ཉེ་ལམ་ཨ་རིས་རྒྱ་ནག་གི་བཟོ་ཚོང་ཁང་གསུམ་ལ་བཀག་སྡོམ་གྱི་ཉེས་ཆད་བཅད་པར་བརྟེན། དེ་རིང་རྒྱ་ནག་གིས་ཨ་རིའི་བཟོ་ཚང་ཁང་ ༥༦ ལ་ཉོ་ཚོང་བཀག་སྡོམ་དང་འབྲེལ་བའི་ཉེས་ཆད་བཏང་བ་ཡོངས་བསྒྲགས་བྱས་འདུག The post རྒྱ་ནག་གིས་ཨ་རིའི་རྒྱལ་སྲུང་དང་འབྲེལ་བའི་བཟོ་ཚོང་ཁང་ ༡༠ བཀག་སྡོམ་བྱས། appeared first on བོད་ཀྱི་དུས་བབ།.

ཟླ་འདིའི་ཕྱི་ཚེས་ ༢༡ ཉིན་ཁྲིམས་ཞིབ་པ་ཆེ་བ་ཟུར་པ་རྒན་ཆེན་པ་ངག་དབང་འཕེལ་རྒྱས་མཆོག་སྐུ་ཚེ་མ་ཟིན་པའི་གནས་ཚུལ་ཐོན་འདུག་པ་དང་། དེ་རིང་ཉིན་རྒྱབ་ཏུ་བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་ཡོངས་ནས་དམ་པ་ཁོང་ལ་རྗེས་དྲན་གྱི་མཆོད་འབུལ་སྨོན་ལམ་འཚོགས་རྗེས། མྱ་ངན་གུས་འདུད་མཚོན་སླད་ལས་མཚམས་འཇོག་རྒྱུ་ཡིན་འདུག བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིིམས་ཞིབ་པ་ཆེ་བ་ཟུར་པ་རྒན་ཆེན་པ་ངག་དབང་འཕེལ་རྒྱས་མཆོག་ཕྱི་ལོ་ ༡༩༥༢ ལོར་བོད་མངའ་རིས་རུ་ཐོག་རྫོང་རྭ་སྤང་དུ་འཁྲུངས་པ་དང་། ཕྱི་ལོ་ ༡༩༦༠ ལོར་ལ་དྭགས་སུ་བཙན་བྱོལ་དུ་ཕེབས། ཕྱི་ལོ་ ༡༩༦༣ ལོར་བཞུགས་སྒར་རྡ་རམ་ས་ལ་དང༌། ཀང་ར་ཟུར་གསོག་སློབ་གྲྭ་བརྒྱུད་མ་སུ་རི་གཏན་སློབ་ཏུ་འཛུལ་ཞུགས་གནང་ནས་ཕྱི་ལོ་ ༡༩༧༢ ལོར་འཛིན་རིམ་བཅུ་གཅིག་གི་བསླབ་པ་མཐར་སོན། སློབ་གྲྭར་སློབ་སྦྱོང་གནང་རིང་ཁང་ཚན་རྒན་བདག་ལོ་བཞི་དང་། སྤྱི་ཁྱབ་རྒན་བདག་ཨང་དང་པོའི་ལས་འགན་ལོ་གསུམ་བཞེས་ཞོར་དུ་ས་གནས་གཞོན་ནུའི་རིག་གཞུང་འབྲེལ་མཐུད་པའི་ལས་ཁུར་བཞེས་ཡོད། སློབ་གྲྭ་ཐོན་རྗེས་ལྡི་ལིར་ལོ་གཅིག་རིང་དྲུང་ཡིག་གི་སློབ་སྦྱོང་གནང༌ཡུན་རིང་ལྡི་ལི་ས་གནས་གཞོན་ནུའི་རྩིས་པ་དང་འབྲེལ་མཐུད་པའི་འགན་བཞེས། ཕྱི་ལོ་ ༡༩༧༤ ཟླ་ ༧ ཚེས་ ༡༦ ཉིན་སྲི་ཞུ་བའི་ཁོངས་སུ་འཛུལ་ཞུགས་གནང་སྟེ་དཔལ་འབྱོར་ལས་ཁུངས་ཀྱི་གཞོན་དྲུང་དང་། ཕྱི་ལོ་ ༡༩༧༥ ལོར་ནང་སྲིད་ཁྱབ་ཁོངས་སྒང་ཏོག་དོན་གཅོད་ཁང་གི་ལས་དྲུང་དུ་བསྐོ་གཞག་གནང༌། དུས་ཡུན་དེའི་རིང་ལས་ཞོར་དུ་སློབ་སྦྱོང་མཇུག་སྐྱོང་གིས་ཅན་ངྷི་གྷར་གཙུག་ལག་སློབ་གཉེར་ཁང་དུ་ཡིག་འགྲུལ་ལམ་ནས་བྷི་ཨེ་ (B.A) བསླབ་པ་མཐར་སོན། ཕྱི་ལོ་ ༡༩༨༣ ལོར་རྭ་སྦང་ལ་ཀུན་ཕན་གླིང་གཞིས་ཆགས་ཀྱི་ལས་དྲུང་ལོ་གཅིག་དང་གཞིས་མགོའི་ལས་ཚབ་ལོ་གཅིག་ལྷག་ཙམ་གནང༌། གཞིས་མགོ་དང་། མཉམ་དྲུང་། བཟོ་མགོ་བཅས་གཅིག་ལྕོགས་ཀྱི་ལས་ཁུར་བླངས།...

༄༅། །ཕྱི་ལོ་ ༢༠༢༦ ཟླ་བ་ ༠༦ ཚེས་ ༡༥ ཉིན་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༦༢ ཐོག་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་སྐུ་ཞབས་ཝོལ་ཀེར་ཊུརྐ་ (Volker Türk) མཆོག་གིས་འཛམ་གླིང་སྟེང་རྒྱལ་སྤྱིའི་ཁྲིམས་ལུགས་ལ་བརྩི་མེད་དང་། གཞི་རྩའི་རང་དབང་ལ་གནོན་ཤུགས་ཇེ་ཆེར་འགྲོ་བ་བཞིན་པའི་འགྲོ་བ་མིའི་ཐོབ་ཐང་གི་དཀའ་ངལ་ཐོག་ཉེན་བརྡ་བཏང་ཡོད། སྐུ་ཞབས་ཝོལ་ཀེར་ཊུརྐ་མཆོག་གིས་རྒྱལ་སྤྱིའི་སྤྱི་ཚོགས་ཀྱིས་རྒྱལ་སྤྱིའི་ཁྲིམས་ལུགས་ལ་སྔར་བྱུང་མ་མྱོང་བའི་གཏོར་བཤིག་མྱོང་བཞིན་ཡོད་པ་དེས་འགྲོ་བ་མིར་སྡུག་བསྔལ་ཆེན་པོ་བཟོ་བཞིན་ཡོད་ཅེས་དང་། ཁོང་གིས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་གཞི་སྲུང་སྐྱོབ་དགོས་པའི་གལ་ཆེའི་རང་བཞིན་ལ་ནན་བརྗོད་གནང་ཞིང་། ང་ཚོས་དུས་དང་རྣམ་པ་ཀུན་ཏུ་དེར་སྐྱོན་བརྗོད་བྱེད་དགོས་པ་དང་། དེ་དག་འགོག་ཐབས་ཆེད་འབད་བརྩོན་བྱེད་དགོས་པ་གསུངས། ཕྱོགས་མཚུངས་སྐུ་ཞབས་ཝོལ་ཀེར་མཆོག་གིས་འཛམ་གླིང་ཁྱོན་ཡོངས་ཀྱི་འགྲོ་བ་མིའི་ཐོབ་ཐང་གི་ལག་བསྟར་དང་ཤུགས་རྐྱེན་རྒྱུན་མཐུད་ཡོད་སྐོར་ནན་བརྗོད་གནང་ཞིང་། འགྲོ་བ་མིའི་ཐོབ་ཐང་ལས་དོན་གྱི་གཞི་རྩའི་ཆ་ཤས་དག་གིས་ཉིན་ལྟར་མི་ས་ཡ་མང་པོར་བདེ་འཇགས་དང་། ཆེས་མཐོང་། རང་དབང་བཅས་བསྐྲུན་བཞིན་ཡོད་ཅེས་གསུངས། སྐབས་དེར་ཁོང་གིས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་། ལྷག་པར་རྒྱ་ནག་གི་ངོ་རྒོལ་འཇིགས་སྐུལ་གྱི་བྱ་ཐབས་དང་། གྲངས་ཉུང་མི་རིགས་དང་ཆོས་ལུགས་ཐོག་ལ་སིམ་ཡལ་གྱི་སྲིད་བྱུས་ལག་བསྟར་བྱེད་བཞིན་པའི་གནས་སྟངས་སྐོར་གསལ་སྟོན་གནང་ཡོད། དེ་ནས་སྐུ་ཞབས་ཝོལ་ཀེར་མཆོག་གིས་རྒྱ་ནག་གཞུང་གིས་ཉེ་ཆར་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཐོག་བློ་འཚབ་དང་སྦྲགས། ཁྲིམས་ཡིག་དེས་གྲངས་ཉུང་མི་རིགས་ཀྱི་སྤྱི་ཚོགས་ཁྲོད་དུ་ཡོད་བཞིན་པའི་དམ་བསྒྲགས་ཇེ་ཆེར་གཏོང་སྲིད་པའི་ཉེན་བརྡ་བཏང་ཡོད། ཁོང་གིས་རྒྱ་ནག་གི་ངོ་རྒོལ་འཇིགས་སྐུལ་དང་། སིམ་ཡལ་སྲིད་བྱུས་དེ་དག་གིས་རྒྱ་ནག་དང་། ནང་སོག དེ་བཞིན་བོད་ཀྱི་ས་ཁུལ་དུ་གནས་སྡོད་བྱེད་བཞིན་པའི་གྲངས་ཉུང་མི་རིགས་ལ་ཤུགས་རྐྱེན་ཐེབས་ཚུལ་ལ་བློ་འཚབ་ཡོད། ཅེས་གསུངས། མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་གྱིས་གསུང་དོན་ལྟར་ན་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་དེས་སྐད་ཡིག་དང་། ཤེས་ཡོན། ཆོས་ཕྱོགས་དང་རིག་གཞུང་གི་བྱ་བ། སྨྲ་བརྗོད་རང་དབང་། ཞི་བའི་འདུ་འཛོམས་ཀྱི་རང་དབང་བཅས་ལ་དམ་བསྒྲགས་གཏོང་བའི་ཉེན་ཁ་ཡོད་པ་དང་། ཁོང་གིས་ཁྲིམས་དོན་གསལ་ཁ་མེད་པ་དེས་གྲངས་ཉུང་མི་རིགས་ཀྱི་ཐོབ་ཐང་ཞི་བའི་ཐོག་ནས་སྤྱོད་པར་ཉེས་ཆད་གཏོང་སྲིད་པའི་ཉེན་བརྡ་བཏང་ཡོད། སྐུ་ཞབས་ཝོལ་ཀེར་མཆོག་གིས་རྒྱ་གཞུང་གིས་ཁྲིམས་ཡིག་དེ་ཕྱིར་འཐེན་བྱེད་དགོས་པ་དང་།...

༄༅། །འདི་གར་བྱང་ཨ་རིའི་སྐུ་ཚབ་དོན་གཅོད་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༦ ཚེས་ ༢༠ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཨ་རིའི་རྒྱལ་ས་ཝ་ཤིང་ཊོན་ཌི་སི་གཞུང་འབྲེལ་གྱི་མཛད་རིམ་ཁག་སྒྲུབ་རྗེས། ས་གནས་ནིའུ་ཡོག་ཏུ་ཕེབས་ནས་ནིའུ་ཡོག་ནིའུ་ཇར་སི་བོད་རིགས་སྤྱི་མཐུན་ཚོགས་པའི་ཚོགས་ཁང་ནང་མི་མང་ལ་གསུང་བཤད་གནང་ཡོད། དེ་ཡང་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཞབས་སྤུས་སྨན་བཅོས་ལེགས་གྲུབ་བྱུང་བའི་གཏམ་བཟང་དང་། བོད་མིའི་མཐུན་སྒྲིལ་དང་ནུས་པ་མཉམ་སྤུང་བྱེད་དགོས་གལ། དེ་བཞིན་དབུ་མའི་ལམ་གྱི་དགོངས་དོན་དང་མཐའ་གཉིས་ལ་གསལ་བཏོན་བྱས་ནས་དབུ་མའི་ལམ་གྱི་ཆེས་མཐོང་ཡོང་ཐབས་ལ་ཐབས་བྱུས་ཟབ་མོ་བཟུང་ཡོད་པ་འགྲེལ་བརྗོད་གནང་ནས། བཀའ་ཤག་སྐབས་ ༡༦ དང་ ༡༧ གྱི་ལས་དོན་བྱེད་ཕྱོགས་དང་འབྲེལ་བའི་སྐོར་ལ་གསུང་བཤད་གནང་།ཕྱི་ཚེས་ ༢༡ ཉིན་ཟླ་སྣང་བོད་ཀྱི་རིག་གཞུང་སློབ་གྲྭ་དབུ་བརྙེས་ནས་ལོ་ལྔ་འཁོར་བའི་དུས་སྟོན་དང་སྟབས་བསྟུན་༧སྐུའི་གོ་སྟོན་སྲུང་བརྩི་ཞུས་གནང་བ་དང་།  དཔལ་ལྡན་སྲིད་སྐྱོང་མཆོག་སྐུ་མགྲོན་གཙོ་བོར་གདན་ཞུ་གནང་བ་ལྟར། བདེ་སྲུང་བཀའ་བློན་ཀུན་དགའ་བཀྲ་ཤིས་མཆོག་དང་སྐུ་ཚབ་དོན་གཅོད་རྣམ་རྒྱལ་ཆོས་གྲུབ་ལགས་ལྷན་བཅར་གྱིས་༧སྐུའི་གོ་སྟོན་དེ་བཞིན་ཟབ་རྒྱས་ངང་སྲུང་བརྩི་ཞུས་སོང་།  མཛད་སྒོའི་སྟེང་དཔལ་ལྡན་སྲིད་སྐྱོང་མཆོག་ནས་སློབ་གྲྭའི་སློབ་མ་རྩེ་ཕུད་གཉིས་ལ་བྱ་དགའི་ཕྱག་འཁྱེར་གནང་བ་དང་། མཛད་སྒོའི་ཐོག་ཕེབས་པའི་ཕ་མ་དང་དགེ་སློབ་རྣམས་ལ་གསུང་བཤད་གནང་དོན། ༧གོང་ས་མཆོག་གིས་ཆོས་ལུགས་ལ་མ་བརྟེན་པའི་བཟང་སྤྱོད་དང་། སཱིའི་ཤེས་ཡོན་གྱི་གལ་གནད་དང་། དེ་བཞིན་བོད་ནང་རྒྱ་ནག་དམར་ཤོག་གཞུང་གིས་མི་རིགས་མཐུན་སྒྲིལ་སྐུལ་སྤེལ་གྱི་ཁྲིམས་གཏན་འབེབས་བྱས་ནས་སྐད་དང་ཡི་གེ་གཙོས་པའི་བོད་མིའི་ངོ་བོ་རྩ་མེད་བཟོ་ཐབས་བྱེད་བཞིན་པའི་ཛ་དྲག་གནས་བབས་ཤེས་པའི་ཐོག བོད་ཀྱི་སྐད་ཡིག་དང་རིག་གཞུང་ལ་སྔར་ལྷག་དོ་སྣང་བྱས་ནས་མི་ཉམས་རྒྱུད་འཛིན་དགོས་པ་ནན་བརྗོད་གནང་ཡོད།།

༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༦ ཚེས་ ༡༦ ཉིན་རྒྱབ་ཚོུད་ ༡ ཙམ་ལ་ཆེས་མཐོའི་ཁྲིམས་ཞིབ་ཁང་གི་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་ལ་དྭགས་སླེ་གནམ་ཐང་དུ་ཕེབས་འབྱོར་སྐབས་ལ་དྭགས་ས་གནས་ཁྲིམས་ཞིབ་པ་གཙོས་པའི་ས་འཐུས་ཚོགས་གཙོ་སྦྲེལ་པོ་དང་། ས་གནས་འགོ་འཛིན། ས་གནས་ཀྱི་གནད་ཡོད་མི་སྣ་རྣམས་ནས་ཕེབས་བསུ་སྣེ་ལེན་གཟབ་རྒྱས་ཞུས་ཏེ། ༸རྒྱལ་བའི་ཕོ་བྲང་གི་མགྲོན་ཁང་དུ་གདན་འདྲེན་ཞུས། ཕྱི་ལོ་ ༢༠༢༦ ཟླ་བ་ ༦ ཚེས་ ༡༧ རེས་གཟའ་ལྷག་པ་ཉིན་ལ་དྭགས་བོད་མིའི་ས་གནས་ཁྲིམས་ཞིབ་ཁང་གི་ལས་ཁུངས་གསར་རྒྱག་གི་དབུ་འབྱེེད་མཛད་སྒོ་ཐོག་དཔལ་ལྡན་ཁྲིམས་ཞིབ་པ་ཆེ་བ་མཆོག་སྐུ་མགྲོན་གཙོ་བོར་མགྲོན་འབོད་ཞུས་པ་ལྟར་ཆེད་ཕེབས་གནང་ཡོད།དེ་ཡང་དབུ་འབྱེད་མཛད་སྒོའི་ཐོག་ས་གནས་ཀྱི་མང་གཙོ་ཀ་བ་གསུམ་གྱི་མཛད་གཙོ་རྣམ་པ་གཙོས་པའི་ས་འཐུས་ཚོགས་གཞོན་དང་། ས་གནས་ཀྱི་གནད་ཡོད་མི་སྣ་བཅས་ཕེབས་ཞུགས་གནང་ཡོད།  ཐོག་མར་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་སྣང་གསལ་མར་མེ་ཞལ་ཕྱེ་གནང་རྗེས། ས་གནས་ཁྲིམས་དྲུང་ནས་ལས་ཁུངས་གསར་རྒྱག་གི་དབུ་འབྱེད་མཛད་སྒོ་འགོ་འཛུགས་ཀྱིས། ལ་སྤྱི་བཀྲ་ཤིས་དོན་གྲུབ་ལགས་ཀྱིས་དཔལ་ལྡན་ཁྲིམས་ཞིབ་པ་ཆེ་བ་མཆོག་གི་ལོ་རྒྱུས་སྙིང་བསྡུས་ངོ་སྤྲོད་གནང་བ་དང་། ལ་དྭགས་ས་གནས་ཁྲིམས་ཞིབ་པ་ཟུང་དྲུང་པདྨ་བཟང་པོ་ལགས་ཀྱིས་དབུ་འབྱེད་མཛད་སྒོའི་ངོ་སྤྲོད་གསུང་བཤད་དང་འབྲེལ་ས་གནས་འཐུས་ཚོགས་ནས་སྤྱི་པའི་སྒྲིག་འཛུགས་རྒྱུན་གནས་དགོས་རྒྱུ་གལ་ཆེ་དགོངས་ནས། ས་འཐུས་ཚོགས་ཁང་སྟེང་ས་གནས་ཁྲིམས་ཞིབ་ཁང་གི་ལས་ཁུངས་གསར་རྒྱག་ཆོག་པའི་བཀའ་འཁྲོལ་གནང་སོན་བྱུང་རྗེས། བོད་མིའི་སྒྲིག་འཛུགས་ཀྱི་རྩིས་ལོ་ ༢༠༢༥༌༌༌༢༦ ལོའི་སྔོན་རྩིས་ནང་ལས་ཁུངས་གསར་རྒྱག་གི་སྔོན་རྩིས་འཆར་འབུལ་ལ་རྒྱབ་གཉེར་གྱིས་བཀའ་འཁྲོལ་ཞུས་ཐོབ་རྗེས། ཨར་པོའི་ལས་གཞི་དེ་ཡང་ཕྱི་ལོ་ ༢༠༢༥ ཟླ་བ་ ༤ ནས་འགོ་འཛུགས་ཀྱིས་ཕྱི་ཟླ་ ༡༠ ཟླ་མཇུག་ལ་ལས་གཞི་མཇུག་སྒྲིལ་ཟིན་ཐུབ་པ་བྱུང་ཡོད་པ་དང་། གོ་སྐབས་དེའི་བརྒྱུད་མཐུན་འགྱུར་རོགས་རམ་གནང་མཁན་ཡོངས་ལ་ཐུགས་རྗེ་ཆེ་ཞུས་གནང་ཡོད།དེ་རྗེས་དཔལ་ལྡན་ཁྲིམས་ཞིབ་པ་ཆེ་བ་མཆོག་ནས། ས་གནས་ལས་ཁུངས་གསར་རྒྱག་གི་ལས་གཞི་ལེགས་གྲུབ་ཡོང་བའི་ཆེད་ས་གནས་ཀྱི་སྒྲིག་འཛུགས་དང་སྒེར་པ་རྣམས་ནས་མཐུན་འགྱུར་རོགས་སྐྱོར་གནང་མཁན་ཡོངས་ལ་ཐུགས་རྗེ་ཆེ་ཞུའི་ཕྱག་རྟགས་དང་མཇལ་དར་ཁག་གཅིག་སྒྲོན་གནང་གྲུབ་མཚམས་དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་མཛད་སྒོ་དང་འབྲེལ་བའི་གསུང་བཤད་གནང་བའི་སྙིང་དོན།...

རྒྱ་ནག་གི་ཕྱི་སྲིད་བློན་ཆེན་ཝང་ཡི་རྒྱ་གར་དུ་སྦི་རིག་སི་ཚོགས་འདུར་མཉམ་ཞུགས་ཆེད་རྒྱ་གར་དུ་འབྱོར་གྱི་ཡོད་པ་རེད།

རྒྱ་ནག་གི་ཕྱི་སྲིད་བློན་ཆེན་ Wang Yi དེ་རིང་ཕྱི་ཚེས་ ༢༡ ཉིན་གྱི་མཚན་མོར་རྒྱ་གར་གྱི་རྒྱལ་ས་ལྡི་ལིར་ BRICS རྒྱལ་སྲུང་སློབ་སྟོན་པའི་ཚོགས་འདུར་མཉམ་ཞུགས་ཆེད་འབྱོར་གྱི་ཡོད་པ་དང་བསྟུན། བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་ཁང་ནས་གསར་འགོད་གསལ་བསྒྲགས་ཤིག་གི་བརྒྱུད་ Wang གི་ཐེངས་འདིའི་རྒྱ་གར་ནང་གི་ཕྱོགས་བསྐྱོད་ལ་ངོ་རྒོལ་དང་། རྒྱ་གར་ངོས་ནས་བོད་ནང་གི་ཛ་དྲག་གནས་སྟངས་ཐད་རྒྱ་གཞུང་ལ་ངེས་པར་འདྲི་རྩད་གནང་དགོས་པའི་འབོད་སྐུལ་ཞུས་སོང་།  དེའང་རྒྱ་ནག་གི་ཕྱི་སྲིད་བློན་ཆེན་ Wang Yi སང་ཉིན་དང་གནངས་ཉིན་བཅས་ཉིན་གྲངས་གཉིས་རིང་ལྡི་ལི་གསར་པའི་ནང་འཚོག་ལ་ཉེ་བའི་ BRICS རྒྱལ་ཁབ་རྣམས་ཀྱི་རྒྱལ་སྲུང་སློབ་སྟོན་པའི་ཚོགས་འདུར་མཉམ་ཞུགས་བྱ་རྒྱུ་དང་ལྷག་པར་དུ་ཚོགས་འདུའི་ཁྲོད་རྒྱ་ནག་གི་ཕྱི་སྲིད་བློན་ཆེན་ནས་རྒྱ་གར་གི་སྐུ་ཚབ་ལྷན་བོད་དང་རྒྱ་གར་གྱི་ས་མཚམས་སྐོར་གྲོས་བསྡུར་བྱེད་རྒྱུ་ཡིན་འདུག་པའི་གནས་ཚུལ་ཐོན་གསལ་ལྟར། དེ་རིང་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་གསར་འགོད་གསལ་བསྒྲགས་ཤིག་སྤེལ་བའི་བརྒྱུད་རྒྱ་གར་དབུས་སའི་གཞུང་ལ་ད་ལན་རྒྱ་གར་དུ་ BRICS ཚོགས་འདུ་སྐོང་ཚོགས་ཞུ་རྒྱུའི་གོ་སྐབས་བྱུང་བར་འཚམས་འདྲི་ཞུས་པ་དེ་ལྟར་ཡང་། དེའི་རྒྱལ་སྲུང་སློབ་སྟོན་པའི་ཚོགས་འདུར་རྒྱ་དམར་སྲིད་གཞུང་གི་ཕྱི་སྲིད་བློན་ཆེན་ཝང་ཡི་ཟེར་བ་ཚོགས་བཅར་བྱེད་ཀྱི་ཡོད་པར་ངོ་རྒོལ་སྐྱོན་བརྗོད་གནང་སོང་།  ལྷག་པར་དུ་བོད་ཀྱི་གཞོན་ནུ་ལྷན་ཚོགས་ནས་དམིགས་བསལ་དོ་སྣང་དང་བློ་འཚབ་བྱེད་དགོས་པ་ཞིག་ནི། དགྲ་བོ་རྒྱ་དམར་སྲིད་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཞེས་པའི་ཁྲིམས་ཡིག་དེའི་མགོ་སྐོར་འོག་རྒྱ་ནག་རང་གི་བཙན་འོག་ཏུ་གནས་པའི་མི་རིགས་ཁག་གི་མི་མང་རྣམས་ཚུད་ཉེན་ཡོད་ཅིང་། རྒྱ་དམར་སྲིད་གཞུང་གིས་མི་རིགས་མཉམ་བསྲེས་དང་སྐད་ཡིག་མཉམ་བསྲེས། མདོར་ན་མི་རིགས་ཀྱི་ངོ་བོ་རྩ་མེད་དུ་གཏོང་རྒྱུ་སོགས་ལ་བཙན་གྱིས་སྐུལ་འདེད་བྱས་ཏེ་ཡོད་ཚད་ཀྲུང་གོ་ཅན་དང་ཡང་ན་རྒྱ་ནག་ཅན་དུ་བསྒྱུར་རྒྱུར་ཁྲིམས་ཐོག་ནས་འཇིགས་སྐུལ་དང་བཙན་སྐུལ་བྱེད་བཞིན་ཡོད་ཅེས་གསུངས་སོང་།  དེ་རིང་གི་གསར་འགོད་ལྷན་ཚོགས་མཇུག་སྒྲིལ་མཚམས་གསར་འགོད་པས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་སུ་ཐེངས་འདིའི་ཚོགས་འདུ་བརྒྱུད་རྒྱ་དཀར་ནག་གཉིས་ལ་བརྡ་ལན་ཇི་ཡོད་བཀའ་འདྲི་ཞུས་པར། ཁོང་གིས་རྒྱ་གར་གཞུང་ངོས་ནས་ BRICS ཚོགས་འདུའི་ཐོག་བོད་ནང་གི་ཛ་དྲག་གནས་སྟངས་ཐད་རྒྱ་གཞུང་ལ་ངེས་པར་འདྲི་རྩད་བྱེད་དགོས་པའི་རེ་འདུན་དང་མཉམ་དུ་རྒྱ་གཞུང་ལ་བོད་མི་རྣམས་ཀྱིས་བོད་ཀྱི་བདེན་མཐའ་མ་གསལ་བར་དུ་ངོ་རྒོལ་སྐད་འབོད་དང་གསལ་འགོད་གསལ་བསྒྲགས་སོགས་པའི་ལས་འགུལ་སྣ་མང་མུ་མཐུད་སྤེལ་རྒྱུའི་ཆོད་སེམས་བརྟན་པོ་ཡོད་ཅེས་གསུངས་སོང་།  The post རྒྱ་ནག་གི་ཕྱི་སྲིད་བློན་ཆེན་ལ་ངོ་རྒོལ་སྐྱོན་བརྗོད་ཀྱི་གསར་འགོད་གསལ་བསྒྲགས་སྤེལ་བ། appeared first on vot.

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་ ༦ ཚེས་ ༢༨ ཉིན་ལ་དྭགས་གླེ་རུ་ཆིབས་བསྒྱུར་མཛད་གཏན་འཁེལ་འདུག དེ་ཡང་ཁ་སང་ལ་དྭགས་ 24*7 གསར་ཁང་གིས་སྤེལ་བའི་གནས་ཚུལ་ནང་གསལ་ལྟར་ན། ལ་དྭགས་ནང་པའི་ཚོགས་འདུའི་ཚོགས་གཙོ་ཚེ་རིང་རྡོ་རྗེ་ལྷ་རོགས་ལགས་ཀྱིས་ས་གནས་ཀྱི་བརྒྱུད་ལམ་ཁག་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་བ་འདིའི་ཚེས་ ༢༨ ཉིན་ལ་དྭགས་གླེ་རུ་ཞབས་སོར་འཁོད་གཏན་འཁེལ་ཡོད་པ་དང་འབྲེལ། མགོན་པོ་༸གང་ཉིད་མཆོག་ཐེངས་འདིར་ལ་དྭགས་སུ་ཟླ་བ་བདུན་པ་ཡོངས་རྫོགས་དང་། ཟླ་བ་བརྒྱད་པའི་ཕྱེད་ཀ་བར་སྐུ་བཞུགས་མཛད་རྒྱུའི་རེ་བ་ཡོད་པ་གསུངས་འདུག མ་ཟད་འདི་ལོར་མི་མང་ལ་བྱིན་གྱིས་བརླབ་པ་དང་མཇལ་ཁ་གནང་བའི་གྲངས་ཚད་ནི་སྔོན་གྱི་ལོ་དང་བསྡུར་ན་ཉུང་བ་འགྱུར་སྲིད་པ་དང་དེ་ནི་གཙོ་བོ་༸གོང་ས་མཆོག་གི་ཉེ་དུས་ཀྱི་ཞབས་པུས་གཤག་བཅོས་དང་། བཞུགས་ཡུན་རིང་འོས་མཚམས་ཀྱི་སྐུ་ངལ་གསོ་གནང་དགོས་པའི་དགོས་མཁོ་ལ་བརྟེན་ནས་ཡིན་སྐོར་གསུངས་འདུག ཁོང་གིས་ད་དུང་ཐེངས་འདིའི་ཆིབས་བསྒྱུར་ཁྲོད་༧གོང་ས་མཆོག་ལ་དྭགས་གླེ་ནས་སྤྱི་ལེ་ཁ་ཤས་སར་ཆགས་པའི་མ་སྤྲོ་དགོན་དུ་ཆིབས་སྒྱུར་གྱིས་དབྱར་ཆོས་ཆེན་མོའི་བཀའ་ཁྲིད་གནང་རྒྱུ་དང་གཞན་བཀའ་ཆོས་དང་མང་ཚོགས་དང་འབྲེལ་བའི་མཛད་རིམ་ཞིབ་ཕྲ་ཁག་༸གོང་ས་མཆོག་ལ་དྭགས་སུ་ཞབས་སོར་འཁོད་རྗེས་གཏན་འབེབས་དང་གསལ་བསྒྲགས་བྱ་རྒྱུ་མ་ཟད།  ལྷག་པར་དུ་ཕྱི་ཟླ་ ༧ ཚེས་ ༦ ཉིན་༧སྐུའི་འཁྲུངས་སྐར་དེ་སྲུང་བརྩི་གཟབ་རྒྱས་ཞུས་འཆར་ཡོད་པ་དང་འབྲེལ། འབྲེལ་ཡོད་རྣམ་པས་མཉམ་ཞུགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དོན་དུ་གསོལ་འདེབས་སྨོན་འདུན་ཞུ་གནང་ཡོང་བའི་འབོད་སྐུལ་ཞུས་འདུག ཁོང་གིས་ད་རེས་༸རྒྱལ་བ་རིན་པོ་ཆེ་མཆོག་ལ་དྭགས་སུ་ཆིབས་བསྒྱུར་མཛད་གཏན་འཁེལ་བར་བརྟེན། ལ་དྭགས་མི་མང་ཡོངས་རྫོགས་ཀྱི་སེམས་ནང་དགའ་སྤོའི་ཁེངས་ནས་ཡོད་པ་དང་། ལྷག་པར་ཆིབས་བསྒྱུར་གྱི་གྲ་སྒྲིག་ཐད་དེ་རིང་ཚེས་ ༢༠ སྔ་དྲོ་ཞི་བའི་ཚལ་དུ་ལ་དྭགས་ནང་པའི་ཚོགས་པའི་སྣེ་ཁྲིད་འོག་འབྲེལ་ཡོད་ཁག་ལྷན་འཛོམས་ཐོག་ཚོགས་འདུ་ཞིག་འཚོག་བཞིན་ཡོད་པ་གསུངས་འདུག The post ༸གོང་ས་མཆོག་ཟླ་འདིའི་ཕྱི་ཚེས་ ༢༨ ཉིན་ལ་དྭགས་སུ་ཆིབས་བསྒྱུར་མཛད་རྒྱུ། appeared first on vot.

༄༅། །བོད་མིའི་སྒྲིག་འཛུགས་ཆོས་རིག་ལས་ཁུངས་ནས་ལོ་ལྟར་བོད་ཟླ་ ༥ ནང་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་༸རྒྱལ་བའི་སྐུ་ཕྱྭ་དང་བསྟན་སྲིད་ཞབས་རིམ་དུ་དམིགས་ཏེ་མ་ཧཱ་གུ་རུའི་འབུམ་ཚོགས་འབུལ་གཤོམས་གནང་བཞིན་ཡོད་པ་ལྟར། ཕྱི་ལོ་ ༢༠༢༦ ཟླ་བ་ ༦ ཚེས་ ༢༠ ཉིན་གཞུང་འབྲེལ་མ་ཧཱ་གུ་རུའི་འབུམ་ཚོགས་ཀྱི་ཉིན་དང་པོའི་ཚོགས་ཐུན་དང་པོར་དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་དང་། དཔལ་ལྡན་སྲིད་ཚབ་ཆོས་རིག་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག ཆེས་མཐོའི་ཁྲིམས་ཞིབ་ཁང་གི་དཔལ་ལྡན་ཁྲིམས་ཞིབ་པ་གཞན་ཟླ་བ་ཕུན་སྐྱིད་མཆོག་དང་། ཁྲིམས་ཞིབ་པ་གཞན་འཕགས་པ་ཚེ་རིང་མཆོག  ནང་སྲིད་བཀའ་བློན་དཔལ་ལྡན་དོན་གྲུབ་མཆོག ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག འཕྲོད་བསྟེན་བཀའ་བློན་པདྨ་མཚོ་མཆོག ལས་བྱེད་འདེམས་ལྷན་གྱི་ཚོགས་གཙོ་ཀརྨ་ཡེ་ཤེས་མཆོག  སྤྱི་ཁྱབ་རྩིས་ཞིབ་ལས་ཁང་གི་འགན་འཛིན་བཀྲ་ཤིས་སྟོབས་རྒྱལ་མཆོག བོད་མི་མང་སྤྱི་འཐུས་རྒྱུན་ལས་རྣམ་པ།  དེ་བཞིན་སེར་སྐྱ་མི་མང་བཅས་ལྷན་འཛོམས་གནང་ཡོད།སྤྱིར་བོད་རྒྱལ་ལོ་ ༢༡༥༣ ཤིང་འབྲུག་ལོའི་འབུམ་ཚོགས་འདི་ཉིད་འདི་ལོའི་བོད་ཟླ་ ༥ ཚེས་ ༦ ནས་ ༡༠ བར་དང་ཕྱི་ལོ་ ༢༠༢༦ ཟླ་ ༦ ཚེས་ ༢༠ ནས་ ༢༤ བར་ཚོགས་རྒྱུ་ཡིན་འདུག་པ་བཅས། །  

རྒྱལ་སྤྱིའི་འབྲེལ་ལམ་ཁྱབ་སྤེལ་གཏོང་ཕྱོགས་ཀྱི་ཚོཊ་འདུ་ཞིག་བོད་ནང་འཚོགས་པ་འདི་ནི་རྒྱ་ནག་གི་ངོ་བོ་སྲུང་ཐབས་ལ་དམིགས་པ་ཡིན་སྐོར་ཉམས་ཞིབ་པས་གསུང་གི་འདུག ཕྱི་ལོ་ ༢༠༢༦ ཟླ་ ༦ ཚེས་ ༡༦ རེས་གཟའ་མིག་དམར་ཉིན་བོད་ཀྱི་རྒྱལ་ས་ལྷ་སར་གསར་འགྱུར་ལས་རིགས་པ་དང་། མཁས་ལས་པ། ཉམས་ཞིབ་པ་དང་དྲ་ཐོག་མི་སྣ་སྐད་གྲགས་ཅན་སོགས་༣༠༠ལྷག་ལྷན་ཞུགས་ཀྱིས། རྒྱ་ནག་གུང་ཁྲན་ཏང་བོད་རང་སྐྱོང་ལྗོངས་ཨུ་ཡོན་ལྷན་ཁང་གི་དྲིལ་བསྒྲགས་པུའུ་ཟེར་བ་དང་། བོད་ལྗོངས་རྒྱལ་སྤྱིའི་འབྲེལ་ལམ་ལྟེ་གནས་ཟེར་བ་གཉིས་ཀྱི་གོ་སྒྲིག་འོག་བོད་ལྗོངས་རྒྱལ་སྤྱིའི་འབྲེལ་ལམ་ཁྱབ་སྤེལ་ཚོགས་ཆེན་ཐེངས་གཉིས་པ་དེ་འཚོགས་ཡོད་པ་རེད། བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བསྟན་འཛིན་དགྲ་ལྷ་ལགས་ཀྱིས། ཚོགས་ཆེན་དེའི་དམིགས་ཡུལ་གཙོ་བོ་ནི། རྒྱ་ནག་གཞུང་གིས་མི་མང་སྐྱེད་སྲིང་གིས་རྒྱ་ནག་རང་གི་འདོད་མོས་དང་མཐུན་པའི་གླེང་ཕྱོ...

དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དམིགས་བསལ་བཅར་འདྲི་ཞུ་སྐབས། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཕྲོད་བཞེས་དང་། ཨ་རིའི་བོད་དོན་ཁྲིམས་འཆར། བཀའ་ཤག་གི་ལས་དོན་འཆར་གཞི་དང་ཐབས་བྱུས་སོགས་ཀྱི་སྐོར་བཀའ་ལན་གནང་ཡོད།

དེ་རིང་རྒྱལ་ས་ལྡི་ལིར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༥ རྗེ་བཙུན་བློ་བཟང་རྡོ་རྗེ་དཔལ་བཟང་པོས་མཇལ་བཅར་ཞུས་འདུག སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་གྱི་རྒྱལ་ལྡི་ལིར་སྐུའི་ཞབས་པུས་སྨན་བཅོས་ལེགས་གྲུབ་ཀྱིས་ད་ཆ་སྐུ་བཞུགས་མཛད་ཡུལ་ཁུལ་དེར་རྟེན་གཞི་བྱས་པའི་བོད་ཁྱིམ་གཟིམ་ཆུང་གི་ཡང་སྟེང་དུ་དེ་རིང་ཕྱི་ཟླ་ ༦ ཚེས་ ༡༩ ཉིན་འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༥ རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་གིས་མཇལ་བཅར་ཞུས་འདུག་པ་དང་། སྐབས་དེར་དགའ་ལྡན་ཁྲི་རིན་པོ་ཆེ་མཆོག་ནས་༸རྒྱལ་བའི་༸སྐུའི་འཕྲོད་བཞེས་ཐད་དགོངས་སྐོར་གྱིས་སྐུ་ཚེ་ཞབས་པད་བརྟན་གནང་ཡོང་བའི་གསོལ་འདེབས་ཞུས་པར། མགོན་པོ་༸གང་ཉིད་མཆོག་ནས་དགུང་གྲངས་ ༡༣༠ ལྷག་སྐུ་བཞུགས་མཛད་རྒྱུའི་བཀའ་བཞེས་བཟང་པོ་སྨིན་སྩལ་མཛད་ཡོད་པ་མ་ཟད།  ཁྲི་རིན་པོ་ཆེ་ལ་རྟེན་སྐལ་དུ་སྒྲོལ་དཀར་ཡིད་བཞིན་འཁོར་ལོའི་སྐུ་བརྙན་སྩལ་འདུག རྩ་བའི་ཕྱི་ཟླ་ ༦ ཚེས་ ༨ ཉིན་རྒྱལ་ས་ལྡི་ལིར་ཨེ་པོ་ལོ་སྨན་ཁང་དུ་༸གོང་ས་༸སྐྱབས་མགོན་ཆེན་པོ་མཆོག་གི་ཞབས་པུས་གཡོན་མའི་གཤག་བཅོས་ལེགས་གྲུབ་བྱུང་སྟེ། ཚེས་ ༡༢ ཉིན་གྱི་སྔ་དྲོ་མགོན་པོ་༸གང་ཉིད་མཆོག་སྨན་ཁང་ནས་རོ་ཧི་ནིར་རྟེན་གཞི་བྱས་པའི་བོད་ཕྲུག་ཁྱིམ་སྡེའི་བཞུགས་གནས་སུ་ཞབས་སོར་བདེ་བར་འཁོད་གནང་ཡོད་ཅིང་། རིམ་པས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ལ་མཇལ་ཁ་སྩལ་ཡོད་པ་དང་དེ་རིང་དགའ་ལྡན་ཁྲི་རིན་པོ་ཆེར་མཇལ་ཁ་སྩལ་ཡོད། གཞི་རྩའི་༸སྐུའི་ཞབས་པུས་དྲག་སྐྱེད་ཆེད་དུ་བོད་མི་གཙོས་པའི་དད་ལྡན་པ་རྣམ་པས་ཞབས་རིམ་ཁག་གསོག་སྒྲུབ་ཞུས་དང་ཞུ་བཞིན་ཡོད་པ་རེད། འདི་ཚེས་ ༤ ཉིན་དགའ་ལྡན་ཕོ་བྲང་ཡིག་ཚང་གིས་ཡོངས་ཁྱབ་གསལ་བསྒྲགས་སྤེལ་དོན་ལྟར། མགོན་པོ་༸གང་ཉིད་མཆོག་ཞབས་པུས་སྨན་བཅོས་གྲུབ་སྟེ། དྲག་སྐྱེད་ཟིན་མཚམས་ཟླ་བ་འདིའི་ཟླ་མཇུག་ཙམ་ལ་ལ་དྭགས་སུ་ཆིབས་བསྒྱུར་གྱིས་དུས་ཡུན་རིང་ཙམ་སྐུ་བཞུགས་མཛད་གཏན་ཁེལ་ཡོད་པ་གསུངས་ཡོད། The post ༸གོང་ས་མཆོག་དགུང་གྲངས་ ༡༣༠ ལྷག་སྐུ་བཞུགས་མཛད་རྒྱུའི་བཀའ་བཞེས་བཟང་པོ་སྨིན་སྩལ། appeared first on vot.

རྒྱ་ནག་གི་ཕྱི་སྲིད་བློན་ཆེན་ཝང་ཡི་ཟླ་འདིའི་ཕྱི་ཚེས་ ༢༢ ནས་ ༢༣ བར་ཉིན་གྲངས་གཉིས་རིང་རྒྱ་གར་གྱི་རྒྱལ་ས་ལྡི་ལིར་འཚོག་ལ་ཉེ་བའི་ BRICS རྒྱལ་ཁབ་རྣམས་ཀྱི་རྒྱལ་སྲུང་སློབ་སྟོན་པའི་ཚོགས་འདུར་མཉམ་ཞུགས་བྱ་རྒྱུ་དང་།  ཐེངས་འདིའི་ཚོགས་འདུའི་ཐོག་མཐུན་ཕྱོགས་རྒྱལ་ཁབ་རྣམས་ཀྱི་སྐུ་ཚབ་ངོས་ནས་རྒྱལ་སྤྱིའི་བདེ་འཇགས་ཀྱི་གནས་སྟངས་སོགས་ཀྱི་སྐོར་གྲོས་བསྡུར་གནང་རྒྱུ་རེད་འདུག དེ་ཡང་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན།  རྒྱ་ནག་གི་ཕྱི་སྲིད་བློན་ཆེན་ཝང་ཡི་འདི་ལོའི་ BRICS རྒྱལ་སྲུང་སློབ་སྟོན་པའི་ཚོགས་འདུར་མཉམ་ཞུགས་བྱ་འཆར་ཡོད་པ་དེ་རྒྱ་གར་གྱིས་མགྲོན་འབོད་བྱས་པ་ཞིག་རེད་འདུག་ལ།  རྒྱལ་ས་ལྡི་ལིར་ཟླ་འདིའི་ཕྱི་ཚེས་ ༢༢ དང་ ༢༣ ཉིན་འཚོག་འཆར་ཡོད་པའི་ཚོགས་འདུ་དེའི་ཐོག་ BRICS ཁྱབ་ཁོངས་སུ་ཡོད་པའི་བྷ་ར་ཛིལ་དང་།  ཨུ་རུ་སུ།  རྒྱ་གར།  ལྷོ་ཨ་ཧྥི་རི་ཁ།  རྒྱ་ནག  ཨི་ཇིབ།  ཨི་ཐོ་པི་ཡ།  ཨིི་རན།  ས་ཨུ་ཌི་ཨ་ར་བི་ཡ།  ཨ་རབ་མཉམ་འབྲེལ་རྒྱལ་ཁབ་བཅས་ཚོགས་མི་ ༡༡ གི་སྐུ་ཚབ་བར་རྒྱལ་སྤྱིའི་བདེ་འཇགས་ཀྱི་གནས་སྟངས་དང་།  རྒྱལ་ཁབ་སོ་སོའི་མངའ་ཁུལ་གྱི་བདེ་འཇགས་གནད་དོན།  དེ་བཞིན་རྒྱུན་ལྡན་དང་རྒྱུན་མ་ཡིན་པའི་བདེ་འཇགས་ཀྱི་གདོང་ལེན་སྐོར་དང་།  གཞན་ཡང་འདི་ལོའི་ཕྱི་ཟླ་ ༩ པའི་ནང་རྒྱ་གར་གྱི་གོ་སྒྲིག་འོག་འཚོག་གཏན་ཁེལ་བའི་ BRICS ཚོགས་ཆེན་ཐེངས་ ༡༨ པའི་གྲ་སྒྲིག་སོགས་ཀྱི་སྐོར་གྲོས་བསྡུར་བྱ་རྒྱུ་རེད་འདུག...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༡༩ ཉིན་བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས་དང་བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་དབར་རྩིས་སྤྲོད་རྩིས་ལེན་གྱི་མཛད་སྒོ་སྟབས་བདེ་ཞིག་ཚོགས་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༡༡ ཙམ་ལ་བཀའ་དྲུང་ཡིག་ཚང་དུ་སྤྲོད་དཔང་བཀའ་ཡིག་ཁྱབ་ཁོངས་ཡིག་ཚགས་དང་བར་བརྒལ་ལས་བཀོད་སྡེ་ཚན་གྱི་དྲུང་ཆེ་འཇིགས་མེད་ཚེ་རིང་ལགས་དང་། བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས། བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་བཅས་ལྷན་འཛོམས་ཀྱིས་ཐོག་མར་བཀའ་དྲུང་གསར་རྙིང་གཉིས་ནས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་སྐུ་ཕྱག་དང་མཇལ་དར་ཕྲུལ་གྲུབ་མཚམས་བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས་ཀྱིས་བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་ལ་ཞབས་སྟེགས་རྩིས་སྤྲོད་ཀྱིས་མཇལ་དར་ཕུལ། དེ་རྗེས་སྤྲོད་དཔང་དབུ་བཞུགས་ཐོག བཀའ་དྲུང་གསར་རྙིང་དང་། ཁྱབ་ཁོངས་དང་བཅས་པའི་ལས་བྱེད་ཚང་འཛོམས་ཀྱིས་རྟེན་འབྲེལ་གསོལ་ཇ་དང་འབྲས་སིལ་འདེགས་འབུལ་ཞུས་རྗེས་བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས་ནས་བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་ལ་ལས་ཐམ་དང་། ཡིག་དངོས་རྩ་ཆེ་ཁག་གཅིག་རྩིས་སྤྲོད་དང་། སྤྲོད་དཔང་དྲུང་ཆེ་འཇིགས་མེད་ཚེ་རིང་ལགས་ཀྱིས་རྟེན་འབྲེལ་མཚོན་བྱེད་མཇལ་དར་ཕུལ་རྗེས་བཀའ་ཡིག་ཁྱབ་ཁོངས་དང་བཅས་པའི་ལས་བྱེད་ཡོངས་ནས་རྟེན་འབྲེལ་གྱི་མཇལ་དར་ཕུལ།  དེ་ནས་སྤྲོད་དཔང་དྲུང་ཆེ་འཇིགས་མེད་ཚེ་རིང་ལགས་དང་། བཀའ་དྲུང་ཟུར་པ་ཆུ་སྐྱ་སྦྲ་གཉིས་ཚེ་རྒྱལ་ལགས། བཀའ་དྲུང་གསར་པ་ཤ་འབྲོང་བཀྲ་ཤིས་རྒྱ་མཚོ་ལགས་བཅས་ནས་རིམ་པས་གསུང་བཤད་གནང་སྟེ་བཀའ་དྲུང་གསར་པའི་རྟེན་འབྲེལ་མཛད་སྒོ་བདེ་ལེགས་ངང་གྲོལ། དེ་ཡང་ཤ་འབྲོང་བཀྲ་ཤིས་རྒྱ་མཚོ་ལགས་ནི། ཕྱི་ལོ་ ༡༩༩༣ ཟླ་བ་ ༤ ཚེས་ ༩ ཉིན་དྲུང་གཞོན་གནས་རིམ་དུ་ཟླ་དྲུག་ཚོད་ལྟར་བསྐོ་གཞག་གིས་བདེ་སྲུང་བོད་གནས་ཉམས་ཞིབ་དུ་ལས་འགན་བཀོད་སྒྲིག་གནང་།   ཕྱི་ལོ་  ༡༩༩༤ ཟླ་བ་ ༤  ཚེས་ ༢༦ ཉིན་ནས་ལས་བྱེད་ངོ་མར་བསྐོ་གཞག་གིས་ལས་འགན་རང་འཇགས།  ཕྱི་ལོ་ ༡༩༩༩ ཟླ་བ་ ༢  ཚེས་ ༡༠ ཉིན་ནས་ཟུང་དྲུང་གནས་རིམ་དུ་གནས་སྤར་དང་འབྲེལ་ལས་འགན་རང་འཇགས།  ཕྱི་ལོ་ ༢༠༠༡ ...

ཕྱི་ལོ་ ༢༠༢༧ ལོའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་ཀྱི་རྐང་སྤོལ་འགྲན་བསྡུར་ཐེངས་ ༣༢ པ་དེ་ལ་དྭགས་བསོད་ནམས་གླིང་གཞིས་ཆགས་སུ་ཚོགས་གཏན་ཁེལ། The post ལ་དྭགས་བསོད་ནམས་གླིང་ས་གནས་སུ་རྒྱལ་ཡུམ་ཆེན་མོའི་རྩེད་འགྲན་ཐེངས་ ༣༢ པ་འཚོག་རྒྱུ་ཡིན་འདུག appeared first on བོད་ཀྱི་དུས་བབ།.

སྐབས་བཅོ་བརྒྱད་པའི་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་ནང་དོན་རིག་པའི་མཁས་པ་དང་སློབ་དཔོན་ཆེན་མོ་སྐུ་ཞབས་རོ་བྷེ་ཊི་ཐོར་མན་ལགས་དགུང་ལོ་  ༨༤ ཐོག་སྐུ་གྲོངས་པར་ཐུགས་གསོའི་འཕྲིན་ཡིག་ཕུལ།  The post སྤྱི་འཐུས་ཚོགས་གཙོ་མཆོག་གིས་སྐུ་ཞབས་རོ་བྷེ་ཊི་ཐོར་མན་ལགས་ཀྱི་ཤུལ་ལུས་ནང་མིར་ཐུགས་གསོ་གནང་།   appeared first on བོད་ཀྱི་དུས་བབ།.

རྒྱ་གར་གྱི་སྲིད་བློན་མོ་དྷི་མཆོག་ནས་ཨ་རིའི་བོད་རིག་པའི་མཁས་དབང་པདྨ་ཤྲི་རོ་བྷཊ་ཐར་མན་ལགས་སུ་རྗེས་དྲན་དང་ནང་མིར་ཐུགས་གསོ་གནང་བའི་ནང་། ནང་པའི་མཁས་དབང་ཆེན་མོ་དང་། ཕུལ་དུ་བྱུང་བའི་སློབ་དཔོན། རྒྱ་གར་གྱི་ཚེ་གང་གི་གྲོགས་པོ་དམ་པ་སྐུ་ཞབས་རོ་བྷཊ་ཐར་མན་ལགས་སྐུ་ཚེའི་འཕེན་པ་རྫོགས་པར་བློ་ཕམ་ཆེན་པོ་བྱུང་། ཁོང་གིས་རང་གི་ཕྱག་ལས་བརྒྱུད་ནས་ནང་པའི་ལྟ་གྲུབ་རྣམས་རྒྱལ་སྤྱིའི་ཐོག་ཁྱབ་སྤེལ་གནང་ཡོད་པ་མ་ཟད། ད་དུང་རིག་གཞུང་ཕན་ཚུན་དབར་ལ་རྒྱུན་གནས་ཐུབ་པའི་གོ་རྟོགས་ཀྱི་ཟམ་པ་བརྟན་པོ་ཞིག་བསྐྲུན་ཐུབ་ཡོད། ངོས་ནས་ལོ་ཤས་སྔོན་ནིའུ་ཡོག་གྲོང་ཁྱེར་དུ་ཁོང་དང་ལྷན་དུ་མཇལ་འཕྲད་ཀྱིས་གླེང་མོལ་ལྷུག་པོ་བྱུང་བ་འདི་རྣམས་ལ་དྲན་གསོ་བྱེད་བཞིན་ཡོད། ཡིད་སྐྱོ་བའི་སྐབས་དེར་ངོས་ནས་ཁོང་གི་ནང་མི་དང་། དགའ་ཉེ། དེ་བཞིན་ཁོང་ལ་གུས་བཀུར་ཞུ་མཁན་བཅས་ཚང་མར་ཐུགས་གསོའི་འཚམས་འདྲི་དང་བཅས་ཚང་མ་དང་ལྷན་དུ་ཡོད་ཅེས་...

ཁྱེད་ཀྱི་ལག་ཏུ་ཡོད་པའི་ཁ་པར་དེ་དང་། ཁྱེད་ཀྱི་ཁང་ཐོག་གི་ཉི་འོད་ཀྱི་གློག་སྒྲོམ། ཁྱེད་ཀྱིས་བེད་སྤྱོད་བྱེད་པའི་འཕྲུལ་ཆས་རེ་རེའི་ནང་དུ་ཡོད་པའི་གློག་ཀླད་ཀྱི་ཆ་ཤས་ chip དེ་དག་ཚང་མའི་ནང་དཀོན་པའི་རྒྱུ་ཆ་དྭངས་ཤེལ་ Quartz ཞེས་པའི་གཏེར་ཁ་དེ་བེད་སྤྱོད་བྱེད་ཀྱི་ཡོད་པས། རྒྱ་ནག་ལ་དེའི་ཐོན་ཁུངས་གསར་པ་ཞིག་བོད་ཀྱི་གཞིས་རྩེ་གཏིང་སྐྱེས་རྫོང་ནས་བརྙེད་འདུག འདི་ལོའི་ཕྱི་ཟླ་ ༤ ནང་རྒྱ་ནག་གཞུང་གིས་ཐད་ཀར་མཐུན་འགྱུར་འོག་རྒྱ་ནག་གི་ཚན་རིག་དང་བཟོ་རིག་སློབ་ཆེན་དང་རྒྱ་ནག་ས་གཤིས་ཞིབ་འཇུག་ཁང་གཉིས་ནས་ European Journal of Mineralogy ཞེས་ཡུ་རོབ་ཀྱི་གཏེར་རྫས་རིག་པའི་དུས་དེབ་ནང་ཞིབ་འཇུག་པས་ Quartz གཏེར་ཁ་དེ་བཞིན་བོད་གཏིང་སྐྱེས་རྫོང་དུ་གསར་རྙེད་བྱུང་ཡོད་སྐོར་བཀོད་པ་དང་འབྲེལ། གཏེར་རྫས་ལ་ལྷད་མེད་པའི་སྤུས་ཚད་ཀྱི་བརྒྱ་ཆ་ཉུང་ཐར་ ༩༩.༩༩ ཡན་ཡིན་པ་འདི་རྙེད་ཁག་པོ་ཡོད་པ་བརྗོད་འདུག་ཅི...

ཨ་རི་དང་ཨི་རན་གཉིས་དམག་འཁྲུག་མཚམས་འཇོག་གི་གན་རྒྱ་ཞིག་ཕྱིར་བསྒྲགས་བྱས་འདུག་ཅིང་། སང་ཉིན་སུད་སིའི་ཇི་ནི་ཝ་(Geneva)གྲོང་ཁྱེར་ནང་དམག་འཁྲུག་མཚམས་འཇོག་གི་གྲོས་མཐུན་ཞིག་ལ་མཚན་རྟགས་འགོད་རྒྱུ་རེད་འདུག The post ཉིན་གྲངས་༦༠ ནང་དམག་འཁྲུག་གཏན་དུ་མཚམས་འཇོག་མ་ཐུབ་ཚེ་བསྐྱར་དུ་འགོ་འཛུགས་བྱེད་ཆོག་བརྗོད། appeared first on བོད་ཀྱི་བང་ཆེན།.

ཁ་ཉིན་དབྱིན་ཡུལ་གྲོས་ཚོགས་འོག་མའི་ནང་ཡུལ་དེའི་ཕྱི་སྲིད་དྲུང་ཆེ་ལས་རོགས་མཆོག་ལ་བོད་དོན་དང་བོད་ཀྱི་ཁོར་ཡུག་གནད་དོན་ཐོག་འདྲི་རྩད་ནན་པོ་གནང་འདུག   དེ་ཡང་ཁ་ཉིན་ཕྱི་ཚེས་ ༡༦ ཉིན་རྒྱབ་དབྱིན་ཡུལ་གྲོས་ཚོགས་འཐུས་མི་གཉིས་ཀྱིས་ཡུལ་དེའི་ཕྱི་སྲིད་དྲུང་ཆེ་ལས་རོགས་མཆོག་ལ་བོད་དོན་དང་བོད་ཀྱི་ཁོར་ཡུག་གནས་སྟངས་སྤྱིའི་ཐོག་སེམས་འཚབ་དང་འབྲེལ་འདྲི་རྩད་རིམ་པ་གནང་ཡོད་པའི་ཁྲོད། དབྱིན་ཡུལ་གྱི་གྲོས་ཚོགས་འཐུས་མི་དང་བློན་ཆེན་ཟུར་པ་ Kerry McCarthy ལགས་ཀྱིས་བོད་ནང་རྒྱ་ནག་གི་གཏེར་ཁ་སྔོག་འདོན་དང་ཆུ་མཛོད་གསར་རྒྱག་གྱི་ལས་གཞི་ཁག་དང་གནམ་གཤིས་འགྱུར་ལྡོག་དབང་གིས་རྒྱལ་ཁབ་མང་པོར་ཤུགས་རྐྱེན་ཐེབས་སྲིད་པ་འགྲེལ་བརྗོད་ཀྱིས། དབྱིན་ཇི་རྒྱལ་ཁབ་ཀྱིས་རྒྱལ་སྤྱིའི་ཐོག་གནད་དོན་གང་འདྲ་བྱས་ནས་གླེང་སློང་བྱེད་ཐུབ་མིན་དང་ལྷག་པར་དུ་ས་གནས་བོད་མི་རྣམས་གྲོས་མོལ་འདིའི་ནང་མཉམ་ཞུགས་བྱེད་དགོས་པར་ཕྱི་སྲིད་དྲུང་ཆེས་མོས་མཐུན་གནང་གི་ཡོད་མེད་སྐོར་འདྲི་རྩད་གནང་འདུག སྐབས་དེར་ཕྱི་སྲིད་དྲུང་ཆེས་དབྱིན་ཇི་རྒྱལ་ཁབ་ཀྱིས་རྒྱ་ནག་དང་མཉམ་དུ་གནམ་གཤིས་དང་ཁོར་ཡུག་གི་གནད་དོན་ཐད་མུ་མཐུད་གྲོས་བསྡུར་བྱེད་མུས་ཡིན་ཞེས་དང་། འབྲེལ་བ་བྱེད་བཞིན་ཡོད་ཅེས། ཉེ་ཆར་རྒྱལ་ཁབ་གཉིས་ཀྱི་ཁོར་ཡུག་གྲོས་མོལ་སྐབས་རང་བྱུང་ཁོར་ཡུག་དང་སྐྱེ་དངོས་སྣ་མང་རང་བཞིན་སྲུང་སྐྱོབ་བྱེད་པར་མཉམ་ལས་བྱེད་རྒྱུའི་གྲོས་མཐུན་བྱུང་ཡོད་པའི་ལན་འདེབས་བསྐྱོན་འདུག མ་ཟད་འདྲི་རྩད་ཀྱི་ལས་རིམ་དེའི་ཐོག་དབྱིན་ཡུལ་གྲོས་ཚོགས་འཐུས་མི་དང་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་མི་ Ms. Wera Wobhouse ལགས་ཀྱིས་ཀྱང་ཁོང་གཙོས་དབྱིན་ཡུལ་གྲོས་ཚོགས་འཐུས་མི་ཁག་གཅིག་ཉེ་ཆར་བོད་མིའི་སྒྲིག་འཛུགས་ཀྱི་ལྟེ་གནས་བཞུགས་སྒར་རྡ་རམ་ས་ལར་གཞུང་འབྲེལ་གྱི་སྐུ་མགྲོན་ཐོག་ནས་བཅར་རྒྱུ་བྱུང་བའི་མྱོང་བ་འགྲེལ་བརྗོད་དང་འབྲེལ། སྒྲིག་འཛུགས་འདིའི་ངོས་ནས་བོད་ནི་ཕྱི་ཕྱོགས་ཀྱི་མི་སྣ་དང་གནས་ཚུལ་འགྲོ་འོང་ལ་ཕྱོགས་ཡོངས་ནས་བཀག་སྡོམ་བྱས་ཡོད་པར་བློ་འཚབ་གནང་གི་ཡོད་པ་དང་ཕྱི་གསལ་ནང་གསལ་མེད་པའི་གནས་སྟངས་འདིའི་རྐྱེན་གྱིས་བོད་ནང་ཁོར་ཡུག་གི་གནོད་འཚེ་ཚབས་ཆེ་ཐེབས་ཐུབ་པ་དང་དེས་འཛམ་གླིང་ཡོངས་ལའང་ཤུགས་རྐྱེན་ཐེབས་པའི་སྐོར་ལ་ཕྱི་སྲིད་དྲུང་ཆེ་མཆོག་ལ་དོ་སྣང་ཡོད་དམ་ཞེས་བཀའ་འདྲི་གནང་བར། ཁོང་གིས་ལྕམ་སྐུ་ཉིད་ཀྱིས་གནད་དོན་གལ་ཆེན་འདི་བཏོན་པར་ཐུགས་རྗེ་ཆེ་ཞུས་པ་དང་། བོད་ནང་ཁོར་ཡུག་གི་ལས་གཞི་ཆེན་པོ་དག་གི་རྐྱེན་པས་བོད་མི་རྣམས་བཙན་གྱིས་རང་གི་ཕ་མེས་ཀྱི་གྲོང་གསེབ་ནས་གཞན་དུ་གནས་སྤོ་བྱེད་དགོས་པའི་གནས་ཚུལ་ཐོན་པར་ཕྱི་སྲིད་ལས་ཁུངས་ངོས་ནས་བློ་འཚབ་བྱེད་བཞིན་ཡོད་ལ། བློ་འཚབ་ཀྱི་གནད་དོན་འདི་དག་ཐོག་ཁོང་ཚོས་མུ་མཐུད་དོ་སྣང་བྱེད་རྒྱུ་གལ་ཆེན་པོ་ཡིན་ཞེས་གསུངས་འདུག དེའི་ཁྲོད་ཁ་སང་དབྱིན་ཡུལ་གྲོས་ཚོགས་སུ་བོད་མི་དང་བོད་དོན་རྒྱབ་སྐྱོར་བ་མི་གྲངས་ ༢༦ ལས་གྲུབ་པའི་སྐུ་ཚབ་ཚོགས་ཆུང་ཞིག་གིས་གྲོས་ཚོགས་འཐུས་མི་དགུ་ལ་ངོ་བཅར་གྱིས་བོད་དོན་ཞུ་གཏུག་གི་ལས་འགུལ་སྤེལ་འདུག ཞུ་གཏུག་ལས་འགུལ་དེ་བཞིན་དབྱིན་ཡུལ་དང་བླངས་བོད་དོན་ཞུ་གཏུག་ཚོགས་པས་གོ་སྒྲིག་དང་དབྱིན་ཡུལ་རྒྱལ་ཡོངས་འབྲེལ་མཐུད་ལས་ཁང་གི་སྣེ་ཁྲིད་འོག་སྤེལ་འདུག་ཅིང་། དེར་དབྱིན་ཡུལ་སྐུ་ཚབ་དོན་ཁང་དང་རྒྱལ་སྤྱིའི་བོད་དོན་འབྲེལ་མཐུད་ལས་ཁང་། བོད་དོན་ལས་འགུལ་ལྟེ་གནས་ཁང་། དབྱིན་ཡུལ་བོད་དོན་རྒྱབ་སྐྱོར་དང་ས་གནས་ཀྱི་བོད་རང་བཙན་སློབ་ཕྲུག་ཚོགས་པ་གཙོས་དབྱིན་ཡུལ་གྱི་བོད་མི་ཚོགས་པ་བཅས་ཀྱིས་རྒྱབ་སྐྱོར་གནང་ཐོག་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་ལྷན་ཞུགས་གནང་འདུག   དེའི་སྐོར་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་སུ་ཞལ་པར་བརྒྱུད་བཀའ་འདྲི་ཞུས་ཡོད།  ཁ་སང་ལས་འགུལ་གྱི་ཆ་ཤས་སུ། མཉམ་ཞུགས་པ་རྣམས་ཀྱིས་དབྱིན་ཡུལ་གྲོས་ཚོགས་འཐུས་མི་ཁག་བདུན་ཙམ་དང་ཐུག་འཕྲད་གནང་སྟེ། རྒྱ་ནག་གཞུང་གིས་གསར་དུ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་རྒྱས་ལ་སྐུལ་འདེད་གཏོང་བའི་ཁྲིམས་ཡིག་ལ་ངོ་རྒོལ་བྱས་ཏེ་དེས་བོད་མིའི་ངོ་བོ་དང་རིག་གཞུང་། སྐད་དང་ཆོས་དད་བཅས་ལ་གནོད་སྐྱོན་ཚབས་ཆེན་གཏོང་གི་ཡོད་པས་ཕྱིར་འཐེན་དགོས་པ་དང་། བོད་ནང་གི་བཅའ་སྡོད་སློབ་གྲྭ་ཁག་གིས་བོད་པའི་བྱིས་པ་རྣམས་རང་གི་རིག་གཞུང་དང་སྐད་ཡིག་ལས་ཁ་བྲལ་དུ་འཇུག་པ་དང་བྱིས་པའི་ཐོབ་ཐང་དང་འགལ་གྱི་ཡོད་པའི་གནས་ཚུལ་སྐོར་གྲོས་ཚོགས་ནང་དྲི་བ་འདོན་དགོས་པ། ལྷག་པར་དུ་༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ཡང་སྲིད་ངོས་འཛིན་བྱེད་རྒྱུའི་ཐོབ་ཐང་ལ་རྒྱབ་སྐྱོར་གནང་བ་དང་། རྒྱ་ནག་གཞུང་གིས་བརྒྱུད་རིམ་འདིའི་ནང་ཐེ་བྱུས་བྱེད་རྒྱུར་ངོ་རྒོལ་བྱེད་དགོས་པའི་འབོད་སྐུལ་དོན་ཚན་གསུམ་ཆེད་འདོན་གནང་འདུག ཐེངས་འདིའི་བོད་དོན་ཞུ་གཏུག་ཁྲོད་མཉམ་ཞུགས་བ་ཚོས་གྲོས་ཚོགས་འཐུས་མི་ Vicky...

[དྷ་རམ་སར།] ཕྱིི་ལོ་༢༠༢༦ ཟླ་༦ ཚེས་༡༧ ཉིན། རྒྱ་གཞུང་གིས་བོད་མིའི་ཐུན་མོང་མ་ཡིན་པའི་ཆོས་དང་རིག་གཞུང་། སྐད་ཡིག་རྩ་མེད་བཟོས་ཏེ། བོད་མི་རྣམས་རྒྱ་ནག་ཅན་དུ་བསྒྱུར་རྒྱུའི་བཙན་དབང་གི་ལག་ཆ་མི་རིགས་མཐུན་སྒྲིལ་ཡར་ཐོན་སྐུལ་སྤེལ་བཅའ་ཁྲིམས་ཟེར་བ་དེ་ཉིད་དངོས་སུ་ལག་བསྟར་བྱེད་ལ་ཉེ་བར་བརྟེན། ད་ལྟ་བོད་ཀྱི་མཚོ་སྔོན་ཞིང་ཆེན་ནང་དྲིལ་བསྒྲགས་དང་གསོ་སྦྱོང་གི་ལས་གཞི་ཤུགས་ཆེན་འགོ་བཙུགས་ཡོད་འདུག The post རྒྱ་གཞུང་གིས་“མི་རིགས་མཐུན་སྒྲིལ་ཁྲིམས་ཡིག་”ཟེར་བ་དངོས་སུ་ལག་བསྟར་ཆེད་གསོ་སྦྱོང་འཛིན་གྲྭ་བསྡུས། appeared first on བོད་ཀྱི་བང་ཆེན།.

ཧྥ་རན་སིའི་ནང་རྒྱ་ནག་གི་ཤུགས་རྐྱེན་ཇེ་མང་དུ་འགྲོ་བཞིན་པར་གདོང་ལེན་ཆེད་དུ།  ཧྥ་རན་སིའི་ནང་སྲིད་ལས་ཁུངས་ཀྱིས་འདས་པའི་ལོ་གཅིག་རིང་ཞིབ་འཇུག་བྱས་རྗེས།  ཡུལ་དེའི་ནང་ཁྲིམས་འགལ་ཐོག་རྒྱ་གཞུང་གི་ཁེ་ཕན་ཆེད་དུ་ལས་འགུལ་སྤེལ་བཞིན་པའི་རྒྱ་རིགས་གསང་བའི་ཉེན་རྟོག་ཁང་དགུ་འཛིན་བཟུང་གིས་སྒོ་བརྒྱབ་འདུག དེ་ཡང་དེ་རིང་ཕྱི་ཚེས་ ༡༨ ཉིན་ཧྥ་རན་སི་ནང་གི་ Le Monde བརྒྱུད་ལམ་ཐོག་སྤེལ་བའི་གནས་ཚུལ་ནང་གསལ་ལྟར་ན།  ཧྥ་རན་སིའི་ནང་དུས་རྒྱུན་ཨུ་རུ་སུ་དང་ཨི་རན་ལྟ་བུའི་རྒྱལ་ཁབ་ནས་ཐེ་བྱུས་ཀྱི་ཉེན་ཁ་ཡོད་བཞིན་པ་དེ་ལྟར་ཡང་།  བར་ལམ་ཡུལ་དེའི་ནང་རྒྱ་ནག་གི་ཤུགས་རྐྱེན་ཇེ་ཆེར་འགྲོ་བཞིན་པའི་ཁྲོད།  ཧྥ་རན་སིའི་ནང་སྲིད་ལས་ཁུངས་ཀྱིས་འདས་པའི་ལོ་ངོ་གཅིག་ཙམ་རིང་ཞིབ་འཇུག་བྱས་པའི་གྲུབ་དོན་དུ།  ཡུལ་དེའི་ནང་རྒྱ་རིགས་ཁག་གཅིག་གིས་ཞབས་ཞུ་ཁང་དང་རིག་གཞུང་ལྟེ་གནས་སོགས་ཚོགས་པ་འདྲ་མིན་གྱི་མིང་བྱང་འོག་རྒྱ་གཞུང་དང་འབྲེལ་བ་ཡོད་པའི་གསང་བའི་ཉེན་རྟོག་ཁང་བརྒྱུད།  ཁུལ་དེར་གཏན་སྡོད་བྱེད་མཁན་རྒྱ་རིགས་མི་སྣར་ལྟ་ཞིབ་དང་རྒྱ་གཞུང་ལ་ངོ་རྒོལ་བྱེད་མཁན་གྱི་རྒྱ་རིགས་རྣམས་བཙན་ཤེད་ཀྱིས་རྒྱ་ནག་ཏུ་ཕྱིར་ལོག་བྱེད་དུ་བཅུག་གི་ཡོད་པ་ཐེར་འདོན་གནང་འདུག་ལ།  འདི་ལོའི་འགོ་སྟོད་དུ་ཡུལ་དེའི་ནང་རྒྱ་གཞུང་གི་ཁེ་ཕན་ཆེད་དུ་ལས་འགུལ་སྤེལ་བཞིན་པའི་རྒྱ་རིགས་གསང་བའི་ཉེན་རྟོག་ཁང་དགུ་འཛིན་བཟུང་གིས་སྒོ་བརྒྱབ་འདུག ཧྥ་རན་སིའི་ནང་སྲིད་ལས་ཁུངས་ཀྱིས་བརྗོད་དོན་ལྟར་ན།  རྒྱ་གཞུང་དང་འབྲེལ་བ་ཡོད་པའི་གསང་བའི་ཉེན་རྟོག་ཁང་དེ་དག་བརྒྱུད་ཁྲིམས་མཐུན་མིན་པའི་ལས་འགུལ་སྤེལ་མཁན་རྒྱ་རིགས་མི་སེར་ཡིན་པ་འགོ་གཙོ་གསུམ་འཛིན་བཟུང་བྱས་ཡོད་པ་དང་།  དེ་དག་ཁོངས་ནས་འགོ་གཙོ་གཉིས་ཡུལ་དེ་ནས་ཕྱིར་འབུད་བཏང་ཟིན་ཡོད་པ་མ་ཟད།  འགོ་གཙོ་གསུམ་པ་རང་ལོ་ ༥༧ ཡིན་པ་ Ni Chaowen ནས་ཀྱང་ཧྥ་རན་སི་ནང་ Fujian Association of Industrialists and Merchants (FAIM) ཞེས་ཚོང་དོན་དང་འབྲེལ་བའི་ཚོགས་པའི་མིང་བྱང་འོག་གསང་བའི་ཉེན་རྟོག་ལས་ཁུངས་ཀྱི་བྱ་འགུལ་སྤེལ་བཞིན་ཡོད་པར་ར་འཕྲོད་བྱུང་ཡོད་དུས།  ཉེ་ཆར་ཕྱི་ཚེས་ ༩ ཉིན་ཧྥ་རན་སིའི་ནང་གི་ཆེས་མཐོའི་ཁྲིམས་ཁང་དུ་སྤྱི་དམངས་སྐུ་ཚབ་ངོས་ནས་ཀྱང་ཁོ་པས་ནག་ཉེས་བསགས་ཡོད་པར་ཡུལ་དེ་ནས་ཕྱིར་འབུད་བྱེད་རྒྱུར་རྒྱབ་སྐྱོར་བྱས་འདུག མ་ཟད་ཧྥ་རན་སིའི་ནང་སྲིད་ལས་ཁུངས་ཀྱིས།  ཁྲིམས་མཐུན་མིན་པའི་གསང་བའི་ཉེན་རྟོག་ལས་ཁུངས་འདི་དག་ནི་རྒྱ་ནག་གི་ཧྥ་རན་སིའི་ནང་ཐེ་བྱུས་རྒྱ་སྐྱེད་གཏོང་བའི་ལས་འགུལ་ཞིག་ཡིན་པ་མ་ཟད།  སྤྱི་ཚོགས་ཞབས་ཞུ་སོགས་ཀྱི་ཚོགས་པའི་མིང་བྱང་འོག་གཉེར་བཞིན་པའི་ཉེན་རྟོག་ཁང་འདི་དག་ Ministry...

བྷོལ་ཊིཀ་ (Baltic) རྒྱལ་ཁབ་གསུམ་གྱི་གྲོས་ཚོགས་འཐུས་མི་རྣམས་ཀྱིས་ཡུ་རོབ་མཐུན་ཚོགས་ཀྱི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་གནང་རྒྱུར་འབོད་སྐུལ་ཞུས། The post མི་རིགས་མཐུན་སྒྲིལ་ཡར་ཐོན་ཟེར་བར་ངོས་ལེན་མེད་པའི་གྲོས་ཆོད་འདོན་རྒྱུའི་འབོད་སྐུལ་ཞུས། appeared first on བོད་ཀྱི་དུས་བབ།.

ཨ་རི་དང་ཨི་རན་གཉིས་གྲོས་མཐུན་དོན་ཚན་བཅུ་བཞི་ཡི་དགོངས་དོན་བཞིན་ཕན་ཚུན་མཉམ་ལས་དང་དམག་འཁྲུག་མཚམས་འཇོག་བྱ་རྒྱུ་ཡིན་འདུག The post ཨ་རི་དང་ཨི་རན་བར་དམག་འཁྲུག་མཚམས་འཇོག་བྱ་རྒྱུའི་གྲོས་མཐུན་བྱུང་། appeared first on བོད་ཀྱི་དུས་བབ།.

༧གོང་ས་རྒྱལ་བ་རིན་པོ་ཆེ་མཆོག་ནས་ནང་དོན་རིག་པའི་མཁས་པ་དང་སློབ་དཔོན་ཆེན་མོ་སྐུ་ཞབས་སྐུ་ཞབས་རོ་བྷེ་ཊི་ཐོར་མན་ལགས་དགུང་ལོ་  ༨༤ ཐོག་སྐུ་གྲོངས་པར་ཐུགས་གསོའི་གསུང་འཕྲིན་བསྩལ། The post ༧གོང་ས་མཆོག་ནས་སྐུ་ཞབས་རོ་བྷེ་ཊི་ཐོར་མན་ལགས་ཀྱི་ཤུལ་ལུས་ནང་མིར་ཐུགས་གསོ་མཛད།  appeared first on བོད་ཀྱི་དུས་བབ།.