CDT recently published a large set of leaked internal instructions for online content management from the Chinese platform Leshi Video, or LeTV. They were issued to LeTV between March 2, 2017 and March 10, 2020 by the Cyberspace Administration...

July 10, 2026 The US Special Coordinator for Tibetan Issues, Riley Barnes, honored His Holiness the Dalai Lama with a personal tribute at a celebration marking the Tibetan spiritual leader’s 91st birthday in Washington, DC, on Thursday, July 9....

WASHINGTON, DC -US Special Coordinator for Tibetan Issues Riley Barnes joined celebrations marking the Dalai Lama’s 91st birthday here, calling it an honor to celebrate the Tibetan spiritual leader’s life and legacy. Barnes, who also serves as US Assistant...

Tenzin Nyidon  DHARAMSHALA, July 10: Three Tibetan youth activists from Students for a Free Tibet (SFT) themselves to the gates of the United Nations headquarters in New York City on Thursday, July 9, escalating pressure on international leaders to...

Fifty-one Estonian lawmakers condemn China’s Ethnic Unity Law, warn of risks to Tibetan identity and possible transnational repression.

A study by Chinese geologists has warned that Beijing's planned $147-billion hydropower project on the Yarlung Tsangpo River in Tibet sits atop the active Paizhen Fault, reviving concerns over the safety of the world's largest proposed dam and its...

European lawmakers and EU officials warn China’s Ethnic Unity Law threatens Tibetan identity and could affect Tibetans beyond China.

The U.S. says it will keep urging China to resume dialogue with His Holiness the Dalai Lama after Lobga Rangzen’s self-immolation.

ཕྱི་ལོ་ ༢༠༢༦ ཟླ་བ་ ༧ ཚེས་ ༦ ནས་ ༨ བར་ཉིན་གྲངས་གསུམ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་རྗེས་དྲན་དང་། འཛམ་གླིང་ཞི་བདེ་ལ་དམིགས་པའི་ཡུ་རོབ་ཆོ་འཕྲུལ་སྨོན་ལམ་ཆེན་མོ་ཐེངས་དང་པོ་དེ་ཧྥ་རན་སིའི་རྒྱལ་ས་པེ་རི་སིར་འཚོགས་འདུག ལོ་རྒྱུས་རང་བཞིན་ལྡན་པའི་ཆོ་འཕྲུལ་སྨོན་ལམ་ཆེན་མོ་དེར་༸སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་དང་། མཚུངས་མེད་ཤར་བྱང་ཆོས་རྗེ་རྣམ་པ་གཉིས་གཙོས་པའི་རིས་མེད་ཀྱི་སྐྱེས་ཆེན་དམ་པ་ཁག་གཅིག་དབུ་བཞུགས་གནང་འདུག་ལ། ཡུ་རོབ་ཁུལ་དུ་ཆོ་འཕྲུལ་སྨོན་ལམ་ཆེན་མོ་གོ་སྒྲིག་ཞུ་དགོས་པའི་དམིགས་ཡུལ་གཙོ་བོ་དེ། ནང་པ་སངས་རྒྱས་པའི་བསྟན་པ་དར་ཞིང་རྒྱས་པ་དང་། ལྷག་པར་ཡུ་རོབ་ཁུལ་དུ་འཛམ་གླིང་དམག་ཆེན་གཉིས་ཀྱི་སྐབས་སུ་རྐྱེན་འདས་སུ་ཕྱིན་པ་དང་། ནད་ཡམས་དབང་གིས་ཚེ་ལས་འདས་པ་ཡོངས་ལ་བསྔོ་སྨོན་དང་། འཛམ་གླིང་ཞི་བདེ་ཡོང་བའི་ཆེད་དུ་ཡིན་པ་གོ་སྒྲིག་ཚོགས་ཆུང་ནས་འགྲེལ་བརྗོད་གནང་གི་འདུག The post ཧྥ་རན་སིའི་རྒྱལ་ས་པེ་རི་སིར་ཡུ་རོབ་ཆོ་འཕྲུལ་སྨོན་ལམ་ཆེན་མོ་ཐེངས་དང་པོ་སྐོང་འཚོགས། appeared first on vot.

ཁ་སང་ཨ་རིའི་ནང་གི་ཕྱི་ཚེས་ ༩ ཉིན་རྒྱབ་ནིའུ་ཡོག་ཏུ་ཡོད་པའི་རྒྱལ་ཚོགས་ལས་ཁུངས་ཀྱི་རྒྱལ་སྒོའི་མདུན་དུ་བོད་མི་ལས་འགུལ་བ་གསུམ་ནས་རྒྱལ་གཅེས་དཔའ་བོ་བློ་དགའ་རང་བཙན་ལགས་ཀྱི་བློས་བཏང་ལ་དྲང་བདེན་དགོས་པའི་དགོས་འདུན་ཐོག་ངོ་རྒོལ་ལས་འགུལ་སྤེལ་འདུག དེ་ཡང་ཁ་སང་རྒྱལ་གཅེས་དཔའ་བོ་བློ་དགའ་རང་བཙན་ལགས་དམ་པའི་བདུན་ཚིགས་དང་པོར་རྗེས་དྲན་ཞུ་ཕྱིར་ཉིན་རྒྱབ་ཕྱག་ཚོད་ ༣.༢༥ ཙམ་ལ་ཨ་རི་བོད་རང་བཙན་སློབ་ཕྲུག་ཚོགས་པ་ནས་ཚེ་ལྷ་ རྫོགས་སངས་ལགས་དང་། བསྟན་འཛིན་དཀོན་མཆོག་ལགས། བསྟན་འཛིན་ཚེ་བརྟན་ལགས་བཅས་གསུམ་གྱིས་ཕྱག་ཏུ་རྒྱལ་གཅེས་པ་བློ་དགའ་ལགས་ཀྱིས་བོད་རང་བཅན་ཆེད་སྐུ་ལུས་མེར་བསྲེགས་གནང་བ་དང་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་ནས་བོད་ཐོག་ཁ་ཁུ་སིམ་པོར་སྡོད་རྒྱུ་མཚམས་འཇོག་དགོས་པ་སོགས་ཀྱི་དགོས་འདུན་སྦྱར་ཡིག་རྣམས་འཕྱར་བཞིན་རྒྱལ་ཚོགས་ཀྱི་ལས་ཁུངས་ལྕགས་ཁྲའི་རྒྱལ་སྒོར་རང་ཉིད་ལྕགས་ཐག་གིས་བཅིངས་ནས་རྒྱལ་སྒོའི་འགྲོ་ལམ་བཀག་འགོག་གིས་ངོ་རྒོལ་སྐད་འབོད་གནང་སྐབས་ཉེན་རྟོག་པས་ལས་འགུལ་བ་གསུམ་པོ་འཛིན་བཟུང་གིས་ཆུ་ཚོད་ ༤ བཀར་ཉར་རྗེས་གློད་བཀྲོལ་བཏང་འདུག  དེའི་སྐོར་ཨ་རི་བོད་རང་བཙན་སློབ་ཕྲུག་ཚོགས་པའི་འགན་འཛིན་བསྟན་འཛིན་སྨིན་ལེགས་ལགས་སུ་དེ་རིང་སྔ་དྲོ་ཞལ་པར་བརྒྱུད་བཀའ་འདྲི་ཞུས་ཡོད། ཐེངས་འདིའི་ངོ་རྒོལ་ལས་འགུལ་དང་འབྲེལ་ཨ་རི་བོད་རང་བཙན་སློབ་ཕྲུག་ཚོགས་པས་གསར་འགོད་བསྒྲགས་གསལ་བསྒྲགས་ཤིག་འདོན་སྤེལ་གནང་བའི་བརྒྱུད། བོད་མི་གཞོན་སྐྱེས་ཚོས་འཛམ་གླིང་མཉམ་འབྲེལ་རྒྱལ་ཚོགས་དང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གཙོ་འཛིན་སྐུ་ཞབས་ Volker Türk ལགས་སུ་བོད་ཀྱི་གནད་དོན་ཐོག་ཁ་ཁུ་སིམ་པོར་སྡོད་རྒྱུ་མེད་པ་དང་རྒྱལ་ཚོགས་ཀྱིས་གནད་འགག་ཆེ་བའི་དུས་སྐབས་འདིར་རྒྱལ་གཅེས་དཔའ་བོ་བློ་དགའ་རང་བཙན་ལ་དྲང་བདེན་གྱི་རྒྱབ་སྐྱོར་མཚོན་པའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ཡ་ལན་གང་ཡང་མ་བྱས་སྟབས། གོ་ལ་ཡོངས་ལ་བོད་དོན་ཐོག་ལས་འགུལ་སྤེལ་དགོས་པའི་སྐུལ་མ་གནང་བཞིན་ཡོད་ལ། ལྷག་པར་དུ་རྒྱལ་གཅེས་པ་བློ་དགའ་རང་བཙན་ལགས་དམ་པའི་སྙིང་སྟོབས་ཀྱིས་འཛམ་གླིང་ཡོངས་ཀྱི་བོད་མི་ཚོར་སེམས་ཤུགས་སྤོར་བཞིན་ཡོད་པས་ཁོང་ཚོས་ཀྱང་བོད་ཀྱི་གནད་དོན་ཐད་རང་ཉིད་ཀྱི་ལས་དོན་སྒྲུབ་རྒྱུ་ཡིན་ཞེས་ནན་བཤད་གནང་འདུག ཁ་སང་རྒྱལ་ཚོགས་ཀྱི་རྒྱལ་སྒོའི་མདུན་དུ་ལྕགས་ཐག་གིས་བཅིངས་ནས་ངོ་རྒོལ་གནང་མཁན་ཁོངས་སུ་ཡོད་པ་ཨ་རི་བོད་རང་བཙན་སློབ་ཕྲུག་ཚོགས་པའི་ལས་འགུལ་བ་ཚེ་ལྷ་རྫོགས་སངས་ལགས་ཀྱིས་གསར་འགོད་པའི་དྲི་བར་ལན་འདེབས་ཁྲོད། རྒྱ་ནག་གིས་ལོ་ངོ་བཅུ་ཕྲག་མང་པོའི་རིང་བོད་ལ་དམ་དྲག་ཤུགས་ཆེ་བྱས་ཡོད་ལ། བོད་མི་ ༡༧༠ ལྷག་གིས་རྒྱ་གཞུང་ལ་ངོ་རྒོལ་གྱིས་སྐུ་ལུས་མེར་བསྲེགས་གནང་སྟེ་ཉིན་ཞིག་རང་དབང་ལྡན་པའི་བོད་ཅིག་མཐོང་ཐུབ་པའི་རེ་འདུན་བཅངས་ཡོད་སྐོར་གསུངས་པ་མ་ཟད། ཟླ་བ་འདིའི་ཕྱི་ཚེས་ ༡ ནས་གཞུང་འབྲེལ་གྱིས་ལག་བསྟར་བྱེད་འགོ་བཙུགས་པའི་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བ་དེ་མི་རིགས་བཙན་སྒྱུར་གྱི་སྲིད་བྱུས་ཤིག་ཡིན་པས་བོད་མིའི་ངོ་བོར་ཉེན་ཁ་ཆེན་པོ་བཟོ་བཞིན་ཡོད་པར་སྐྱོན་བརྗོད་གནང་འདུག སྐབས་དེར་ལས་འགུལ་ནང་མཉམ་ཞུགས་གནང་མཁན་ཁེ་ན་ཌར་གནས་བཞུགས་བོད་མི་ལས་འགུལ་བ་འཆི་མེད་ལྷ་མོ་ལགས་ཀྱིས་མཉམ་འབྲེལ་རྒྱལ་ཚོགས་ཀྱིས་ཡང་ནས་ཡང་དུ་བོད་དང་བོད་ནང་གི་གནས་སྟངས་ཇི་བྱུང་ཐད་བརྗེད་པ་དང་སྣང་མེད་གཏོང་བཞིན་པར་འགྱུར་བ་འདོད་ཀྱི་ཡོད་པ་ནན་བརྗོད་དང་སྦྲགས། རྒྱལ་ཚོགས་ལ་བོད་ནང་བཀམ་སྡོམ་མེད་པའི་འགྲོ་འོང་དང་ཞིབ་འཇུག་བྱེད་ཆོག་པའི་རང་དབང་སྤྲོད་དགོས་པའི་རེ་སྐུལ་ཞུས་པ་མ་ཟད། རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གཙོ་འཛིན་ལ་བོད་ནི་རྒྱལ་ཁབ་ཅིག་ཡིན་པས་གྲངས་ཉུང་མི་རིགས་ཤིག་མིན་པས་ངེས་པར་དུ་བོད་སྐོར་གླེང་དགོས་པ་བརྗོད་འདུག རྩ་བའི་ཁ་སང་ནིའུ་ཡོག་བོད་མི་ལས་འགུལ་བ་གསུམ་གྱིས་རྒྱལ་ཚོགས་ཀྱི་ལས་ཁུངས་མདུན་དུ་ངོ་རྒོལ་གནང་བཞིན་པའི་དུས་ཡུན་སྐར་མ་འགའ་ཤས་རྗེས་ནིའུ་ཡོག་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲོག་འོག་ས་གནས་བོད་མི་མང་ཚོགས་ནས་ས་ཚིགས་དེ་རང་དུ་དགོང་དྲོ་ཆུ་ཚོད་ ༤ ནས་ ༧ པའི་བར་ངོ་རྒོལ་སྐད་འབོད་ཀྱི་ལས་འགུལ་ཤུགས་ཆེ་སྤེལ་བའི་བརྒྱུད་རྒྱལ་གཅེས་པ་བློ་དགའ་རང་བཙན་ལགས་དམ་པའི་བདུན་ཚིགས་དང་པོར་རྗེས་དྲན་ཞུས་འདུག  The post ནིའུ་ཡོག་བོད་མི་ལས་འགུལ་བ་གསུམ་གྱིས་རྒྱལ་ཚོགས་ཀྱི་ལས་ཁུངས་མདུན་དུ་ལྕགས་ཐག་བཅིངས་ནས་ངོ་རྒོལ་གནང་བ། appeared first...