ཡུ་རོབ་མཐུན་ཚོགས་ནས་བལ་ཡུལ་གཞུང་ལ་འབོད་སྐུལ་དང་སྦྲགས། བལ་ཡུལ་གནས་སྡོད་བོད་མི་བཙན་བྱོལ་བ་མང་དག་ཅིག་ལ་ཡིག་ཆ་མེད་པའི་དཀའ་ངལ་དེ་དག་སེལ་དགོས་པ་མ་ཟད། གཞི་རྩའི་འགྲོ་བ་མིའི་ཐོབ་ཐང་དང་རིག་གཞུང་སྲུང་སྐྱོབ་ཀྱི་ཐོབ་ཐང་སྤྲད་དགོས་པ་གསུངས་འདུག དེ་ཡང་ཁ་སང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཟུང་སྦྲེལ་ཚོགས་གཙོ་ཡུ་རོབ་གྲོས་ཚོགས་འཐུས་མི་སྐུ་ཞབས་ཌེ་ལི་ཡ་སི་ཛ་ལི་མ་སི་ Dainius Zalimas ལགས་དང་ཧན་ནསེ་ཧ་ཌི་ Hannes Heide ལགས་རྣམ་གཉིས་ཀྱིས་འདི་ལོའི་ཕྱི་ཟླ་ ༣ པའི་ནང་ཡུ་རོབ་མཐུན་ཚོགས་ཀྱི་ཚོང་དོན་འགན་འཛིན་མ་རོ་སི་ ཤེབ་ཅོ་ཝིཆ་ Maros Sefcovic ལགས་ལ་བལ་ཡུལ་ནང་གི་བོད་མི་བཙན་བྱོལ་བ་རྣམས་ཀྱི་ངེས་གཏན་མེད་པའི་གནས་སྟངས་སྐོར་ཡིག་ཐོག་ནས་འདྲི་རྩད་གནང་བ་ལྟར། ཉེ་ཆར་ཟླ་ ༤ ཚེས་ ༢༩ ཉིན་སྐུ་ཞབས་ Sefcovic མཆོག་གིས་ལས་ཁུངས་ནས་གྲོས་ཚོགས་འཐུས་མི་རྣམ་པ་གཉིས་ལ་དེ་འབྲེལ་ལན་འདེབས་ཕྱག་ཡིག་ཞིག་གནང་འདུག དེའི་ནང་ཡུ་རོབ་མཐུན་ཚོགས་ངོས་ནས་ Refugee Core Group ཞེས་སྐྱབས་བཅོལ་བར་གཟིགས་རྟོག་གནང་མཁན་རྒྱལ་སྤྱིའི་གནའ་འབྲེལ་ཚོགས་པའི་ཚོགས་མིའི་ངོ་བོའི་ཐོག་བལ་ཡུལ་གཞུང་ལ་ཕྱག་བྲིས་ཕུལ་བའི་བརྒྱུད། ཡུལ་དེའི་ནང་གནས་སྡོད་བོད་མིའ་བཙན་བྱོལ་བ་རྣམས་ལ་ཡིག་ཆའི་ཐོག་ནས་དཀའ་ངལ་ཡོད་པར་བརྟེན། བོད་མི་ཚོར་ PAN CARD འམ་གཏན་འཇགས་བྱང་བུ་ཡིག་ཆ་གནང་དགོས་པ་མ་ཟད། དེའི་བརྒྱུད་ནས་བོད་མི་སྤྱི་དང་ལྷག་དོན་གཞོན་སྐྱེས་རྣམས་ལ་དངུལ་ཁང་ཡིག་ཆ་བཟོས་ཐུབ་ཀྱི་ཡོད་པ། དེ་བཞིན་ཉིན་རེའི་འཛིན་སྐྱོང་ལས་དོན་ཁག་ལའང་དགོས་མཁོ་ཆགས་ཀྱི་ཡོད་པ་སྙན་སེང་ཞུས་ཡོད་སྐོར་གསུངས་འདུག མ་ཟད་བལ་ཡུལ་གཞུང་ངོས་ནས་བོད་མིའི་བཙོན་བྱོལ་བ་རྣམས་ལ་སྤྱི་དམངས་ཀྱི་ཐོབ་ཐང་སྤྲོད་དགོས་པ་དང་རིག་གཞུང་གི་ཐོབ་ཐང་སྲུང་སྐྱོབ་བྱེད་དགོས་པ། ལྷག་དོན་བོད་མི་ཚོར་བཀག་སྡོམ་དང་དམ་བསྒྲགས་མེད་པའི་ཐོག་ནས་ཆོས་ཕྱོགས་གི་བྱ་བ་དང་རིག་གཞུང་གི་དུས་སྟོན་གལ་ཆེན་ཁག་སྲུང་བརྩི་ཞུ་ཆོག་པའི་ཐོབ་ཐང་སྤྲོད་དགོས་པའི་འབོད་སྐུལ་ཡང་ཞུས་འདུག ད་དུང་ཡུ་རོབ་མཐུན་ཚོགས་ནས་བལ་ཡུལ་གཞུང་གིས་བོད་མི་བཙོན་བྱོལ་བ་རྣམས་རྒྱལ་ཁབ་གཞན་དུ་གཞིས་སྤོས་བྱེད་ཆོག་པར་ངོས་ལེན་ཐོབ་པའི་བོཙན་བྱོལ་བ་རྣམས་དང་། གཞན་ཡང་སོ་སོའི་ཕ་ཡུལ་དང་རྒྱལ་ཁབ་གསུམ་པར་འགྲོ་འདོད་ཡོད་པ་རྣམས་ལ་བལ་ཡུལ་གཞུང་གི་ངོས་ནས་མཐོང་མཆན་གུ་ཡངས་དང་ཕྱིར་བསྐྱོད་ལག་ཁྱེར་གྱི་མཐུན་རྐྱེན་བསྐྲུན་དགོས་པའི་འབོད་སྐུལ་ཞུས་འདུག ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཟུང་སྦྲེལ་ཚོགས་གཙོ་སྐུ་ཞབས་ཌེ་ལི་ཡ་སི་ཛ་ལི་མ་སི་ Dainius Zalimas ལགས་དང་ཧན་ནསེ་ཧ་ཌི་ Hannes Heide ལགས་རྣམ་གཉིས་ལ་གནང་བའི་ཕྱག་བྲིས་དེའི་ནང་གསལ་ལྟར་ན། སྤྱིར་ཡུ་རོབ་མཐུན་ཚོགས་ངོས་ནས་བལ་ཡུལ་ནང་གི་བོད་མི་སྐྱབས་བཅོལ་བ་དང་འབྲེལ་བའི་རྒྱབ་གཉེར་དེ་དག་ཕྱི་ལོ་ ༢༠༢༥ ལོ་མཇུག་ནས་ཡུལ་དེའི་ནང་སྲིད་ལྷན་ཁང་གཞུང་འབྲེལ་ཐོག་ཕུལ་ཟིན་ཡོད་པ་དང་། ད་ལྟའི་ཆར་ཡུ་རོབ་མཐུན་ཚོགས་ཀྱི་ཕྱི་འབྲེལ་ལས་དོན་ཐོག་གནད་དོན་དེ་དག་ནི་གལ་ཆེན་ཞིག་ལ་ངོས་འཛིན་བྱེད་བཞིན་ཡོད་པ་མ་ཟད། ཡུ་རོབ་ཕྱི་འབྲེལ་ལས་འགུལ་ཞབས་ཞུ་ European External Action Service […]

The post ཡུ་རོབ་མཐུན་ཚོགས་ནས་བལ་ཡུལ་གནས་སྡོད་བོད་མིའི་བཙན་བྱོལ་བའི་ཐོབ་ཐང་ཐད་བལ་ཡུལ་གཞུང་ལ་ཞུ་སྐུལ། appeared first on vot.