སློབ་མ་༥༩ ལ་ཉེ་བའི་གཙུག་ལག་རབ་འབྱམས་པའི་ཕྱག་ཁྱེར་གནང་བ།

1 hour ago

ཕྱི་ཟླ་དགུ་པའི ཚེས་༣༠ ཉིན་སེར་བྱེས་མཐོ་སློབ་ཀྱི་སྐབས་གཉིས་པའི་ཉེ་བའི་གཙུག་ལག་རབ་འབྱམས་པ་ཐོན་པའི་སློབ་མ་རྣམས་ལ་སེར་བྱེས་བཀྲིས་ཆོས་གླིང་ཤེས་ཡོན་བསྟི་གནས་ཁང་གི་ཚོགས་ཁང་ནང་མེ་སོར་གཙུག་ལག་སློབ་གཉེར་ཁང་གིས་ཕྱག་ཁྱེར་འབུལ་བའི་མཛད་སྒོ་ཚོགས་སོང་། མེ་སོར་གཙུག་ལག་སློབ་གཉེར་ཁང་གི་ཉེ་བའིི་རིག་བདག་མཆོག་དང་སེར་བྱེས་གྲྭ་ཚང་གི་མཁན་རིན་པོ་ཆེ་རྣམ་གཉིས་ནས་མཐར་ཕྱིན་སློབ་མ་༥༩ ལ་ཉེ་བའི་གཙུག་ལག་རབ་འབྱམས་པའི་ཕྱག་ཁྱེར་གནང་སོང་། ཐེངས་འདི་མཛད་སྒོར་སེར་སྨད་གྲྭ་ཚང་གི་མཁན་རིན་པོ་ཆེ་དང་ས་གནས་གཞིས་འགོའི་སྐུ་ཚབ་ཕྱོགས་བཞུགས་སྤྱི་འཐུས་རྣམ་པ་དང་སློབ་ཕྲུག་རྣམས་མཉམ་ཞུགས་གནང་འདུག