The Zhu-led Western Development Strategy was able to “bring Tibetans in line with Chinese government policies.”

(TibetanReview.net, Aug12’26) – A bill already on the table in the US House of of Representatives designed to ensure the survival of Tibet’s political identity for the enduring future on the world stage has been strengthened with the Senate...

(TibetanReview.net, Aug12’26) – Following China’s raising of objections to its listing of 27 standardised placenames in its Tibet-border state of Arunachal Pradesh on Aug 7, India has reiterated its position Aug 11 that the state of its border with...

The hunger strike, organised by the Tibetan Women's Association, began at 4 pm on Tuesday and concluded at 4 pm on Wednesday.

The death of longtime activist Lobsang Rangzen has shaken Tibetans in exile, turning a pavement outside the United Nations into a site of mourning and renewed resistance.

དེ་རིང་ཕྱི་ཟླ་ ༨ ཚེས་ ༡༢ ཉིན་གྱི་སྔ་དྲོ་ཆུ་ཚོད་༡༠།༣༠ཐོག་བཞུགས་སྒར་དུ་རྟེན་གཞི་བྱས་པའི་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་དུ་ཕྱི་རྒྱལ་ནས་རྒྱ་གར་དུ་ཕྱིར་ལོག་གནང་མཁན་བོད་མི་ཞིག་གི་འོས་བསྡུ་ཐོབ་ཐང་དང་འབྲེལ་ཁ་མཆུ་ཨང་ ༢༣ པའི་གནད་དོན་གཏན་འབེབས་ཀྱིས་ཉན་ཞིབ་ལས་རིམ་འཚོགས་སོང་། དེ་ཡང་གནད་དོན་གཏན་འབེབས་ཀྱི་ཉན་ཞིབ་ལས་རིམ་ཐོག་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དབུས་པའི་ཁྲིམས་ཞིབ་པ་རྣམ་པ་དང་། ཆེས་མཐོའི་ཁྲིམས་ཞིབ་ཁང་གི་ལས་བྱེད་རྣམ་པ། གྱོད་ཡ་ཞུ་སྦྱོར་བ་བསྟན་འཛིན་མཁས་གྲུབ་ལགས་དང་ཁོང་གི་ཁྲིམས་རྩོད་པ་བོད་མིའི་ཁྲིམས་ལུགས་རིག་པ་བའི་ཁྲིམས་རྩོད་པ་རིན་ཆེན་དབང་རྒྱལ་ལགས་དང་བསྟན་འཛིན་ཡར་རྒྱས་ལགས། དེ་བཞིན་གྱོད་ཡ་རྩོད་ལེན་པ་དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་བློ་བཟང་ཡེ་ཤེས་མཆོག་དང་། གཞན་ཡང་ཟུར་ཉན་པ་དང་གསར་འགོད་པ་བཅས་ཕེབས་འདུག སྐབས་དེར་ཆེས་མཐོའི་ཁྲིམས་ཞིབ་པ་རྣམ་པས་བཙན་བྱོལ་བོད་མིའི་བཅའ་ཁྲིམས་ཀྱི་སྤྱི་དམངས་གཏུག་བཤེར་ཁྲིམས་སྒྲིག་གི་དགོངས་དོན་ལྟར་གྱོད་ཡ་ཞུ་སྦྱོར་བ་དང་གྱོད་ཡ་རྩོད་ལེན་པ་གཉིས་ཀྱི་ཞུ་རྩའི་ནང་གང་དང་གང་འཁོད་མེད་དང་། ལྷག་པར་དུ་ཕྱི་ཚེས་ ༥ ཉིན་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་དུ་ཁ་མཆུ་དེ་ཉིད་དང་འབྲེལ་ཉན་ཞིབ་ཐོག་མའི་སྐབས་ཞུ་རྩ་དང་། ཞུ་ལན་བཅས་ལ་འདྲི་ཞིབ་གནང་རྗེས་ཐག་གཅོད་གང་གནང་ཡོད་མེད་བཅས་ལ་གཞིར་བཞག་ནས་གྱོད་ཡ་ཞུ་སྦྱོར་བའི་ཁྲིམས་རྩོད་པར་ཐེངས་རྗེས་མའི་ཁྲིམས་རའི་ཐོག་དབུས་འོས་བསྡུ་ལས་ཁང་གི་ཞུ་སྦྱོར་བ་དང་འབྲེལ་བའི་ཐག་གཅོད་དེ་དག་བཅའ་ཁྲིམས་དང་འོས་བསྡུའི་སྒྲིག་གཞི་དང་འགལ་ཡོད་པ་དང་། ལྷག་པར་དོ་བདག་ཞུ་སྦྱོར་བ་རང་ཉིད་ཁེ་ན་ཌའི་མི་སེར་དང་དཔྱ་ཁྲལ་ལག་དེབ་ཀྱི་ཐོབ་ཁུངས་ཡང་ཁེ་ན་ཌ་ཡིན་བཞིན་དུ། གནས་སྡོད་ཅེས་པའི་ཚིག་གཞི་དེ་དང་འབྲེལ་ནས། ཁྱེད་རང་ཁེ་ན་ཌའི་གནས་སྡོད་མིན་པ་དང་། རྒྱ་བལ་འབྲུག་གསུམ་གྱི་ཆོལ་ཁའི་སྤྱི་འཐུས་ཀྱི་འོས་གཞིར་ཞུགས་རྒྱུའི་ཐོབ་ཐང་ཡོད་པའི་ཁྲིམས་དོན་གྱི་གནད་དོན་དོན་ཚན་གཉིས་ཀྱི་ཐོག་ཁུངས་སྐྱེལ་གནང་དགོས་ཞེས་གསུངས་སོང་། འདི་གའི་གསར་འགོད་པས་ད་རེས་ཀྱི་གནད་དོན་གཏན་འབེབས་ཀྱི་ཉན་ཞིབ་ལས་རིམ་གྲུབ་མཚམས་སུ་གྱོད་ཡ་ཞུ་སྦྱོར་བ་བསྟན་འཛིན་མཁས་གྲུབ་ལགས་ཀྱི་ཁྲིམས་རྩོད་པ་རིན་ཆེན་དབང་རྒྱལ་ལགས་དང་རྩོད་ལེན་པ་དབུས་འོས་བསྡུ་འགན་འཛིན་བློ་བཟང་ཡེ་ཤེས་ལགས་རྣམ་གཉིས་ལ་བཅར་འདྲི་ཁག་གཅིག་ཞུས་ཡོད། གཞི་རྩའི་ཐེངས་འདིའི་གནད་དོན་གཏན་འབེབས་ཀྱི་ཉན་ཞིབ་ལས་རིམ་ཐོག་ཆེས་མཐོའི་ཁྲིམས་ཞིབ་པ་མཆོག་ནས་ཁ་མཆུ་ཉན་ཞིབ་ཐོག་མའི་སྐབས་ཞུ་རྩ་དང་། ཞུ་ལན། གྱོད་ཡ་བརྟག་དཔྱད་ཉན་ཞིབ་བཅས་བྱས་འབྲས་སུ། གྱོད་ཡ་ཞུ་སྦྱོར་བས་ཞུ་ལན་གྱི་ནང་གསལ་ ༡ པོའི་ནང་། བཙན་བྱོལ་བོད་མིའི་བཅའ་ཁྲིམས་དོན་ཚན་ ༣༨ དང་། བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་ ༣༧ པ། སྤྱི་འཐུས་ཀྱི་འོས་ཆོས་དང་འབྲེལ་བའི་དོན་ཚན་ཁག་ལུང་འདྲེན་གྱིས་ཞུ་སྦྱོར་བ་དོ་བདག་རྒྱ་གར་ནས་སྤྱི་འཐུས་འོས་མིར་ལང་ཆོག་པའི་སྐོར་འགྲེལ་བརྗོད་གནང་ཡོད་པ་དེ་ལྟར་ཡང་། ཐོག་མའི་ཉན་ཞིབ་སྐབས་རྩོད་ལེན་པས། རྒྱ་བལ་འབྲུག་གསུམ་གྱི་ཐོབ་ཁུངས་ནང་འོས་བསྡུའི་ཆ་ཤས་ལེན་རྒྱུ་ཡིན་ན། འོས་བསྡུ་སྒྲིག་གཞི་དོན་ཚན་ ༢༢...

བོད་ཀྱི་ཟློས་གར་ཚོགས་པ་དབུ་བརྙེས་ཏེ་མི་ལོ་ཧྲིལ་པོ་ ༦༧ འཁོར་བའི་དུས་ཆེན་དང་བསྟུན། སྐུ་མགྲོ་གཙོ་བོ་མཆོག་གིས་གསུང་བཤད་ཁྲོད་བོད་ཀྱི་ཟློས་གར་ཚོགས་པས་བོད་ཀྱི་རིག་གཞུང་མི་ཉམས་རྒྱུན་འཛིན་ལ་ཞུབས་ཞུ་ཆེན་པོ་གྲུབ་ཡོད་པར་བསྔགས་བརྗོད་དང་འབྲེལ། རྒྱ་ནག་གི་བོད་བཙན་འཛུལ་བྱས་པ་མ་ཟད་བོད་ཀྱི་རིག་གཞུང་ལའང་བསྲེས་ལྷད་ཡོང་ཐབས་བྱེད་བཞིན་པར་བོད་མི་ཚོས་ཐུགས་སྣང་གནང་དགོས་པའི་འབོད་སྐུལ་གནང་སོང་། དེ་ཡང་ཁ་སང་ཕྱི་ཚེས་ ༡༡ ཉིན་བོད་ཀྱི་ཟློས་གར་ཚོགས་པ་དབུ་བརྙེས་པའི་དུས་ཆེན་སྲུང་བརྩི་ཞུས་ཡོད་པ་དང་། རྒྱུན་ལྡན་དུས་སྐབས་འདིར་དབྱར་སྐྱིད་སྤྲོ་སྐྱིད་ཚོགས་སྲོལ་ཡོད་པ་ཀྱང་། འདི་ལོ་དཔའ་བོ་བློ་དགའ་རང་བཙན་དམ་པ་དེ་ཉིད་ཀྱིས་བོད་རྒྱལ་ཁབ་དང་མི་རིགས་ཀྱི་ཆེད་དུ་རང་ལུས་མེར་བསྲེགས་གནང་བ་དང་། དེ་བཞིན་ཟློས་ཟུར་ཁག་གཅིག་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་ཐོན་ཡོད་སྟབས། གདུང་སེམས་མཉམ་བསྐྱེད་དང་མྱ་ངན་གུས་འདུད་མཚོན་ཆེད་ད་ལོ་དབྱར་སྐྱིད་ཀྱི་སྤྲོ་སྐྱིད་ཕྱིར་འཐེན་གནང་ཡོད་པ་དང་། དུས་ཆེན་སྲུང་བརྩིའི་ཆེད་དུ་རྒྱ་ལུ་རུ་ཁག་དང་རྔོན་པ་རུ་ཁག་གཉིས་བར་རྐང་བྲོ་གླུ་གཞས་འགྲན་བསྡུར་གནང་སྟེ། མཐའ་མའི་རྒྱལ་ཁ་དེ་སླར་ཡང་རྒྱ་ལུ་རུ་ཁག་ལ་ཐོབ་སོང་། ཐེངས་འདིའི་རྐང་བྲོ་གླུ་གཞས་འགྲན་བསྡུར་ཁྲོད། རྐྱང་གཞས་ལྟ་བུ་ཆ་མཚོན་ན་དམིགས་བསལ་ཞིག་ཏུ་རུ་ཁག་གཉིས་ནས་གར་གླུ་གཟིགས་འབུལ་ཞུས་ཡོད་པ་དང་། གར་གླུ་ཞེས་པ་ལས་གར་ནི་གཙོ་བོ་བོད་གཞུང་དགའ་ལྡན་ཕོ་བྲང་པའི་སྲིད་དབང་དུས་སུ་གཞུང་འབྲེལ་ཐད་ཀར་བཀོད་འདོམས་གནང་ལམ་ཡོད་པའི་གར་པ་ལ་གོ་བ་དང་། གར་པས་བཏང་བའི་གླུ་གར་གྱི་བསྡུས་མིང་ལ་གར་གླུ་ཞེས་འབོད་ཀྱི་ཡོད་པ་མ་ཟད། སྒྱུ་རྩལ་དེ་ནི་༸རྒྱལ་དབང་མཆོག་ཕེབས་བསུའི་སྐབས་འཁྲབ་སྟོན་གནང་བ་མ་གཏོགས་སྤྱིར་བཏང་གི་གནས་སྐབས་སུ་གང་བྱུང་འཁྲབ་སྟོན་བྱེད་སྲོལ་མེད་པ་ཞིག་ཆགས་ཀྱི་འདུག བོད་ཀྱི་ཟློས་གར་ཚོགས་པའི་ཉམས་ཞིབ་པ་དང་རིག་གནས་དགེ་རྒན་བསོད་ནམས་ཚེ་བརྟན་ལགས་ཀྱིས་གར་གླུའི་འཕེལ་རིམ་དང་ད་ལྟའི་གནས་བབ་སོགས་དང་འབྲེལ་ནས་འགྲེལ་བརྗོད་གནང་བ་གོང་གི་སྒྲ་སྒམ་དང་བརྙན་ཐུང་ནས་གསན་གཟིགས་གནང་ཐུབ། དེ་བཞིན་རྒྱ་ལུ་རུ་ཁག་གི་རུ་དཔོན་བསྟན་འཛིན་ཉི་མ་ལགས་སུ་བཀའ་འདྲི་ཞུས་སྐབས་ཁོང་གི་ད་ལོ་སླར་ཡང་རྒྱལ་ཁ་ཐོབ་པར་དགའ་ཚོར་ཆེན་པོ་བྱུང་བ་དང་འབྲེལ། མ་འོངས་པར་སློབ་གྲྭ་ཁག་གི་ཟློས་གར་དགེ་རྒན་རྣམས་པས་གར་གླུ་ཐོག་ཤུགས་སྐྱོན་ཐུབ་ན་དགེ་མཚན་ཡོད་པའི་འབོད་སྐུལ་ཞུས་སོང་། མ་ཟད་རྔོན་པ་རུ་ཁག་གི་རུ་དཔོན་བསྟན་འཛིན་ཉི་མ་ལགས་ཀྱིས་ཁོང་རང་ཉིད་ཀྱི་ཚོར་བ་འགྲེལ་བརྗོད་དང་འབྲེལ། བོད་པའི་གཞོན་སྐྱེས་ཚོས་བོད་ཀྱི་ཐུན་མོང་མ་ཡིན་པའི་རིག་གཞུང་ལ་དོ་སྣང་མང་ཙམ་གནང་ཐུབ་ན་དགེ་མཚན་ཆེན་པོ་ཡོད་པའི་འབོད་སྐུལ་ཞུས་སོང་། རྩ་བའི་མཛད་སྒོའི་ཐོག་སྐུ་མགྲོན་གཙོ་བོར་དབུས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་དམིགས་བསལ་སྐུ་མགྲོན་དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་མཆོག་གིས་དབུས་པའི་མཛད་གཙོ་ཁག་ཅིག་དང་གཞུང་འབྲེལ་མ་ཡིན་པའི་སྐུ་མགྲོན། དེ་བཞིན་བོད་ཀྱི་ཟློས་གར་ཚོགས་པའི་ཚོགས་མི་དང་མང་ཚོགས་བཅས་ལྷན་ཞུགས་གནང་ཡོད་པ་རེད། དམིགས་བསལ་སྐུ་མགྲོན་དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་མཆོག་གིས་གསུང་བཤད་གནང་བའི་ཁྲོད། རྒྱ་ནག་དང་ཐ་དད་ཡིན་པའི་བོད་ཀྱི་ཐུན་མོང་མ་ཡིན་པའི་ཟློས་གར་གྱི་འཕེལ་རིམ་དང་དེའི་གལ་གནད། དེ་བཞིན་བོད་ཀྱི་ཟློས་གར་ཚོགས་པ་དབུ་བརྙེས་པའི་དེ་བྱུང་ལོ་རྒྱུས་དང་བརྒྱུད་རིམ། དམིགས་ཡུལ་བཅས་ངོ་སྤྲོད་དང་། རྒྱ་ནག་གིས་བོད་བཙན་འཛུལ་བྱས་པ་མ་ཟད་བོད་ཀྱི་རིག་གཞུང་ལའང་བསྲེས་ལྷད་གཏོང་ཐབས་བྱེད་བཞིན་པར་བོད་མི་ཚོས་ཐུགས་སྣང་གནང་དགོས་པའི་འབོད་སྐུལ་གནང་སོང་། ལྷག་པར་ད་ལྟའི་དུས་སྐབས་སུ་ལྷག་དཀར་སྲུང་བརྩི་དང་འབྲེལ་བའི་རིག་གཞུང་འཁྲབ་བསྟོན་གནང་བཞིན་པར་ལེགས་གསོ་བསྔགས་བརྗོད་དང་འབྲེལ། བོད་མི་ཚོས་ཐུགས་སྣང་དགོས་པ་ཞིག་ལ་རྒྱ་ནག་གི་སྲོལ་རྒྱུན་ཟློས་གར་ཁྲང་ཞིའི་ཤན་ཞུགས་ཐེབས་རྒྱུ་མེད་པར་ཡིད་གཟབ་གནང་དགོས་གལ་ཡིན་པའི་དྲན་སྐུལ་གནང་སོང་། The post རྒྱ་ནག་གིས་བོད་ལ་བཙན་འཛུལ་བྱས་པ་མ་ཟད་བོད་ཀྱི་རིག་གཞུང་ལ་བསྲེས་ལྷད་གཏོང་ཐབས་བྱེད་བཞིན་པར་ཐུགས་སྣང་དགོས་གལ་ཡིན་པ་གསུངས་སོང་། appeared first on...

According to the Central Tibetan Administration, Choepa was from Meruma, a nomadic village in Ngaba, in northeastern Tibet. The CTA said Choepa self-immolated on August 10, 2012, calling for freedom in Tibet and the return of the Dalai Lama...

རྒྱལ་སྤྱིའི་ཐོག་བོད་མིའི་སྒྲིག་འཛུགས་ལ་ཆེ་མཐོང་ངོས་འཛིན་དང་། ཨ་རི་གཞུང་གིས་བོད་མིའི་སྒྲིག་འཛུགས་ལྷན་ཐད་ཀར་འབྲེལ་བ་འཛུགས་ཐབས་ལ་དམིགས་ཏེ། ཨ་རིའི་གྲོས་ཚོགས་གོང་མའི་ནང་དུ་བོད་དོན་ལ་རྒྱབ་སྐྱོར་གྱི་ཁྲིམས་འཆར་བོད་ཀྱི་མ་འོངས་འགན་སྲུང་ཞེས་པ་ཞིག་ངོ་སྤྲོད་གནང་འདུག དེ་ཡང་ཕྱི་ལོ་ ༢༠༢༦ ཟླ་བ་ ༨ ཚེས་ ༡༡ ཉིན་ཨ་རིའི་གྲོས་ཚོགས་གོང་མའི་འཐུས་མི་ཇེབ་མར་ཀི་ལི་ (Jeff Merkley) ལགས་དང་། གྲོས་ཚོགས་གོང་མའི་ཕྱི་འབྲེལ་ལས་དོན་ཚོགས་ཆུང་གི་ཚོགས་གཙོ་འཐུས་མི་ཇིམ་རི་ཤི་ (Jim Risch) ལགས་ཀྱིས་ཨ་རིའི་གྲོས་ཚོགས་གོང་མའི་ནང་དུ། ཨ་རི་གཞུང་གིས་རྒྱལ་སྤྱིའི་སྟེང་དུ་བོད་མིའི་སྒྲིག་འཛུགས་ཀྱི་ཆེ་མཐོང་ནུས་པ་གོང་མཐོར་དང་། གཞུང་འབྲེལ་ངོ་བོའི་ཐོག་ནས་བོད་མིའི་སྒྲིག་འཛུགས་ལྷན་དུ་མཉམ་ལས་ཡོང་ཐབས་ཀྱི་ཁྲིམས་འཆར་བོད་ཀྱི་མ་འོངས་འགན་སྲུང་། ཞེས་པ་དེ་ངོ་སྤྲོད་གནང་འདུག ཁྲིམས་འཆར་དེའི་ནང་དུ་ཨ་རི་གཞུང་གིས་བོད་མིའི་སྒྲིག་འཛུགས་དེ་བཞིན་བོད་མིའི་ཁྲིམས་མཐུན་གྱི་སྐུ་ཚབ་ཡིན་པ་དང་། དེ་ཉིད་༸གོང་ས་མཆོག་གིས་བསྐྱར་འཛུགས་མཛད་པའི་གཞུང་གི་རྒྱུན་འཛིན་པར་ངོས་འཛིན་གནང་བའི་ཐོག ཨ་རིའི་ཕྱི་སྲིད་ལྷན་ཁང་གིས་བོད་མིའི་སྒྲིག་འཛུགས་ཀྱི་སྲིད་སྐྱོང་ངམ་མཐོ་རིམ་སྐུ་ཚབ་ལ་ཆེ་མཐོང་མཚོན་ཆེད། ཁོང་ཚོར་རྒྱལ་ཁབ་ཀྱི་དབུ་ཁྲིད་དང་མཐུན་པའི་བརྩི་བཀུར་འབྲེལ་ལམ་ཞུ་དགོས་པའི་གྲོས་འགོ་བཏོན་འདུག བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་ཀྱིས། ཨ་རིའི་སྲིད་དོན་ཚོགས་པ་ཟུང་སྦྲེལ་གྱི་རྒྱབ་སྐྱོར་ཡོད་པའི་བོད་དོན་ཁྲིམས་འཆར་དེ་བོད་ཀྱི་མ་འོངས་པའི་གནས་བབ་དང་། ལྷག་པར་དུ་བོད་མིའི་སྒྲིག་འཛུགས་ལ་རྒྱལ་སྤྱིའི་སྟེང་ཆེ་མཐོང་གདེང་འཇོགས་ཡོང་ཐབས་དང་། བོད་རྒྱའི་དཀའ་རྙོག་སེལ་ཐབས་སྐོར་ཡིན་དུས་ཧ་ཅང་གལ་ཆེན་པོ་ཆགས་ཀྱི་ཡོད་ཅེས་གསུང་གི་འདུག ཨ་རི་གཞུང་གིས་དེ་སྔོན་གཏན་འབེབས་ཞུས་པའི་བོད་དོན་དང་འབྲེལ་ཁྲིམས་ཡིག་ཁག་ཏུ་བོད་མིའི་སྒྲིག་འཛུགས་ཀྱི་མིང་ཁ་གསལ་མེད་པ་མ་ཟད། གཞུང་འབྲེལ་ཐོག་ནས་བོད་མིའི་སྒྲིག་འཛུགས་ལྷན་འབྲེལ་མོལ་མཉམ་ལས་བྱེད་ཕྱོགས་སྐོར་གང་ཡང་གསལ་མེད། གལ་ཏེ་ཐེངས་འདིའི་ཁྲིམས་འཆར་དེ་ཉིད་ཁྲིམས་ཡིག་ཏུ་གཏན་འབེབས་ཐུབ་ན། ཁྲིམས་ཡིག་དེ་ཉིད་བོད་མིའི་སྒྲིག་འཛུགས་དེ་བོད་མིའི་ཁྲིམས་མཐུན་གྱི་སྐུ་ཚབ་ཏུ་ངོས་འཛིན་དང་། བོད་མིའི་ཆབ་སྲིད་ཀྱི་སྒྲིག་འཛུགས་དེ་ལ་ཨ་རི་གཞུང་གིས་གཞུང་འབྲེལ་འབྲེལ་ལམ་སྒོ་འབྱེད་ཀྱི་ཁྲིམས་ཡིག་དང་པོ་དེ་ཆགས་ཀྱི་ཡོད། དེ་བཞིན་བོད་ཀྱི་མ་འོངས་འགན་སྲུང་ཞེས་པའི་ཁྲིམས་འཆར་དེའི་ནང་དུ། བོད་མིའི་འགྲོ་བ་མིའི་ཐོབ་ཐང་དང་རང་ཐག་རང་གཅོད་ཀྱི་ཐོབ་ཐང་ལ་རྒྱབ་སྐྱོར་དང་། འཛམ་གླིང་མཉམ་འབྲེལ་རྒྱལ་ཚོགས་སུ་བོད་མིའི་སྒྲིག་འཛུགས་ལ་ཟུར་ཉན་པའི་གནས་བབ་སྤྲད་རྒྱུ་མཚོན་པའི་རྒྱལ་སྤྱིའི་ཚོགས་སྡེ་ཁག་ནས་བོད་མིའི་སྒྲིག་འཛུགས་ལ་ངོས་འཛིན་རྒྱབ་སྐྱོར་ཡོང་ཐབས་ཞུ་རྒྱུ་དང་། བོད་རྒྱའི་དཀའ་རྙོག་བསལ་རྒྱུ་དེ་ཨ་རིའི་ཐབས་བྱུས་ཀྱི་ཁེ་ཕན་ཞིག་ཡིན་པ་ངོས་འཛིན་གྱིས། རྒྱ་ནག་མི་མང་སྤྱི་མཐུན་རྒྱལ་ཁབ་ལ་བོད་མིའི་མངོན་འདོད་བསྒྲུབ་རྒྱུར་སྐུལ་འདེད་གཏང་རྒྱུ། ཕྱོགས་མཚུངས་༸གོང་ས་སྐུ་ཕྲེང་བཅུ་བཞི་པ་མཆོག་གི་སྐུའི་ཡང་སྲིད་ངོས་འཛིན་ཞུ་རྒྱུའི་བདག་དབང་ཡོངས་རྫོགས་དགའ་ལྡན་ཕོ་བྲང་ཡིད་ཆེས་དགེ་རྩར་ཡོད་པ་དང་།...

By Khedroob Thondup A Rare Moment of Consensus. In the mid‑1990s, an extraordinary moment of consensus emerged between Beijing and