་དྲན་སྐུལ་བྱེད་ཀྱི་ཡོད། དེ་ལྟར་བྱེད་ཚེ་སྐད་ཡིག་འདིའི་ནང་དུ་ཡོད་པའི་རླབས་ཆེ་བའི་རིག་གཞུང་ཕྱུག་པོ་དང་གཏིང་ཟབ་པོ་འདི་དག་སོ་སོས་མིག་གིས་གསལ་ལྷམ་མེར་མཐོང་ནས་ངོ་འཕྲོད་ཐུབ་པ་དང་། དེ་དག་ཡང་ཡང་བསམ་བློ་བཏང་ནས་བོད་ཀྱི་རིག་གཞུང་ནི་ང་ཚོ་བོད་མི་ཙམ་མིན་པར་འཛམ་གླིང་ཡོངས་ལ་ཕན་ཐོགས་ཆེན་པོ་ཡོད་པ་མ་ཟད། ད་ལྟའི་དུས་སུ་ཤིན་ཏུ་དགོས་མཁོ་ཆེ་བ་ཡིན་པ་རིམ་པས་ངེས་ཤེས་རྙེད་ཐུབ་པ་དང་། དེའི་རྐྱེན་གྱིས་སོ་སོའི་རིག་གཞུང་ལ་ཨ་ཕའི་ཕོར་པར་གཙང་ཞེན་མིན་པར་ཞེ་ཐག་པ་ནས་དོན་དམ་གྱི་སྤོབས་པ་སྐྱེས་པ་མ་ཟད། རང་མི་རིགས་ཀྱི་ལྟ་བ་དང་སྤོབས་པ་སླེབས་ངེས་རེད། དེས་སོ་སོའི་རྒྱལ་ཁབ་དང་མི་རིགས་ལ་བརྩེ་དུང་དང་འགན་ཁུར་ཤུགས་དྲག་ངང་གིས་སྐྱེ་ངེས་ཡིན་པ། དེ་ནི་འགྱུར་བ་མེད་པའི་རྒྱལ་གཅེས་རིང་ལུགས་ཀྱི་ས་བོན་ནམ་རྨང་གཞི་གཙོ་བོ་དེ་ཡིན། འདི་ལོའི་ཟླ་ ༤ ནང་དྷ་སར་རྟེན་གཞི་བྱས་པའི་ཏུ་ཤི་ཏཱ་སྒོམ་སྒྲུབ་ལྟེ་གནས་ཁང་དུ་དགེ་བཤེས་ལྷག་རྡོར་ལགས་ནས་དབུ་མ་རིན་ཆེན་ཕྲེང་བའི་ཐོག་བདུན་ཕྲག་གཅིག་རིང་ཆོས་འགྲེལ་གནང་དུས།...

ང་བོད་པ་ཡིན། ང་བོད་པའི་གཞོན་སྐྱེས་ཞིག་ཡིན་ཟེར་དུས་ཡུལ་གྲུ་གང་དུ་བཞུགས་པའི་བོད་མི་ཞིག་ཡིན་ཡང་བབ་ས་ཅིག་དེ་ང་ལ་འགན་ཞིག་ཡོད་ཟེར་རྒྱུ་དེ་ཡིན་པ་ལ་དྭགས་ས་གནས་སུ་བོད་ཀྱི་ན་གཞོན་གྱི་དགའ་སྟོན་ཞེས་པའི་བརྗོད་གཞིའི་ཐོག་བོད་ཀྱི་རིག་གཞུང་འགྲེམས་སྟོན་དང་སྒྱུ་རྩལ་འཁྲབ་སྟོན་སོགས་ཀྱི་ལས་རིམ་མང་པོ་ཞིག་སྤེལ་བའི་སྐབས་གཞོན་སྐྱེས་མང་པོ་ཞིག་གིས་བརྗོད་བྱུང་། སྤྱི་སེམས་ཚོགས་པའི་ཚོགས་མི་ཡིན་པ་ལ་དྭགས་བསོད་ནམས་གླིང་གཞིས་ཁོངས་ནས་ཡིན་པ་བསྟན་འཛིན་ལྷ་སྒྲོན་ལགས་ཀྱིས་གསུངས་དོན་དུ། ལ་དྭགས་ས་གནས་སུ་མི་རབས་རྒན་པ་རྣམས་ནས་རང་གི་སྐད་དང་རིག་གཞུང་ཉར་ཚགས་ཆེད་སྤྱི་སེམས་ཇི་ཙམ་ཡོད་པ་བཞིན་གཞོན་སྐྱེས་ཚོར་སེམས་འཁུར་འདི་ཙམ་མེད་པའི་རྐྱེན་ད་རེས་ལ་དྭགས་ལ་བོད་ཀྱི་ན་གཞོན་དགའ་སྟོན་ཞེས་པ་དེ་གོ་སྒྲིག་ཞུས་པ་ཡིན་ཞེས་གསུངས་བྱུང་། བོད་ཀྱི་རིག་གཞུང་གཙོ་བཟུང་ཐོག་བོད་ཀྱི་དུས་སྟོན་དེའི་ནང་། ...

༄༅། །ཕྱི་ལོ་ ༢༠༢༦ ཟླ་བ་ ༠༧ ཚེས་ ༡༠ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གི་ལ་དྭགས་བྱང་ཐང་ཁུལ་དུ་གཞུང་འབྲེལ་འཚམས་གཟིགས་ཉིན་གཉིས་པར་བྱང་ཐང་བཀག་གཞུང་དང་། རྒོད་ཡུལ། ཧེན་ལེ་བཅས་བོད་མིའི་འདུ་སྡོད་ཁག་ཏུ་འཚམས་གཟིགས་ཀྱིས་ས་གནས་ཀྱི་ལས་གཞི་ཁག་ལ་རྟོགས་ཞིབ་དང་། ས་གནས་མང་ཚོགས་དང་ཐུག་འཕྲད་གནང་སྟེ་བདེ་སྡུག་ཁག་ལ་གསན་བཞེས་གནང་ཡོད།དེ་ཡང་དཔལ་ལྡན་སྲིད་སྐྱོང་མཆོག་གིས་བྱང་ཐང་བཀག་གཞུང་དང་། རྒོད་ཡུལ། ཧེན་ལེ་བཅས་སུ་ཕེབས་འབྱོར་སྐབས་ས་གནས་སོ་སོའི་སྤྱི་མི་དང་། མི་མང་བཅས་ནས་ཕེབས་བསུ་གཟབ་རྒྱས་ཞུས་གྲུབ་རྗེས་དཔལ་ལྡན་སྲིད་སྐྱོང་མཆོག་གིས་གསུང་གནང་ཡོད། སྐབས་དེར་དཔལ་ལྡན་སྲིད་སྐྱོང་མཆོག་གིས་ཕྱི་ལོ་ ༢༠༢༡ དང་ ༢༠༢༣ ལོར་བྱང་ཐང་དུ་འཚམས་གཟིགས་གནང་སྐོར་དང་། དེ་བཞིན་ལ་དྭགས་གླེ་རུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་བར་མཇལ་འཕྲད་གནང་བའི་སྐབས་སུའང་ཕེབས་ཡོད་སྐོར་གསུངས་པ་དང་། གཞན་ཡང་དཔལ་ལྡན་སྲིད་སྐྱོང་མཆོག་གིས་ས་མཚམས་ཁུལ་དུ་གནས་སྡོད་བོད་མི་རྣམས་ཀྱི་བདེ་དོན་ནི་བོད་མིའི་སྒྲིག་འཛུགས་ཀྱི་གལ་གནད་ཆེ་བའི་གནད་དོན་ཞིག་ཏུ་བརྩིའི་ཡོད་པ་དང་། ཁོང་ཚོའི་ཤེས་ཡོན་དང་། སྡོད་ཁང་། སྤྱི་ཚོགས་ཀྱི་རྨང་གཞིའི་མཐུན་རྐྱེན་བཅས་ཡར་རྒྱས་གཏོང་རྒྱུའི་ཐོག་འབད་བརྩོན་གནང་བཞིན་ཡོད་པ་འགྲེལ་བརྗོད་གནང་། དེ་བཞིན་བོད་མིའི་སྒྲིག་འཛུགས་ཀྱི་བཀའ་ཤག་སྐབས་ ༡༦ དང་ ༡༧ ནས་ལ་དྭགས་ཀྱི་ས་མཚམས་ཁུལ་དུ་གནས་སྡོད་བོད་མིའི་སྤྱི་ཚོགས་ཀྱི་བདེ་དོན་དང་། རྒྱུན་གནས་ཐུབ་པའི་འཕེལ་རྒྱས་ལ་དམིགས་བསལ་གལ་གནད་དང་། ལྷག་པར་བྱང་ཐང་ཁུལ་གྱི་འབྲོག་སྡེ་ལ་དམིགས་ཏེ་ལས་འགུལ་སྤེལ་བཞིན་ཡོད་པ་གསུངས། ཁོང་གིས་བོད་མིའི་སྒྲིག་འཛུགས་ནས་མུ་མཐུད་སྤྱི་ཚོགས་དེ་དག་སྲ་བརྟན་བཟོ་རྒྱུ་དང་། ཁོང་ཚོའི་དགོས་མཁོའི་ཐོག་གཟིགས་ཞིབ་གནང་རྒྱུ་བཅས་ཀྱི་ཐོག་ཆོད་སེམས་བརྟན་པོ་ཡོད་སྐོར་གསུང་བཤད་གནང་ཡོད།དེ་མཚུངས་དཔལ་ལྡན་སྲིད་སྐྱོང་མཆོག་གིས་སློབ་གྲྭ་ཁག་ཏུ་སློབ་གཉེར་བྱེད་བཞིན་པའི་སློབ་ཕྲུག་དང་། ས་གནས་གཞན་དུ་ལས་ཀར་ཞུགས་བཞིན་པ། དང་བླངས་དམག་མི་ཞུགས་མཁན་སོགས་ཀྱི་མི་འབོར་གྱི་གྲངས་ཐོ་ཚད་ལྡན་དགོས་གལ་ཐོག་ནན་བརྗོད་གནང་ཞིང་། དེ་དག་གིས་བོད་མིའི་སྒྲིག་འཛུགས་ཀྱི་སྲིད་བྱུས་ནུས་ལྡན་བཟོ་ཐུབ་པ་དང་། མཐུན་རྐྱེན་བགོ་འགྲེམས། སྤྱི་ཚོགས་ཀྱི་དགོས་མཁོ་ལ་དཔག་པའི་ཡར་རྒྱས་ཀྱི་ལས་གཞི་ཁག་ལག་བསྟར་བྱེད་ཐུབ་པར་ཕན་ཐོགས་ཡོད་ཅེས་གསུངས།...