རྒྱ་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་གསར་པའི་མཇུག་འབྲས་ཚབས་ཆེན་ལ་གཞིགས་ཏེ། ཡོ་རོབ་མཐུན་ཚོགས་དང་ཚོགས་མི་རྒྱལ་ཁབ་ཁག་ནས་དེ་འབྲེལ་བསྒྲགས་གཏམ་སྤེལ་བ་ཙམ་མིན་པར་དངོས་སུ་དེ་འབྲེལ་གནོད་འཚེ་ཕོག་མཁན་རྣམས་ཀྱི་རང་དབང་སྲུང་སྐྱོབ་བྱ་དགོས་ཤིང་། བོད་ཐོག་དམིགས་བསལ་སྐུ་ཚབ་ཅིག་བསྐོ་བཞག་གནང་དགོས་གལ་ཡིན་པ་ནན་བརྗོད་གནང་འདུག དེ་ཡང་ Euobserver ཞེས་པའི་བརྒྱུད་ལམ་ཐོག་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་བསྟན་ཆོས་རྒྱ་མཚོ་ལགས་ཀྱིས་ Tibetans in Europe risk persecution in China under new ‘ethnic unity’ law འམ་རྒྱ་ནག་གི་མི་རིགས་མཐུན་སྒྲིལ་ཁྲིམས་ཡིག་གསར་པའི་འོག་ཡོ་རོབ་ནང་དུ་གནས་སྡོད་བོད་མི་རྣམས་ལ་གནོད་འཚེ་ཕོག་རྒྱུའི་ཉེན་ཁ་ཡོད་པའི་སྐོར་དཔྱད་བརྗོད་ཅིག་འདོན་སྤེལ་གནང་འདུག་པ་དང་། དེའི་ནང་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཁྲིམས་ཡིག་འོག་བོད་ནང་གི་བོད་མི་ཙམ་མ་ཟད་ཕྱི་ཕྱོགས་བོད་མི་རྣམས་ལའང་གནོད་འཚེ་ཕོག་རྒྱུ་ཉེན་ཁ་ཆེན་པོ་ཡོད་སྟབས། ཡོ་རོབ་མཐུ་ཚོགས་དང་ཚོགས་མི་རྒྱལ་ཁབ་ཁག་ནས་བསྒྲགས་གཏམ་སྤེལ་བ་ཙམ་མིན་པར་བོད་མི་དང་ཡུ་གུར་བ། སོག་པོ། དེ་བཞིན་རྒྱ་ནག་ནང་གནས་སྡོད་མི་རིགས་སྡེ་ཁག་གཞན་རྣམས་ཀྱི་ཐོབ་ཐང་སྲུང་སྐྱོབ་ཆེད་དུ་ཆོད་སེམས་བརྟན་པོ་ཡོད་པ་གཞིར་བཟུང་དངོས་སུ་ལག་བསྟར་བྱ་དགོས་གལ་ཡིན་པ་དང་། རྒྱ་ནག་གཞུང་གིས་རྒྱལ་སྤྱིའི་འགྲོ་བ་མིའི་ཐོབ་ཐང་ཁྲིམས་སྒྲིག་ཁག་ལ་རྡོག་རོལ་མུ་མཐུད་གཏོང་བཞིན་པར་འགན་འཁུར་ཡོད་པ་ཞིག་བཟོ་དགོས་པའི་སྐུལ་མ་གནང་འདུག དེ་བཞིན་ཡོ་རོབ་མཐུན་ཚོགས་ངོས་ནས་བོད་ཐོག་སྲིད་བྱུས་དང་འབྲེལ་བའི་འབྲེལ་མཐུད་ཡག་པོ་ཡོང་ཐབས་དང་བོད་ཀྱི་གནད་དོན་དང་འབྲེལ་ནས་རྒྱ་ནག་གིས་ཡོ་རོབ་མཐུན་ཚོགས་ཚོགས་མི་རྒྱལ་ཁབ་ཁག་ལ་དུམ་བུར་བགོས་ནས་དབང་སྒྱུར་བྱེད་ཐབས་ཀྱི་ཐབས་བྱུས་ལ་གདོང་ལེན་གནང་ཐབས་སུ་བོད་དོན་དམིགས་བསལ་འབྲེལ་མཐུད་པ་ཞིག་ངེས་པར་དུ་བསྐོ་གཞག་གནང་དགོས་པའི་དགོས་འདུན་བཏོན་འདུག ལྷག་པར་མི་རིགས་མཐུན་སྒྲིལ་ཟེར་བའི་ཁྲིམས་ཡིག་ལག་བསྟར་བྱེད་མཁན་ཚོགས་སྒེར་རྣམས་ལ་སྲིད་དོན་ཉེས་ཆད་བཀལ་དགོས་པ་དང་། རྒྱ་ནག་གི་རྒྱལ་མཚམས་ལས་བརྒལ་བའི་དྲག་གནོན་ལ་གདོང་ལེན་བྱ་ཐབས་ཀྱི་ཆ་ལག་དེ་དག་རྒྱ་སྐྱེད་བྱ་དགོས་པ། མ་ཟད་བོད་རྒྱ་གཉིས་བར་ཐད་ཀར་གྲོས་མོལ་ཡོང་ཐབས་ལ་རྒྱབ་སྐྱོར་ཤུགས་ཆེ་བྱ་དགོས་པའི་འབོད་སྐུལ་གནང་འདུག དཔྱད་བརྗོད་དེའི་ནང་མི་རིགས་མཐུན་སྒྲིལ་གྱི་ཁྲིམས་གཞི་དོན་ཚན་ ༦༣ པར་ཁྲིམས་ཡིག་དེའི་ཁྲིམས་ཁོངས་ཁྱབ་ཚད་རྒྱ་ནག་གི་ས་ཁོངས་ཕྱི་ལོགས་སུའང་ཆགས་ཀྱི་ཡོད་པ་ལུང་འདྲེན་དང་འབྲེལ། ཡོ་རོབ་ནང་གནས་སྡོད་བོད་མི་སྟོང་ཕྲག་འགའ་ཤས་བོད་དང་རྒྱ་ནག་ནང་དུ་བསྐྱོད་སྐབས་འཛིན་བཟུང་དང་དོ་དམ། དེ་བཞིན་གདུག་རྩུབ་མནར་གཅོད་འོག་མྱང་སྲིད་པའི་ཉེན་ཁ་ཡོད་པ་གསལ་སྟོན་འདུག ཕྱོགས་མཚུངས་ཁྲིམས་ཡིག་དེ་རྒྱ་ནག་ནང་དུ་ལག་བསྟར་མ་བྱས་པའི་སྔ་རོལ་དུ་རྒྱ་གཞུང་དཔོན་རིགས་རྣམས་ཀྱིས་བོད་མིའི་ཐོག་ཚོད་ལྟ་བྱས་ཡོད་ཅིང་། དེ་ཡང་ཕྱི་ལོ་ ༢༠༡༠ ལོར་ཡུ་ནན་ཞིང་ཆེན་ཟེར་བའི་ནང་གནས་འཁོད་བོད་མིའི་ཐོག་དེ་མཚུངས་ཀྱི་ཁྲིམས་ཤིག་ངོ་སྤྲོད་བྱས་ཡོད་པ་མ་ཟད། ཕྱི་ལོ་ ༢༠༢༠ ལོར་བོད་རང་སྐྱོང་ལྗོངས་ཟེར་བའི་ནང་ཁྲིམས་ཡིག་དེའི་དཔེ་སྟོན་རང་བཞིན་ལྟ་བུ་ཞིག་མངོན་རྒྱུ་ཡོད་པ་ཐེར་འདོན་གནང་འདུག མ་ཟད་སྐད་ཡིག་ནི་རིག་གཞུང་གི་རྨང་གཞི་གལ་ཆེན་ཞིག་ཆགས་ཀྱི་ཡོད་པ་དང་། དེ་ཉམས་དམས་སུ་གཏོང་བ་དེ་ནི་མི་རབས་ནས་མི་རབས་བར་རིག་གཞུང་རྩིས་སྤྲོད་བྱ་རྒྱུར་ཐད་ཀར་གནོད་སྐྱོན་བཟོ་ཡི་ཡོད་པར། རྒྱ་ནག་གཞུང་གིས་བྱེད་བབ་དེའི་མཇུག་འབྲས་ད་ལྟའི་ཆར་མངོན་གསལ་མཐོང་རྒྱུ་ཡོད་པར་བོད་ཕྲུག་བྱིས་པ་ས་ཡ་ ༡ ལྷག་ད་ལྟའི་ཆར་རྒྱ་ནག་མི་སེར་སྤེལ་ཡུལ་གྱི་བཅའ་སྡོད་སློབ་གྲྭར་བཅུག་ཡོད་སྟབས། ཤེས་ཡོན་སྲིད་བྱུས་དེའི་བོད་པའི་མི་རབས་གཞོན་པ་ནང་ཕན་ཚུན་བོད་སྐད་བཀོལ་སྤྱོད་ཉམས་དམས་སུ་འགྲོ་རྒྱུར་སྐུལ་འདེད་བྱེད་ཀྱི་ཡོད་པའི་སེམས་འཚབ་མངོན་གསལ་གནང་འདུག རྩ་བའི་འདི་ལོའི་ཕྱི་ཟླ་ ༣ ཚེས་ ༡༢ ཉིན་རྒྱ་ནག་མི་དམངས་འཐུས་མི་ཚོགས་ཆེན་ཐོག་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་གཏན་འབེབས་བྱས་ཡོད་པ་དང་། དེ་ནི་ཕྱི་ཟླ་ ༧ ཚེས་ ༡ […]

The post ཡོ་རོབ་མཐུན་ཚོགས་ནས་བོད་དོན་དམིགས་བསལ་འབྲེལ་མཐུད་པ་བསྐོ་བཞག་བྱ་དགོས་པའི་འབོད་སྐུལ། appeared first on vot.