བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཟུར་པ་རྒན་ཆེན་ངག་དབང་འཕེལ་རྒྱས་མཆོག་ཟླ་འདིའི་ཕྱི་ཚེས་ ༢༡ སྟེ་ཁ་སང་ཀོ་ལི་གྷལ་དོན་ལྡན་གླིང་དུ་སྐུ་ཚེ་འཕེན་པ་རྫོགས་པའི་ཡིད་སྐྱོའི་གནས་ཚུལ་ཐོན་འདུག དམ་པ་ཁོང་ནི་ཕྱི་ལོ་ ༡༩༥༢ ལོར་བོད་མངའ་རིས་རུ་ཐོག་རྫོང་རྭ་སྤང་དུ་འཁྲུངས་ཞིང་། ཕྱི་ལོ་ ༡༩༦༠ ལོར་ལ་དྭགས་སུ་བཙན་བྱོལ་དུ་ཕེབས་ཡོད་པ་དང་། ཕྱི་ལོ་ ༡༩༧༢ ལོར་འཛིན་རིམ་བཅུ་གཅིག་གི་བསླབ་པ་མཐར་སོན་རྗེས་ལྡི་ལིར་ལོ་གཅིག་རིང་དྲུང་ཡིག་གི་སློབ་སྦྱོང་གནང༌ཡུན་རིང་ལྡི་ལི་ས་གནས་གཞོན་ནུའི་རྩིས་པ་དང་འབྲེལ་མཐུད་པའི་འགན་བཞེས་ཡོད་པ་རེད། ཕྱི་ལོ་ ༡༩༧༤ ལོར་སྲི་ཞུ་བའི་ཁོངས་སུ་འཛུལ་ཞུགས་གནང་སྟེ་དཔལ་འབྱོར་ལས་ཁུངས་ཀྱི་གཞོན་དྲུང་དང་། ཕྱི་ལོ་ ༡༩༧༥ ལོར་ནང་སྲིད་ཁྱབ་ཁོངས་སྒང་ཏོག་དོན་གཅོད་ཁང་གི་ལས་དྲུང་དུ་བསྐོ་གཞག་གནང༌། དུས་ཡུན་དེའི་རིང་ལས་ཞོར་དུ་སློབ་སྦྱོང་མཇུག་སྐྱོང་གིས་ཅན་ངྷི་གྷར་གཙུག་ལག་སློབ་གཉེར་ཁང་དུ་ཡིག་འགྲུལ་ལམ་ནས་བྷི་ཨེ་ B.A བསླབ་པ་མཐར་སོན་དང་། ཕྱི་ལོ་ ༡༩༨༣ ལོར་རྭ་སྦང་ལ་ཀུན་ཕན་གླིང་གཞིས་ཆགས་ཀྱི་ལས་དྲུང་ལོ་གཅིག་དང་གཞིས་འགོའི་ལས་ཚབ་ལོ་གཅིག་ལྷག་ཙམ་གནང༌ཡོད་པ་མ་ཟད། ཕྱི་ལོ་ ༡༩༩༣ ལོར་རྡོར་གླིང་གཏན་སློབ་ཀྱི་བོད་རིགས་སློབ་སྤྱིར་གནས་སྤོས་བསྐོ་གཞག་གནང་། ཕྱི་ལོ་ ༡༩༩༧ ཟླ་ ༣ པའི་ནང་བོད་གཞུང་འཕྲོད་བསྟེན་ལས་ཁུངས་ཀྱི་ཟུང་འབྲེལ་དྲུང་ཆེར་བསྐོ་གཞག་གིས་འཛིན་སྐྱོང་གི་ལས་འགན་བཞེས་པ་དང་། མི་རིང་བར་ཕྱི་དྲིལ་ལས་ཁུངས་སུ་གནས་སྤོས་གནང་སྟེ་འཛིན་སྐྱོང་ལས་ཁུར་གནང་། ཕྱི་ལོ་ ༡༩༩༨ ལོར་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་དྲུང་ཆེར་བསྐོ་གཞག་གནང་སྟེ་ལས་ཁུར་བཞེས་ཡོད་པ་རེད། ཕྱི་ལོ་ ༢༠༠༢ ཕྱི་ཟླ་ ༥ པའི་ནང་དྲུང་ཡིག་ཆེན་མོར་གནས་སྤར་གྱིས་ཆེས་མཐོའི་ཁྲིམས་ཞིབ་ཁང་གི་སྤྱི་ཁྱབ་ཁྲིམས་དྲུང་དུ་བསྐོ་གཞག་གནང་བ་དང་། ཕྱི་ལོ་ ༢༠༠༤ ཟླ་ ༤ པའི་ནང་འཆར་འབུལ་ཕྱག་རྟགས་དགོངས་དོན་བཞིན་མ་སུ་རི་བོད་ཁྱིམ་དྲུང་ཆེར་བསྐོ་གཞག་གནང་། ཕྱི་ལོ་ ༢༠༠༥ ཟླ་ ༡༢ ཚེས་ ༡༦ ཉིན་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པའི་ལས་ཁུར་དམ་འབུལ་བཞེས་པ་དང་། ཕྱི་ལོ་ ༢༠༠༩ ཟླ་ […]

The post ཁྲིམས་ཞིབ་པ་ཆེ་བ་ཟུར་པ་ངག་དབང་འཕེལ་རྒྱས་མཆོག་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་འདུག appeared first on vot.