སེཊེམ་(STEM)རིག་ཚན་འགྲེམས་སྟོན་ཐེངས་ ༩ པ་དབུ་འཛུགས། བོད་པའི་ཚན་རིག་པ་ཆུང་ཆུང་ཚོའི་གསར་གཏོད་ཀྱི་རིག་རྩལ། Meet the young Tibetan scientist bringing new innovations to light དེ་རིང་ཕྱི་ལོ་ ༢༠༢༦ ཟླ་ ༧ ཚེས་ ༡༤ ཉིན། བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གོ་སྒྲིག་འོག སེཊེམ་(STEM)རིག་ཚན་འགྲེམས་སྟོན་ཐེངས་དགུ་པ་དེ་མེས་དབོན་གཙུག་ལག་དཔེ་སྟོན་སློབ་གྲྭར་དབུ་འཛུགས་གནང་སོང་ལ། འགྲེམས་སྟོན་འདིའི་ཐོག་བོད་པའི་སློབ་གྲྭ་ཁག་ནས་འདེམས་ཐོན་བྱུང་བའི་རིག་ཚན་འགྲེམས་སྟོན་དངོས་པོ་རྣམ་གྲངས་ ༤༢ འགྲེམས་སྟོན་གནང་བཞིན་ཡོད་ཅིང་། འདི་ནི་བོད་ཕྲུག་ཚོའི་རྣམ་དཔྱོད་དང་གསར་གཏོད་ཀྱི་ནུས་པ་མངོན་སའི་སྡིང་ཆ་གལ་ཆེན་ཞིག་ཏུ་གྱུར་ཡོད་འདུག་ལ། ཤེས་རིག་ལས་ཁུངས་ཀྱི་ངོས་ནས་ཀྱང་ལས་རིམ་འདིར་ཚད་མཐོའི་གདེང་འཇོག་དང་ཐུགས་སྣང་ཆེན་པོ་གནང་བཞིན་ཡོདཔ་རེད་འདུག རྩ་བའི་དེ་རིང་ནས་ཕྱི་ཚེས་ ༡༧ བར་ཉིན་གྲངས་བཞིའི་རིང་གཉེར་བཞིན་པའི་འགྲེམས་སྟོན་འདིའང། རྒྱ་གར་དབུས་གཞུང་གིས་གཏན་འབེབས་གནང་བའི་རྒྱལ་ཁབ་ཀྱི་རྒྱུན་གནས་དང་ཡར་རྒྱས་ཞེས་པའི་བརྗོད་བྱ་ལྟེ་བར་བཟུང་སྟེ། དེའི་ནང་བྱེ་བྲག་དོན་ཚན་ ༧ དང་འབྲེལ་ནས་གོ་སྒྲིག་གནང་བ་ཞིག་རེད་འདུག་ཅིང་། ལས་རིམ་འདིའི་ཁྲོད་བོད་པའི་སློབ་མ་ ༤༢ ཀྱིས་རང་ཉིད་ཀྱི་ཤེས་བྱའི་རྩལ་ལས་ཐོན་པའི་ཚན་རིག་དང་། འཕྲུལ་རིག རྩིས་རིག་སོགས་དང་འབྲེལ་བའི་གསར་གཏོད་དངོས་པོ་རྩེ་ཏོག་རྣམས་མང་ཚོགས་ལ་སྤྱན་བསྟར་ཞུ་བཞིན་ཡོད་པ་རེད་འདུག །