བདམས་ཐོན་སྤྱི་འཐུས་བཀྲ་ཤིས་དོན་གྲུབ་ཀྱི་ལས་འཁུར་དམ་འབུལ།

1 month ago

ཕྱི་ལོ་ ༢༠༢༦ ཟླ་ ༦ ཚེས་ ༢ ཉིན། མདོ་སྨད་སྤྱི་འཐུས་པདྨ་མཚོ་བོད་མི་མང་སྤྱི་འཐུས་ལྷན་ཚོགས་ནས་བཀའ་བློན་དུ་བདམས་ཐོན་བྱུང་པར་བརྟེན། བཙན་བྱོལ་བོད་མིའི་བཅའ་ཁྲིམས་དོན་ཚན་༥༧ པའི་ནང་གསེས་༢ པའི་དགོངས་དོན་ལྟར། ཕྱི་ལོ་༢༠༢༦ ལོའི་བོད་མི་མང་སྤྱི་འཐུས་སྐབས་༡༨ པའི་མདོ་སྨད་སྤྱི་འཐུས་དངོས་གཞིའི་འོས་བསྡུའི་སྐབས་ཀྱི་སྒུག་ཐོའི་བང་རིམ་དང་པོ་བཀྲ་ཤིས་དོན་གྲུབ་ཀྱིས། དེ་རིང་ཕྱི་ལོ་༢༠༢༦ ཟླ་༦ ཚེས་༨ ཉིན། བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཁང་ནང་དཔལ་ལྡན་ཚོགས་གཙོ་སྒྲོལ་མ་ཚེ་རིང་གི་མདུན་དུ་སྐབས་༡༨ པའི་སྤྱི་འཐུས་ཀྱི་ལས་ཁུར་དམ་འབུལ་ཞུས་སོང་།