རྫ་སེར་ཤུལ་དགོན་གྱི་གྲྭ་ཤག་བཤིག་པ་དང་དགེ་འདུན་པ་ཉུང་དུ་གཏོང་གི་ཡོད་པ།

1 week ago

བོད་ནང་གི་དགོན་པ་ཆེ་གྲས་རྫ་སེར་ཤུལ་དགོན་དུ་རྒྱ་ནག་གཞུང་གིས་བཅོས་སྒྲིག་ལས་འགུལ་ཞིག་སྤེལ་འགོ་བཙུགས་ཡོད་པ་དང་། དེའི་ནང་དགོན་པའི་དགེ་འདུན་པ་ཉུང་དུ་གཏོང་རྒྱུ་དང་གྲྭ་ཤག་བཤིག་རྒྱུ་ཡིན་སྐོར་བོད་ནས་བདེ་འཇགས་ཆེད་མིང་བརྗོད་འདོད་མེད་པ་ཞིག་གིས་བརྗོད་བྱུང་ལ། སེར་ཤུལ་རྫོང་གི་མི་རིགས་ཆོས་དོན་ལས་ཁུངས་ནས་ཀྱང་དགོན་སྡེའི་དོ་དམ་ནན་དུ་གཏོང་ཡོད་འདུག

དེ་ཡང་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་བོད་ནང་གི་བོད་མིས་བརྗོད་པར། བོད་ཀྱི་དགོན་པ་ཆེ་གྲས་རྫ་སེར་ཤུལ་ཐེག་ཆེན་དར་རྒྱས་གླིང་དགོན་པར་རྒྱ་ནག་གཞུང་གིས་ཕྱི་ཟླ་ ༡༠ ཚེས་ ༢༥ དང་ཚེས་ ༢༦ ལ་གྲྭ་ཤག་ཕལ་ཆེར་ ༢༠༠ ཙམ་ཞིག་བཤིག་བཞིན་ཡོད་པ་དང་། ངོ་མ་ཚར་སོང། ངོ་མ་ཚར་སོང་ཞེས་བརྗོད་བྱུང་ལ། ཁོང་གིས་མུ་མཐུད་གསུངས་པར། གྲྭ་ཤག་མང་པོ་དེ་འདྲ་བཤིག་པའི་སྟེང་ལ་ད་དུང་གྲ་རྒྱུན་ཚོ་སྡོད་མི་ཆོག་པའི་འཆར་གཞི་བཟོས་ནས་ད་ལྟ་ཚོགས་འདུ་ཚོགས་བཞིན་ཡོད།...

Original Article